AtthaPali Vol.39

Nandiyamigarajajatakam sace brahmana gacchasiti idam sattha jetavane viharanto ekam matuposakam bhikkhum arabbha kathesi. Tam hi sattha saccabhira tvam bhikkhu gihi posesiti pucchitva saccam bhanteti vutte kinte hontiti vutte matapitaro me bhanteti vutte sadhu sadhu bhikkhu poranakapanditanam vamsam palesi poranakapandita hi tiracchanayoniyam nibbattitvapi matapitunampi jivitam adamsuti vatva atitam ahari atite kosalaratthe sakete kosalaraje rajjam karente bodhisatto migayoniyam nibbattitva vayappatto nandiyamigo nama hutva silacarasampanno matapitaro posesi. Tada kosalaraja migacittakova ahosi. So pana manussanam kasikammadini katum adatva mahaparivaro devasikam migavadham gacchati. Manussa sannipatitva ayya ayam raja amhakam kammacchedam karoti gharavasopi nassati Yannuna mayam anjanavanauyyanam parikkhipitva dvaram yojetva pokkharanim khanitva tinani ropetva dandamuggaradihattha arannam pavisitva gumbe paharanta mige niharitva parivaretva gorupani viya vajjam uyyane pavesetva dvaram pidahitva ranno arocetva attano kammam kareyyamati mantayimsu. Ettheso upayoti sabbe ekacchanda hutva uyyanam sajjetva arannam pavisitva yojanamattam thanam parikkhipimsu. Tasmim khane eko nandiyo ekasmim khuddake gumbe matapitaro gahetva bhumiyam nipanno hoti. Manussa nanaphalakavudhahattha bahuna bahum piletva tam gumbam parikkhipimsu. Athekacce mige olokenta tam gumbam pavisimsu. Nandiyo te disva ajja maya jivitam pariccajitva matapitunam jivitadanam datum vattatiti cintetva utthaya matapitaro vanditva ammatata ime manussa imam gumbam pavisitva amhe tayopi passissanti tumhe ekena upayena jiveyyatha jivitam vo seyyo aham tumhakam jivitadanam datva manussehi gumbapariyante thatva gumbe pahatamatteyeva nikkhamissami atha te imasmim khuddakagumbe ekoyeva migo bhavissatiti mannamana gumbam na pavisanti tumhe appamatta hothati matapitaro khamapetva gamanasajjo atthasi. So manussehi gumbapariyante thatva unnaditva gumbe pahatamatteyeva tato nikkhami. Te ekovettha migo bhavissatiti gumbam na pavisimsu. Atha nandiyo gantva miganam antare pavisi. Manussa parivaretva sabbamige uyyanam pavesetva Dvaram thaketva ranno arocetva sakasakatthanani gamimsu. Tato patthaya raja sayameva gantva ekam migam vijjhitva tam gahetva ehiti ekam pesetva va aharapesi. Atha miga varam thapayimsu. Pattavaro migo ekamantam titthati. Tam vijjhitva ganhanti. Nandiyo pokkharaniyam paniyam pivati tinani khadati. Varo panassa na tava papunati. Atha bahunam divasanam accayena tassa matapitaro tam datthukama hutva amhakam putto nandiyamigaraja nagabalo thamasampanno sace jivati avassam vatim langhetva amhakam dassanatthaya agamissati sasanamassa pesessamati cintetva maggasamipe thatva ekam brahmanam disva ayya kaham gacchasiti manusikaya vacaya pucchitva saketanti vutte puttassa sasanam pahinanta pathamam gathamahamsu sace brahmana gacchasi saketam anjanavanam vajjasi nandiyam nama puttam amhaka orasam matapita ca te vuddha te tam icchanti passitunti. Tassattho sace tvam brahmana saketam gacchasi sakete anjanavanam nama uyyanam atthi tattha amhakam putto nandiyo nama migo atthi tam vadeyyasi matapitaro te vuddha yava na maranti tava tam passitum icchantiti. So sadhuti sampaticchitva saketam gantva punadivase uyyanam pavisitva nandiyamigo nama kataroti pucchi. Migo agantva Tassa samipe thatva ahanti aha. Brahmano tamattham arocesi. Nandiyo tam sutva gaccheyyamaham brahmana vatim langhitva na gaccheyyam maya pana ranno santakam nivapapanabhojanam bhuttam tam me inatthane thitam imesanca miganam majjhe ciram vutthosmi tassa me ranno ceva etesanca sotthibhavam akatva attano balam adassetva gamanam nama na yuttam attano pana vare sampatte aham etesam sotthibhavam katva sukhito agacchissamiti imamattham pakasento dve gatha abhasi bhutta maya nivapani rajino panabhojanam tam rajapindam avabhuttum naham brahmanamussahe. Odahissamaham passam khurapanissa rajino tadaham sukhito mutto api passemu mataranti. Tattha nivapaniti tesu tesu thanesu nivutani nivapani. Panabhojananti paniyanca avasesatinanca. Tam rajapindanti tam ranno santakam sankaddhitva samodhanakatthena pindam. Avabhuttunti dubbhuttam bhunjitum. Ranno hi kiccam anipphadento tam avabhuttam bhunjati nama svaham evam avabhuttum na ussahamiti vadati. Brahmanamussaheti ettha brahmanati alapanam makaro pana padasandhivasena vutto. Odahissamaham passam khurapanissa rajinoti aham brahmana attano vare sampatte khurappam sannahitva agatassa ranno migayuthato nikkhamitva ekamantam thatva mam vijjha maharajati Vatva attano mahaphasukapassam odahissami. Sukhito muttoti tada aham maranabhaya mutto sukhito niddukkho ranna anunnato api nama mataram passeyyanti. Tam sutva brahmano pakkami. Aparabhage tassa varadivase raja mahantena parivarena uyyanam agacchi. Mahasatto ekamante atthasi. Raja migam vijjhissamiti khurappam sannahi. Mahasatto yatha anne maranabhayatajjita palayanti evam apalayitva nibbhayo hutva mettam purecarikam katva mahaphasukapassam odahitva niccalova atthasi. Raja tassa mettanubhavena saram vissajjetum nasakkhi. Mahasatto kim maharaja saram na muccasi muncahiti aha. Na sakkomi migarajati. Tenahi gunavantanam gunam janatha maharajati. Tada raja bodhisatte pasiditva dhanum chaddetva idam acittakam kalingarakandampi tava tava gunam janati sacittako manussabhutopi aham na janami mayham khama abhayam te dammiti aha. Maharaja mayham tava abhayam desi ayam uyyane migagano kim karissatiti. Etesampi abhayam dammiti. Evam mahasatto nigrodhajatake vuttanayeneva sabbesam arannamiganam akasagatasakunanam jalacaramacchanam ca abhayam dapetva rajanam pancasu silesu patitthapetva maharaja ranna nama agatigamanam pahaya dasa rajadhamme akopentena dhammena samena rajjam karetum vattatiti Danam silam pariccagam ajjavam maddavam tapam akkodham avihimsanca khanti ca avirodhanam iccete kusale dhamme thite passahi attani tato te jayate piti somanassancanappakanti evam vutte rajadhamme gathabandheneva dassetva katipaham ranno santike vasitva nagare sabbasattanam abhayadanam pakasetum suvanna- bherincarapetva appamatto hohi maharajati vatva matapitunam dassanatthaya gato. Ima abhisambuddhagatha honti migaraja pure asim kosalassa niketave mandiyo nama namena abhirupo catuppado. Tam mam vadhitumagacchi dayasmim anjanavane dhanum arajjam katvana usum sandhaya kosalo. Tassaham odahim passam khurapanissa rajino tadaham sukhito mutto mataram datthumagatoti. Tattha kosalassa niketaveti kosalassa ranno nikete vasanatthane tassa santike arannasminti attho. Dayasminti miganam vasanatthaya dinnauyyane. Arajjam katvanati jiyaya saddhim ekato hutva aropetvati attho. Sandhayati sannahitva yojetva. Odahinti oddesim. Matram datthumagatoti desanasisametam. Ranno dhammam desetva sabbasattanam abhayatthaya suvannabherincarapetva matapitaro datthumagatosmiti attho. Sattha imam dhammadesanam aharitva saccani pakasetva jatakam samodhanesi saccapariyosane matuposakabhikkhu sotapattiphale patitthahi tada matapitaro maharajakulani ahesum brahmano sariputto ahosi raja anando ahosi nandiyamigaraja pana ahamevati. Nandiyamigarajajatakam dasamam. Avariyavaggo pathamo. ----------- @Footnote: @*** hanranir m+mikhramula ***

The Pali Atthakatha in Roman Book 39 page 57-64. http://84000.org/tipitaka/atthapali/read_rm.php?B=39&A=1138&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=1138&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=899 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4043 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4019 The Pali Tipitaka in Roman Character :- http://84000.org/tipitaka/read/roman_read.php?B=27&A=4019 Contents of The Tipitaka Volume 27 http://84000.org/tipitaka/read/?index_27