AtthaPali Vol.39

Dhammaddhajajatakam dhammam caratha natayoti idam sattha jetavane viharanto ekam kuhakabhikkhum arabbha kathesi. Tada hi sattha na bhikkhave ayam idaneva kuhako pubbepi kuhakoyevati vatva atitam ahari atite baranasiyam brahmadatte rajjam karente bodhisatto sakunayoniyam nibbattitva vayappatto sakunasanghaparivuto samuddamajjhe dipake vasi. Athekacce kasikaratthavasino vanija disakakam gahetva navaya samuddam pakkhandimsu. Samuddamajjhe nava pabhijjate. So disakako tam dipakam gantva cintesi ayam mahasakunasangho maya kuhakakammam katva etesam andakani ceva chapake ca varam varam khaditum vattatiti. So otaritva sakunasanghassa majjhe mukham Vivaritva ekena padena pathaviyam atthasi. Ko nama tvam samiti sakunehi puttho aham dhammiko namati aha. Kasma pana ekena padena thitositi. Maya dutiye pade nikkhitte pathavi dharetum na sakkotiti. Atha kasma mukham vivaritva titthasiti. Aham annam aharam na khadami vatameva khadamiti evanca pana vatva te sakune amantetva ovadam vo dassami tam sunathati tesam ovadavasena pathamam gathamaha dhammam caratha natayo dhammam caratha bhaddam vo dhammacari sukham seti asmim loke paramhi cati. Tattha dhammam carathati kayasucaritadibhedam dhammam karotha. Natayoti te alapati. Dhammam caratha bhaddam voti ekavaram caritva ma osakkatha punappunam caratheva bhaddam vo bhavissati. Sukham setiti desanasisametam. Dhammacari paramam sukham titthati nisidati gacchati sayati sabbiriyapathesu sukhito hotiti dipeti. Sakuna ayam kako kuhannena andakani khaditum evam vadatiti ajanitva tam dussilam vannenta dutiyam gathamahamsu bhaddako vatayam pakkhi dijo paramadhammiko ekapadena titthanto dhammamevanusasatiti. Tattha dhammamevati sabhavameva. Anusasatiti kathesi. Sakuna tassa dussilassa saddahitva tvam kira sami annam gocaram na ganhasi vatameva bhakkhasi tenahi amhakam Andakani ca chapake ca olokeyyasiti vatva gocaraya gacchanti. So papo tesam gatakale andakani ca chapake ca kucchipuram khaditva tesam agatakale upasantupasanto hutva mukham vivaritva ekena padena titthati. Sakuna agantva puttake apassanta ko nu kho khadatiti mahasaddena viravanti ayam kako dhammikoti tasmim asankamattampi na karonti. Athekadivasam mahasatto cintesi idha pubbe koci paripantho natthi imassa agatakalato patthaya jato imam parigganhitum vattatiti. So sakunehi saddhim gocaram gacchanto viya hutva nivattitva patinanatthane atthasi. Kakopi gata sakunati nirasanko hutva utthaya gantva andakani ca chapake ca khaditva punagantva mukham vivaritva ekapadena atthasi. Sakunaraja sakunesu agatesu sabbe sannipatapetva aham vo ajja puttakanam paripantham parigganhanto imam papakakam khadantam addasam etha nam ganhamati sakunasanghe amantetva samparivarapetva sace pana palayati ganheyyatha nanti vatva avasesagatha abhasi nassa silam vijanatha anannaya pasamsatha bhutva andanca chape ca dhammo dhammoti bhasati. Annam bhanati vacaya annam kayena kubbati vacaya no ca kayena na tam dhammam adhitthito. Vacaya sakhilo hoti manopaviduggo siya paticchanno kupassayo kanhasappova dhammaddhajo gamanigamasu sadhu sammato dujjano ayam purisena balisena. Imam tundehi pakkhehi pada himam vihethatha chavam himam vinasetha nayam samvasanarahoti. Tattha nassa silanti na assa silam. Anannayati ajanitva. Bhutvati khaditva. Vacaya no ca kayenati ayam hi vacaneneva dhammam carati kayena ca pana na karoti. Na tam dhammam adhitthitoti tasma janitabbo yathayam dhammam bhanati na tam adhitthito na tasmim dhamme patitthito. Vacaya sakhiloti vacanena mudu. Manopaviduggoti manasa paviduggo duppavedito. Paticchannoti yasmim vile sayati tena channo. Kupassayoti vilasayo. Dhammaddhajoti sucaritadhammaddhajam katva vicaranena dhammaddhajo. Gamanigamasu sadhuti gamesu ceva nigamesu ca sadhu. Sammatoti bhaddakoti sambhavito. Dujjanoti ayam evarupo dussilo paticchannakammanto balisena ananena purisena na sakka janitum. Pada himanti attano attano padena ca imam. Vihethathati paharatha. Chavanti lamakam. Nayanti ayam amhehi saddhim ekasmim thane samvasam na arahatiti. Evanca pana vatva sakunajetthako sayameva langhitva tassa Sisam tundena pahari. Avasesa sakuna tundanakhapadapakkhehi paharimsu. So tattheva jivitakkhayam papuni. Sattha imam dhammadesanam aharitva jatakam samodhanesi tada kuhakakako idani kuhakabhikkhu ahosi sakunaraja pana ahamevati. Dhammaddhajajatakam navamam.

The Pali Atthakatha in Roman Book 39 page 53-57. http://84000.org/tipitaka/atthapali/read_rm.php?B=39&A=1059&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=1059&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=893 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4025 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3997 The Pali Tipitaka in Roman Character :- http://84000.org/tipitaka/read/roman_read.php?B=27&A=3997 Contents of The Tipitaka Volume 27 http://84000.org/tipitaka/read/?index_27