AtthaPali Vol.39

Mayhakasakunajatakam sakuno mayhako namati idam sattha jetavane viharanto agantukasetthim arabbha kathesi. Savatthiyam hi agantukasetthi nama addho ahosi mahaddhano. So neva attana bhoge bhunji na paresam adasi. Nanaggarase panitabhojane upanite tam na bhunji bilangadutiyam kanajikameva bhunji dhupitavasitesu kasikavatthesu upanitesu tani haretva Thulagulakasatake nivaseti ajaniyayutte manikanakavicittarathe upanite tampi harapetva kattharathakena gacchati suvannacchatte dhariyamane tam apanetva pannacchattena dhariyamanena. So yavajivam danadisu punnesu ekampi akatva kalam katva roruvaniraye nibbatti. Tassa aputtakam sapateyyam rajakule sattahi divasehi pavesesi. Tasmim pavesite raja bhuttapataraso jetavanam gantva sattharam vanditva nisinno kim maharaja buddhuppatthanam na karositi vutte bhante savatthiyam agantukasetthi nama kalam kari tassa assamikadhane amhakam ghare ahariyamaneyeva satta divasa gata so pana ettakam dhanam labhitvapi neva attana paribhunji na paresam adasi rakkhasapariggahitapokkharani viyassa dhanam ahosi so ekadivasam panita- bhojanadinam rasam ananubhavitva maranamukham pavittho evam macchari apunnasatto kim katva ettakam dhanam patilabhi kena cassa bhogesu cittam na ramatiti sattharam pucchi. Sattha maharaja dhanalabho ca dhanam laddha aparibhunjanakabhavo ca teneva katanti vatva tena yacito atitam ahari atite baranasiyam brahmadatte rajjam karente baranasisetthi asaddho ahosi macchari na kassaci kinci deti na kinci sanganhati. So ekadivasam rajupatthanam gacchanto tagarasikhim nama paccekabuddham pindaya carantam disva vanditva laddha bhante bhikkhati pucchitva nanu anucarami mahasetthiti vutte purisam anapesi gaccha imam Amhakam gharam netva mama pallanke nisidapetva amhakam patiyatta- bhattassa pattam puretva dapehiti. So paccekabuddham gharam netva nisidapetva setthibhariyaya acikkhitva nanaggarasabhattassa pattam puretva tassa adasi. So bhattam gahetva setthinivesana nikkhamitva antaravithiyam patipajji. Setthi rajakula paccagacchanto tam disva vanditva laddham bhante bhattanti pucchi. Laddham mahasetthiti. So pattam oloketva cittam pasadetum nasakkhi imam me bhattam dasa va kammakara va bhunjitva dukkarampi kammam kareyyum aho vata me janiti aparacetanam paripunnam katum nasakkhi. Danam nama tisso cetana paripunna katum sakkontasseva mahapphalam hoti pubbeva dana sumana bhavama dadampi ce attamana bhavama datvapi ce nanutappama paccha tasma hi amma dahara na miyyare. Pubbeva dana sumano dadam cittam pasadaye datva attamano hoti esa punnassa sampada. Iti maharaja agantukasetthi tagarasikhipaccekabuddhassa dinnapaccayena bahum dhanam patilabhitva aparacetanam panitam katum asamatthataya bhoge bhunjitum nasakkhiti. Puttam pana kasma na labhi bhanteti. Sattha puttassa alabhanakaranampi teneva katam maharajati tena yacito atitam ahari Atite baranasiyam brahmadatte rajjam karente bodhisatto asitikotivibhave setthikule nibbattitva vayappatto matapitunam accayena kanittham sanganhitva kutumbam vicarento gharadvare danasalam karetva mahadanam pavattento agaram ajjhavasi. Athassa eko putto vijayi. So tassa padasa gamanakale kamesu adinavam disva nekkhamme anisamsam disva saddhim puttadarena sabbam gharavibhavam kanitthassa niyyadetva appamatto danam pavattehiti ovadam datva isipabbajjam pabbajitva abhinna ca samapattiyo ca nibbattetva himavantappadese vihasi. Kanitthopissa ekam puttam patilabhati. So tam vaddhantam disva cintesi mama bhatu putte jivante kutumbam bhinditva dvidha bhavissati bhatu puttam maressamiti. Atha nam ekadivasam nadiyam opilapetva maresi. Tamenam nahatva agatam bhatu jaya kuhim mama puttoti pucchi. Nadiyam udakakilam kili atha nam vicinanto naddasanti. Sa roditva tunhi ahosi. Bodhisatto tam pavattim natva idam kiccam pakatam karissamiti akasenagantva baranasim otaritva sunivattho suparuto tassa gharadvare thatva danasalam adisva danasalapi imina asappurisena nasitati cintesi. Kanitthopissa tassa agatabhavam sutva agantva mahasattam vanditva pasadam aropetva subhojanam bhojesi. So bhattakiccavasane sukhakathaya nisinno darako na pannayati katham nu kho soti Pucchi. Mato bhanteti. Kena karanenati. Udakakilanatthane asukakaranenati na janamiti. Kim tvam asappurisa na janissasi taya katakiccam mayham pakatam nanu tvam imina nama karanena tam maresi kim nu kho tvam rajadinam vasena nassamanam dhanam rakkhitum sakkuneyyasi mayhakasakunassa ca tuyhanca kimnanakarananti. Athassa mahasatto buddhalilaya dhammam desento ima gatha abhasi sakuno mayhako nama girisanudaricaro pakkam pipphalimaruyha mayham mayhanti kandati. Tassevam vilapantassa dijasangha samagata bhutvana pipphalim yanti vilapateva so dijo. Evameva idhekacco sangharitva bahum dhanam nevattana na natinam yathodhim patipajjati. Na so acchadanam bhattam na malam na vilepanam anubhoti sakim kinci na sanganhati natake. Tassevam vilapantassa mayham mayhanti rakkhato rajano atha va cora dayada ye ca appiya. Dhanamadaya gacchanti vilapateva so naro dhiro bhoge adhigamma sanganhati ca natake. Tena so kittim pappoti pecca sagge pamodatiti. Tattha mayhakoti mayham mayhanti viravanavasena evamladdhanamo. Girisanudaricaroti girisanusu ca darisu ca caratiti girisanudaricaro. Pakkam Pipphalinti himavantappadese ekam phalabharitam pipphalirukkham. Kandatiti dijagane tam rukkham parivaretva pakkani khadante varitum mayham mayhanti paridevanto vicari. Tassevam vilapantassati tassa evam vilapantasseva. Bhutvana pipphalim yantiti tam pipphalirukkham paribhunjitva annam phalasampannam rukkham gacchanti. Vilapatevati so pana dijo vilapatiyeva. Yathodhinti yathakotthasam. Matapitubhatubhaginiputtadhitadinam upabhogaparibhogavasena yo yo kotthaso labhitabbo tam tam na detiti attho. Sakinti ekavarampi nanubhoti attano santakantipi attho. Na sanganhatiti bhattacchadanavijanangaladidanavasena na sanganhati. Vilapateva so naroti etesu rajadisu dhanam gahetva gacchantesu kevalam so puriso vilapatiyeva. Dhiroti pandito. Sanganhatiti attano santikam agate dubbalanatake bhattacchadanavijanangaladi- danena sanganhati. Tenati so sappuriso tena natakasangahena catuparisamajjhe kittinca attano vannabhanananca papunati pecca sagge devanagare pamodatiti. Evam mahasatto tassa dhammam desetva tena pacchinditam danam pakatikam karetva himavantameva gantva aparihinajjhano brahma- lokupago ahosi. Sattha imam dhammadesanam aharitva iti kho maharaja agantukasetthi bhatu puttassa maritatta ettakam kalam neva Puttam na dhitaram alabhiti vatva jatakam samodhanesi tada kanittho agantukasetthi ahosi jetthako pana ahamevati. Mayhakasakunajatakam pancamam.

The Pali Atthakatha in Roman Book 39 page 94-100. http://84000.org/tipitaka/atthapali/read_rm.php?B=39&A=1875&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=1875&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=931 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4151 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4148 The Pali Tipitaka in Roman Character :- http://84000.org/tipitaka/read/roman_read.php?B=27&A=4148 Contents of The Tipitaka Volume 27 http://84000.org/tipitaka/read/?index_27