ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 39 : PALI ROMAN Ja.A.5 chakka-dasakanipata

                        Nerujatakam
     kakola kakasangha cati idam sattha jetavane viharanto
annataram bhikkhum arabbha kathesi.
     So kira satthu santike kammatthanam gahetva ekam paccantagamam
agamasi. Manussa tassa iriyapathe pasiditva tam bhojetva
patinnam gahetva aranne pannasalam katva tattha vasapesum
ativiya cassa sakkaram karimsu. Athanne sassatavada agamimsu.
Te tesam vacanam sutva therassa vadam vissajjetva sassatavade
gahetva tesamyeva sakkaram karimsu. Tato ucchedavada agamimsu.
Te sassatavade vissajjetva ucchedavade ganhimsu. Athanne
acelakavada agamimsu. Te ucchedavade vissajjetva acelakavadam
ganhimsu. So tesam gunagunam ajanantanam manussanam santike
dukkhena vasitva vutthavasso pavaretva satthu santikam gantva
katapatisantharo kaham vassam vutthositi vutte paccantam nissaya
bhanteti vatva sukham vutthositi puttho bhante gunagunam
Ajanantanam santike dukkham vutthosmiti. Sattha bhikkhu poranakapandita
tiracchanayoniyam nibbattapi gunagunam ajanantehi saddhim
ekadivasampi na vasimsu tvam attano gunagunam ajanatthane kasma
vasiti vatva tena yacito atitam ahari.
     Atite baranasiyam brahmadatte rajjam karente bodhisatto
suvannahamsayoniyam nibbatti kanitthabhatapissa atthi te
cittakutapabbate vasanta himavantappadese sayamjatasalim khadanti. Te
ekadivasam tattha caritva cittakutam agacchanta antaramagge ekam
nerum nama kancanapabbatam disva tassa matthake nisidimsu. Tam pana
pabbatam nissaya vasanta sakuna sasa catuppada ca gocarabhumiyam
nanavanna honti pabbatam pavitthakalato patthaya tassobhasena
suvannavanna honti. Tam disva bodhisattassa kanittho
tam karanam ajanitva kim nu kho etam karananti bhatara saddhim
sallapanto dve gatha abhasi
        kakola kakasangha ca    mayanca patatam vara
        sabbeva sadisa homa      imam agamma pabbatam.
        Idha siha ca byaggha ca    sakuna ca migadhama
        sabbeva sadisa honti     ayam ko nama pabbatoti.
     Tattha kakolati vanakaka. Kakasanghati pakatikakasangha
va. Patatam varati pakkhinam settha. Sadisa homati sadisavanna homa.
     Tassa vacanam sutva bodhisatto tatiyam gathamaha
        imam nerunti jananti      manussa pabbatuttamam
        idha vannena sampanna     vasanti sabbapaninoti.
     Tattha idha vannenati imasmim nerupabbate obhasena
vannasampanna hutva.
     Tam sutva kanittho sesagatha abhasi
        amanana yattha siya      santanam va vimana va
        hinasamanana vapi        na tattha vasati vase.
        Yattha alaso dakkho ca     suro bhiru ca pujiya
        na tattha santo vasanti     avisesakare nage.
        Nayam neru vibhajati        hinamukkatthamajjhime
        avisesakaro neru       handa nerum jahamaseti.
     Tattha pathamagathaya attho yattha santanam panditanam
silasampannanam mananassa abhavena amanana ca avamanana ca
avamanavasena vimanana va hinanam va dussilanam va samanana
va siya tattha na vase na vaseyya. Pujiyati ete ettha
ekasadisaya pujaya pujaniya honti samakam sakkaram labhanti.
Hinamukkatthamajjhimeti jatigottakulappadesasilacarananadihi hine ca
majjhime ca ukkatthe ca ayam na vibhajati. Handati upasaggatthe
nipato. Jahamaseti pariccajama.
     Evanca pana vatva ubhopi te hamsa uppatitva
Cittakutameva gata.
     Sattha imam dhammadesanam aharitva saccani pakasetva jatakam
samodhanesi. Saccapariyosane so bhikkhu sotapattiphale patitthahi.
Tada kanitthahamso anando ahosi jetthakahamso pana ahamevati.
                    Nerujatakam catuttham.



             The Pali Atthakatha in Roman Book 39 page 25-28. http://84000.org/tipitaka/atthapali/read_rm.php?B=39&A=494&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=494&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=849              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3895              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3862              The Pali Tipitaka in Roman Character :- http://84000.org/tipitaka/read/roman_read.php?B=27&A=3862              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]