บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Kukkutajatakam nasmase katapapamhiti idam sattha veluvane viharanto vadhaya parisakkanam arabbha kathesi. Dhammasabhayamhi bhikkhu devadattassa agunakatham samutthapesum avuso devadatto dhanuggahadipayojanena dasabalassa vadhatthameva upayam karotiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa mayham vadhaya parisakkatiyevati vatva atitam ahari atite kosambiyam kosambiko nama raja rajjam karesi. Tada bodhisatto ekasmim veluvane kukkutayoniyam nibbattitva Anekasatakukkutaparivaro aranne vasati. Tassavidure eko seno vasati. So upayena ekekam kukkutam gahetva khadanto thapetva bodhisattam sese khadi. Bodhisatto ekakova ahosi. So appamatto velaya gocaram gahetva veluggahanam pavisitva vasati. So seno tam ganhitum asakkonto ekena nam upayena upalapetva ganhissamiti cintetva tassavidure sakhaya niliyitva samma kukkutaraja tvam mayham kasma bhayasi aham taya saddhim vissasam katukamo asuko nama padeso sampannagocaro tattha ubhopi gocaram gahetva annamannam piyasamvasam vasissamati aha. Atha nam bodhisatto aha samma mayham taya saddhim vissaso nama natthi gaccha tvanti. Samma tvam mayham pubbe katapapataya na saddahasi ito patthaya evarupam na karissamiti. Na ca mayham tadisena sahayena attho gaccheva tvanti. Iti nam yavatatiyam patikkhipitva ettakehi angehi samannagatena puggalena saddhim vissaso nama katum na vattatiti vanaghatam unnadento devatasu sadhukaram dadamanasu dhammakatham samutathapento ima gathayo ajjhabhasi nasmase katapapamhi nasmase alikavadine nasmase attatthapannamhi atisantepi nasmase. Bhavanti heke purisa gopipasakajatika ghasanti manne mittani vacaya na ca kammuna. Sukkhanjalipaggahita vacaya paligunthita manussapheggu naside yasmim natthi katannuta. Na hi annannacittanam itthinam purisana va nana vikatva samsaggam tadisampi hi nasmase. Anariyakammam okkantam athitam sabbaghatinam nisitamva paticchannam tadisampi hi nasmase. Mittarupe idhekacce sakhalyena acetasa vividhehi upayehi tadisampi hi nasmase. Amisam va dhanam vapi yattha passati tadiso dubbhim karoti dummedho tanca hitvana gacchatiti. Tattha nasmaseti nassase. Ayameva va patho. Na vissaseti vuttam hoti. Katapapamhiti pathamam katapape puggale. Alikavadineti musavadimhipi na vissase. Tassa hi akattabbam nama papam natthi. Nasmase attatthapannamhiti attano atthayaeva yassa panna snehavasena na bhajati dhanatthikova bhajati tasmim attattha- pannepi na vissase. Atisanteti anto upasame avijjamaneyeva ca bahi upasamadassanena atisante viya paticchannakammantepi bilapaticchannaasivisasadise kuhakapuggale. Gopipasakajatikati gunnam pipasakajatika viya pipasitagosadisati vuttam hoti. Yatha pipasitagavo tittham otaritva mukhapuram udakam pivanti na pana udakassa kattabbayuttakam karonti evameva ekacce idancidanca karissamati Madhuravacanena mittani ghasanti piyavacananucchavikam pana na karonti tadisesu vissaso mahato anatthaya hotiti dipeti. Sukhanjalipaggahitati paggahitarittatucchaanjalino. Vacaya paligunthitati idam dassama karissamati vacanena paticchadita. Manussaphegguti evarupa asaraka manussa manussapheggu nama . Nasideti naside evarupe na upagaccheyya. Yasmim natthiti yasmim ca puggale katannuta natthi tampi nasideti attho. Annannacittananti annannena cittena samannagatanam lahucittananti attho. Evarupanam itthinam purisanam va na vissaseti dipeti. Nana vikatva samsagganti yopi na sakka anupagantva etassa anantarayam katunti antarayakaranattham nanakaranehi samsaggam avikatva dalham karitva paccha antarayam karoti tadisampi puggalam nasmase na vissaseyyati dasseti. Anariyakammam okkantanti anariyanam dussilanam kammam otaritva thitam. Athitanti athiram appatitthitavacanam. Sabbaghatinanti okasam labhitva sabbesam upaghatakaram. Nisitamva paticchannanti kosiya va pilotikaya va paticchannam nisitam khaggamiva. Tadisampiti evarupampi amittam mittapatirupakam na vissaseyya. Sakhalyenati matthavacanena. Acetasati acittakena. Vacanameva hi nesam mattham cittam pana thaddham pharusam. Vividhehi upayehi otarapekkha upagacchanti. Tadisampiti yo etehi amittehi mittapatirupakehi Sadiso hoti tampi na vissaseyyati attho. Amisanti khadaniya- bhojaniyam. Dhananti mancapatipadakam adim katva avasesam. Yattha passatiti sahayagehe yasmim thane passati. Dubbhim karotiti dubbhicittam uppadeti tam dhanam harati. Tanca hitvanati tanca sahayakampi hitva gacchati. Iti ima satta gatha kukkutaraja kathesi. Mittarupena bahavo channa sevanti sattavo jahe kapurise hete kukkuto viya senakam. Yo ca uppatitam attham na khippamanubujjhati amittavasamanveti paccha ca manutappati. Yo ca uppatitam attham khippameva nibodhati muccate sattusambadha kukkuto viya senaka. Tam tadisam kutamivodditam vane adhammikam niccavidhamsakarinam ara vivajjeyya naro vicakkhano senam yatha kukkuto vamsakananeti iti ima catasso dhammarajena bhasita abhisambuddhagatha. Tattha jahe kapurise heteti bhikkhave ete kapurise pandito jaheyya. Hakaro panettha nipatamattam. Paccha ca manutappatiti paccha ca anutappati. Kutamivodditanti vane miganam bandhanatthaya kutapasam viya odditam. Niccavidhamsakarinanti niccam viddhamsanakarakam. Vamsakananeti vamsavane. Yatha vamsavane kukkuto senam vivajjeti evam vicakkhano viddhamsakare papamitte vivajjeyya. So hi gatha vatva senam amantetva sace imasmim thane vasissasi janissami te kattabbanti tajjesi. Senopi tato palayitva annattha gato. Sattha imam dhammadesanam aharitva evam bhikkhave devadatto pubbepi mayham vadhaya parisakkatiti vatva jatakam samodhanesi tada seno devadatto ahosi kukkuto pana ahamevati. Kukkutajatakam dasamam.The Pali Atthakatha in Roman Book 39 page 494-499. http://84000.org/tipitaka/atthapali/read_rm.php?B=39&A=9994&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=39&A=9994&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1422 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=5788 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=5920 The Pali Tipitaka in Roman Character :- http://84000.org/tipitaka/read/roman_read.php?B=27&A=5920 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]