|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Kotasimbalijatakam
aham dasasatabyamanti idam sattha jetavane viharanto kilesaniggaham
arabbha kathesi. Vatthu pannasajatake avibhavissati.
Idhapi sattha antokotisantharake kamavitakkabhibhute pancasate
bhikkhu disva bhikkhusangham sannipatapetva bhikkhave asankitabbayuttakannama
asankitum vattati kilesa nama vaddhanta vane nigrodhadayo
viya rukkham sambhanjanti teneva pubbe kotasimbaliyam nibbattadevata
ekam sakunam nigrodhavijani khaditva attano rukkhassa sakhantaresu
vaccam patentam disva ito me vimanassa vinaso bhavissatiti
bhayappatta ahositi vatva atitam ahari
atite baranasiyam brahmadatte rajjam karente bodhisatto
kotasimbaliyam rukkhadevata hutva nibbatti. Atheko supannaraja
diyaddhayojanasatikam attabhavam mapetva pakkhavatehi mahasamudde
Udakam dvidha katva ekam byamasahassayamam nagarajanam nangutthe
gahetva mukhenassa gahitagocaram chaddapetva kotasimbalim sandhaya
vanamatthakena payasi. Nagaraja olambanto attanam mocessamiti
ekasmim nigrodharukkhe bhogam pavesetva nigrodham vethetva ganhi.
Supannaranno mahabalataya nagarajassa ca mahasarirataya nigrodharukkho
samugghatam agamasi. Nagaraja neva rukkham vissajjesi. Supanno
nigrodharukkhena saddhim nagarajanam gahetva kotasimbalim patva
nagarajanam rukkhakkhandhapitthe nipajjapetva udarassa phaletva nagamedam
khaditva sesakalevaram samudde vissajjesi. Tasmim pana nigrodhe
eka sakunika atthi sa nigrodharukkhe vissatthe uppatitva
kotasimbaliya sakhantare nisidi. Rukkhadevata tam disva ayam
sakunika mama rukkhakkhandhe vaccam patessati tato nigrodhagaccho
va milakkhagaccho va utthahitva sakalarukkham ottharitva bhanjissati
atha me vimanam nassissatiti bhitatasitava pavedhi. Tassa pavedhentiya
kotasimbali yava mula pavedhi. Supannaraja tam pavedhamanam disva
karanam pucchanto dve gatha abhasi
aham dasasatabyamam uragamadaya agato
tanca manca mahakayam dharayam nappavedhasi.
Athimam khuddakam pakkhim appamamsataram maya
dharayam byathasi bhito kimattham kotasimbaliti.
Tattha dasasatabyamanti sahassabyamam. Uragamadaya agatoti
Evam mahantam uragam adaya idha agato. Tanca mancati tanca
uragam manca. Dharayanti dharayamano. Byathasiti kampasi. Kimatthanti
kim attham kena karanenati pucchati. Kim va attham sampassamanotipi
attho. Kotasimbaliti rukkhanamena devaputtam alapati. So hi
simbalirukkho khandhasakhamahantataya kotasimbaliti namam labhi. Tasmim
adhivatthadevaputtassapi tadeva namam.
Athassa karanam kathento devaputto catasso gatha abhasi
mamsabhakkho tuvam raja phalabhakkho ayam dijo
ayam nigrodhavijani milakkhudumbarani ca
assatthani ca bhakkhetva khandhe me odahissati.
Te rukkha samviruhanti mama passe nivataja
te mam pariyonaddhissanti arukkham mam karissare.
Santi annepi rukkhase mulino khandhino duma
imina sakunajatena vijamaharitva hata.
Ajjharuha hi vaddhanti brahantampi vanappatim
tasma raja pavedhami sampassam nagatam bhayanti.
Tattha odahissatiti vaccam patessati. Te rukkhati tehi
vijehi jata nigrodhadayo rukkha. Samviruhantiti samviruhissanti
samvaddhissanti. Mama passeti mamapassakhandhataradisu. Nivatajati
mama sakhahi vatassa nivaritatta nivate jata. Pariyonaddhissantiti
te evam samvaddhanta mam pariyonaddhissanti. Ayameva va patho.
Karissareti athevam pariyonaddhitva mam arukkhameva karissanti sabbaso
bhanjissanti. Rukkhaseti rukkha. Mulino khandhinoti mulasampanna
ceva khandhasampanna ca. Dumati rukkhavevacanameva. Vijamaharitvati
vijam aharitva. Hatati annepi imasmim vane rukkha vinasita
santi. Ajjharuha hi vaddhantiti nigrodhadayo hi rukkha ajjharuha
hutva mahantampi annam vanappatim atikkamma vaddhantiti dasseti.
Ettha pana vane pati vanassa pati vanappatiti tayopi pathayeva.
Rajati supannam alapati.
Rukkhadevataya vacanam sutva supanno osanagathamaha
sankeyya sankitabbani rakkheyyanagatam bhayam
anagatabhaya dhiro ubho loke avekkhatiti.
Tattha anagatam bhayanti panatipatadihi viramanto ditthadhammikampi
samparayikampi anagatam bhayam rakkhati nama. Papamitte ca veripuggale
ca anupasankamanto anagatam bhayam rakkhati nama. Evam anagatam
bhayam rakkheyya. Anagatabhayati anagate bhayakarana. Tam bhayam
sampassanto dhiro idhalokanca paralokanca avekkhati oloketi nama.
Evanca pana vatva supanno attano anubhavena tam
pakkhim tamha rukkha palapesi.
Sattha imam dhammadesanam aharitva asankitabbayuttakam asankitum
vattatiti vatva saccani pakasetva jatakam samodhanesi
Saccapariyosane pancasata bhikkhu arahatte patitthahimsu. Tada supannaraja
sariputto ahosi rukkhadevata pana ahamevati.
Kotasimbalijatakam sattamam.
The Pali Atthakatha in Roman Book 39 page 225-229.
http://84000.org/tipitaka/atthapali/read_rm.php?B=39&A=4525&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=39&A=4525&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=1086
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=4670
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=4703
The Pali Tipitaka in Roman Character :-
http://84000.org/tipitaka/read/roman_read.php?B=27&A=4703
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]