AtthaPali Vol.39

Khuraputtavaggavannana -------- khuraputtajatakam saccam kirevamahamsuti idam sattha jetavane viharanto purana- dutiyikapalobhanam bhikkhum arabbha kathesi. Tam hi bhikkhum sattha saccam kira tvam bhikkhu ukkanthitositi pucchitva ama bhanteti kena ukkanthapitositi puranadutiyikayati vutte bhikkhu ayante itthi anatthakarika pubbepi tvam imam nissaya aggim pavisitva maranto pandite nissaya jivitam labhasiti vatva atitam ahari atite baranasiyam senake nama raje rajjam karente bodhisatto sakkatam karesi. Tada senakassa ranno ekena nagarajena saddhim mittabhavo hoti. So kira nagaraja nagabhavana nikkhamitva thale gocaram ganhanto carati. Atha nam gamadaraka disva sappo ayanti lendudandadihi paharimsu. Raja uyyanam kilitum gacchanto disva kim ete daraka karontiti pucchitva ekam sappam paharantiti sutva paharitum ma detha palapetha neti palapesi. Nagaraja jivitam labhitva nagabhavanam gantva bahuni ratanani adaya Addharattikasamaye ranno sayanagharam pavisitva tani ratanani datva maya tumhe nissaya jivitam laddhanti ranna saddhim mittabhavam katva punappunam gantva rajanam passati. So attano nagamanavikasu ekam kamesu atittam nagamanavikam rakkhanatthaya ranno santike thapesi. Yatha etam na passasi tada imam mantam parivatteyyasiti tassa ekam mantam adasi. So ekadivasam uyyanam gantva nagamanavikaya saddhim pokkharaniyam udakakilam kili. Nagamanavika ekam udakasappam disva attabhavam vijahitva tena saddhim asaddhammam patisevi. Raja tam apassanto kaham nu kho gatati mantam parivattitva anacaram karontim disva velupesikaya pahari. Sa kujjhitva tato nagabhavanam gantva kasma agatasiti puttha tumhakam sahayo mam attano vacanam aganhantim pitthiyam pahariti paharam dassesi. Nagaraja tattato ajanitvava cattaro nagamanavake amantetva gacchatha senakassa sayanagharam pavisitva nasavateneva nam bhusam viya viddhamsethati pesesi. Te gantva ranno sirisayane nipannakale gabbham pavisimsu. Tesam pavisanavelayameva raja devim aha janasi nu kho bhadde nagamanavikaya gatatthananti. Na janami devati. Ajja sa amhakam pokkharaniyam kilanakale attabhavam vijahitva ekena udakasappena saddhim anacaram akasi atha nam aham evam ma kariti sikkhapanatthaya velupesikaya paharim sa nagabhavanam gantva sahayassa me annam kinci kathetva mettam bhindeyya me bhayam uppajjissatiti. Tam Sutva nagamanavaka tatova nivattitva nagabhavanam gantva nagarajassa tamattham arocesum. So samvegappatto hutva tam khananneva ranno sayanagharam agantva tamattham acikkhitva khamapetva idam me dandakammanti sabbarutajananam nama mantam datva ayam maharaja anaggho manto sace imam mantam annassa adasi datvava aggim pavisitva mareyyasiti aha. Raja sadhuti sampaticchi. So tato patthaya kipillikanampi saddam janati. Tassekadivasam mahatale nisiditva madhuphanitehi khadaniyam khadantassa ekam madhuvindunca phanita- vindunca puvakhandanca bhumiyam pati. Eka kipillika tam disva ranno mahatale madhupati bhinna phanitakasatam puvakasatam nikkujjitam madhuphanitapuve khadathati viravanti vicarati. Raja tassa ravam sutva hasi. Ranno samipe thita devi kim nu kho disva raja hasiti cintesi. Tasmim khadaniyam khaditva nahatva pallanke nisinne ekam makkhikam samiko ehi bhadde kilesaratiya ramissamati aha. Atha nam sa adhivasehi tava sami idani ranno gandhe aharissanti tassa vilimpantassa padamule gandhacunnam patissati aham tattha vattetva sugandha bhavissami tato ranno pitthiyam nipajjitva ramissamati aha. Raja tampi saddam sutva hasi. Devipi kim nu kho disva hasiti puna cintesi. Puna ranno sayamasam bhunjantassa ekam bhattasittham bhumiyam pati. Kipillika rajakule bhattasakatam bhaggam bhattam bhunjathati viravimsu. Tam sutva Raja punapi hasi. Devipi suvannakatacchum gahetva rajanam parivisanti mam nu kho disva raja hasatiti vitakkesi. Sa ranna saddhim sayanam aruyha nipannakale kimkarana deva hasiti pucchi. So kinte mama hasitakaranenati vatva punappunam nibandho kathesi. Atha nam sa tumhakam jananamantam mayham dethati vatva na sakka datunti patikkhittapi punappunam nibandhi. Raja sacaham imam mantam tuyham dassami marissamiti aha. Marantopi mayham dehi devati. Raja matugamavasiko nama hutva sadhuti sampaticchitva imissa mantam datva aggim pavisissamiti rathena uyyanam payasi. Tasmim khane sakko lokam olokento imam karanam disva ayam balaraja matugamam nissaya aggim pavisissamiti gacchati jivitamassa dassamiti sujam asurakannam adaya baranasim agantva tam ajikam katva attana ajo hutva mahajano ma passatuti adhitthaya ranno rathassa purato ahosi. Tam ajam raja ceva rathe yuttasindhava ca passanti. Anno koci na passati. Ajo kathaya samutthapanattham ajikaya saddhim methunadhammam patisevanto viya ahosi. Tameko rathe yuttasindhavo disva samma aja mayam pubbe aja kira bala ahirikati asumha na ca tam passimha tvam pana raho paticchannat- thane kattabbam anacaram amhakam ettakanam passantananneva karosi na lajjasi tam no pubbe sutam imina ditthena sametiti vatva pathamam gathamaha Saccam kirevamahamsu kalakam baloti pandita passa balo rahokammam avikubbam na bujjhatiti. Tattha kalakanti ajam. Panditati nanasampanna tam baloti vadanti saccam kira vadanti. Passati alapanam passathati attho. Na bujjhatiti etam katum na yuttanti na janati. Tam sutva ajo dve gatha abhasi tvam nu kho samma balosi khuraputta vijanahi rajjuyahi parikkhitto vankottho ohitomukho. Aparampi samma te balyam yo mutto na palayasi so ca balataro samma yam tvam vahasi senakanti. Tattha tvam nu kho sammati samma sindhava mayapi kho tvam balataro. Khuraputtati so kira gadrabhassa jatiko tena nam evamaha. Vijanahiti ahameva baloti evam janahi. Parikkhittoti yugena saddhim givaya parikkhitto. Vankotthoti vankaottho. Ohitomukhoti mukhabandhanena pihitamukho. Mutto na palayasiti yo tvam rathato mutto samano muttakale palayitva arannam na pavisasi tam te apalayanam aparampi balyam. So ca balataroti yam tvam senakam vahasi so senako tayapi balataroti. Raja tesam ubhinnampi katham janati tasma tam sunanto sanikam ratham pesesi. Sindhavopi tassa katham sutva puna catuttham gathamaha Yannu samma aham balo ajaraja vijanahi atha kena senako balo tam me akkhahi pucchitoti. Tattha yanti karanatthe paccattam. Nuti anussavatthe nipato. Idam vuttam hoti samma ajaraja yena tava tiracchanagato bhadrena karanena aham balo tam tvam karanam janahi na sakka etam taya natum ahanhi tiracchanagatattava balo tasma mam khuraputtati adini vadanto sutthu vadasi ayam pana senako raja kena karanena balo tam me karanam pucchito akkhahiti. Tam acikkhanto ajo pancamam gathamaha uttamattham labhitvana bhariyaya yo padassati tena jahissatattanam sa cevassa na hessatiti. Tattha uttamatthanti sabbarutajananamantam. Tenati tassa mantappadanasankhatena karanena tam datva aggim pavisanto attananca jahissati savassa bhariya na bhavissati tasma esa taya balataro yo laddhayasam rakkhitum na sakkotiti. Raja tassa vacanam sutva ajaraja amhakam sotthim karontopi tvancetam karissasi kathehi tava no kattabbayuttakanti aha. Atha nam ajaraja maharaja imesam sattanam attato anno piyataro nama natthi ekam piyabhandam nissaya attanam nasetum laddhayasam pahatum na vattatiti vatva chattham gathamaha Na piyammeti janinda tadiso attam niramkatva piyani sevati attava seyyo paramava seyya labbha piya ocitattena pacchati. Tattha piyammeti piyam me ayameva va patho. Idam vuttam hoti janinda tadiso yasamahatte thito puggalo ekam piyabhandi nissaya idam piyammeti attam niramkatva attanam chaddetva tani piyani na sevateva. Kimkarana. Attava seyyo paramava seyyati yasma satagunena sahassagunena attava seyyo pavaro uttamo paramava seyya parama uttama annasma piyabhandatam attho. Ettha hi vakaropi karanatthe nipatoti datthabbo. Labbha piya ocitattena pacchati ocitattena hi vaddhitattena purisena paccha piya nama sakka laddhum na tassa karana atta nasetabboti. Evam mahasatto ranno ovadam adasi. Raja tussitva ajaraja kuto agatositi pucchi. Sakko aham maharaja tava anukampaya tam marana mocetum agatosmiti. Devaraja aham etissa mantam dassamiti avacam idani kim karomiti. Maharaja tumhakam ubhinnampi vinasena kiccam natthi sippassa upacaroti vatva ekam katipaye pahare paharapesi imina upayena na ganhissatiti. Raja sadhuti sampaticchi. Mahasatto ranno ovadam datva sakatthanameva gato. Raja uyyanam gantva devim pakkosapetva Aha ganhissasi bhadde mantanti. Ama devati. Tenahi upacaram karomiti. Ko upacaroti. Pitthiyam paharasate pavattamane saddam katum na vattatiti. Sa mantalobhena sadhuti sampaticchi. Raja coraghatake pakkosapetva kasa gahapetva ubhosu passesu paharapesi. Sa dve tayo pahare adhivasetva tato param na me mantenatthoti viravi. Atha nam raja tvam mam maretva mantam ganhitukamati pitthiyam niccammam katva vissajjapesi. Sa tato patthaya puna kathetum nasakkhi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada raja ukkanthitabhikkhu ahosi devi puranadutiyika asso sariputto sakko devaraja pana ahamevati. Khuraputtajatakam pathamam.

The Pali Atthakatha in Roman Book 39 page 65-72. http://84000.org/tipitaka/atthapali/read_rm.php?B=39&A=1265&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=1265&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=905 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4069 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4044 The Pali Tipitaka in Roman Character :- http://84000.org/tipitaka/read/roman_read.php?B=27&A=4044 Contents of The Tipitaka Volume 27 http://84000.org/tipitaka/read/?index_27