AtthaPali Vol.39

Setaketujatakam ma tata kujjhi na hi sadhu kodhoti idam sattha jetavane viharanto kuhakam bhikkhum arabbha kathesi. Paccuppannavatthum kuddalajatake avibhavissati. Atite baranasiyam brahmadatte rajjam karente bodhisatto baranasiyam disapamokkho acariyo hutva pancasatamanave mante vacesi. Tesam jetthako setaketu nama uddiccabrahmanakule nibbattamanavo. Tassa jatim nissaya mahanto mano ahosi. So ekadivasam annehi manavehi saddhim nagara nikkhamanto nagaram pavisantam ekam candalam disva kosi tvanti pucchitva candalohamasmiti vutte tassa sariram paharitva agatavatassa attano sarire phusanabhayena nassa candala kalakanni adhovatam yahiti vatva vegena tassa uparivatam agamasi. Candalopi sighataram gantva tassa uparivate atthasi. Atha nam so nassa vasala kalakanniti sutthutaram akkosi paribhasi. Tam sutva candalo tvam kositi pucchi. Brahmanamanavohamasmiti. Brahmano hotu maya pana putthapanham kathetum sakkhissasiti. Ama sakkhissamiti. Sacepi na sakkosi padantarena tam gamemiti. So attanam takketva agamehiti aha. Candalaputto tassa katham parisam gahapetva Manava disa nama katarati panham pucchi. Disa nama puratthimadayo catasso disati. Candalo ahantam etam disam na pucchami tvam ettakampi ajananto mama sarire pahatavatam jigucchasiti tam khandhatthike gahetva onametva attano padantarena gamesi. Manava tam pavattim acariyassa acikkhimsu. Tam sutva acariyo saccam kira tata setaketu candalenasi padantarena gamitoti. Amacariya so mam candaladasiputto disamattampi na janasiti vatva attano padantarena gamesi idani disva kattabbamassa janissamiti kuddho candalaputtam akkosi paribhasi. Atha nam acariyo tata setaketu ma tassa kujjha pandito candalaputto na so tam etam disam pucchati annam disam pucchi taya pana ditthasutavinnatato aditthasutaavinnatameva bahutaranti ovadanto dve gatha abhasi ma tata kujjhi na hi sadhu kodho bahumpi te adittham assutanca matapita disa tata setaketu acariyamahu disatam pasattha agarino annapanavatthada avhayika tampi disam vadanti esa disa parama setaketu yam patva dukkhi ca sukhino bhavantiti. Tattha na hi sadhu kodhoti kodho nama uppajjamano subhasita- dubbhasitam atthanattham hitahitam janitum na detiti na hi sadhuko. Bahumpi te aditthanti taya cakkhuna adittham sotena ca assutameva bahutaram disam ta disa ma tapitaro puttanam purimataram uppannatta puratthimadisa nama jatati vadati. Acariyamahu disatam pasatthati acariya pana dakkhineyyatta disatam pasattha dikkhinadisati buddhadayo ariya ahu kathenti dipenti va vadanti. Agarinoti gahatthava. Annapanavatthadati annada panada vatthada ca. Avhayikati etha deyyadhammam patigganhathati pakkosanaka. Tampi disam vadantiti tampi buddhadayo ariya etam disam vadanti. Imina catupaccayadayaka gahattha paccaye avhayitva dhammikasamanabrahmanehi upagantabbatta eta disa namati dipeti. Aparo nayo ye ete agarino annapanavatthada tesam chakamasaggasampattidayikatthena uparupari avhayanato avhayika dhammikasamanabrahmana. Tampi disam vadantiti tampi buddhadayo ariya uparimadisam nama vadantiti dipeti. Vuttampi cetam matapita disa pubba acariya dakkhina disa puttadara disa paccha mittamacca ca uttara dasakammakara hettha uddham samanabrahmana eta disa namasseyya appamatto kule gihiti. Esa disati idam pana nibbanam sandhaya vuttam. Jatiadina hi nanappakarena dukkhena dukkhita satta tam patva niddukkha sukhino bhavanti. Esaeva ca sattehi agatapubba disa nama. Teneva ca nibbanam paramati aha. Vuttampi cetam samatittikam anavasesakam telapattam yatha parihareyya evam sacittamanurakkheyya patthayano disam agatapubbanti. Evam mahasatto manavassa disa kathesi. So pana candalenamhi padantarena gamitoti tasmim thane avasitva takkasilam gantva disapamokkhassa acariyassa santike sabbasippani ugganhitva acariyena anunnato takkasilato nikkhamitva sabbasamayasippam sikkhanto vicari. So ekam paccantagamam gantva tam nissaya vasanto pancasate tapase disva tesam santike pabbajitva yante jananti sippam va mantam va caranam va tam ugganhitva ganasattha hutva tehi parivarito baranasim gantva punadivase bhikkham caranto rajanganam agamasi. Raja tapasanam iriyapathe pasiditva antonivesane bhojetva te attano uyyane vasapesi. So ekadivasam tapase parivisitva ajja sayanhe uyyanam gantva ayye vandissamiti aha. Setaketu uyyanam gantva tapase sannipatetva samma marisa ajja raja agamissatiti aha. Rajano nama sakim Aradhetva yavatayukam sukham jivitum sakka ajja ekacce vaggulivattam caratha ekacce kanthakaseyyam kappetha ekacce pancatapam tappetha ekacce ukkutikappadhanam anuyunjetha ekacce udakorohanakammam karotha ekacce mante sajjhayathati vicaretva sayam pannasaladvare apassayapithake nisiditva pancavannarangasamujjalavasanam ekam potthakam vicitravannadharake thapetva susikkhitehi catuhi pancahi manavehi pucchite pucchite panhe kathesi. Tasmim khane raja agantva te micchatapam karonte disva tuttho setaketum upasankamitva vanditva ekamantam nisinno purohitena saddhim sallapanto tatiyam gathamaha kharajina jatila pankadanta dumukkharupa yeme japanti mante kacci nu te manusike payoge idam vidu parimutta apayati. Tattha kharajinati sakhurehi ajinacammehi samannagata. Pankadantati dantakatthassa akhadanena malaggahitadanta. Dumukkharupati ananjita- amanditalukhanivasanaparupana malagandhavilepanavajjita. Kilittharupati vuttam hoti. Yeme japantiti ye ime mante sajjhayanti. Manusike payogeti manussehi kattabbapayoge thita. Idam vidu parimutta apayati imasmim payoge thatva imam lokam viditva pakatam katva kacci nu ete isayo catuhi apayehi muttati pucchati. Tam sutva purohito catuttham gathamaha Papani kammani karitva raja bahussuto neva careyya dhammam sahassavedopi na tam paticca dukkha pamunce caranam apatvati. Tattha karitvati katva. Carananti saha silena attha samapattiyo. Idam vuttam hoti maharaja aham bahussutomhiti sahassavedopi tividham sucaritadhammam na careyya papaneva kareyya so tani papani kammani katva tam bahusaccam paticca silasamapattisankhatam caranam apatva dukkha na munce apayadukkhato na muncatevati. Tam sutva raja tapasesu pasadam hari. Tato setaketu cintesi imassa ranno tapasesu pasado udapadi tam panesa purohito vasiya paharitva viya pacchindi maya etena saddhim kathetum vattatiti. So tena saddhim kathento pancamam gathamaha sahassavedopi na tam paticca dukkha pamunce caranam apatva mannami veda aphala bhavanti susamyamam carananneva saccanti. Tassattho sahassavedopi tam bahusaccam paticca caranam apatva attanam dukkha na pamunce evam sante aham mannami tayo veda aphala honti sasilakam atthasamapattim paticca carananneva saccam hotiti. Tam sutva purohito chatthamam gathamaha na heva veda aphala bhavanti susamyamam carananneva saccam kittinca pappoti adhicca vede santam puneti caranena dantoti. Tassattho tayo veda aphala na bhavanti susamyamam carananneva saccam seyyam uttamam pavaram na heva hoti. Kimkarana. Kittinca pappoti adhicca vede tayo vede adhicca ditthadhamme kittimattam yasamattam labhamattam labhati itoparam annam natthi tasma na te aphala. Santam puneti caranena dantoti sile patitthaya samapattiyo nibbattetva samapattipadatthanam vipassanam vaddhento accantam santam nibbananamakam ekam papunati. Iti purohito setaketuno vadam bhinditva te sabbe gihi karetva phalakavudhani gahapetva mahantakarake katva ranno upatthake karesi. Ayam kira mahantakarakanam vamso. Sattha imam dhammadesanam aharitva jatakam samodhanesi tada setaketu kuhako bhikkhu ahosi candalaputto sariputto ahosi purohito pana ahamevati. Setaketujatakam dutiyam.

The Pali Atthakatha in Roman Book 39 page 7-13. http://84000.org/tipitaka/atthapali/read_rm.php?B=39&A=123&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=123&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=837 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3848 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3804 The Pali Tipitaka in Roman Character :- http://84000.org/tipitaka/read/roman_read.php?B=27&A=3804 Contents of The Tipitaka Volume 27 http://84000.org/tipitaka/read/?index_27