บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Upasinghapupphajatakam yametanti idam sattha jetavane viharanto annataram bhikkhum arabbha kathesi. So kira jetavana nikkhamitva kosalaratthe annataram arannam nissaya viharanto ekadivasam padumasaram otaritva supupphitam padumam disva adhovate thatva upasinghi. Atha nam tasmim vanasande adhivattha devata marisa gandhatheno nama pavaram idanti ekam theyyanganti samvejesi. So taya samvejito puna jetavanam agantva sattharam vanditva nisinno kaham bhikkhu vutthositi pucchito asukavanasande nama tattheva mam devata evam nama samvejesiti aha. Atha nam sattha na kho bhikkhu puppham upasinghanto tvameva devataya samvejito poranakapanditapi samvejitapubbati vatva tena yacito atitam ahari atite baranasiyam brahmadatte rajjam karente bodhisatto ekasmim kasikagame brahmanakule nibbattitva vayappatto takkasilayam uggahitasippo aparabhage isipabbajjam pabbajitva ekam padumasaram nissaya upavasanto ekadivasam etam saram otaritva supupphitam padumam upasinghayamano atthasi. Atha nam eka devadhita rukkhakkhandhe thatva samvejiyamana pathamam gathamaha Yametam varijam puppham adinnam upasinghasi ekangametam theyyanam gandhathenosi marisati. Tattha ekangametanti ekakotthaso esa. Tato bodhisatto dutiyam gathamaha na harami na bhanjami ara singhami varijam atha kena nu vannena gandhathenoti vuccatiti. Tattha ara singhamiti dure thito singhami. Vannenati karanena. Tasmim khane eko puriso tasmim sare bhisani ceva khanati pundarikani ca sambhanjati. Bodhisatto tam disva mam ara thatva upasinghantam coroti vadati etam purisam kasma na bhanasiti taya saddhim sallapanto tatiyam gathamaha yoyam bhisani khanati pundarikani bhanjati evam akinnakammanto kasma eso na vuccatiti. Tattha akinnakammantoti kakkhalakammanto darunakammanto. Athassa vacanakaranam acikkhanti devata catutthapancamagatha abhasi akinnaluddho puriso dhaticolamva makkhito tasmim me vacanam natthi tancarahami vattave. Ananganassa posassa niccam sucigavesino valaggamattam papassa abbhamattamva khayatiti. Tattha dhaticolamvati khelasinghanikamuttaguthamakkhitam dhatiya Nivatthacolam viya ayam papamakkhitoyeva tena karanena tasmim mama vacanam natthi. Tancarahamiti samana pana ovadakama honti piyasila tasma tam appamattakampi ayuttam karontam vattum arahami samanati. Ananganassati niddosassa tumhadisassa. Abbhamattamva khayatiti mahameghappamanam hutva upatthati. Idani kasma evarupam dosam abboharikam karositi taya pana samvejito bodhisatto samvegappatto chattham gathamaha addha mam yakkha janasi atho mam anukampasi punapi yakkha vajjasi yada passasi edisanti. Tattha yakkhati devatam alapati. Vajjasiti vadeyyasi. Yada passasi edisanti yada mama evarupam dosam passasi tada evameva vadeyyasiti vadati. Athassa devadhita sattamam gathamaha neva tam upajivami napi te bhattikamhase tvameva bhikkhu janeyya yena gaccheyya suggatinti. Tattha bhattikamhaseti tava bhattikata kammakarapi te na homa. Kimkarana. Tam sabbakalam rakkhamana vicarissamati dipeti. Yena gaccheyyati bhikkhu yena kammena tvam sugatim gaccheyyasi tvameva janeyyasiti. Evam sa tassa ovadam datva attano vimanameva pavitthati. Bodhisattopi jhanam nibbattetva brahmalokaparayano ahosi. Sattha imam dhammadesanam aharitva saccani pakasetva jatakam samodhanesi. Saccapariyosane so bhikkhu sotapattiphale patitthahi. Tada devadhita uppalavanna ahosi tapaso pana ahamevati. Upasinghapupphajatakam sattamam.The Pali Atthakatha in Roman Book 39 page 106-109. http://84000.org/tipitaka/atthapali/read_rm.php?B=39&A=2105&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=2105&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=944 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4194 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4201 The Pali Tipitaka in Roman Character :- http://84000.org/tipitaka/read/roman_read.php?B=27&A=4201 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]