|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Mahakapijatakam
attanam sankamam katvati idam sattha jetavane viharanto
natatthacariyam arabbha kathesi. Vatthu bhaddasalajatake avibhavissati.
Tada ca pana dhammasabhayam katham samutthapesum avuso sammasambuddho
natakanam attham caratiti. Sattha agantva kaya nuttha bhikkhave
etarahi kathaya sannisinnati pucchitva imaya namati vutte
na bhikkhave idaneva pubbepi tathagato natinam attham caratevati
vatva atitam ahari
atite baranasiyam brahmadatte rajjam karente bodhisatto
kapiyoniyam nibbattitva vayappatto arohaparinahasampanno
thamabalupeto pancahatthibalaparimano asitisahassakapiganaparivaro himavantap-
padese vasi. Tattha gangatiram nissaya sakhavitapasampanno sandac-
chayo bahalapatto pabbatakutam viya samuggato ambarukkho ahosi
nigrodharukkhoti vadanti. Tassa madhurani phalani dibbagandharasasadisani
mahantaphalani mahantakumbhappamanani. Tassa ekissa sakhaya
phalani thale patanti ekissa sakhaya gangaya udake patanti.
Dvinnam sakhanam phalani majjhe rukkhamule patanti. Bodhisatto
kapiganam adaya tattha phalani khadanto ekasmim kale imassa
rukkhassa udake patitaphalam nissaya amhakam bhayam uppajjissatiti
Udakamatthake sakhaya ekaphalampi anavasesetva pupphakale kalaya-
pattakalato patthaya khadapeti ceva patapeti ca. Evam santepi
asitiya vanarasahassehi adittham kipillikaputapaticchannam ekam pakkaphalam
nadiyam patitva uddhanca adho ca jalam bandhapentassa udakakilam
kilantassa baranasiranno uddhamjale laggi. Ranno divasam
kilitva sayam gamanasamaye kevatta jalam ukkhipanta tam disva
asukaphalannamati ajananta ranno dassesum. Raja kim phalannametanti
pucchi. Na janama devati. Ke janissantiti. Vanacaraka
devati ahamsu. So vanacarake pakkosapetva tesam santika
ambapakkanti sutva churikaya chinditva pathamam vanacarake khadapetva
paccha attanapi khadi. Itthagarassapi amaccanampi khadapesi.
Ranno ambapakkaraso sakalasariram pharitva atthasi. So rasatanhaya
bajjhitva tassa rukkhassa thitatthanam vanacarake pucchitva tehi
himavantappadese naditireti vutte bahu navasanghate bandhapetva
vanacarakehi desitamaggena uddhamsotam agamasi. Ettakani divasaniti
paricchedo na kathitoti. Anupubbena tam thanam patva eso
devarukkhoti vanacaraka ranno acikkhimsu. Raja navam nadiyam
thapetva mahajanaparivuto padasa tattha gantva rukkhamule sayanam
pannapetva ambapakkani khaditva nanaggarasabhojanam bhunjitva
nipajji. Sabbadisasu arakkham thapetva aggim karimsu. Mahasatto
manussesu niddam okkamantesu addharattisamaye parisaya saddhim agamasi.
Asitisahassavanara sakhaya sakham caranta ambani khadanti. Raja
pabujjhitva kapiganam disva manusse utthapetva dhanuggahe pakkosa-
petva yatha ete phalakhadaka vanara na palayanti tatha ne
parikkhipitva vijjhatha sve ambani ceva vanaramamsanca khadissamati
aha. Dhanuggaha sadhuti sampaticchitva rukkham parivaretva sarena
sannahitva atthamsu. Te disva vanara maranabhayabhita palayitum
asakkonta mahasattam upasankamitva deva palayanamakkate vijjhissamati
rukkham parikkhipitva dhanuggaha thita kim karomati pucchitva
kampamana atthamsu. Bodhisatto ma bhayittha aham vo jivitam
dassamiti vanaraganam samassasetva ujukam uggatasakham aruyha
gangabhimukhim gatasakham gantva tassa pariyantato pakkhanditva
dhanusatamattatthanam atikkamma gangatire ekasmim gumbamatthake patitva
tato oruyha mamagatatthanam ettakam bhavissatiti akasam paricchinditva
ekam vettalatam mule chinditva sodhetva ettakam thanam rukkhe
bandhissati ettakam akasattham bhavissatiti imani dve thanani
vavatthapetva attano katiyam bandhanatthanam na sallakkhesi. So tam
vettalatam adaya ekam kotim gangatire patitthitarukkhe bandhitva
ekam attano katiyam bandhitva vatacchinnavalahaka viya vegena
dhanusatamattam thanam langhitva katiyam bandhanatthanassa asallakkhitatta
rukkham papunitum asakkonto ubhohi hatthehi ambasakham dalham ganhitva
vanaraganassa sannam adasi sigham me pitthiyam maddamana vettalataya
Sotthigamanam gacchathati. Asitisahassavanara mahasattam vanditva
khamapetva tatha agamamsu. Tada devadattopi makkato hutva
tesam abbhantare hoti. So ayam me paccamittassa pitthim passitum
kaloti uccasakham aruyha vegam janetva tassa pitthiyam pati.
Mahasattassa hadayam bhijji balavavedana uppajji. Sopi tam vedanapattam
katva pakkami. Mahasatto ekakova ahosi. Raja aniddayanto
vanarehi ca mahasattena ca katakiriyam sabbam disva ayam tiracchano
hutva attano jivitam aganetva parisaya sotthibhavameva akasiti
cintento nipajji. So pabhataya rattiya mahasattassa tussitva na
yuttam imam kapirajanam nasetum upayena nam otaretva patijaggissamiti
antogangaya navasanghatam thapetva tattha attakam bandhapetva
sanikam mahasattam otarapetva pitthiyam kasavavattham pattharapetva
gangodakena nahapetva phanitodakam payetva parisukkhasariram sahassa-
pakatelena abbhanjapetva sayanapitthe elakacammam santharapetva
tattha nam nipajjapetva attana nice asane nisiditva pathamam
gathamaha
attanam sankamam katva yo sotthim samatarayi
kim tvam tesam kimme tuyham honti hete mahakapiti.
Tassattho bho mahakapi yo tvam attanam sankamam katva
tulam aropetva jivitam pariccajitva ime vanare sotthim samatarayi
khemena santaresi kim tvam tesam ahosi kimme tuyham va kim
Me ete hontiti.
Tam sutva bodhisatto rajanam ovadanto sesagatha abhasi
rajaham issaro tesam yuthassa pariharako
tesam sokaparetanam bhitanante arindama.
Ullanghayitva attanam vissatthadhanuno satam
tato aparapadesu dalham bandham latagulam.
Chinnabbhamiva vatena nunno rukkhamupagamim
soham appabhavam tattha sakham hatthehi aggahim.
Tam mam vinayatam santam sakhaya ca lataya ca
samanukkamanta padehi sotthim sakhamiga gata.
Tam mam na tappati bandho vadho me na tapessati
sukhamaharitam tesam yesam rajjamakarayim.
Esa te upama raja tam sunahi arindama
ranna ratthassa yoggassa balassa nigamassa ca
sabbesam sukhametabbam khattiyena pajanatati.
Tattha tesanti tesam asitisahassanam vanaranam. Bhitananteti
tava vijjhanatthaya anapetva thitassa bhitanam. Arindamati
rajanam alapati. Raja hi coradinam arinam damanato arindamoti
vuccati. Vissatthadhanuno satanti aropitadhanusatappamanam thanam attanam
akase ullanghayitva vissajjetva. Tatoti imamha rukkha
Langhayitva gatatthanato. Aparapadesuti pacchapadesu. Idam
katibhagam sandhaya vuttam. Bodhisatto hi katibhagena tam latagulam
dalham bandhitva pacchimapadehi bhumim akkamitva vatavegena akasam
pakkhandi. Nunno rukkhamupagaminti vatacchinnam abbhamiva attano
vegajanitena vatena nunno. Yatha vatacchinnabbhavatena evam
attano vegena nunno hutva imam ambarukkham upagamim. Appabhavanti
so aham tattha akasappadese rukkham papunitum appahonto tassa
sakham hatthehi aggahesinti attho. Vinayatanti rukkhasakhaya ca
vettalataya ca vinaya bhamaratanti viya vigatam akaddhitasariram.
Samanukkamantati maya anunnata mam vanditva khamapetva padehi
samanukkamanta nirantarameva akkamanta sotthim gata. Tam mam na
tappati bandhoti tam mam napi so valliya bandho tappati napi
idani maranam tappessati. Kimkarana sukhamaharitam tesanti yasma
yesam aham rajjamakarayim tesam maya sukhamaharitam ete hi maharaja
ayam no uppannampi dukkham haritva sukham aharissatiti mam rajanam
akamsu ahampi tumhakam uppannam dukkham harissamicceva etesam
raja jato tam ajja maya etesam maranadukkham haritva jivitasukham
ahatam tena mam napi bandho tappati na maranavadho tappessati.
Esava te upamati esa te maharaja maya katakiriyaya upama.
Tam sunahiti tasma imaya upamaya samsandetva attano diyyamanam
ovadam sunahi. Ranna ratthassati maharaja ranna nama
Ucchuyante ucchum viya rattham apiletvava catubbidham agatigamanam pahaya
catuhi sangahavatthuhi sanganhantena dasasu rajadhammesu patitthaya maya
viya attano jivitam pariccajitva kinte me ratthavasino vigatabhaya
gimhakale vivatadvara natihi ca paricarikehi ca parivarita ure
putte naccenta sitena vatena vijiyamana yatharucim attano santakam
paribhunjanta kayikacetasikasukhasamangino bhaveyyunti sakalaratthassa ca
rathasakatadiyuttavahanassa yoggassa ca pattikasankhatassa balassa ca
nigamajanapadasankhatassa nigamassa ca sabbesam sukhameva esitabbam
gavesitabbanti attho. Khattiyena pajanatati khettanam adhipatibhavena
khattiyoti laddhanamena pana etena avasesasatte atikkamma pajanata
nanasampannena bhavitabbanti.
Evam mahasatto rajanam ovadanto ca anusasanto ca
kalamakasi. Raja amacce pakkosapetva imassa kapirajassa
rajunam viya sarirakiccam karothati vatva itthagarampi anapesi
tumhe rattavatthanivattha parikinnakesa dandadipikahattha kapirajanam
parivaretva ahalanam gacchathati. Amacca darunam sakatamattena
cittakam karitva rajunam karananiyameneva mahasattassa sarirakiccam
katva sisakapalam gahetva ranno santikam agamamsu. Raja
mahasattassa ahalane cetiyam karetva dipe jalapetva gandhamaladihi
pujetva sisakapalam suvannakhacitam karetva kuntagge thapetva
purato karetva gandhamaladihi pujento baranasim gantva kuntam
Rajadvare thapetva sakalanagaram sajjapetva sattaham dhatupujam
karesi. Atha nam dhatum gahetva cetiyam karetva yavajivam
gandhamaladihi pujento bodhisattassa ovade patitthaya danadini
punnani karonto dhammena rajjam karetva saggaparayano ahosi.
Sattha imam dhammadesanam aharitva saccani pakasetva jatakam
samodhanesi tada raja anando ahosi dutthakapi devadatto
parisa buddhaparisa kapiraja pana ahamevati.
Mahakapijatakam dutiyam.
The Pali Atthakatha in Roman Book 39 page 189-196.
http://84000.org/tipitaka/atthapali/read_rm.php?B=39&A=3774&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=39&A=3774&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=1050
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=4546
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=4575
The Pali Tipitaka in Roman Character :-
http://84000.org/tipitaka/read/roman_read.php?B=27&A=4575
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]