AtthaPali Vol.39

Adittajatakam adittasminti idam sattha jetavane viharanto asadisadanam arabbha kathesi. Asadisadanam mahagovindasuttavannanato vittharetva kathetabbam. Tassa pana dinnadivasato dutiyadivase dhammasabhayam katham samutthapesum avuso kosalaraja vicinitva varakkhettam natva buddhappamukhassa ariyasanghassa mahadanam adasiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte anacchariyam bhikkhave ranno vicinitva anuttare punnakkhette danapatitthapanam poranakapandita vicinitvava mahadanam adamsuti vatva atitam ahari Atite siviratthe bheruvanagare bheruvamaharaja nama dasa rajadhamme akopetva catuhi sangahavatthuhi mahajanam sanganhanto mahajanassa matapitutthane thatva kapanakavanibbakayacakanam mahadanam pavattesi. Tassa samuddavijaya nama aggamahesi ahosi pandita nanasampanna. So ekadivasam danaggam olokento mayham danam dussila lolasatta bhunjanti tam mam na haseti aham kho pana silavantanam agga- dakkhineyyanam paccekabuddhanam datukamo te ca himavantappadese vasanti ko nu kho te nimantetva anessati kam pesessamiti cintetva tamattham deviya arocesi. Atha nam sa aha maharaja ma cintayittha amhakam databbadanabalena silabalena saccabalena pupphani pesetva paccekabuddhe nimantetva tesam agatakale sabbam parikkhara- sampannam danam dassamati. Raja sadhuti sampaticchitva sakala- nagaravasino silam samadiyantuti bherincarapetva sayampi saparijano uposathangani adhitthaya mahadanam pavattetva sumanapupphapunnam suvannasamuggam gahapetva pasada oruyha rajangane thatva pancangani pathaviyam patitthapetva pacinadisabhimukho vanditva pacinadisaya arahante vandama sace amhakam koci guno atthi amhesu anukampam katva amhakam bhikkham ganhathati vatva satta pupphamutthiyo khipi. Pacinadisaya paccekabuddhanam abhava punadivase nagamimsu. Dutiyadivase dakkhinadisam namassi tatopi nagata. Tatiyadivase pacchimadisam namassi tatopi nagata. Catutthadivase uttaradisam Namassi. Namassitva ca pana uttarahimavantappadesavasino paccekabuddha amhakam bhikkham ganhantuti satta pupphamutthiyo vissajjesi. Pupphani gantva nandamulakapabbhare pancannam paccekabuddhasatanam upari patimsu. Te avajjamana ranna attano nimantitabhavam natva punadivase satta paccekabuddhe amantetva marisa raja vo nimanteti tassa sangaham karothati vadimsu. Te paccekabuddha akasenagantva rajadvare otarimsu. Te disva raja somanassajato vanditva pasadam aropetva mahantam sakkaram katva danam datva bhatta- kiccapariyosane punadivasatthaya punadivasatthayati evam cha divase nimantetva sattame divase sabbaparikkharadanam sajjetva satta- ratanakhacitani mancapithani pannapetva ticivaradike sabbe samana- paribhoge sattannam paccekabuddhanam santike thapetva ime sabbaparikkhare tumhakam demati vanditva tesam bhattakiccapariyosane raja ca devi ca ubhopi namassamana atthamsu. Atha nesam anumodanam karonto sanghatthero dve gatha abhasi adittasmim agarasmim yim niharati bhajanam tam tassa hoti atthaya no ca yam tattha dayhati. Evam adipito loko jaraya maranena ca niharetheva danena dinnam hoti sunibhatanti. Tattha adittasminti tamkhane pajjalite. Bhajananti yamkinci upakaranam. No ca yam tatthati yam pana tattha dayhati antamaso Tinasantharopi sabbam tassa anupakaranameva hoti. Jaraya maranena cati desanasisametam. Atthato panesa ekadasahi aggihi adipito nama. Niharethevati tato ekadasahi aggihi pajjalita loka dasavidham danavatthubhedam tamtam parikkharadanam cetanaya nikaddhateva. Dinnam nama appam va bahum va yam dinnam tadeva sunibhatam nama hotiti. Evam sanghatthero anumodanam katva appamatto hohi maharajati ranno ovadam datva akase uppatitva pasadakannikam dvidha katva gantva nandamulakapabbhareyeva otari. Tassa dinnaparikkharopi teneva saddhim uppatitva pabbhareyeva otari. Ranno ca deviya ca sakalasariram pitiya punnam ahosi. Evam tasmim gate avasesapi yo dhammaladdhassa dadati danam utthanaviriyadhigatassa jantu atikkamma so vetaranim yamassa dibbani thanani upeti macco. Dananca yuddhanca samanamahu appapi santa bahuke jinanti appampi ce saddahano dadati teneva so hoti sukhi parattha. Viceyya danam sugatappasattham ye dakkhineyya idha jivaloke etesu dinnani mahapphalani bijani vuttani yatha sukhette. Yo panabhutani ahethayanto parupavada na karoti papam bhirum pasamsanti na hi tattha suram bhaya hi santo na karonti papam. Hinena brahmacariyena khattiye upapajjati majjhimena ca devattam uttamena visujjhati. Addha hi danam bahudha pasattham dana ca kho dhammapadamva seyyo pubbeva hi pubbatareva santo nibbanamevajjhagamum sapannati evamekekaya gathaya anumodanam katva tatheva agamamsu saddhim parikkharehi. Tattha dhammaladdhassati khinasavam adim katva yava sukkha- vipassakayogavacaro puggalo dhammassa laddhatta dhammaladdho nama. Sveva utthanaviriyena tassa dhammassa adhigatatta utthanaviriyadhigato nama. Tassa puggalassa yo jantu dadati dananti attho. Dhammena laddhassa utthanasankhatena viriyena adhigatassa deyyadhammassa aggam gahetva yo jantu silavantesu danam dadatipi attho. Upayogatthe va samivacanam katva cettha attho veditabbo. Vetaraninti desanasisametam. Attha mahaniraye solasanca ussude atikkamitvati attho. Dibbani thanani upetiti devaloke uppajjati. Samanamahuti sadisam vadanti. Khayabhirukassa hi danam natthi bhayabhirukassa yuddham natthi jivite alayam vijahitva yujjhantova yujjhitum sakkoti bhogesu alayam vijahitvava dayako datum sakkoti teneva tam ubhayam samananti vadanti. Appapi santati thokapi samana pariccattajivita bahuke jinanti evameva appapi muncana- cetana bahumpi maccheracittalobhadikilesaggahanam jinati. Appampi ceti thokampi ce deyyadhammam kammanca phalanca saddahanto deti. Teneva soti tena parittadeyyavatthukena parittakenapi cagena parattha sukhi hoti maharajati. Viceyya dananti dakkhinanca dakkhineyyanaca vicinitva dinnam danam. Tattha yam va tam va adatva aggam panitam deyyadhammam vicinitva dadanto dakkhinampi vicinati nama. Yesam tesam va adatva siladigunasampannepi vicinitva tesam dadanto dakkhineyyam vicinati nama. Sugatappasatthanti evarupam danam buddhehipi pasattham. Tattha dakkhineyyavicinatam dassetum ye dakkhineyyati adi vuttam. Tattha dakkhineyyati dakkhinaya anucchavika buddhadayo. Panabhutaniti panasankhatani bhutani. Ahethayantoti karunnena avihethayanto caramano. Parupavadati parupavadabhayena papam na karoti. Bhirunti upavadabhirukam. Na hi tattha suranta yo pana Ayonisomanasikarena tasmim upavade suro hoti tam pandita nappasamsanti. Bhaya hiti upavadabhayena hi pandita papam na karonti. Hinena brahmacariyenati bahiratitthayatane tava methunaviratisilamattakam hinam brahmacariyam nama tena khattiyakule upapajjati. Jhanassa upacaramattam majjhimam tena devaloke uppajjati. Attha samapattiyo uttamam tena brahmaloke upapajjanto visujjhati nama. Sasane pana silavantasseva etam devanikayam panidhaya brahmacariyam hinam nama parisuddhasilasseva samapattinibbattanam majjhimam nama . parisuddhasile thatva vipassanam vaddhetva arahattuppatti uttamam nama. Osana- gathaya ayamattho maharaja kincapi ekamseneva danam bahudha pasattham vannitam dana pana samathavipassanasankhatam nibbanasankhatanca dhammakotthasabhutam dhammapadameva uttaritaram. Kimkarana. Pubbe hi imasmim kappe kassapadasabaladayo pubbatareva vessabhudasabaladayo santo sappurisa sapanna samathavipassanam bhavetva nibbanameva ajjhagamum adhigatati. Evam satta paccekabuddha anumodanaya ranno amatamahanibbanam vannetva rajanam appamadena ovaditva vuttanayeneva attano vasanatthanameva gata. Rajapi saddhim aggamahesiya yavajivam danam datva tato cavitva saggapadam puresi. Sattha imam dhammadesanam aharitva evam pubbepi pandita viceyyadanam adamsuti vatva jatakam samodhanesi tada Paccekabuddha parinibbayimsu samuddavijaya rahulamata ahosi bheruvaraja ahamevati. Adittajatakam atthamam.

The Pali Atthakatha in Roman Book 39 page 322-329. http://84000.org/tipitaka/atthapali/read_rm.php?B=39&A=6493&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=6493&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1180 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5015 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5055 The Pali Tipitaka in Roman Character :- http://84000.org/tipitaka/read/roman_read.php?B=27&A=5055 Contents of The Tipitaka Volume 27 http://84000.org/tipitaka/read/?index_27