AtthaPali Vol.38

gumbiyajatakam madhuvannam madhurasanti idam sattha jetavane viharanto ukkanthitam bhikkhum arabbha kathesi. Tam hi sattha saccam kira tvam bhikkhu ukkanthitositi pucchitva Saccam bhanteti vutte kim disvati vatva alankatamatugamam bhanteti vutte bhikkhu ime panca kamaguna nama ekena gumbiyena yakkhena halahalavisam pakkhipitva magge thapitamadhusadisati vatva tena yacito atitam ahari. Atite baranasiyam brahmadatte rajjam karente bodhisatto satthavahakule nibbattitva vayappatto baranasito pancahi sakatasatehi bhandam adaya voharatthaya gacchanto mahavattaniatavidvaram patva satthake sannipatetva ambho imasmim magge visapannapupphaphaladini atthi tumhe kinci akhaditapubbam khadanta mam apucchitva ma khadatha amanussapi visam pakkhipitva bhattaputamadhukkhandhaphaladini magge thapenti tanipi mam anapuccha ma khadathati ovadam datva maggam patipajji. Atheko gumbiyo nama yakkho ataviya majjhatthane magge pannani attharitva halahalavisasamyuttani madhupindani thapetva sayam maggasamante madhum ganhanto viya rukkhe kottento vicarati. Ajananta punnatthaya thapitani bhavissantiti khaditva jivitakkhayam papunanti. Amanussa agantva te khadanti. Bodhisattassa satthakamanussapi tani disva ekacce lolajatika adhivasetum asakkonta khadimsu. Panditajatika pucchitva khadissamati gahetva atthamsu. Bodhisatto te disva hatthagatani chaddapesi. Yehi pathamataram khaditani te marimsu. Yehi addhakhaditani tesam vamanavirecanam datva vantakale catumadhuram adasi. Iti te tassa anubhavena jivitam patilabhimsu. Bodhisatto sotthina icchitatthanam gantva bhandam visajjetva attano gehameva agamasi. Tamattham kathento sattha ima abhisambuddhagatha abhasi madhuvannam madhurasam madhugandham visam ahu gumbiyo ghasamesano aranne odahi visam madhu iti mannamana ye tam visamasayisum tesantam katukam asi maranam tenupagamum ye ca kho patisankhaya visanti ^1- parivajjayum te aturesu sukhita dayhamanesu nibbuta evameva manussesu visakama samohita amisam bandhanancetam maccuvaso guhasayo evameva ime kame atura paricarike ye sada parivajjanti sangam loke upaccagati. Tattha gumbiyoti tasmim vanagumbe vicaranena evam laddhanamo yakkho. Ghasamesanoti tam visam khaditva mate khadissamiti evam attano ghasam pariyesanto. Odahiti tam madhuna samanavannagandharasam visam nikkhipi. Katukam asiti tikhinam ahosi. Maranam tenupagamunti tena visena te satta maranam upagata. Aturesuti visavegena asannamaranesu. Dayhamanesuti visatejeneva dayhamanesu. Visakama samohitati yatha tasmim vattanimahamagge visam samohitam @Footnote: ^1. visantam. Nikkhittam evam manussesupi teyeva ete rupadayo panca vatthukama tattha tattha samohita nikkhitta te visanti veditabba. Amisam bandhanancetanti ete panca kamaguna nama evam imassa maccubhutassa lokassa ^1- maravalisikena pakkhittam amisancetam bhavabhavato nikkhamitum appadanena adduadibhedam nanappakaram bandhananca. Maccuvaso guhasayoti sariraguhaya vasanato maranam maccuvaso. Evameva ime kameti yatha vattanimahamagge visam nikkhittam evam tattha tattha nikkhitte ime kame. Aturati ekantamaranadhammataya atura asannamarana panditamanussa. Paricariketi kilesaparicarike kilesabandhake. Ye sada parivajjantiti ye vuttappakara panditapurisa niccam ete evarupe kame vajjenti. Sangam loketi loke sanganatthena ^2- sanganti laddhanamam ragadibhedam kilesajatam. Upaccagati atita namati veditabba. Atikkamantiti va attho. Sattha saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada satthavaho ahamevati. Gumbiyajatakam chattham ------------ @Footnote: ¹ lamakassa. ² lagganatathena.

The Pali Atthakatha in Roman Book 38 page 479-482. http://84000.org/tipitaka/atthapali/read_rm.php?B=38&A=9963&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=9963&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=778 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3630 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3591 The Pali Tipitaka in Roman Character :- http://84000.org/tipitaka/read/roman_read.php?B=27&A=3591 Contents of The Tipitaka Volume 27 http://84000.org/tipitaka/read/?index_27