|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Dipijatakam
khamaniyam yapaniyanti idam sattha veluvane viharanto ekam elikam
arabbha kathesi.
Ekasmim hi samaye mahamoggallanatthero giriparikkhitte
ekadvare giribbajasenasane vihasi. Dvarasamipeyevassa cankamo
ahosi. Tada elakapalaka elaka ettha carantiti giribbajam
pavesetva kilanta viharanti. Tesu ekadivasam sayam agantva
Elake gahetva gacchantesu eka elika dureva kilamana elake
nikkhamante adisva ohiyi. Tam paccha nikkhamantam eko dipiko
disva khadissami nanti giribbajadvare atthasi. Sapi itocito
ca olokenti tam disva esa mam maretva khaditukamataya
thito sace nivattitva palayissami jivitam me natthi ajja maya
purisakaram katum vattatiti cintetva singani ukkhipitva tassabhimukhi
vegena pakkhanditva dipikassa ito ganhissamiti vipphanditova
gahanam anupagantva vegena palayitva elakanam antaram pavisi.
Thero tesam tam kiriyam disva punadivase gantva tathagatassa arocetva
evam bhante sa elika attano upayakusalataya parakkamam katva
dipikato munciti aha. Sattha moggallana idani tava dipiko
tam gahetum nasakkhi pubbe pana nam viravantim maretva khaditi vatva
tena yacito atitam ahari
atite magadharatthe bodhisatto ekasmim game mahabhogakule
nibbattitva vayappatto kame pahaya isipabbajjam pabbajitva
jhanabhinnam nibbattetva ciram himavante vasitva lonambilasevanatthaya
rajagaham gantva ekasmimyeva giribbaje pannasalam mapetva vasam
kappesi. Tada iminava niyameneva elakapalakesu elake carantesu
ekadivasam ekam elakim paccha nikkhamantim disva eko dipiko
khadissami nanti dvare atthasi. Sapi tam disva ajja mayham
jivitam natthi ekenupayena imina saddhim madhurapatisantharam katva
Hadayamaddavassa janetva jivitam rakkhissamiti cintetva duratova
tena saddhim patisantharam karonti agacchamana pathamam gathamaha
khamaniyam yapaniyam kacci matula te sukham
sukham te amma avaca sukhakama hi te mayanti.
Tattha sukham te ammati mayham matapi tumhakam sukham iccheyyasiti
ajja mam avacati attho. Mayanti matula mayampi tumhakam sukhameva
icchamati.
Tam sutva dipiko ayam dhuttika mam matulavadena vancetukama
na me kakkhalabhavam janatiti cintetva dutiyam gathamaha
nanguttham me apakkamma hethayitvana eliki
sajja matulavadena muncitabba nu mannasiti.
Tassattho tvam mama nangutthamandalam akkamitva hethayitva
agacchasi sa tvam ajja matulavadena muncitabbahamasmiti
mannasi nu evam mannasi.
Tam sutva itara matula ma evam kariti vatva tatiyam gathamaha
puratthabhimukho nisinnosi aham tam mukhamagata
pacchato tuyham nanguttham katham khoham apakkamiti.
Tattha mukhanti abhimukham. Katham khohanti tava pacchato thitam
aham katham apakkamiti attho.
Atha nam so kim kathesi elike mama nanguttharahitatthanam nama
natthiti vatva catuttham gathamaha
Yavata caturo dipa sasamudda sapabbata
tavata mayham nanguttham katham kho tam vivajjayiti.
Tattha tavatati ettakam thanam mama nanguttham parikkhipitva
gatanti vadati.
Tam sutva elika ayam papo madhurakathaya na alliyati
patisattu hutva sallam kathessamiti pancamam gathamaha
pubbeva metam akkhimsu mata pita ca bhataro
digham dutthassa nanguttham samhi vehayasagatati.
Tattha akkhimsuti pubbeva me etam mata ca pita ca bhataro
ca acikkhimsu. Samhiti sa aham natakanam santika tava nangutthassa
dighabhavam sutva tava nanguttham pariharanti vehayasa akasena
agatati.
Atha nam so janami te aham akasenagatabhavam agacchanti
pana mayham bhakkhe nasetva agatasiti vatva chattham gathamaha
tanca disvana ayantim antalikkhasmim hi elaki
migasangho palayittha bhakkho me nasito tayati.
Tam sutva itara maranabhayabhita annam karanam aharitum
asakkonti matula ma evarupam kakkhalakammam kari jivitam me
dehiti vilapi. Itaropi tam vilapantimyeva khandhe gahetva maretva
khadi. Ima dve abhisambuddhagatha abhasi
Iccevam vilapantiya elakiya ruhamghaso
galakam andhavamaddi natthi dutthe subhasitam.
Neva dutthe nayo atthi na dhammo na subhasitam
nikkamme dutthe yunjetha so ca sabbhi na rajjatiti.
Tattha ruhamghasoti ruhirabhakkho lohitapayito dipiko. Galakam
andhavamadditi givam maddi damsitva phaletiti attho. Nayoti
karanam. Dhammoti sabhavo. Subhasitanti sukathitavacanam. Sabbametam
dutthe natthiti attho. Nikkamme dutthe yunjethati bhikkhave dutthe
puggale parakkameva yunjeyya. So ca sabbhi na rajjatiti so pana
puggalo sabbhi sundaram subhasitam na rajjati na sampiyayatiti attho.
Tapaso tam tesam kiriyam sabbam addasa.
Sattha imam dhammadesanam aharitva jatakam samodhanesi tada
elaki etarahi elaki dipiko ca etarahi dipiko tapaso pana
ahamevati.
Dipijatakam dasamam.
Kaccanivaggo.
Atthakanipatavannana nitthita.
----------
The Pali Atthakatha in Roman Book 39 page 334-338.
http://84000.org/tipitaka/atthapali/read_rm.php?B=39&A=6743&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=39&A=6743&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=1199
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=5069
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=5114
The Pali Tipitaka in Roman Character :-
http://84000.org/tipitaka/read/roman_read.php?B=27&A=5114
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]