AtthaPali Vol.39

Sucijatakam akakkasanti idam sattha jetavane viharanto pannaparamim arabbha kathesi. Vatthum mahaummangajatake avibhavissati. Tada pana sattha bhikkhu amantetva na bhikkhave idaneva pubbepi tathagato pannava upayakusaloyevati vatva atitam ahari atite baranasiyam brahmadatte rajjam karente bodhisatto kasikaratthe kammarakule nibbattitva vayappatto pariyodatasippo Ahosi. Matapitaro panassa dalidda. Tesam gamato avidure anno sahassakutiko kammaragamo tattha kammarasahassajetthako kammaro rajavallabho addho mahaddhano. Tasseka dhita ahosi uttamarupadhara devaccharapatibhaga janapadakalyani lakkhanehi samannagata. Samantagamesu manussa vasipharasuphalapacanadikarapanatthaya tam gamam gantva yebhuyyena tam kumarikam passanti. Te attano attano gamam gantva nisinnatthanadisu tassa rupam vannenti. Bodhisatto tam sutva savanasamsaggena bajjhitva padaparicarikam nam karissamiti uttamajatikam ayam gahetva ekam sukhumam gharasucim katva pase vijjhitva udake upalapetva aparampi tatharupameva tassa kosakam katva pase vijjhitva imina niyamena tassa satta kosake akasi. Katham akasiti na vattabbam. Bodhisattananhi nanamahantataya karanam ijjhati. So tam sucim nalikaya pakkhipitva ovattikaya katva tam gamam gantva kammarajetthakassa vasanavithim pucchitva tattha gantva dvare thatva ko mama hatthato evarupam nama sucim mulena kinitum icchatiti sucim vannento jetthakakammarassa gharadvarasamipe thatva pathamam gathamaha akakkasam apharusam kharadhotam supasiyam sukhumam tikhinagganca ko sucim ketumicchatiti. Tassattho mama phalassa va tilakassa va odhino va Abhavena akakkasam matthataya apharusam kharena sarena pasanena dhotatta kharadhotam sundarena suvisuddhena pasena samannagatatta supasiyam sanhataya sukhumam aggassa tikhinataya tikhinaggam sucim mama hatthato mulam datva ko kinitum icchatiti. Evanca pana vatva punapi tam vannento dutiyam gathamaha sumajjanca supasanca anupubbasuvattitam ghanaghatimam patitthaddham ko sucim ketumicchatiti. Tattha sumajjanti kuruvindakacunnena sutthu majjitam. Supasanti sanhena pasavindakena viddhatta sundarapasam. Ghanaghatimanti ya ghatiyamana adhikaranim anupavisati ayam ghanaghatimati vuccati tadisiti attho. Patitthaddhanti thaddham amudukam. Tasmim khane sa kumarika bhuttapatarasam pitaram darathapatippassambhanattham cullasayanake nipannam talavantena vijiyamana bodhisattassa madhurasaddam sutva allapindamamsena hadaye pahata viya ghatasahassena nibbapitadaratha viya hutva ko nu kho esa atimadhurena saddena kammaranam vasanagame sucim vikkinati kena nu kho kammena agato janissami nanti talavantam thapetva geha nikkhamma bahi alindake thatva tena saddhim kathesi. Bodhisattanam hi patthitam nama samijjhati. So hi tassayeva atthaya tam gamam agato. Sayeva tena saddhim kathenti manava sakalaratthavasino suciadinamatthaya imam gamam agacchanti tvam balataya kammaragame sucim vikketumicchasi sacepi Divasam suciya vannam bhasissasi na tam te koci hatthato sucim ganhissati sace mulam laddhum icchasi annam gamam yahiti vatva dve gatha abhasi ito dani patayanti suciyo balisani ca koyam kammaragamasmim sucim vikketumicchati. Ito satthani gacchanti kammanta vividha puthu koyam kammaragamasmim sucim vikketumarahatiti. Tattha ito daniti imasmim ratthe idani suciyo ca balisani ca annani ca upakaranani imamha kammaragama. Patayantiti nikkhamanti tamtam divasam pattharanta gacchanti. Koyanti evam sante ko ayam imasmim kammaragame sucim vikkinitum icchati. Satthaniti baranasiyam gacchantani nanappakarani satthanipi itova gacchanti. Vividha puthuti nanappakaraka bahu kammantapi sakalaratthavasinam ito gahitaupakaraneheva pavattanti. Bodhisatto tassa vacanam sutva bhadde tvam ajananti ananena evam vadesiti vatva dve gatha abhasi sucim kammaragamasmim vikketabba pajanata acariya pajananti kammam sukatadukkatam. Imanca te pita bhadde sucim janna maya katam taya ca mam nimanteyya yancatthannam ghare dhananti. Tattha sucinti vibhattivipallaso kato. Idam vuttam hoti suci Nama pajanata panditena purisena kammaragamasmimyeva vikketabba. Kimkarana. Acariya pajananti kammam sukatadukkatanti tassa sippassa acariya ca tasmim tasmim sippe sukatadukkatam kammam jananti svaham kammarakammam ajanantanam gahapatikanam gamam gantva mama suciya sukatadukkatabhavam katham janapessami imasmim pana game mama balam janapessamiti. Evam bodhisatto imaya gathaya attano balam vannesi. Taya ca mam nimanteyyati bhadde sace tava pita imam maya katam sucim idisa va esa evam pakatati janeyya imam te dhitaram padaparicarikam dammi ganhati nanti evam taya ca mam nimanteyya. Yancatthannam ghare dhananti yanca annam savinnanakam va avinnanakam va ghare dhanam atthi tena mam nimanteyya. Yancassannantipi patho. Yanca assa ghare annam dhanam atthiti attho. Kammarajetthako sabbam tesam katham sutva ammati dhitaram pakkositva kena saddhim sallapasiti pucchi. Tata eko puriso sucim vikkinati tena saddhinti. So pakkosahi nanti. Sa gantva pakkosi. So bodhisatto geham pavisitva kammarajetthakam vanditva atthasi. Atha nam so kataragamavasikositi pucchi. Asukagamavasikomhi asukakammarassa nama puttoti. Kasma idhagatositi. Sucivikkinatthayati aha. Sucim te passamati. Bodhisatto attano gunam sabbesam majjhe pakasetukamo nanu ekakanam volokitato sabbesam majjhe volokitum varataranti aha. So sadhu Tatati sabbe kammare sannipatetva tehi parivuto ahara tata mayam passama te sucinti aha. Acariya ekam adhikarananca udakapunnanca kamsathalam aharapethati. So aharapesi. Bodhisatto ovattikato sucinalikam vivaritva adasi. Kammarajetthako tato sucim niharitva ayam tata suciti pucchi . Nayam suci sucikosako esoti. So upadharento nevantam na kotim addasa. Bodhisatto aharapetva nakhena kosakam apanetva ayam suci ayam kosakoti mahajanassa dassetva sucim acariyassa hatthe kosakam padamule thapesi. Puna tena ayam manne tata suciti vutto ayampi na suci sucikosakoyevati vatva nakhena paharanto patipatiya cha kosake kammarajetthakassa padamule thapetva ayam suciti tassa hatthe thapesi. Kammarasahassa anguliyo pothesum celukkhepa pavattayimsu. Atha nam kammarajetthako tata imaya suciya kim balanti pucchi. Acariya balavata purisena adhikaranam ukkhipapetva adhikaraniya hettha udakapatim thapapetva adhikaraniya majjhe imam sucim paharathati. So tatha karetva adhikaraniya majjhe sucim agge pahari. Sa adhikaranim vinivijjhitva udakapitthe kesaggamattampi uddham va adho va ahutva tiriyam patitthasi. Sabbe kammara amhehi ettakam kalam kammara nama edisa hontiti sutavasenapi na sutapubbanti anguliyo pothetva celukkhepasahassani pavattayimsu. Kammarajetthako dhitaram pakkosapetva Tasmimyeva ca parisamajjhe ayam kumarika tuyhamyeva anucchavikati udakam patetva adasi. So aparabhage kammarajetthakassa accayena tasmim game kammarajetthako ahosi. Sattha imam dhammadesanam aharitva saccani pakasetva jatakam samodhanesi tada kammarajetthakassa dhita rahulamata ahosi panditakammaraputto pana ahamevati. Sucijatakam dutiyam.

The Pali Atthakatha in Roman Book 39 page 72-78. http://84000.org/tipitaka/atthapali/read_rm.php?B=39&A=1420&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=1420&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=911 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4091 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4064 The Pali Tipitaka in Roman Character :- http://84000.org/tipitaka/read/roman_read.php?B=27&A=4064 Contents of The Tipitaka Volume 27 http://84000.org/tipitaka/read/?index_27