|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Ekadasanipatavannana namo tassa bhagavato arahato sammasambuddhassa --------------- 1 matuposakajatakam. Tassa nagassa vippavasenati idam sattha jetavane viharanto matuposakabhikkhum arabbha kathesi. Paccuppannavatthu samajatakavatthusadisameva. Sattha pana bhikkhu amantetva ma bhikkhave etam bhikkhum ujjhayittha poranakapandita tiracchanayoniyam nibbattapi matara viyutta sattaham niraharataya sussamana rajaraham bhojanam labhitvapi matara vina na bhunjissamati mataram disvava gocaram ganhimsuti vatva tehi yacito atitam ahari atite baranasiyam brahmadatte rajjam karente tada bodhisatto himavantappadese hatthiyoniyam nibbattitva sabbaseto ahosi abhirupo dassaniyo pasadiko lakkhanasampanno anuvuddhikaro asitisahassahatthiparivaro. Mata panassa andha. So madhuramadhurani phalani pana hatthinam datva matu santikam pesesi. Hatthino tassa adatvava attana khadanti. So parigganhanto tam pavuttim natva yutham chaddetva matarameva posessamiti Rattibhage annesam hatthinam ajanantanam mataram gahetva candoranamnama pabbatapadam gantva ekanilinam upanissaya thitaya pabbataguhaya mataram thapetva posesi. Atheko baranasivanacarako maggamulho disam vavatthapetum asakkonto mahantena saddena paridevi. Bodhisatto tassa saddam sutva ayam puriso anatho nakho pana me tam patirupam yam esa mayi thite idha vinasseyyati tassa santikam gantva tam bhayena palayantam disva ambho purisa natthi te mam nissaya bhayam ma palayi kasma tvam paridevanto vicarasiti pucchitva sami aham maggamulho ajja me sattamo divasoti vutte bho purisa ma bhayi aham tam manussapathe thapessamiti tam attano pitthiyam nisidapetva aranna niharitva nivatti. Sopi papo cintesi aham nagaram gantva ranno arocessamiti rukkhasannam pabbatasannam karontova nikkhamitva baranasim agamasi. Tasmim kale ranno mangalahatthi kalamakasi. Raja sace kenaci katthaci upavayham katum yuttarupo hatthi dittho atthi so acikkhatuti bherim carapesi. So puriso rajanam upasankamitva maya deva tumhakam upavayho bhavitum yuttarupo sabbaseto silava hatthiraja dittho aham maggam desessami maya saddhim hatthacariyam pesetva tam ganhapethati aha. Raja sadhuti imam magguddesakam katva arannam gantva imina vuttam hatthinagam anethati tena saddhim mahantena parivarena hatthacariyam Pesesi. So tena saddhim gantva bodhisattam nilinim pavisitva gocaram ganhantam passi. Bodhisattopi hatthacariyam disva idam bhayam na annato uppannam tassa papapurisassa santika uppannam bhavissati aham kho pana mahabbalo hatthisahassampi viddhamsetum samattho ca homi kujjhitva saratthakam senavahanam nasetum sace pana kujjhissami silam me bhijjissati tasma ajja mama sisam sattihi kotiyamanopi na kujjhissamiti adhitthaya sisam nametva niccalova atthasi. Hatthacariyo padumasaram otaritva tassa lakkhanasampattim disva ehi puttati rajatadamasadisaya sondaya gahetva sattame divase baranasim papuni. Bodhisattassa mata pana putte anagacchante putto me rajarajamahamattehi nito bhavissati idani tassa vippavasena ayam vanaghato vaddhissatiti paridevamana dve gatha abhasi tassa nagassa vippavasena virulha sallakiyo ca kutaja kuruvindakaravara bhisasama nivate pupphita ca kannikara. Kocideva suvannakayura nagarajam bharanti pindena yattha raja rajakumaro va kavacamabhihessati asambhitoti. Tattha virulhati vaddhitanama natthettha samsayoti asimsavasenevamaha. Sallakiyo ca kutajati indasalarukkha ca kutajarukkha ca. Kuruvindakaravara bhisasamati kuruvindarukkha ca karavaranamakani mahatinani ca bhisani ca samakani cati attho. Ete ca sabbe idani vaddhissantiti paridevanti. Nivateti pabbatapade. Pupphitati mama puttena sakha bhanjitva akhadiyamana kannikara ca pupphita bhavissantiti vuttam hoti. Kocidevati katthacideva game va nagare va. Suvannakayurati suvannabharana rajarajamahamatta. Bharanti pindenati ajja matuposakam nagarajam rajarahassa bhojanassa suvaddhitena pindena posenti. Yatthati yasmim nagaraje raja nisiditva. Kavacamabhihessatiti sangamam pavisitva paccamittanam kavacam abhihanissati bhindissatiti. Idam vuttam hoti yattha mama putte nisinno raja va rajakumaro va asambhito hutva sampattanam kavacam hanissati tam me nagarajanam suvannabharana ajja pindena bharantiti. Hatthacariyopi antaramagge vattamano ca ranno sasanam pesesi. Raja nagaram alankarapesi. Hatthacariyopi bodhisattam katagandhaparibhandam alankatapatiyattam hatthisalam netva vicittasaniya parikkhipapetva upari vicittani bandhapetva ranno arocapesi. Raja nanaggarasabhojanam adaya agantva bodhisattassa adasi. So mataram vina gocaram na ganhissamiti pindam na ganhi. Atha nam yacanto raja tatiyam gathamaha ganhahi naga kabalam ma naga kisako bhava bahuni rajakiccani tani naga karissasiti. Tam sutva bodhisatto catuttham gathamaha sa nuna sa kappanika andha aparinayaka khanum padena ghatteti girim candoranam patiti. Tattha sa nuna sati maharaja nuna sa. Kappanikati puttaviyogena kapana. Khanunti tattha tattha patitarukkhakalingaram. Ghattetiti paridevamana tattha tattha padena pothenti nuna padena hanati. Candoranam patiti candoranapabbatabhimukhi pabbatapade pariphandamanati attho. Atha nam raja pucchanto pancamam gathamaha kanu te sa mahanaga andha aparinayaka khanum padena ghatteti girim candoranam patiti. Bodhisatto chattham gathamaha mata me sa maharaja andha aparinayaka khanum padena ghatteti girim candoranam patiti. Raja chatthagathaya tamattham sutva muncapento sattamam gathamaha muncathetam mahanagam yoyam bharati mataram sametu matara nago saha sabbehi natibhiti. Tattha yoyam bharatiti ayam nago aham maharaja andham mataram posami maya vina mayham mata jivitakkhayam papunissati taya vina mayham issariyena attho natthi ajja me matu gocaram alabhantiya sattamo divasoti vadati tasma yo ayam mataram bharati etam mahanagam khippam muncatha sabbehi natihi saddhim esa matara sametu samagacchatuti. Atthamanavama abhisambuddhagatha honti muttova bandhana nago kasirajena pesito muhuttam visamitvana agama yena pabbato tato so nilinam gantva sitam kunjarasevitam sondaya udakamahitva mataram abhisincathati. So kira nago bandhana mutto thokam visamitva ranno dasarajadhammagathaya dhammam desetva appamatto hohi maharajati ovadam datva mahajanehi gandhamaladihi pujiyamano nagara nikkhamitva tadaheva tam padumasaram patva mama mataram gocaram agahapetvava naham sayam ganhissamiti bahu bhisamulani adaya sondaya puram udakam gahetva guhalenato nikkhamitva guhadvare nippannaya matu santikam gantva sattaham niraharataya matu sarirassa phassapatilabhattham upari udakam sinca. Tamattham avikaronto sattha ima dve gatha abhasi. Bodhisattassa matapi devo vassatiti sannaya tam akkosanti dasamam gathamaha Koyam anariyo devo akalena pavassati gato me atrajo putto yo mayham paricarakoti. Tattha atrajoti attani jato. Atha nam samassasento bodhisatto ekadasamam gathamaha utthehi amma kim sesi agato tyahamatrajo muttomhi kasirajena vedehena yasassinati. Tattha agato tyahanti agato te aham. Vedehenati nanasampannena. Yasassinati mahaparivarena. Tena ranna mangalahatthibhavaya gahitopi aham mutto idani tava santikam agato utthehi gocaram ganhahiti. Sa tutthamanasa ranno anumodanam karonti osanagathamaha ciram jivatu so raja kasinam ratthavaddhano yo me puttam pamocesi sada vuddhapacayikanti. Tada raja bodhisattassa gune pasiditva niliniya avidure gamam mapetva bodhisattassa matuya ca nivaddham bhattam patthapesi. Aparabhage bodhisatto matari kalakataya tassa sarirapariharam katva karandakam assamapadamnama gato. Tasmim pana thane himavantato otaritva pancasata isayo vasimsu. Tam pavattam tesam adasi. Raja bodhisattassa samanarupasilapatimam karetva mahasakkaram pavattesi. Jambudipavasino anusamvaccharam sannipatitva hatthimahannama karimsu. Sattha imam dhammadesanam aharitva saccani pakasetva jatakam samodhanesi (saccapariyosane matuposakabhikkhu sotapattiphale patitthahi .) tada raja anando ahosi. Papapuriso devadatto ahosi. Hatthacariyo sariputto ahosi sa hatthini mahamaya matuposakanago pana ahameva sammasambuddhoti. Matuposakajatakam pathamam. -----------------The Pali Atthakatha in Roman Book 40 page 1-8. http://84000.org/tipitaka/atthapali/read_rm.php?B=40&A=1&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=1&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1493 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6034 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=6180 The Pali Tipitaka in Roman Character :- http://84000.org/tipitaka/read/roman_read.php?B=27&A=6180 Contents of The Tipitaka Volume 27 http://84000.org/tipitaka/read/?index_27
         |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]