|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
12. Dasabrahmanajatakam.
Raja avoca vidhuranti idam sattha jetavane viharanto asadisadanam
arabbha kathesi. Tam atthanipate vidhurajatake vittharitameva.
Raja kira tam danam dadanto sattharam jetthakam katva panca
bhikkhusatani vicinitva ganhitva mahakhinasavananneva adasi.
Athassa bhikkhu gunakatham kathenta avuso raja asadisadanam dento
vicinitva maggaphalatthane adasiti dhammasabhayam katham samutthapesum.
Sattha agantva kayanuttha bhikkhave etarahi kathaya sannisinnati
pucchitva imayanamati vutte anacchariyam bhikkhave yam kosalaraja
madisassa buddhassa upatthako hutva viceyya danam deti poranakapandita
anuppanne buddhe viceyya danam adamsuti vatva tehi yacito
atitam ahari
atite bhikkhave kururatthe indapattanagare yudhitthilagotto
korabyo raja rajjam karesi. Tassa vidhuronama amacco atthanca
dhammanca anusasi. Raja sakalajambudipam khobhento mahadanam
deti. Manussesu tam gahetva bhunjantesu ekopi pancasilamattam
rakkhantonama natthi sabbe dussilava. Danam rajanam na
toseti. Raja viceyya danam mahapphalanti silavantanam datukamo
hutva cintesi vidhurapanditena saddhim mantayissamiti. So tam
upatthanam agatam asane nisidapetva panham pucchi.
Tamattham pakasento sattha upaddhagathamaha
raja avoca vidhuram dhammakamo yudhitthiloti.
Purato ranno ca vidhurassa ca vacanapativacanam ahosi.
Brahmane vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Dullabha brahmana deva silavanto bahussuta
virata methuna dhamma ye te bhunjeyyu bhojanam.
Dasa khalu maharaja ya ta brahmanajatiyo
tesam vibhangavicayam vittharena sunohi me.
Pasibbake gahetvana punne mulassa samvute
osadhikaye ganthenti nhapayanti japanti ca.
Tikicchakasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Kinkiniyo gahetvana ghosenti puratopi te
pesananipi gacchanti rathacariyasu sikkhare
Paricarikasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Kamandalum gahetvana pankadandanca brahmana
paccupessanti rajano gamesu nigamesu ca
nadinne vutthahessama gamamhi nigamamhi va
niggahakasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Parulhakacchanakhaloma pankadanta rajassira
okinna rajajallehi yacaka vicaranti te
khanughatasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Haritakam amalakam ambam jambum vibhedakam
labujam dantaponani veluva badarani ca
rajayatanam ucchuputam dhumanettam madhuanjanam
uccavacani paniyani vipanenti janadhipa
vanijakasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Kasivanijjam karenti posayanti ajelake
kumariyo pavecchanti vivahantavahanti ca
sama ambatthavesehi tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
Na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Nikkhittabhikkham bhunjanti gamesu te purohita
bahu ne paripucchanti andacchedani lancaka
pasupi tattha hannanti mahisa sukara aja
goghatakasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Asicammam gahetvana khaggam paggayha brahmana
vessapathesu titthanti sattham ambahayantipi
sama gopanisadehi tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
Virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Aranne kutikam katva kutani karayanti te
sasam vilaram badhenti agodha macchakacchapam
te luddakasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalam.
Anne dhanassa kamahi hettha mance pasakkhita
rajano upari nhapenti somayage upatthite
malamajjasama raja tepi vuccanti brahmana
akkhata te maharaja tadise nipatamase.
Apeta te ca brahmanna (iti raja ca korabyo)
na te vuccanti brahmana
anne vidhura pariyesa silavante bahussute
virate methuna dhamma ye me bhunjeyyu bhojanam
dakkhinam samma dassami yattha dinnam mahapphalanti.
Tattha silavanteti maggenagatasile. Bahussuteti pativedhabahussute.
Dakkhinanti danam. Yeti ye dhammikasamanabrahmana tam danam
bhunjeyyum te dullabha. Brahmanajatiyoti brahmanakulani.
Tesam vibhangavicayanti tesam brahmananam vibhagam mama pannaya vicitabhavam
vittharena sunahi. Samvuteti bandhamukhe. Osadhikaye ganthentiti
idam imassa rogassa bhesajjam idam imassati evam siloke bandhitva
manussanam denti. Nhapayantiti nhapanamnama karonti. Japanti
cati bhutavijjam parivattenti. Tikicchakasamati vejjasadisa. Tepi
vuccantiti tepi brahmana va mayam abrahmana vati ajanitvava
vejjakammena jivitam kappenta voharena brahmanati vuccanti.
Akkhata teti ime te maya vejjabrahmananama akkhata.
Nipatamaseti vedehi tadise brahmane nimantanatthaya upasankamama
atthi te etehi atthoti pucchi. Brahmannati brahmanadhammo.
Na te vuccantiti te vahitapapataya brahmananama na vuccanti.
Kinkiniyoti maharaja aparepi brahmana attano brahmanadhammam
chaddetva jivikatthaya rajarajamahamattanam purato kamsatale gahetva
vadenta gayanta gacchanti. Pesananipiti dasakammakaraviya
pesananipi gacchanti. Rathacariyasuti rathasippam sikkhanti. Paricarikasamati
dasakammakarasadisa. Pankadandanti dantakattham. Paccupessanti
rajanoti aparepi brahmana rajarajamahamatte paticca agamma
Sandhaya upasevanti. Gamesu nigamesu cati tesam nivesanadvare
nisidanti. Niggahakasamati niggahakarakehi balisadhakarajapurisehi
sama yatha te purisa agahetva na gamissamati niggaham katva
ganhantiyeva tatha game va vane va aladdhe mayam marantapi na
utthahissamati upavasanti. Tepiti tepi balisadhakasadisa papadhamma.
Rajajallehiti rajehi ca pamsuhi ca okinna. Yacakati dhanayacaka
khanughatasamati malinasarirataya jhamakhette khanughatakehi bhumim khanitva
jhamakhanukauddharanamanussehi sama agahetva na gamissamati
niccalabhavena thitatta nikkhanitva thapitakhanukaviyati attho. Tepiti
tepi tatha laddham dhanam vaddhiya payojetva puna tatha vicaranta
dussila brahmana. Ucchuputanti ucchunceva phanitaputanca.
Madhuanjananti madhunceva anjananca. Uccavacaniti appagghamahagghani.
Paniyaniti bhandani. Vipanentiti kinanti vikinanti. Tepiti tepi
imani ettakani vikinitva jivitakappaka vanijakabrahmana.
Posayantiti kayavikayena jivitakappanattham posentiti. Pavecchantiti
attano dhitaro hirannasuvannam gahetva paresam denti te
evam paresam dadamana vivahanti attano puttanam atthaya
ganhamana avahanti nama. Ambatthavesehiti kutumbikehi ceva
gahapatihi ca sama tepi voharavasena brahmanati vuccanti.
Nikkhittabhikkhanti gamapurohita hutva attano atthaya nimantabhikkham.
Bahu neti bahu jana te gamapurohite nakkhattamuhuttamangalani
Pucchanti. Andacchedani lancakati bhatim gahetva balibaddhadinam
andacchedaka ceva tisuladiangakaranena lancaka ca lakkhanakarakati
attho. Tatthati tesam gamapurohitanam gehesu mamsavikinanattham ete
pasuadayopi hannanti. Tepiti tepi goghatakasama brahmanati
vuccanti. Asicammanti asinceva cammakandavarananca. Vessapathesuti
vanijanam gamanamaggesu. Ambahayantiti satthavahanam hatthato
satampi sahassampi gahetva sattham cora atavim avahanti.
Gopanisadehiti gopalakehi ceva nesadehi ca gamaghatakacorehi
samati vuccanti. Tepiti tepi evarupa brahmanati vuccanti.
Kutani karayanti teti kutapasadini ropenti. Sasam vilaranti sasanca
bilare ca etena thalacare mige dasseti. Agodha macchakacchapanti
thalajesu tava agodhatova mahante ca khuddake ca panino badhenti
marenti jalajesu macchakacchape. Tepiti tepi luddakasama brahmanati
vuccanti. Anne dhanassa kamahiti apare brahmana dhanam
patthenta. Hettha mance pasakkhitati kalipavahanakammam karessamati
ratanamayam mancam karetva tassa hettha nipanna acchanti atha
nesam somayage upatthite rajano upari nhayanti te kira
somayage nitthite agantva tasmim mance nisidanti atha ne
anne brahmana kalim pavahessamati nhapenti ratanamanco
ca ranno rajalankaro ca sabbo hettha nipannasseva hoti.
Tepiti tepi malamajjanehi nhapitehi sadisa brahmanati vuccanti.
Evampime voharamatte brahmane dassetva idani
paramatthabrahmane dassento dve gatha abhasi
atthi kho brahmana deva silavanto bahussuta
virata methuna dhamma ye te bhunjeyyu bhojanam.
Ekacce bhattam bhunjanti na ca majjam pivanti te
akkhata te maharaja tadise nipatamaseti.
Tattha silavantoti ariyasilena samannagata. Bahussutati
pativedhabahusaccena samannagata. Tadiseti evarupe bahitapape
paccekabuddhabrahmane nimantanatthaya upasankamamati.
Raja tassa katham sutva pucchi samma vidhura evarupa
aggadakkhineyya brahmana kaham vasantiti. Uttarahimavante
nandamulakapabbhare maharajati. Tenahi pandita tava balena mayham
te brahmane pariyesati tutthamanaso gathamaha
ete kho brahmana vidhura silavanto bahussuta
ete vidhura pariyesa khippanca ne nimantayati.
Mahasatto sadhuti tassa vacanam sampaticchitva tenahi maharaja
nagaram alankaritva sabbe nagaravasino danam datva uposatham
adhitthaya samadinnasila hontuti bherincarapetva tumhepi saddhim
parisajanena uposatham samadiyathati vatva sayam patova bhunjitva
uposatham samadaya sayanhasamaye jatipupphapunnasuvannasamuggam
aharapetva ranna saddhim pancapatitthitam patitthapetva
Paccekabuddhanam gune anussaritva vanditva uttarahimavante
nandamulakapabbharavasino pancasata paccekabuddha sve amhakam bhikkham
ganhantuti nimantetva akase attha pupphamutthiyo visajjesi. Tada
tattha pancasata paccekabuddha vasanti. Pupphani gantva tesam
paccekabuddhanam santike upari patimsu. Te avajjenta tam karanam
natva marisa vidhurapanditena nimantitamha na kho panesa
itarasatto buddhankuro esa imasminneva kappe buddho bhavissati
karissamassa sangahanti nimantanam adhivasayimsu. Mahasatto pupphanam
anagatasannaya adhivasitabhavam natva maharaja paccekabuddha
agamissanti sakkarasammanam karohiti aha. Raja punadivase
mahasakkaram katva mahatale maharahani asanani pannapesi.
Paccekabuddhapi anotattadahe katasarirapatijaggana velam sallakkhetva
akasenagantva rajangane otarimsu. Raja ca bodhisatto ca
pasannamanasa tesam hatthato patte gahetva pasadam aropetva
nisidapetva dakkhinodakam datva panitena khadaniyena bhojaniyena
parivisimsu tesam bhattakiccapariyosane punadivasatthayati evam sattame
divase nimantetva mahadanam datva sattame divase sabbaparikkhare
adamsu. Te anumodanam katva akasena tattheva gata. Parikkharapi
teheva saddhimyeva gata.
Sattha imam dhammadesanam aharitva anacchariyam bhikkhave kosalaranno
mama upatthakassa sato viceyyadanam datum
Poranakapandita anuppannepi buddhe danam adamsuyevati vatva jatakam
samodhanesi tada raja anando ahosi paccekabuddha parinibbuta
vidhurapandito pana ahamevati.
Dasabrahmanajatakam dvadasamam.
-------------
The Pali Atthakatha in Roman Book 40 page 363-374.
http://84000.org/tipitaka/atthapali/read_rm.php?B=40&A=7403&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=40&A=7403&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=2001
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=7815
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=8215
The Pali Tipitaka in Roman Character :-
http://84000.org/tipitaka/read/roman_read.php?B=27&A=8215
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]