บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Jagarajatakam kodha jagaratam suttoti idam sattha jetavane viharanto annataram upasakam arabbha kathesi. So hi sotapanno ariyasavako savatthito sakatasatthena saddhim kantaramaggam patipajji. Satthavaho tatthekasmim udakaphasukatthane panca sakatasatani mocetva khadaniyam bhojaniyam samvidahitva vasam upagacchi. Te manussa tattha tattha nipajjitva supimsu. Upasako pana satthavahassa santike ekasmim rukkhamule cankamam adhitthasi. Atha tam sattham vilumpitukama pancasata cora nanavudhani gahetva sattham parivaretva atthamsu. Te tam upasakam cankamantam disva imassa niddayanakale vilumpissamati tattha tattha atthamsu. Sopi tiyamarattim cankamiyeva. Cora paccusasamaye gahitapasanamuggaradayo chaddetva bho satthavaha imam appamadena jagarantam purisam nissaya jivitam labhitva tava santakassa samiko jatoti etassa sakkaram kareyyasiti vatva pakkamimsu. Manussa kalasseva vutthaya tehi Chaddite pasanamuggaradayo disva imam nissaya amhehi jivitam laddhanti upasakassa sakkaram akamsu. Upasakopi icchiticchitatthanam gantva katakicco puna savatthim agantva jetavanam gantva tathagatam pujetva vanditva nisinno kim upasaka na pannayasiti vutte tamattham arocesi. Sattha na kho upasaka tvanceva aniddayitva jagganto visesam labhi poranakapanditapi jagganta visesam labhimsuti vatva tena yacito atitam ahari atite baranasiyam brahmadatte rajjam karente bodhisatto brahmanakule nibbattitva vayappatto takkasilayam sabbasippani ugganhitva paccagantva agaramajjhe vasanto aparabhage nikkhamitva isipabbajjam pabbajitva na cirasseva jhanabhinna nibbattetva himavantappadese thanacankamiriyapatho hutva vasanto niddam anupagantva sabbarattim cankamati. Athassa cankamanakotiyam rukkhe nibbattadevata tussitva khandhavitape thatva panham pucchanti pathamam gathamaha kodha jagaratam sutto kodha suttesu jagaro ko metam nu vijanati ko tam patibhanati meti. Tattha kodhati ko idha. Ko metanti ko mama etam panham vijanati. Ko tam patibhanati meti tam etam maya putthapanham mayham ko patibhanati ko byakaritum sakkhissatiti pucchati. Bodhisatto tassa vacanam sutva Aham jagaratam sutto aham suttesu jagaro ahametam vijanami aham patibhanami teti imam gatham vatva puna taya katham jagaratam sutto katham suttesu jagaro katham etam vijanasi katham patibhanasi meti imam gatham puttho tamattham byakaronto ye dhammam nappajananti sannamoti damoti ca tesu suttappamadesu aham jaggami devate. Yesam rago ca doso ca avijja ca virajita tesu jagaramanesu aham suttosmi devate. Evam jagaratam sutto evam suttesu jagaro evametam vijanami evam patibhanami teti ima gatha aha. Tattha katham jagaratam suttoti katham tvam jagaratam sattanam antare sutto nama hosi. Esa nayo sabbattha. Ye dhammanti ye satta navavidham lokuttaradhammam na jananti. Sannamoti damoti cati ayam sannamo ayam damoti evanca yena maggena agatam silanceva indriyasamvaranca na jananti. Indriyasamvaro hi manacchatthanam indriyanam damanato damoti vuccati. Tesu suttappamadesuti tesu kilesesu niddaya vasena suttesu aham appamadavasena jaggami. Yesam rago cati gathaya yesam mahakhinasavanam padasatena Nidditthadiyaddhasahassalobhasankhato rago ca navaghatavatthusamutthano doso ca dukkhadisu atthasu vatthusu ananabhuta avijja cati ime kilesa virajita pahina tesu ariyesu sabbakarena jagaramanesu te upadaya aham sutto nama devateti attho. Evam jagaratanti evam devate aham imina karanena jagaratam sutto namati. Esa nayo sabbattha padesu. Evam mahasattena panhe kathite tuttha devata tassa thutim karonti osanagathamaha sadhu jagaratam sutto sadhu suttesu jagaro sadhu metam vijanasi sadhu patibhanasi meti. Tattha sadhuti sadhu laddhakam katva tvam imam panham kathesi mayampi nam evameva kathemati. Evam sa bodhisattassa thutim katva attano vimanameva pavisi. Sattha imam dhammadesanam aharitva jatakam samodhanesi tada devata uppalavanna ahosi tapaso pana ahamevati. Jagarajatakam navamam.The Pali Atthakatha in Roman Book 39 page 233-236. http://84000.org/tipitaka/atthapali/read_rm.php?B=39&A=4686&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=4686&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1100 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=4706 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=4740 The Pali Tipitaka in Roman Character :- http://84000.org/tipitaka/read/roman_read.php?B=27&A=4740 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]