บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Samuggajatakam kuto nu agacchathati idam sattha jetavane viharanto ukkanthita- bhikkhum arabbha kathesi. Tam hi sattha saccam kira tvam bhikkhu ukkanthitositi pucchitva saccam bhanteti vutte kasma bhikkhu matugamam patthesi matugamo namesa asabbho akatannu pubbe danavarakkhasapi gilitva kucchina pariharantopi matugamam rakkhitum ekapurisanissitam katum nasakkhimsu tvam katham sakkhissasiti vatva atitam ahari. Atite baranasiyam brahmadatte rajjam karente bodhisatto kame pahaya himavantam pavisitva isipabbajjam pabbajitva abhinna ca samapattiyo ca nibbattetva phalaphalehi yapento vihasi. Tassa Pannasalaya avidure eko danavarakkhaso vasati. So antarantara mahasattam upasankamitva dhammam sunati. Atviyam pana manussanam sancaranamagge thatva agatagate manusse disva gahetva khadati. Tasmim kale eka kasikaratthe kuladhita uttamarupadhara annatarasmim paccantagame nivittha hoti. Tassa ekadivasam matapitunam dassanatthaya agantva paccagamanakale parivaramanusse disva so danavo bheravarupena pakkhandi. Manussa gahitagahita vutthani chaddetva palayimsu. Danavo yane nisinnam abhirupam matugamam disva patibaddhacitto hutva tam attano guham netva bhariyam akasi. Tato patthaya sappitandula- macchamamsadini ceva madhuraphalani ca aharitva tam posesi vatthalankarehi ca tam alankaritva rakkhanatthaya ekasmim karandake nipajja- petva karandakam gilitva kucchina pariharati. So ekadivasam nahayitukamataya ekam saram gantva karandakam uggilitva tam tato niharitva nahapetva vilimpetva alankaritva thokam tava sariram utum ganhapehiti tam karandakasamipe thapetva sayam nahanatittham otaritva tam anasankamano thokam duram gantva nahayi. Tasmim samaye vayussa putto nama vijjadharo sannaddhakhaggo akasena gacchati. Sa tam disva atha ehiti hatthamuddhamakasi. Vijjadharo khippam otari. Atha nam sa karandake pakkhipitva danavassa agamanam olokenti karandakupari nisiditva tam agacchantam disva tassa attanam dassetva tasmim karandakasamipam asampatteyeva karandakam Vivaritva anto pavisitva vijjadharassa upari nipajjitva attano satakam parupi. Danavo agantva karandakam asodhetvava matu- gamoyeva meti sannaya karandakam gilitva attano guham gacchanto antaramagge tapaso me ciram dittho ajja tava nam vandissamiti tassa santikam agamasi. Tapasopi nam duratova agacchantam disva dvinnam jananam kucchigatabhavam natva sallapanto pathamam gathamaha kuto nu agacchatha bho tayo jana svagata etha nisidathasane kaccittha bhonto kusalam anamayam cirassabbhagamanam hi vo idhati. Tattha bhoti alapanam. Kaccitthati kacci hotha bhavatha vijjatha. Bhontoti punapi alapantova aha. Kusalam anamayanti kacci tumhakam kusalam arogyam. Cirassabbhagamanam hi vo idhati ajja tumhakam idha abbhagamananca cirassam jatam. Tam sutva danavo aham imassa tapasassa santikam ekova agato ayanca tapaso tayo janati vadati kinnamesa kathesi kinnu kho so sabhavam natva katheti udahu ummattako hutva vilapatiti cintetva tapasam upasankamitva vanditva ekamantam nisiditva tena saddhim sallapanto dutiyam gathamaha ahameva eko idhamajja patto na capi me dutiyo koci vijjati Kimeva sandhaya te bhasitam ise kuto nu agacchatha bho tayo janati. Tattha idhamajjati idha ajja. Kimeva sandhaya te bhasitam iseti bhante isi kinnametam sandhaya taya bhasitam pakatam me katva kathehiti. Tapaso ekamsenevavuso sotukamositi. Ama bhanteti. Tenahi sunahiti vatva tatiyam gathamaha tvanca eko bhariya ca te piya samuggapakkhittanikinnamantare sa rakkhita kucchigata ca te sada vayussa puttena saha tahim ratati. Tattha tvanca ekoti pathamam tava tvam eko. Pakkhittanikinna- mantareti pakkhittanikinnaantare tam tattha bhariyam rakkhitukamena sada taya samugge pakkhitta saddhim samuggena nikinna antare antokucchiyam thapitati attho. Vayussa puttena sahati evamnamakena vijjadharena saddhim. Tahim ratati tattha tava antokucchiyanneva kilesaratiya rata. So dani tvam matugamam ekapurisanissitam karissamiti kucchinapi pariharanto tassa jarampi ukkhipitva carasiti. Tam sutva danavo vijjadhara nama bahumaya honti sacassa khaggo hatthagato bhavissati kucchim me phaletvapi palayissatiti bhitatasito hutva khippam karandakam uggilitva purato thapesi. Sattha abhisambuddho hutva tam pavattim pakasento catuttham gathamaha samviggarupo isina byakato so danavo chambhi samuggilitva addakkhi bhariyam sucimaladharinim vayussa puttena saha tahim ratanti. Tattha addakkhiti karandakam vivaritva addasa. Karandake pana vivatamatteyeva vijjadharo vijjam parijappitva khaggam gahetva akasam pakkhandi. Tam disva danavo mahasattassa tussitva thutipubbangama sesagatha abhasi sudittharupuggatapanuvattina hina nara ye pamudavasangata yatha have panarivettha rakkhita duttha mayi annamabhippamodati. Diva ca ratto ca maya upatthita tapassina jotiriva vane vasam sa dhammamukkamma adhammamacari akriyarupo pamudahi santhavo. Sariramajjhamhi thitati manniham mayham ayanti asatam asannatam Sa dhammamukkamma adhammamacari akriyarupo pamudahi santhavo surakkhitammeti kathannu vissase anekacittasu na hettha rakkhana eta hi patalapapatasannibha etthappamatto byasanam nigacchati. Tasma hi te sukhino vitasoka ye matugamahi caranti nissata etam sivam uttamamabhipatthayam na matugamehi kareyya santhavanti. Tattha sudittharupuggatapanuvattinati bhante isi uggatapanuvattina taya sudittharupam idam karanam. Hinati nica. Yatha have panarivettha rakkhitati ettha ayam maya attano pana viya ettha antokucchiyam pariharantena rakkhita. Duttha mayiti idani mayi mittadubbhikammam katva duttha annam purisam abhippamodati. Jotiriva vane vasanti vane vasantena tapassina aggi viya maya upatthita paricarita. Sa dhammamukkammati sa esa dhammam ukkamitva atikkamitva. Akriyarupoti akattabbarupo. Sariramajjhamhi thitati manniham mayham ayanti asatam asannatanti imam asatam asappurisadhammasamannagatam asannatam dussilam mayham sariramajjhamhi thitati ca mayham ayanti ca mannami. Surakkhitammeti kathannu vissaseti ayam maya surakkhitati katham pandito Vissaseyya yatra hi nama madisopi attano kucchiyam rakkhanto rakkhitum nasakkhi. Patalapapatasannibhati lokassadena duppuraniyatta mahasamudde patalasankhatena papatena sadisa. Etthappamattoti evarupesu etasu niggunasu pamatto puriso mahabyasanam papunati. Tasma hiti yasma matugamavasangata mahavinasam papunanti tasma ye matugamahi nissata hutva caranti te sukhino. Etam sivanti yadetam matugamato nissatanam visamsatthanam caranam etam jhanasukhameva sivam khemam uttamam abhipatthetabbam etam patthayamano matugamehi saddhim santhavam na kareyyati. Evanca pana vatva danavo mahasattassa padesu patitva bhante tumhe nissaya maya jivitam laddham namhi imayaham papadhammaya vijjadharena marapitoti mahasattam abhitthavi. Sopissa dhammam desetva imissa ma kinci papakam akasi silani ganhati tam pancasu silesu patitthapesi. Danavo aham kucchana pariharantopi tam rakkhitum na sakkomi anno koci rakkhissatiti tam uyyojetva attano arannameva pavisi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada dibbacakkhutapaso ahamevati. Samuggajatakam dasamam.The Pali Atthakatha in Roman Book 39 page 397-403. http://84000.org/tipitaka/atthapali/read_rm.php?B=39&A=8026&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=8026&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1292 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5355 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5405 The Pali Tipitaka in Roman Character :- http://84000.org/tipitaka/read/roman_read.php?B=27&A=5405 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]