ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 40 : PALI ROMAN Ja.A.6 ekadasaka-pakinnaka

                    6 Mahakanhajatakam.
     Kanho kanho ca ghorocati idam sattha jetavane viharanto
lokatthacariyam arabbha kathesi.
     Ekadivasam hi bhikkhu dhammasabhayam nisiditva yavancidam avuso
sattha bahujanahitaya patipanno attano phasuviharam pahaya lokasseva
attham carati paramabhisambodhim patva sayam pattacivaramadaya
attharasayojanamaggam gantva pancavaggiyatheranam dhammacakkam pavattetva
pancamiya pakkhassa anattalakkhanasuttam kathetva sabbesam arahattam
adasi uruvelam gantva tebhatikajatilanam addhuddhani patihariyasahassani
dassetva pabbajetva gayasise adittapariyayam kathetva
jatilasahassanam arahattam adasi mahakassapassa tigavutani paccuggamanam
katva tihi ovadehi upasampadam adasi eko pacchabhatte
pancacattalisayojanamaggam gantva pukkusatikulaputtam anagamiphale
patitthapesi mahakappinassa visayojanasatam paccuggamanam katva arahattam
adasi eko pacchabhatte timsayojanamaggam gantva kakkhalam pharusam
angulimalam arahatte patitthapesi timsayojanameva maggam gantva
Alavakam yakkham sotapattiphale patitthapetva kumarassa sotthimakasi
tavatimsabhavane temasam vasanto asitiya devakotinam dhammabhisamayam
sampadesi brahmalokam gantva bakabrahmuno ditthim bhinditva
dasannam brahmasahassanam arahattam adasi anusamvaccharam tisu mandalesu
carikam caramano upanissayasampannanam manussanam sarananiceva silani
ca deti nagasupannadinampi nanappakaram attham caratiti dasabalassa
lokatthacariyagunam vannayimsu. Sattha agantva kayanuttha bhikkhave
etarahi kathaya sannisinnati pucchitva imayanamati vutte
anacchariyam bhikkhave svaham idani abhisambodhim patva lokassa
atthacariyam pubbe saragadikalepi lokatthacariyameva acarinti vatva
atitam ahari
     atite kassapasammasambuddhakale baranasiyam ussinnaronama
raja rajjam karesi. Kassapasammasambuddhe catusaccadesanaya
mahajanam bandhana mocetva nibbananagaram puretva parinibbute dighassa
addhano accayena sasanam osakki. Bhikkhu ekavisatiya anesanahi
jivitam kappenti bhikkhunihi samsaggam karonti puttadhitahi vaddhanti.
Bhikkhu bhikkhudhammam bhikkhuniyo bhikkhunidhammam upasaka upasakadhammam
brahmana brahmanadhammam visajjesum. Yebhuyyena manussa dasa
akusalakammapathe samadaya vattimsu. Mata mata apayam purayimsu. Tada
sakko devaraja nave devaputte apassanto manussalokam oloketva
manussanam apayesu nibbattabhavam natva satthu sasanam osakkitam
Disva kim nukho karissamiti cintento attheko upayoti
mahajanam bhayetva tasetva bhitabhavam natva assasetva dhammam
desetva osakkitam sasanam paggayha aparam vassasahassam pavattanakaranam
karissamiti sannitthanam katva matalidevaputtam mocappamanadadham
catuhi dadhehi niccharantaramsim bhayanakam gabbhininam dassaneneva
gabbhapatanasamattham ghorarupam ajaneyyappamanam kalavannam mahakanham
sunakham katva pancabandhanena bandhitva rattamalamassa sise pilandhitva
rajjukotiyam adaya dve kasayani nivasetva pacchamukhe kese
bandhitva rattamalam pilandhitva aropitapavalavannajiyam mahadhanum
gahetva vajiragganaracam nakhena parivattanto vanacarakavesam gahetva
nagarato yojanamagge thane otaritva bho loko vinassatiti
tikkhattum saddamanussavetva manusse  utrasetva nagarupacaram gantva
puna saddamakasi. Manussa tam sunakham disva utrasta nagaram
pavisitva tam pavuttim ranno arocesum. Raja sigham nagaradvarani
pidahathati dvarani pidahapesi. Sakkopi attharasahattham pakaram
ullamghetva sunakhena saddhim anto nagare patitthahi. Manussa
bhitatasita palayitva gehani pavisitva dvarani pidahimsu.
Mahakanhopi ditthaditthe manusse upadhavitva santasento rajanivesanam
agamasi. Rajangane manussa bhayena palapetva rajanivesanam
pavisitva dvaram pidahimsu. Usinnararajapi orodhe gahetva
pasadam abhiruhi. Mahakanho purimapade ukkhipitva kavate
Thapetva mahabhusitam bhusi. Tassa bhusitasaddo hettha avicim
upari bhavaggam ganhi. Sakalacakkavalam ekaninnadam ahosi.
Punnakajatake punnakaranno bhuridattajatake sudassananagaranno
imasmim mahakanhajatake ayam saddoti ime tayo sadda jambudipe
mahasaddanama ahesum. Nagaravasino bhitatasita hutva ekapurisopi
sakkena saddhim kathetum nasakkhi. Rajayeva pana satim upatthapetva
vatapanam nissaya sakkam amantetva ambho luddhaka kasma te
sunakho bhusatiti aha. So chatabhavenati. Tenahissa bhattam
dapessamiti antojanassa ca attano ca pakkabhattam sabbam dapesi.
Tam sabbam sunakho ekakabalam viya katva puna saddamakasi. Puna raja
pucchitva idanipi me sunakho chatoyevati sutva hatthiassadinam
pakkabhattam sabbam aharapetva dapesi. Tasmimpi ekappahareneva
nitthapite sakalanagarassa pakkabhattam dapesi. Tampi so tatheva
bhutva puna saddamakasi. Raja na esa sunakho nissamsayam yakkho
etassa agamanakaranam pucchissamiti bhitatasito hutva pucchanto
pathamam gathamaha
        kanho kanho ca ghoro ca   sukkadadho patapava
        bandho pancahi rajjuhi       kim vira sunakho tavati.
     Tattha kanho kanhoti bhayavasena dalhikammavasena va
amenditam. Ghoroti passantanam bhayajanako. Patapavati dadhehi
nikkhantena ramsipatapena patapava. Kim virati viriyavanta tavesa
Evarupo kakkhalo sunakho kim karoti kim mige ganhati udahu te
amitte kinte imina visajjehi nanti adhippayenevamaha.
     Tam sutva sakko dutiyam gathamaha
        nayam miganam atthaya       usinnara bhavissati
        manussanam anayo hutva     tada kanho pamokkhatiti.
     Tassattho ayam hi migamamsam khadissamiti idha nagato tasma
miganam attho na bhavissati manussamamsam pana khaditum agato
tasma tesam anayo mahavinasakarako hutva yada anena manussa
vinasam patita bhavissanti tada ayam kanho pamokkhati mama
hatthato muncissatiti.
     Atha nam raja kim pana te bho luddhaka sunakho sabbesamyeva
manussanam mamsam khadissati udahu tava amittanannevati pucchitva
amittananneva me maharajati vutto puna ke pana idha tava
amittati pucchitva adhammabhirata visamacarino maharajati vutte
kathehi tava te amhakanti pucchi. Athassa kathento devaraja
dasa gatha abhasi
        pattahattha samanaka        munda sanghatiparuta
        nangalehi kasissanti        tada kanho pamokkhati.
        Tapassiniyo pabbajita       munda sanghatiparuta
        yada loke gamissanti      tada kanho pamokkhati.
        Dighuttarottha jatila       pankadanta rajassira
        inam modaya gacchanti       tada kanho pamokkhati.
        Adhicca vede savittim      yannam tatranca brahmana
        bhatikaya yajissanti         tada kanho pamokkhati.
        Mataram pitaram vapi         jinnake gatayobbane
        pahusanta na bharanti        tada kanho pamokkhati.
        Mataram pitaram vapi         jinnake gatayobbane
        bala tumheti vakkhanti     tada kanho pamokkhati.
        Acariyabhariyam sakha-        bhariyam matulaniti
        yada loke gamissanti      tada kanho pamokkhati.
        Asicammam gahetvana        khaggam paggayha brahmana
        panthaghatam karissanti        tada kanho pamokkhati.
        Sukkacchavi vedhavera       thulabahu apatubha
        mittabhedam karissanti        tada kanho pamokkhati.
        Mayavino nekatika       asappurisacintika
        yada loke bhavissanti      tada kanho pamokkhatiti.
     Tattha samanakati mayam samanakamhati patinnamattakena
hilitavoharenevamaha. Kasissantiti te tadapi kasantiyeva. Ayam
pana ajananto viya evamaha. Ayam hissa adhippayo ete evarupa
dussila mama amitta yada mama sunakhena ete maretva mamsam khaditum
bhavissati tada esa kanho ito pancarajjubandhana mokkhatiti
Imina upayena sabbagathasu adhippayayojana veditabba.
Pabbajitati buddhasasane pabbajita. Gamissantiti agaramajjhe
pancakamagune paribhunjantiyo vicarissanti. Dighuttarotthati dadhikanam
vaddhitatta dighauttarottha. Pankadantati pankena malena samannagata
danta. Inam modayati bhikkhacariyaya dhanam samharitva vaddhiya inam
payojetva tam moditva tato laddhena jivitam kappenta yada
gacchantiti attho. Savittinti savittinca adhiyitva. Yannam
tatrancati yannavidhanakam tatra yannasuttam adhiyitvati attho.
Bhatikayati te rajarajamahamatte upasankamitva tumhakam yannam
yajissama dhanam no dethati evam bhatiatthaya yannam yajissanti.
Pahusantati positum samattha samana. Bala tumheti bala na
kinci janathati adini vakkhanti. Gamassantiti lokadhammam sevanavasena
gamissanti. Panthaghatanti panthe thatva manusse maretva tesam
bhandagahanam. Sukkacchaviti kasavacunnadighamsanena samutthapita
sukkacchavivanna. Vedhaverati vidhava matapatika tahi vidhavahi veram
carantiti vedhavera. Thulabahuti padaparimaddanadihi samuddanadihi
samutthapitamamsataya mahabahu. Apatubhati apakatabhava dhanuppadavirahitati
attho. Mittabhedanti mittabhedanam ayameva va patho. Idam vuttam
hoti yada evarupa itthidhutta ima amhe na jahissantiti sahiranna
vidhava upagantva samvasam kappetva tasam santakam khaditva
tahi saddhim mittabhedam karissanti vissasam bhinditva annam
Sahirannam gamissanti tada esa te core sabbeva khaditva muccissatiti.
Asappurisacintikati asappurisacintehi paradukkhacintanasila. Tada
sabbepime ghatetva khaditamamso kanho pamokkhatiti.
     Evanca pana vatva ime mayham maharaja amittati tete
adhammakarake pakkhanditva khaditukamam viya katva dassesi. Tato
mahajanassa cittutrasakale sunakham rajjuya akaddhitva thapitam viya
katva luddhakavesam jahitva attano anubhavena akase jajjalamano
tarunasuriyo viya thatva maharaja aham sakko devaraja ayam loko
vinassatiti agato pamatta hi mahajana adhamme vattetva matamata
sampati apaye purenti devaloko tuccho viya jato ito
patthaya adhammikesu kattabbam aham janissami tvam appamatto hohi
maharajati catuhi satarahagathahi dhammam desetva manusse danasilesu
patitthapetva osakkitasasanam annam vassasahassam pavattanasamattham
katva matalim adaya sakatthanameva gato.
     Sattha imam dhammadesanam aharitva evam bhikkhave pubbepaham
lokassa atthameva caramiti vatva jatakam samodhanesi tada
matali anando ahosi sakko pana ahamevati.
                   Mahakanhajatakam chattham.
                   ----------------



             The Pali Atthakatha in Roman Book 40 page 122-129. http://84000.org/tipitaka/atthapali/read_rm.php?B=40&A=2483&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=2483&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=27&i=1661              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6551              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=6770              The Pali Tipitaka in Roman Character :- http://84000.org/tipitaka/read/roman_read.php?B=27&A=6770              Contents of The Tipitaka Volume 27 http://84000.org/tipitaka/read/?index_27

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]