ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 39 : PALI ROMAN Ja.A.5 chakka-dasakanipata

                     Suvannakakkatakajatakam
     singamigoti idam sattha veluvane viharanto anandattherassa
attano atthaya jivitapariccagam arabbha kathesi. Vatthum yava
dhanuggahappayojana kandahalajatake dhanapalavissajjanam cullahamsajatake
kathitam.
     Tada hi dhammasabhayam katham samutthapesum avuso dhamma-
bhandagarikaanandatthero sekhapatisambhidappatto hutva dhanapalake
agacchante sammasambuddhassa jivitam pariccajiti. Sattha agantva
kaya nuttha bhikkhave etarahi kathaya sannisinnati pucchitva imaya
namati vutte na bhikkhave idaneva pubbepi anando mayham
Jivitam pariccajantoyevati vatva atitam ahari
     atite rajagahassa pubbuttarapasse halindiyo nama brahmana-
gamo ahosi. Tada bodhisatto tasmim game kasikabrahmanakule
nibbattitva vayappatto kutumbam santhapetva tassa gamassa
pubbuttaraya disaya ekasmim magadhakkhette asitisahassamattam kasim
karapesi. So ekadivasam manussehi saddhim khettam gantva kamma-
karake kammam karissathati anapetva mukhadhovanatthaya khettakotiyam
mahantam sobbham upasankami. Tasmim kho pana sobbhe eko suvanna-
vanno kakkatako pativasati abhirupo pasadiko. Bodhisatto
dantakattham khaditva tam sobbham otari. Tassa mukhadhovanakale kakkatako
bodhisattassa santikam agamasi. Atha nam so ukkhipitva attano
uttarisatakantare nipajjapetva gahetva khette kattabbakiccam
katva gacchanto tattheva nam sobbhe pakkhipitva geham agamasi.
Tato patthaya khettam agacchanto pathamam tam sobbham gantva kakkatakam
uttarisatakantare nipajjapetva paccha kammantam vicareti. Iti
nesam annamannam vissaso dalho ahosi. Bodhisatto nibaddham
khettam agacchati. Akkhisu ca panassa panca pasadani tini
mandalani suvisuddhani hutva pannayanti. Athassa khettassa
kotiyam ekasmim talake kakakulavake kaki tassa akkhini disva
khaditukama hutva kakam aha sami dohalo me uppannoti.
Kim dohalo namati. Etassa brahmanassa akkhini khaditukamamhiti.
Duddohalo te uppanno ko etani aharitum sakkhissatiti. Tvam
na sakkositi. Ama na sakkomiti. Ahametam janami yo panesa
talassa avidure vammiko ettha kanhasappo vasati tam upatthahi
so etam damsitva marissati athassa akkhini uppatetva tvam
aharissasiti. So sadhuti sampaticchitva tato patthaya kanhasappam
upatthahi. Bodhisattenapi vapitasassanam gabbhaggahanakale kakkatako
maha ahosi. Athekadivasam sappo kakamaha samma tvam kimkarana
nibaddham mam upatthahasi kim te karomiti. Sami tumhakam dasiya
etassa khettasamikassa akkhisu dohalo uppajji svaham tumhakam
anubhavena tassa akkhini labhissamiti tumhe upatthahamiti. Sappo hotu
nayidam garukam labhissasiti tam assasetva punadivase brahmanassa
agamanamagge kedaramariyadam nissaya tinehi paticchanno hutva
tassagamanam olokento nipajji. Bodhisatto agacchanto pathamam
sobbham otaritva mukham dhovitva sineham paccupatthapetva suvanna-
kakkatakam alingitva uttarisatakantare nipajjapetva khettam pavisi.
Sappo tam agacchantam disva vegena pakkhanditva pindikamamse
damsitva tattheva patetva vammikam sandhaya palayi. Bodhisattassa
patananca kakkatakassa satakantarato langhananca kakassa agantva
bodhisattassa ure niliyananca apaccha apurimam ahosi. Kako
niliyitva akkhini tundena pasaresi. Kakkatako imam kakam
Nissaya mama sahayassa bhayam uppannam etasmim gahite sappo
agacchissatiti sandasena ganhanto viya kakassa givayam alena
dalham gahetva kilametva thokam sithilamakasi. Kako kissa mam
samma chaddetva palayasi eso mam kakkatako vihethesi yava
na marami tavadeva ehiti sappam pakkosanto pathamam gathamaha
                singamigo ayatacakkhunetto
                atthittaco varisayo alomo
                tenabhibhuto kapanam rudami
                hare sakha kissa nu mam jahasiti.
     Tattha singamigoti singasuvannavannataya va alasankhatanam
va singanam atthitaya kakkatako vutto. Ayatacakkhunettoti
dighehi cakkhusankhatehi nettehi samannagato. Atthimeva taco
assati atthittaco. Hare sakhati alapanametam. Ambho
sahayati attho.
     Sappo tam sutva mahantam phanam katva kakam assasento
agamasi.
     Sattha tamattham dipento abhisambuddho hutva dutiyam gathamaha
                so assasanto mahata phanena
                bhujangamo kakkatakajjhapatto
                sakha sakharam paritayamano
                bhujangamam kakkatako aggahesiti.
     Tattha kakkatakajjhapattoti kakkatakassa santikam patto.
Sakha sakharanti sahayo sahayam. Sakakharantipi patho. Attano
sahayanti attho. Paritayamanoti rakkhamano. Aggahesiti
dutiyena alena givayam dalham gahetva atha nam kilametva thokam
sithilamakasi.
     Atha nam sappo kakkatako nama neva kakamamsam khadati na
sappamamsam kena nu kho karanena ayam amhe ganhatiti cintetva
tam pucchanto tatiyam gathamaha
                na vayasam no pana sapparajam
                ghasatthiko kakkatako adeyya
                pucchami tam ayatacakkhunetta
                atha kissa hetumha ubho gahitati.
     Tattha ghasatthikoti aharatthiko hutva. Adeyyati adiyeyya
na bhojanena yojetva ganhiti attho.
     Tam sutva kakkatako gahanakaranam kathento dve gatha abhasi
                ayam puriso mama atthakamo
                yo mam gahetva udakaya neti
                tasmim mate dukkhamanappakamme
                ahanca eso ca ubho na homa.
                Mamanca disvana pavaddhakayam
                sabbo jano himsitumevamicche
              Sadhunca thulanca mudunca mamsam
              kakapi mam disvana vihethayeyyunti.
     Tattha ayanti bodhisattam niddisati. Atthakamoti hitakamo.
Udakaya netiti yo mam sampiyayamano uttarisatakena gahetva
udakaya neti attano vasanakasobbham papeti. Tasmim mateti sace
so imasmim thane marissati etasmim mate mama kayikacetasikam
mahantam dukkham bhavissatiti dipeti. Ubho na homati dvepi jana
na bhavissama. Mamanca disvati gathaya ayamattho idanca
aparampi karanam imasmim mate anatham nippaccayam mam pavaddhitakayam
disva sabbo jano imassa kakkatakassa sadhunca thulanca mudunca
mamsanca mam maretum iccheyya na kevalanca jano tiracchanabhuta
kakapi mam disva vihetheyyunti mareyyum.
     Tam sutva sappo cintesi ekenupayena imam vancetva
kakanca attananca mocessamiti. Atha nam vancetukamo chattham
gathamaha
                sace tassa hetumha ubho gahita
                utthatu poso visamavamami
                mamanca kakanca pamunca khippam
                pure visam galhamupeti maccanti.
     Tattha sace tassa hetuti sace tassa karana. Utthatuti
nibbiso hotu. Visamavamamiti ahamassa visam akaddhami puna
Nibbisantam karomiti. Pure visam galhamupeti maccanti imamhi
maccam maya anavamiyamanam visam galham balavam hutva upagaccheyya
tam yava na upagacchati tavadeva amhe dvepi jane muncati.
     Tam sutva kakkatako cintesi ayam ekenupayena mam dvepi
jane vissajjapetva palayitukamo mayham upayakosallam na janati
aham dani yatha sappo sancaritum sakkoti evam alam sithilam
karissami kakam pana neva vissajjissamiti evam cintetva sattamam
gathamaha
                sappam pamokkhami na tava kakam
                patibaddhako hoti hi tava kako
                purisanca disvana sukhim arogam
                kakam pamokkhami yatheva sappanti.
     Tattha patibaddhakoti patibhogo. Yatheva sappanti yatha
bhavantam sappam muncami tatha kakampi pamokkhami kevalam tvam imassa
brahmanassa sarirato sigham visam avamahiti.
     Evanca pana vatva tassa mukhasancaranattham alam sithilamakasi.
Sappo visam avamitva mahasattassa sariram nibbisam akasi. So
niddukkho utthaya pakativanneneva atthasi. Kakkatako sace
ime dvepi jana aroga bhavissanti mayham sahayassa vuddhi nama
na bhavissati vinasessami teti cintetva kattarikaya uppaladalam
viya alehi ubhinnampi sisam kappetva jivitakkhayam papesi. Kakipi
Tamha thana palayi. Bodhisatto sappassa sariram dandakena
vethitva vammikam khipi suvannakakkatakam sobbhe vissajjetva nahatva
halindiyagamameva gato. Tato patthayapissa kakkatakena saddhim
adhikataro vissaso ahosi.
     Sattha imam dhammadesanam aharitva saccani pakasetva jatakam
samodhanento osanagathamaha
                kako tada devadatto ahosi
                varano pana kanhasappo ahosi
                anandabhadro kakkatako ahosi
                aham tada brahmano homi satthati.
Saccapariyosane bahu sotapannadayo ahesum. Kaki pana gathaya
na vutta. Sa cincamanavika ahositi.
                Suvannakakkatakajatakam catutkam.



             The Pali Atthakatha in Roman Book 39 page 87-94. http://84000.org/tipitaka/atthapali/read_rm.php?B=39&A=1727&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=1727&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=923              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4128              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4110              The Pali Tipitaka in Roman Character :- http://84000.org/tipitaka/read/roman_read.php?B=27&A=4110              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]