บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Manojajatakam yatha capo ninnamatiti idam sattha veluvane viharanto vipakkhasevakam bhikkhum arabbha kathesi. Vatthum hettha mahilamukhajatake vittharitameva. Tada pana sattha na bhikkhave idaneva pubbepesa vipakkhasevakoyevati vatva atitam ahari atite baranasiyam brahmadatte rajjam karente bodhisatto siho hutva sihiya saddhim vasanto dve puttake labhi puttanca dhitaranca. Puttassa manojoti namam ahosi. So vayappatto ekam sihapotikam ganhi. Iti te panca jana ahesum. Manojo vane mahisadayo vadhitva mamsam aharitva matapitaro ca bhagininca pajapatinca posesi. So ekadivasam gocarabhumiyam giriyam nama sigalam palayitum appahontam urena nipannam disva kim sammati pucchitva Upatthatukamomhi samiti vutte sadhu upatthahassuti tam gahetva attano vasanatthanaguham anesi. Bodhisatto tam disva tata manoja sigala nama dussila papadhamma akicce niyojenti ma etam attano santike kariti varentopi nivaretum nasakkhi. Athekadisam sigalo assamamsam khaditukamo manojam aha sami amhehi thapetva assamamsam annam akhaditapubbam nama natthi assam ganhissamati. Kaham pana samma assoti. Baranasiyam naditireti. So tassa vacanam gahetva tena saddhim assanam nadiyam nahanavelayam gantva ekam assam gahetva pitthiyam aropetva sihavegena attano guhadvarameva agato. Athassa pita assamamsam khaditva tata assa nama rajatta 1- rajano ca anekamaya kusalehi dhanuggahehi vijjhapenti assamamsam khadanasiha nama dighayuka na honti ito patthaya ma assam ganhiti aha. So pitu vacanam akatva ganhateva. Siho assam ganhatiti sutva raja antonagareyeva assanam pokkharanim karesi. Tatopi agantva ganhiyeva. Raja assasala karetva antosalayameva tinodakam dapesi. Siho pakaramatthakena gantva antosalatopi ganhiyeva. Raja ekam akkhanavedhim dhanuggaham pakkosapetva sakkhissasi tata siham vijjhitunti aha. So sakkhissamiti pakaram nissaya sihassagamanamagge attakam karetva atthasi. Siho agantva bahisusane sigalam thapetva @Footnote: 1 rajabhogatipi patho. Assaggahanatthaya nagaram pakkhandi. Dhanuggahopi agamanakale atitikhinavegoti siham avijjhitva assam gahetva gamanakale garubharataya olinavegam siham tikhinena naravena pacchabhage vijjhi. Naravo puratthimabhagena nikkhamitva akase pakkhandi. Siho viddhomhiti viravi. Dhanuggaho nam vijjhitva asanim viya jiyam pothesi. Sihassa ca jiyaya ca sigalo saddam sutva sahayo me dhanuggahena vijjhitva marito bhavissati matakehi saddhim vissaso nama natthi idani mama pakatiya vasanatthanameva gamissamiti attanava saddhim sallapanto dve gatha abhasi yatha capo ninnamati jiya capi nikujjati hannate nuna manojo migaraja sakha mama. Handa dani vanam tanam pakkamami yathasukham netadisa sakha honti labbha me jivato sakhati. Tattha yathati yena karanena capo ninnamati. Hannate nunati nuna hannati. Netadisati evarupa mataka sahaya nama na honti. Labbhati jivato mama sahayo nama sakka laddhum. Sihopi ekavegeneva gantva assam guhadvare patetva sayam maritva patati. Athassa nataka nikkhamitva tam lohitamakkhitam paharamujehi paggharitalohitam papajanasevitaya jivitakkhayam pattam addasamsu. Disvanassa mata pita bhagini pajapati patipatiya catasso gatha abhasimsu Na papajanasamsevi accantam sukhamedhati manojam passa semanam giriyassanusasani. Na papasampavankena mata puttena nandati manojam passa semanam acchantam samhi lohite. Evamapajjate poso papiyo ca nigacchati yo ve hitanam jananam na karoti atthadassinam. Evanca so hoti tatova papiyo yo uttamo adhamajanupasevi passuttamam adhamajanupasevim migadhipam saravaraveganidhutanti. Tattha accantam sukhamedhatiti na ciram sukham labhati. Giriyassa- nusasaniti ayam evarupa giriyassanusasaniti garahanto aha. Papasampavankenati papasahayena. Acchantanti nimuggam. Papiyo ca nigacchatiti papakanca vindati. Hitananti atthakamanam. Atthadassinanti anagatam attham passantanam. Papiyoti papataro. Adhamajanupaseviti adhamajanam upasevati. Uttamanti sarirabalena jetthakam. Pacchima abhisambuddhagatha abhasi nihiyati puriso nihinasevi na ca hayetha kadaci tulyasevi setthamupagamam udeti khippam tasma attano uttaram bhajethati. Tattha nihiyatiti bhikkhave hinasevi nama manojasiho viya nihiyati parihayati vinasam papunati. Tulyaseviti siladihi attana sadisam sevamano na hayati vuddhiyeva panassa hoti. Setthamupagamanti siladihi uttaritaramyeva upagacchantoyeva. Udeti khippanti sighameva siladihi gunehi upagacchati. Sattha imam dhammadesanam aharitva saccani pakasetva jatakam samodhanesi saccapariyosane vipakkhasevako bhikkhu sotapattiphale patitthahi. Tada sigalo devadatto ahosi manojo vipakkhavesako bhagini uppalavanna bhariya khema bhikkhuni mata rahulamata pita pana ahamevati. Manojajatakam dutiyam.The Pali Atthakatha in Roman Book 39 page 124-128. http://84000.org/tipitaka/atthapali/read_rm.php?B=39&A=2453&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=2453&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=976 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4303 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4321 The Pali Tipitaka in Roman Character :- http://84000.org/tipitaka/read/roman_read.php?B=27&A=4321 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]