ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 39 : PALI ROMAN Ja.A.5 chakka-dasakanipata

                   Sattakanipatajatakatthakatha
                      kukkuvaggavannana
                      -----------
                        kukkujatakam
     diyaddhakukkuti idam sattha jetavane viharanto rajovadam arabbha
kathesi. Paccuppannavatthum tesakunajatake avibhavissati.
     Atite baranasiyam brahmadatte rajjam karente bodhisatto tassa
atthadhammanusasako amacco ahosi. Raja agatigamane patitthaya
adhammena rajjam karesi janapadam piletva dhanameva samharati.
Bodhisatto rajanam ovaditukamo ekam upamam upadharento carati.
Ranno ca uyyane vasagaram vippkatam hoti anitthitacchadanam.
Darukannikam aropetva gopanasiyo pavesitamatta honti.
Raja kilanatthaya uyyanam gantva tattha vicaritva tam geham pavisitva
olokento kannikamandalam disva attano uparipatanabhayena
nikkhamitva bahi thito puna oloketva kim nu kho nissaya kannika
thita kim nissaya gopanasiyoti cintetva bodhisattam pucchanto
pathamam gathamaha
                diyaddhakukku udayena kannika
                vidatthiyo attha parikkhipanti nam
                Sa sisapa saramaya aphegguka
                kuhim thita uparito na dhamsatiti.
     Tattha diyaddhakukkuti diyaddharatanani. Udayenati uccatarena.
Parikkhipanti nanti tam panetam attha vidatthiyo parikkhipanti parikkhepato
atthavidatthippamanati attho. Kuhim thitati kattha patitthita hutva.
Na dhamsatiti na patati.
     Tam sutva bodhisatto laddho dani me ranno ovadanatthaya
upayoti cintetva ima gatha aha
                ya timsati saramaya aphegguka
                parikiriya gopanasiyo samatthita
                tahi susangahita balasa ca pilita
                samatthita uparito na dhamsati.
                Evampi mittehi dalhehi pandito
                abhejjarupehi sucihi mantibhi
                susangahito siriya na dhamsati
                gopanasibharavahava kannikati.
     Tattha ya timsati saramayati ya eta sararukkhamaya timsati
gopanasiyo. Parikiriyati parivaretva. Samatthitati samabhagena
thita. Balasa ca pilitati tahi tahi gopanasihi balehi ca
pilita sutthu sangahita ekabaddha hutva. Panditoti nanasampanno
raja. Sacihiti sucisamacarehi kalyanamittehi. Mantibhiti mantakusalehi.
Gopanasibharavahava kannikati yatha gopanasinam bharam
vahamana kannika na dhamsati evam rajapi vuttappakarehi mantihi
abhejjahadayehi susangahito siritopi na dhamsati na patati na parihayati.
     Raja bodhisatte kathenteyeva attano kiriyam sallakkhetva
kannikaya asatiya gopanasiyo na titthanti gopanasihi asangahita
kannika na titthati gopanasisu bhijjantisu kannika patati evameva
adhammiko raja attano mittamacce ca balakaye ca brahmana-
gahapatike ca asanganhanto tesu bhijjantesu tehi asangahito issariya
dhamsati ranna nama dhammikena bhavitabbanti. Athassa tasmim khane
pannakaratthaya matulungam aharimsu. Raja sahaya imam matulungam
khadati bodhisattam aha. Bodhisatto tam gahetva maharaja
imam khaditum ajananta tittakampi karonti ambilam jananta pandita
tittakam haretva ambilam aniharitva matulungarasam anasetva paccha
khadantiti ranno imaya upamaya dhanasamharanupayam dassento dve
gatha abhasi
                kharattacam bellam yathapi satthava
                anomasantopi karoti tittakam
                samaharam sadhukaroti patthava
                asadhukayira tanubandhamuddharam.
                Evam gamanigamesu ca pandito
                asahasam vajjadhanani samharam
                Dhammanuvatti patipajjamano
                phatim kayira avihethayam paranti.
     Tattha kharattacanti thaddhatacam. Bellanti matulungam. Balantipi
patho. Ayameva attho. Satthavati satthakahattho. Anomasantoti
bahitacam tanukampi atacchanto imam phalam tittakam karoti. Samaharanti
samaharanto bahitacam tacchanto anto ca ambilam aniharanto satam
karoti. Patthavapi rajanamalapati. Tanubandhamuddharanti tanukam pana
tacam uddharanto sabbaso tittakassa anapanitatta tam asadhumeva
kayira. Evanti evam pandito rajapi asahasam sahasiya
tanhaya vasam agacchanto agatigamanam pahaya rattham apiletva upacikanam
vammikavaddhananiyamena madhukaranam renum gahetva madhukaraniyameneva
dhanam haranto
          danam silam pariccagam    ajjavam maddavam tapam
          akkodham avihimsanca     khanti ca avirodhananti
imesam dasannam rajadhammanam anuvattanena dhammanuvatti hutva pati-
pajjamano so attano ca paresanca phatim vuddhim kareyya param
avihethayantoyevati.
      Raja bodhisattena saddhim mantentova pokkharanitiram gantva
tattha supupphitam balasuriyavannam udakena anupalittam padumam disva
aha sahaya imam padumam udake jatameva udakena alimpamanam
thitanti. Atha nam bodhisatto maharaja rannapi evarupeneva
Bhavitabbanti ovadanto gatha aha
                odatamulam sucivarisambhavam
                jatam yatha pokkharanisu ambujam
                padumam yatha agginibhasiphalimam
                na kadamo na rajo na vari lippati.
                Evampi voharasucim asahasam
                visuddhakammantamapetapapakam
                na limpati kammakilesa tadiso
                jatam yatha pokkharanisu ambujanti.
     Tattha odatamulanti pandaramulam. Ambujanti padumasseva
vevacanam. Agginibhasiphalimanti agginibhasina suriyena phalitam vikasitanti
attho. Na kadamo na rajo na vari lippatiti neva kaddamo na
rajo na udakam limpati na makkhatiti attho. Limpaticceva va
patho. Bhummatthe va etani paccattani. Etesu kaddamadisu
na limpati na alliyatiti attho. Voharasucinti poranehi dhammika-
rajuhi likkhapetva thapite vinicchayavohare sucim agatigamanam pahaya
dhammena vinicchayakarakanti attho. Asahasanti dhammikavinicchaye
thitattayeva sahasikakiriya rahitam. Visuddhakammanti teneva asahasikattena
visuddhakammantam saccavadim akkodham majjhattam tulabhutam. Apetapapakanti
apetapapakammam. Na limpati kammakilesati tam rajanam panatipato
adinnadanam kamesu micchacaro musavadoti ayam kammakileso na
Alliyati. Kimkarana. Tadiso jatam yatha pokkharanisu ambujanti.
Tadiso hi raja yatha pokkharanisu jatam padumam anupalittam evam
anupalitto nama hoti maharajati.
     Raja bodhisattassa ovade thatva tato patthaya dhammena
rajjam karento danadini punnani katva saggaparayano ahosi.
     Sattha imam dhammadesanam aharitva jatakam samodhanesi tada
raja anando ahosi panditamacco pana ahamevati.
                     Kukkujatakam pathamam.



             The Pali Atthakatha in Roman Book 39 page 119-124. http://84000.org/tipitaka/atthapali/read_rm.php?B=39&A=2342&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=2342&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=969              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4277              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4285              The Pali Tipitaka in Roman Character :- http://84000.org/tipitaka/read/roman_read.php?B=27&A=4285              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]