บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8 Samvaramaharajajatakam. Jananto no maharajati idam sattha jetavane viharanto ekam osatthaviriyam bhikkhum arabbha kathesi. So kira savatthivasi kulaputto satthu dhammadesanam sutva pabbajitva laddhupasampado acariyupajjhayavattam purento ubhayani patimokkhani pagunani katva paripunnapancavasso kammatthanam gahetva aranne vasissamiti acariyupajjhaye apucchitva kosalaratthe ekam paccantagamam gantva tattha iriyapake pasannehi manussehi pannasalam katva upatthayamano vassam upagantva yunjanto ghatento vayamanto araddhena viriyena temasam kammatthanam bhavetva obhasamattampi uppadetum asakkonto cintesi addha aham satthara desitesu catusu puggalesu padaparamo kim me arannavasena jetavanam gantva tathagatassa rupasirim passanto madhuradhammadesanam sunanto vitinamessamiti. So viriyam osajjitva tato nikkhamanto anupubbena jetavanam gantva acariyupajjhayehi ceva sanditthasambhattehi ca agamanakaranam puttho tamattham kathetva tehi kasma evamakasiti garahitva satthu santikam netva kim bhikkhave anicchamanam bhikkhum anayitthati vutte ayam bhante viriyam osajjitva agatoti arocite. Sattha saccam kirati pucchitva saccanti vutte kasma bhikkhu viriyam osajji imasmim hi sasane Kusitapuggalassa aggaphalam arahattaphalamnama natthi araddhaviriya adhigamadhammam aradhenti tvam kho pana pubbe viriyam va ovadakkhamo teneva karanena baranasiranno puttasatassa sabbakanittho hutvapi panditanam ovade thatva setacchattam pattositi vatva atitam ahari atite baranasim patteneva tena tena sangahavatthuna abandhitva sanganhi. Sabbesam piyo ahosi manapo. Aparabhage rajanam maranamance nisinnam amacca pucchimsu deva tumhakam accayena setacchattam kassa dassamati. Tata mama putta sabbepi setacchattassa samino yo pana tumhakam manam ganhati tasseva setacchattam dadeyyathati. Te tasmim kalakate tassa sarirapariharam katva sattame divase sannipatitva ranna yo tumhakam manam ganhati tassa chattam ussapeyyathati vuttam amhakanca ayam samvarakumaro manam ganhatiti tassa kancanamalam setacchattam ussapayimsu. Samvaramaharaja bodhisattassa ovade thatva dhammena rajjam karesi. Itare ekunasatakumara pita kira no kalakato samvarakumarassa kira chattam ussapesum so sabbakanittho tassa chattam na papunati sabbajetthassa chattam ussapessamati sabbe ekato agantva chattam va no detu yuddham vati samvaramaharajassa pannam pesetva nagaram upparundhimsu. Raja bodhisattassa tam pavuttim arocetva idani kim karomati pucchi. Maharaja tava bhatikehi saddhim Yujjhanakiccam natthi tvam pitu santakam dhanam ekunasatakotthase katva ekunasatabhatikanam pesetva imam tumhakam pitu santakam kotthasam ganhatha naham tumhehi saddhim yujjhamiti sasanam pahinahiti . So tatha akasi. Athassa sabbajetthakabhatiko uposathakumaronama sese amantetva tata rajanamnama abhibhavitum samattho natthi ayanca no kanitthabhatiko patisattupi hutva na titthati amhakam pitu santakam pesetva naham tumhehi saddhim yujjhamiti pesesi na kho pana mayam sabbe ekakkhane chattam ussapema ekasseva chattam dassama ayameva raja hotu etha nam passitva rajakutumbam paticchapetva amhakam janapadameva gacchamati aha. Atha te sabbepi kumara nagaradvaram vivarapetva patisattuno ahutva nagaram pavisimsu. Rajapi tesam amaccehi sakkaram gahapetva patimaggam pesesi. Kumara mahantena parivarena pattikava agantva rajanivesanam abhiruyhitva samvaramaharajassa nipaccanakaram dassetva nicasane nisidimsu. Samvaramaharaja setacchattassa hettha sihasane nisidi. Mahanto yaso mahantam sirisobhaggam ahosi. Olokitolokitatthanam kampati. Uposathakumaro samvaramaharajassa sirivibhavam oloketva amhakam pita attano accayena samvarakumarassa rajabhavam natva anne amhakam janapade datva imassa na adasiti cintetva tena saddhim sallapanto tisso gatha abhasi Jananto no maharaja tava silam janadhipo ime kumare pujento na tam kenaci mannatha. Titthante no maharaje adu deve divangate nati tam samanumannimsu sampassam atthamattano . Kena samvaravattena sanjate abhititthasi kena tam nativattanti natisangha samagatati. Tattha jananto noti jananto nu. Janadhipoti amhakam pita narindo. Imeti ime ekunasate kumare. Palipotthakesu pana anne kumareti likkhitam. Pujentoti tena tena janapadena manento. Na tam kenaciti khuddakenapi janapadena tam pujetabbam na mannittha tam ayam mama accayena raja bhavissatiti natva manne attano padamuleyeva vasesiti. Titthante noti na dharamaneyeva. Nuti pucchati. Adu deveti udahu amhakam pitari divangate attano attham vuddhim passanta saddhim rajakarakehi negamajanapadehi natiyo tam rajano hotuti samanumannimsu vattenati silacarena. Sanjate abhititthasiti samanajatike ekunasatabhataro abhibhavitva titthasi. Nativattantiti nabhibhavanti. Tam sutva samvaramaharaja attano gunam kathento cha gatha abhasi na rajaputta ussuyyami samananam mahesinam sakkaccante namassami pade vandami tadinam. Te mam dhammagune yuttam sussusamanussuyyakam samana samanussasanti isidhammagune rata. Tesaham vacanam sutva samananam mahesinam na kinci atimannami dhamme me ramati mano. Hattharoha anikattha rathika pattikaraka tesam nappatibandhami nibbattham bhattavettanam. Mahamatta ca me atthi mantino paricarika baranasim viharanti bahu mamsam surodakam. Athopi vanija phita nanaratthehi agata tesu me vihita rakkha evam janahuposathati. Tattha na rajaputtati aham rajaputta kinci janam ayamnama sampatti imassa ma hotuti na ussuyyami. Tadinanti tadilakkhanayuttanam samitapapataya samananam mahantanam silakhandhadinam gunanam esitataya mahesinam dhammikasamananam pancapatitthitena pade vandami danam dadanto dhammikanca nesam rakkhavaranaguttim paccupatthapento sakkaccante namassami manena sampiyayantova pujemiti attho. Te manti te samana mam ayam dhammikakotthase yuttapayutto sussusamanussuyyakoti tatthuto natva mam dhammagunasamyuttam sussusam anussuyyakam anusasanti idam kari idam ma kariti ovadantiti attho. Tesahanti tesam aham. Hattharohati hatthim aruyha yujjhanayodha. Anikatthati hatthanikadisu thita. Rathikati rathayodha. Pattikarakati pattinova. Nibbitthanti yam tehi sajjitam bhattanca vettananca aham tam nappatibandhami aparihapetva dadamiti attho. Mahamattati bhatika mayham mahapanna mantesu kusala mahaamaccaceva avasesamantino ca paricarika atthi. Imina idam dasseti tumhe mantasampanne pandite acariye na labhittha amhakam pana acariyo pandito upayakusalo te no setacchattena yojesunti. Baranasinti bhatika mama chattam ussapitakalato patthaya amhakam raja dhammiko addhamasam devo vassati nanasassani sampajjantiti baranasiyam bahum khaditabbayuttakam macchamamsam patabbayuttakam surodakam jananti. Evam nagaravasino bahum macchamamsam surodakam katva baranasim viharanti. Phitati hatthiratanaassaratanamuttaratanadini aharitva nirupaddava voharam karonta phita samiddha. Evam janahiti bhatika uposatha aham imehi ettakehi karanehi sabbakanitthopi hutva mama bhatike abhibhavitva setacchattam patto evam janahiti. Athassa gunam sutva uposatho kumaro dve gatha abhasi dhammena kira natinam rajjam karehi samvara medhavi pandito casi athopi natinam hito tamtam natiparibyulham nanaratanamocitam amitta nappasahanti inadamva asuradhipoti. Tattha dhammena kirati tata samvara maharaja dhammena kira tvam ekunasatanam natinam attano jetthabhatikanam anubhavam abhibhavasi Ito patthaya tvameva rajjam karehi tvameva medhavi ceva pandito ca natinanca hitoti attho. Tam tanti evam vividhagunasampannam tam. Natiparibyulhanti amhehi ekunasatanatakehi parivaritam. Nanaratanamocitanti nanaratanehi ocitam sancitam bahuratanasancayam. Asuradhipoti yatha tavatimsehi parivutam indam asuraraja nappasahati evam amhehi arakkham karontehi parivaritam tiyojanasatike kasikaratthe dvadasayojanikaya baranasiya rajjam karentam amitta na badhissantiti dipeti. Samvaramaharaja sabbesam bhatikanam mahantam yasam adasi. Te tassa santike addhamasam vasitva maharaja janapadesu coresu utthahantesu mayam janissama tvam rajjasukham anubhavati vatva attano attano janapadam gata. Raja bodhisattassa ovade thatva ayuhapariyosane devanagaram purento agamasi. Sattha imam dhammadesanam aharitva bhikkhu evam tvam pubbe ovadakkhamo idani kasma viriyam na akasiti vatva saccani pakasetva jatakam samodhanesi (saccapariyosane so bhikkhu sotapattiphale patitthahi) tada samvarakumaro raja ayam bhikkhu ahosi uposathakumaro sariputto sesabhatika theranuthera parisa pana buddhaparisa ovadadayako amacco pana ahamevati. Samvaramaharajajatakam atthamam. --------------------The Pali Atthakatha in Roman Book 40 page 59-65. http://84000.org/tipitaka/atthapali/read_rm.php?B=40&A=1184&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=1184&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1577 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6309 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=6506 The Pali Tipitaka in Roman Character :- http://84000.org/tipitaka/read/roman_read.php?B=27&A=6506 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]