AtthaPali Vol.40

9 Mahapadumajatakam. Nadittha parato dosanti idam sattha jetavane viharanto cincamanavikam arabbha kathesi. Pathamabodhiyamhi dasabalassa puthubhutesu savakesu aparimanesu devamanussesu ariyabhumim okkantesu patthatesu satthu gunasamudayesu mahalabhasakkaro udapadi. Titthiya suriyuggamane khajjopanakasadisa ahesum hatalabhasakkara. Te antaravithiyam thatva kim samano gotamov buddho mayampi buddha tasseva dinnam mahapphalam amhakampi dinnam mahapphalameva amhakampi detha karothati evam manusse samadapetvapi labhasakkare alabhitva raho sannipatitva kena Nukho upayena samanassa gotamassa manussanam antare avannam uppadetva labhasakkaram naseyyamati mantayimsu. Tada hi savatthiyam cincamanavika nameka paribbajika uttamarupadhara sobhaggappatta devacchara viya. Tassa sarirato ramsiyo niccharanti. Atheko kharamanti evamaha cincamanavikam paticca samanassa gotamassa avannam uppadetva labhasakkaram naseyyamati. Te attheso upayoti sampaticchimsu. Atha sa titthiyaramam agantva vanditva atthasi. Titthiya taya saddhim na kathesum. Sa ko nukho me dosoti yavatatiyam vandami ayyati vatva ayya ko nukho me doso kim maya saddhim na kathethati aha. Bhagini samanam gotamam amhe vihethentam hatalabhasakkare katva vicarantam na janasiti. Na janami ayya kim panettha maya kattabbanti. Sace tvam bhagini amhakam sukhamicchasi attanam paticca samanassa gotamassa avannam uppadetva labhasakkaram nasehiti. Sa sadhu ayya mayhameveso bharo ma cintayitthati vatva pakkamitva itthimayasu kusalataya tato patthaya savatthivasinam dhammakatham sutva jetavana nikkhamanasamaye indagopakavannam patam parupitva gandhamaladihattha jetavanabhimukhi gacchanti imaya velaya kuhim gacchasiti vutte kim tumhakam mama gamanatthanenati vatva jetavanasamipe titthiyarame pavisitva patova bhagavantam vandissamati nagara nikkhamante upasakajane jetavane vuttha viya Hutva nagaram pavisanti kuhim vutthasiti vutte kim tumhakam mama vutthanenati vatva ekamasadvimasaccayena pucchiyamana jetavane samanena gotamena saddhim ekagandhakutiya vutthamhiti puthujjananam saccam nukho etam noti kankham uppadetva temasacatumasaccayena pilotikahi udaram vethetva gabbhinivannam dassetva upari rattapatam parupitva samanam gotamam paticca gabbho laddhoti andhabalam gahapetva atthanavamasaccayena udare darumandalikam bandhitva upari patam parupitva hatthapadapitthiyo gohanukena kotapetva ussadam dassetva kilantindriya hutva sayanhasamaye tathagate alankatadhammasane nisiditva dhammam desente dhammasabham gantava tathagatassa purato thatva mahasamana mahajanassa tvam dhammam desesi madhuro te saddo suphusitam dantavaranam aham pana tam paticca gabbham labhitva paripunnagabbha jata neva me pasutigharam janasi na sappiteladini sayam akaronto attano upatthakanampi annataram kosalarajanam va anathapindikam va visakham va mahaupasikam imissa cincamanavikaya kattabbayuttakam karohiti na vadesi abhiramitumyeva janasi gabbhapariharam na janasiti guthapindam gahetva candamandalam dusetum vayamanti viya parisamajjheyeva tathagatam akkosi. Tathagato tam sutva dhammakatham thapetva siho viya abhinadanto bhagini taya kathitassa tathabhavam va vitathabhavam va ahameva ca tvanca janamati. Ama samana taya ca Maya ca natabhavenetam jatanti. Tasmim khane sakkassa bhavanam unhakaram dassesi. Sakko avajjamano cincamanavika tathagatam abhutena akkosatiti natva idam vatthum sodhessamiti catuhi devaputtehi saddhim agami. Devaputta musikapotaka hutva darumandalikassa bandharajjuke ekappaharena chindimsu. Parupanapatam vato ukkhipi. Darumandalam patamanam tassa padapitthiyam pati. Ubho aggapada chindimsu. Manussapi kalakanni sammasambuddham akkosasiti sise khelam patetva leddudandadihattha jetavana niharimsu. Athassa tathagatassa cakkhupatham atikkantakale mahapathavi bhijjitva vivaramadasi. Avicito aggijala utthahi. Sa kuladattiyam kambalam parupamana viya gantva avicimhi nibbatti. Annatitthiyanam labhasakkaro parihayi. Dasabalassa bhiyyoso mattaya vaddhi. Punadivase dhammasabhayam katham samutthapesum avuso cincamanavika evam ularam aggadakkhineyyam sammasambuddham abhutena akkositva mahavinasam pattati. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepi esa mam abhutena akkositva vinasam pattayevati vatva atitam ahari atite baranasiyam brahmadatte rajjam karente bodhisatto tassa aggamahesiya kucchismim nibbatti. Phullapadumasarikkhamukhatta panassa padumakumarotveva namam karimsu. So vayappatto sabbasippani Ugganhitva agami. Athassa mata kalamakasi. Raja annam aggamahesim katva puttassa uparajjam adasi. Aparabhage raja paccantam kupitam vupasametum gacchanto aggamahesim bhadde idheva vasa aham paccantam vupasametum gacchamiti vatva naham idheva vasissami ahampi gamissamiti vutte yuddhabhumiyam adinavam pakasetva yava mamagamana anukkanthamana vasa aham padumakumaram yatha tava kattabbakiccesu appamatto hoti evam anapetva gamissamiti vatva tatha katva gantva paccamitte palapetva janapadam santappetva paccagantva bahinagare khandhavaram nivasesi. Bodhisattopi pitu agatabhavam natva nagaram alankarapetva rajageham patijaggapento ekakova tassa santikam agamasi. Sa tassa rupasampattim disva patibaddhacitta ahosi. Bodhisatto tam vanditva amma amhakam kim kattabbanti pucchi. Atha mam ammati ma vadesiti utthaya hatthe gahetva sayanam abhiruhati aha. Kimkaranati. Yava raja na agacchati tava ubhopi kilesaratiya ramissamati aha. Amma tvam mama mata ca sassamika ca maya sapariggaho matugamo nama kilesavasena indriyani bhinditva na olokitapubbo katham taya saddhim evarupam kilitthakammam karissamiti. Sa dve tayo vare kathetva tasmim anicchamane mama vacanam na karositi aha. Amma na karomiti. Tenahi evam ranno kathetva sisam te chindapessamiti. Mahasatto tava ruciya karohiti tam Lajjapetva pakkami. Sa bhitatasita cintesi sacayam pathamataram pitu arocessati jivitam me natthi ahameva puretaram kathessamiti bhattam abhunjitva kilitthavattham nivasetva sarire nakharajiyo dassetva kuhim deviti ranna pucchitakale gilanati katheyyathati paricarikanam sannam datva gilanalayam katva nipajji. Rajapi nagaram padakkhinam katva nivesanam aruyha tam apassanto kuhim deviti pucchitva gilanati sutva sirigabbham pavisitva kim te devi aphasukanti pucchi. Sa tassa vacanam asunanti viya hutva dve tayo vare pucchitapi tunhi ahosi. Devi kim mam na kathesiti. Sassamikaitthiyo nama madisa na hontiti vatva kenaci vihethitasi sigham me kathehi sisamassa chindissamiti vutte kam tvam maharaja nagare thapetva gatositi. Puttam padumakumaranti. So mayham vasanatthanam agantva tata ma evam karohi aham tava matati vuccamanopi thapetva mam anno raja nama natthi aham tam gehe karitva kilesaratiya ramissamiti mam kesesu gahetva aparaparam luncitva attano vacanam akarontam vadhitva kotetva gatoti aha. Raja anupaparikkhitvava asiviso viya kuddho purise anapesi gacchatha padumakumaram bandhitva anethati. Te nagaram avattharanta viya geham gantva tam bandhitva paharitva pacchabahum dalhabandhanam bandhitva rattakannaveramalam givayam patimuncitva vajjhabhavam katva paharanta anayimsu. So deviya idam kammanti natva bho purisa naham ranno Dosakarako niraparadhovahamasmiti vilapanto agacchati. Sakalanagaram samkhubhitva raja kira matugamassa vacanam gahetva mahapadumakumaram ghatapetiti sannipatitva kumarassa padamule nipatitvava na te idam sami anucchavikanti mahasaddena paridevi. Atha nam netva te rajapurisa ranno dassesum. Raja disvava cittam nigganhitum asakkonto ayam arajava rajalilam karoti mama putto hutva aggamahesiya aparajjhati gacchatha nam corapapate patetva vinasam papethati aha. Mahasatto na mayham tata evarupo aparadho atthi matugamassa katham gahetva ma mam nasehiti pitaram yaci. So tassa katham na ganhi. Tato solasasahassa antepurika tata mahapadumakumara te attano ananucchavikam idam laddhanti mahaviravam viravimsu. Sabbe khattiyamahasaladayopi amaccaparijanapi deva kumaro silacaragunasampanno vamsanurakkhito rajjadayado ma nam matugamassa vacanam gahetva anupaparikkhitva vinasehi ranna nama nisammakarina bhavitabbanti vatva satta gatha abhasimsu nadittha parato dosam anumthulani sabbaso issaro panaye dandam samam appativekkhiya. Yo ca appativekkhitva dandam kubbati khattiyo sakantakamva gilati jaccandhova samakkhikam. Adandiyam dandiyati dandiyanca adandiyam andhova visamam maggam na janati samasamam. Yo ca etani thanani anumthulani sabbaso suditthamanusaseyya save voharitumarahati. Nekantamuduna sakka ekantatikkhanena va attam mahante thapetum tasma ubhayamacare. Paribhuto mudu hoti atitikkhova verava etanca ubhayam natva anumajjham samacare. Bahumpi ratto bhaseyya dutthopi bahu bhasati na itthikarana raja puttam ghatetumarahasiti. Tattha naditthati adisva. Paratoti parassa. Sabbasoti sabbani. Anumthulaniti khuddakamahantani vajjani. Samam appativekkhiyati paravacanam pahaya attano paccakkham akatva pathavissaro raja dandam na panaye na patthapeyya mahasammatarajakalasmim hi satato uttaridando nama natthi talanagarahanapabbajanato uddham hatthapadacchedanaghatanannama natthi paccha kakkhalarajunam kale etam uppannam tam sandhaya te amacca ekanteneva parassa dosam samam adisva katum na yuttanti kathenta evamahamsu. Yo ca appativekkhitvati maharaja evam pativekkhitva dosanucchavike dande panetabbe yo raja agatigamane thito tam dosam appativekkhitva hatthacchedadidandam karoti so attano dukkhakaranam karonto sakantakam bhojanam gilati nama jaccandho viya samakkhikam bhunjati nama. Adandiyanti yo adandiyam adandapanetabbam dandetva dandiyanca Dandapanetabbam adandetva attano rucimeva karoti so andhova visamam maggam patipannopi na janati samasamam gato pasanadisu pakkhalanto andho viya catusu apayesu mahanirayesu mahadukkham papunatiti attho. Etani thananiti etani dandiyadandiyakarananiceva dandiyakaranesupi anumthulani ca sabbani sudittham disva anusaseyya save raja voharitum rajjam anusasitum arahatiti attho. Attam mahante thapetunti evarupe anuppanne bhoge uppadetva uppanne thavare katva attanam mahante ulare issariye thapetum na sakkotiti attho. Muduti muduraja ratthavasikanam paribhuto hoti avannato so rajjam niccoram katum na sakkoti. Veravati atitikkhassa pana sabbepi ratthavasika verino hontiti so verava nama hoti. Anumajjhanti anubhutam mudutikhinabhavanam majjham samacare amudu atikkho hutva rajjam karetiti attho. Na itthikaranati papakam lamakam matugamam nissaya vamsanurakkhitam chattadayadam puttam ghatetum narahasi maharajati. Evam nanakaranehi kathentapi amacca attano katham gahapetum nasakkhimsu. Bodhisattopi yacanto attano katham gahapetum nasakkhi. Andhabalo pana so raja gacchatha nam corapapate khipathati anapento atthamam gathamaha sabbova loko ekato itthi ca ayamekika tenaham patipajjissam gacchatha pakkhipetha nanti. Tattha tenahanti yena karanena sabbo loko ekato kumarassa pakkho hutva thito ayanca itthi ekikava tena karanenaham imissa vacanam patipajjissam gacchatha nam pabbatam aropetva papate khipathati. Evam vutte solasasahassasu rajitthisu ekapi sakabhavena santharetum nasakkhi. Sakalanagaravasino baha paggayha kanditva kese vikiriyamana vilapimsu. Raja ime imassa papatakhipanam patibaheyyunti saparivaro gantva mahajanassa paridevantasseva nam uddhapadam adhosiram gahapetva papate khipapesi. Athassa mettabhavananubhavena pabbate adhivattha devata ma bhayi mahapadumati tam samassasetva ubhohi hatthehi gahetva hadaye thapetva dibbasamphassam pharapetva otaritva pabbatapadapatitthita- nagabhavane nagarajassa phanagabbhe thapesi. Nagaraja bodhisattam nagabhavanam netva attano yasam majjhe bhinditva adasi. So tattha ekasamvaccharam vasitva manussapatham gamissamiti vatva kataram thananti vutte himavantam gantva pabbajissamiti aha. Nagaraja sadhuti tam gahetva manussapathe patitthapetva pabbajitaparikkhare datva sakatthanameva gato. Sopi himavantam pavisitva isipabbajjam pabbajitva jhanabhinna nibbattetva vanamulaphalaharo tattha pativasati. Atheko baranasivasi vanacarako tam thanam patto mahasattam sanjanitva nanu tvam deva mahapadumakumaroti vatva ama sammati vutte tam vanditva katipaham tattha vasitva Baranasim gantva ranno arocesi deva putto te himavantamppadese isipabbajjam pabbajitva pannasalayam vasati aham tassa santike vasitva agatoti. Supaccakkhato te ditthoti. Ama devati. Raja mahabalakayaparivuto tattha gantva vanapariyante khandhavaram bandhitva amaccaparivuto pannasalam gantva kancanarupakam viya pajjalantam siriya pannasaladvare nisinnam mahasattam disva vanditva ekamantam nisidi. Amacca vanditva patisantharam katva nisidimsu. Bodhisatto rajanam phalena patipucchitva patisantharam akasi. Atha nam raja tata maya tvam gambhire papate khipapito katham sajivitositi pucchanto navamam gathamaha anekatale narake gambhire ca suduttare patito giriduggasmim kena tvam tattha namariti. Tattha anekataleti anekatalappamane. Namariti na amari. (kumaro aha) nago nagabalo tattha thamava girisanujo paccuggahi mam bhogehi tenaham tattha namarinti. Ehi tam patinessami rajaputta sakam gharam rajjam karehi bhaddante kim aranne karissasiti. Yatha gilitva balisam uddhareyya salohitam uddharitva sukhi assa evam passami attananti. (tam sutva raja aha) kim nu tvam balisam brusi kim tvam brusi salohitam kim nu tvam ubbhatam brusi tam me akkhahi pucchitoti. (tapaso aha) kamaham balisam brumi hatthiassam salohitam cattaham ubbhatam brumi evam janahi khattiyati. Imasu pancasu ekantarika tisso gatha bodhisattassa dve ranno. Tattha paccuggahiti pabbatapatanakale devataya patiggahitva dibbasamphassena samassasetva upanitam mam patigganhi gahetva ca pana mam nagabhavanam netva mahantam yasam datva manussapatham nehiti vutte mam manussapatham anesi svaham idhagantva pabbajito iti tena devataya ca nagarajassa ca anubhavena aham tattha na marinti sabbam arocesi. Ehiti raja tassa vacanam sutva somanassappatto hutva tata aham balabhavena itthiya vacanam gahetva evam silacaragunasampanne tayi aparajjhim khamahi meti padesu nipatitva utthehi maharaja khamami te dosam ito param puna ma evam anisammakari bhaveyyasiti vutte tata tvam attano kulasantakam setacchattam ussapetva rajjam anusasanto mayham khamasi namati evamaha. Uddharitvati hadayavakkadini asampattameva tam uddharitva sukhi assa. Attananti attanam maharaja evam aham Hi puna sotthibhavappattam gilitabalisam purisamiva attanam passamiti . Kimnu tvanti idam raja tamattham vittharato sotum pucchati. Kamahanti pancakamagune aham hatthiassam salohitanti brumi. Cattahanti cattam aham yada tam sabbampi cattam hoti pariccattamdani aham ubbhatanti brumi. Iti kho maharaja mayham rajjena kiccam natthi tvam pana dasarajadhamme akopetva agatigamanam pahaya dhammena rajjam karehiti mahasatto pitu ovadam adasi. So roditva kanditva nagaram gacchanto antaramagge amacce pucchi aham kim nissaya evarupena acaragunasampannena puttena viyogam pattoti. Aggamahesim devati. Raja tam uddhapadam gahapetva corappate khipapetva dhammena rajjam karesi. Sattha imam dhammadesanam aharitva evam bhikkhave pubbepesa mam akkositva vinasam pattati vatva cincamanavika mata devadatto ca me pita anando pandito nago sariputto ca devata aham tada rajaputto evam dharetha jatakanti osanagathaya jatakam samodhanesi. Mahapadumajatakam navamam. ---------------

The Pali Atthakatha in Roman Book 40 page 130-142. http://84000.org/tipitaka/atthapali/read_rm.php?B=40&A=2651&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=2651&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=1698 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=6675 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=6918 The Pali Tipitaka in Roman Character :- http://84000.org/tipitaka/read/roman_read.php?B=27&A=6918 Contents of The Tipitaka Volume 27 http://84000.org/tipitaka/read/?index_27