บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Asankajatakam asavati nama latati idam sattha jetavane viharanto puranadutiyikapalobhanam arabbha kathesi. Vatthum indriyajatake avibhavissati. Idha pana sattha tam bhikkhum saccam kira tvam ukkanthitoti vatva saccam bhanteti vutte kena ukkanthapitositi puranadutiyikaya bhanteti vutte bhikkhu esa itthi tuyham anatthakarika pubbepi tvam etam nissaya caturanginim senam jahitva himavantappadese mahantam dukkham anubhavanto tini samvaccharani vasiti vatva atitam aha atite baranasiyam brahmadatte rajjam karente bodhisatto kasikagame brahmanakule nibbattitva vayappatto takkasilayam uggahitasippo isipabbajjam pabbajitva vanamulaphalaharo abhinna ca samapattiyo ca nibbattetva himavantappadese vasi. Tasmim kale eko punnasampanno satto tavatimsabhavanato cavitva tasmim thane padumasare ekasmim padumagabbhe darika hutva nibbatti sesapadumesu puranabhavam patva patantesupi tam mahakucchikam hutva Titthateva. Tapaso nahayitum padumasaram agato tam disva annesu padumapupphesu patantesupi idam mahakucchikam hutva titthati kim nu kho karananti cintetva udakasatakam nivasetva otaranto gantva tam padumam vivaritva tam darikam disva dhitusannam uppadetva pannasalam anetva patijaggi. Sa aparabhage solasavassika hutva abhirupa ahosi uttamarupadhara atikkanta manusakavannam appatta devavannam. Tada sakko bodhisattassa upatthanam agacchati. So tam disva kuto esati pucchitva laddhaniyamam sutva imissa kim laddhum vattatiti pucchi. Nivasanatthaya phalikapasadam mapetva dibbasayanadibbavatthalankarabhojanavidhanam marisati. Tam sutva so sadhu bhanteti tassa nivasanatthaya phalikapasadam mapetva dibbasayanadibbavatthalankaradibbaannapanani mapesi. So pasado tassa abhiruhanakale otaritva bhumiyam patitthati tassa arohanakale langhitva akase titthati. Sa bodhisattassa vattapatipattim kurumana pasade vasi. Tameko vanacarako disva ayam bhante vo kim hotiti pucchitva dhita meti sutva baranasim gantva deva maya himavantappadese evarupa nama ekassa tapasassa dhita ditthati ranno arocesi. Tam sutva so savanasamsaggeneva bajjhitva vanacarakam magguddesakam katva caturanginiya senaya tam thanam gantva khandhavaram nivasapetva vanacarakam adaya amaccaganaparivuto assamapadam pavisitva Mahasattam vanditva ekamantam nisinno bhante itthiyo nama brahmacariyassa malam tumhakam dhitaram aham patijaggissamiti aha. Bodhisatto pana kim nu kho etasmim padumeti asankam katva udakam otaritva anitabhavena tassa kumarikaya asankakumariti namam akasi. So tam rajanam imam gahetva gacchati ujukam avatva maharaja imaya kumarikaya namam jananto ganhitva gacchati. Tam sutva raja aha tumhehi kathite janissami bhanteti. Aham te na kathemi tvam attano pannabalena namam janantova gahetva yahiti. So sadhuti sampaticchitva tato patthaya amaccehi saddhim kimnama nu kho esati namam upadhareti. So yani tani dujjanani namani tani kittetva asuka nama bhavissati asuka nama bhavissatiti bodhisattena saddhim kathesi. Tam sutva bodhisatto na evamnamati patikkhipati. Atha ranno namam upadharentasseva samvaccharo atito. Tada hatthiassamanusse sihadayo bala ganhanti dighajatikaparipantho hoti makkhikaparipantho hoti sitena kilametva bahu manussa maranti. Atha raja kujjhitva kim me etayati bodhisattassa kathetva payasi. Asanka kumarika etam divasam phalikavatapanam vivaritva attanam dassenti atthasi. Raja tam disva mayam tava namam janitum na sakkoma tvam himavanteyeva vasi mayam gamissamati aha. Kaham maharaja gacchanto madisam itthim Labhissasi mama vacanam sunahi tavatimsadevaloke cittalatavane asavati nama lata atthi tassa phalassa abbhantare dibbapanam nibbatti tam ekavaram pivitva cattaro mase matta hutva dibbasayane sayanti sa pana vassasahassena phalati surasonda devaputta ito phalam labhissamati dibbapane pipasam adhivasetva vassasahassam nivaddham gantva tam latam aroga nu khoti olokenti tvam pana ekasamvacchareneva ukkanthito asaphalavati nama sukha ma ukkanthiti vatva tisso gatha abhasi asavati nama lata jata cittalatavane tassa vassasahassena ekam nibbattate phalam tam deva payirupasanti tava duraphale sati. Asimseva tuvam raja asa phalavati sukha asimsatheva so pakkhi asimsatheva so dijo. Tassevasa samijjhattha tava duragata sati asimseva tuvam raja asa phalavati sukhati. Tattha asavatiti evamnamaka sa hi yasma tassa phale asa uppajjati tasma etam namam labhi. Cittalatavaneti evamnamake uyyane tasmim kira uyyane rukkhalatadinam pabha tattha pavitthapavitthanam devanam sariravannam citram karoti tenassa cittalatavananti namam jatam. Payirupasantiti punappunam upenti. Asimsevati asimsahiyeva patthehiyeva ma asacchedakammam karohiti. Raja tassa kathaya bajjhitva puna amacce sannipatetva dasanamakam karetva namam gavesanto aparampi samvaccharam vasi. Tassa dasanamakepi namam nahosi asukam namati vutte bodhisatto patikkhipateva. Puna raja kim me imayati turangam aruyha payasi. Sapi puna vatapane thatva attanam dassesi. Tam disva raja tittha tvam mayam gamissamati aha. Kasma yasi maharajati. Tava namam janitum na sakkomiti. Maharaja kasma namam na janissati asa nama asamijjhanaka natthi mama vacanam sunahi eko kira bako pabbatamuddhani thito attana patthitam labhi tvam kasma na labhissasi adhivasehi maharajati. Eko kira bako ekasmim padumasare gocaram gahetva uppatitva pabbatamatthake niliyi. So tamdivasam tattheva vasitva punadivase cintesi aham imasmim pabbatamatthake sukham nisinno sace ito anuccavetva ettheva nisinno gocaram gahetva paniyam pivitva imam divasam vaseyyam bhadrakam vata assati. Atha tamdivasameva sakko devaraja asuranimmathanam katva tavatimsabhavane devissariyam laddho cintesi mama tava manoratho matthakam patto atthi nu kho anno koci aparipunnamanorathoti so upadharento tam bakam disva imassa manoratham matthakam papessamiti bakassa nisinnatthanato avidure eka nadi atthi tam nadim oghapunnam katva pabbatamatthakena pesesi. Bako tasseva nisinno macche khaditva paniyam pitva tam divasam Tattheva vasi atha udakampi bhassitva gatam evam maharaja bakopi tava attano asa phalam labhi tvam kasma na labhissasiti vatva asimsathevati adimaha. Tattha asimsathevati asimsiyeva patthesiyeva. Pakkhiti pakkhehi yuttatta pakkhi. Dvikkhattum jatataya dijo. Tava duragata satiti pabbatamatthakato macchananca udakassa ca durabhavam passam evam duragata samana sakkassa anubhavena bakassa asa puratiyevati. Atha raja tassa katham sutva rupe bajjhitva kathaya allino gantum asakkonto amacce sannipatetva satanamam karesi. Satanamavasena namam gavesantassapissa annam samvaccharam atitam. So tinnam samvaccharanam accayena bodhisattam upasankamitva satanamavasena asukam nama asukam nama bhavissati bhanteti pucchi. Na janasi maharajati. So gamissamadani mayanti bodhisattam vanditva payasi. Asanka kumarika puna phalikavatapanam nissaya thitava. Raja tam disva tvam accha mayam gamissamati aha. Kasma maharajati. Tvam mam vacaneneva santappesi na ca kamaratiya tava madhuravacanena bajjhitva vasantassa mama tini samvaccharani atikkantani idani gamissamiti vatva ima gatha aha sampesi kho mam vacaya na ca sampesi kammuna mala soreyyakasseva vannavanta agandhika. Aphalam madhuram vacam yo mittesu pakubbati adadam avissajam bhogam sandhi tenassa jirati. Yam hi kayira tam hi vade yam na kayira na tam vade akarontam bhasamanam parijananti pandita. Balanca vata me jinnam patheyyanca na vijjati sanke manuparodhaya handa dani vajamahanti. Tattha sampesiti santappesi pinesi. Mala soreyyakassevati karandakakurandakassa desanasisamevetam. Yamkinci pana suvannakurandakajayakusumanadikam annampi puppham vannasampannam agandhakam sabbantam sandhayevamaha. Vannavanta agandhikati yatha soreyyakadinam mala vannavantataya dassanena tappeti agandhitaya gandhena na tappeti evam tvam mam dassanena piyavacanena ca santappesi na kammunati dipeti. Adadanti bhadde yo imam nama bhogam te dassamiti madhuravacanena vatva tam bhogam adadanto avissajjento kevalam madhuravacanameva karoti tena saddhim assa mittassa sandhi jirati mittasanthavena na ghatiyati. Patheyyancati bhadde mayham tava madhuravacanena bajjhitva tini samvaccharani vasantasseva hatthiassarathapattisankhatam balanca khinam manussanam bhattavetanasankhatam patheyyanca natthi. Sanke manuparodhayati svaham idheva attano jivitavinasam asankami handa idanaham gacchamiti. Asanka kumarika ranno vacanam sutva maharaja tvam Mayham namam janasi taya vuttameva mama namam imam me pitu kathetva mam ganhitva yahiti ranna saddhim sallapanti aha etadeva hi me namam yam namasmim rathesabha agamehi maharaja pitaram amantayamahanti. Tassattho yam mam aha etam asankatveva mama namanti. Tam sutva raja bodhisattassa santikam gantva vanditva bhante tumhakam dhita asanka namati aha. Tam sutva mahasatto namamnatakalato patthaya tam gahetva gaccha maharajati aha. Tam sutva so mahasattam vanditva phalikavimanadvaram agantva ajja bhadde pitarapi tvam mayham dinna ehi dani gamissamati. Tam sutva sa agamehi maharaja pitaram amantayamahanti vatva pasada otaritva mahasattam vanditva roditva khamapetva ranno santikam agata. Raja tam gahetva baranasim gantva puttadhitahi vaddhanto piyasamvasam vasi. Bodhisatto aparihinajjhano brahmaloke uppajji. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada asanka kumarika puranadutiyika ahosi raja ukkanthitabhikkhu ahosi tapaso pana ahamevati. Asankajatakam pancamam.The Pali Atthakatha in Roman Book 39 page 28-35. http://84000.org/tipitaka/atthapali/read_rm.php?B=39&A=555&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=555&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=855 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3911 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3878 The Pali Tipitaka in Roman Character :- http://84000.org/tipitaka/read/roman_read.php?B=27&A=3878 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]