AtthaPali Vol.40

13. Bhikkhaparamparajatakam. Sukhumalarupam disvanati idam sattha jetavane viharanto annataram kutumbikam arabbha kathesi. So kira saddho hoti pasanno tathagatassa ceva sanghassa ca nivaddham mahasakkaram karoti. Athekadivasam so cintesi aham buddharatanassa ceva sanghassa ca panitabhojanani ceva sukhumavatthani ca dadanto nivaddham mahasakkaram karomi idani dhammaratanassapi mahasakkaram karissami kinnu kho tassa sakkaram karontena katabbanti. So bahuni gandhamaladini adaya jetavanam gantva sattharam vanditva pucchi aham bhante dhammaratanassa sakkaram kattukamo kinnu kho tassa sakkaram karontena katabbanti. Atha nam sattha sace dhammaratanassa sakkaram katukamo dhammabhandagarikassa anandassa sakkaram karohiti aha. So sadhuti sampaticchitva punadivase theram nimantetva mahantena sakkarena attano geham netva maharahasane nisidapetva gandhamaladihi pujetva nanaggarasabhojanam datva mahagghe ticivarapahonake satake Adasi. Theropi ayampi sakkaro dhammaratanassa kato na mayham anucchaviko dhammasenapatissa anucchavikoti cintetva pindapatanca vatthani ca viharam niharitva sariputtattherassa adasi. Sopi ayam sakkaro dhammaratanassa kato ekantena dhammassamisammasambuddhasseva anucchavikoti cintetva dasabalassa adasi. Sattha attano uttaritaram adisva pindapatam paribhunji civarasatake aggahesi. Bhikkhu dhammasabhayam katham samutthapesum avuso asukonama kutumbiko dhammaratanassa sakkaram karomiti dhammabhandagarikassa anandattherassa adasi thero nayam mayham anucchavikoti dhammasenapatino adasi sopi nayam mayham anucchavikoti tathagatassa adasi tato tathagato annam uttaritaram apassanto attano dhammassamitaya mayhameva so sakkaro anucchavikoti tam pindapatam paribhunjitva civarasatake ca ganhi evam so pindapato yathanucchavikataya dhammassaminova padamule gatoti. Sattha agantva kayanuttha bhikkhave etarahi kathaya sannisinnati pucchitva imayanamati vutte na bhikkhave idaneva pindapato paramparaya yathanucchavikam gacchati pubbe anuppannepi buddhe agamasiyevati vatva tehi yacito atitam ahari atite baranasiyam brahmadatto agatigamanam pahaya dasa rajadhamme akopento dhammena rajjam karesi. Evam santepissa vinicchayo na hoti sunnoviya. Raja attano agunagavesako hutva anto- nivesanadinipi parigganhanto antepure ca antonagare ca dvaragamesu Ca attano agunam kathentam adisva janapade gavesissamiti amaccanam rajjam niyyadetva purohitena saddhim annatakavesena kasikaratthe caranto kanci agunam kathentam adisva paccante ekam nigamam gantva bahidvarasalayam nisidi. Tasmim khane nigamavasi asitikotivibhavo kutumbiko mahantena parivarena nhanatittham gacchanto salayam nisinnam suvannavannam sukhu malasariram rajanam disva uppannasineho salam pavisitva patisantharam katva idheva hothati vatva geham gantva nanaggarasabhojanam sampadetva mahantena parivarena bhattabhajanani gahapetva agamasi. Tasmim khane himavantavasi pancabhinno tapaso agantva tatatheva nisidi. Nandamulakapabbharato paccekabuddhopi akasena agantva tattheva nisidi. Kutumbiko ranno hatthadhovanam datva nanaggarasehi supabyanjanehi bhattapatim sajjetva ranno upanamesi. Raja tam gahetva purohitassa brahmanassa adasi. Brahmano tam bhattapatim gahetva tapasassa adasi. Tapaso tam bhattapatim gahetva paccekabuddhassa santikam gantva vamahatthena bhattapatim gahetva dakkhinahatthena kamandalum gahetva dakkhinodakam datva patte bhattam pakkhipi. So kanci animantetva anapucchitva paribhunji. Tassa bhattakiccapariyosane kutumbiko cintesi maya ranno bhattam dinnam ranna bhattam brahmanassa dinnam brahmanena bhattam tapasassa dinnam tapasena paccekabuddhassa bhattam dinnam paccekabuddho kanci anapucchitvava paribhunji kinnu Kho imesam ettakanam danakaranam kim imassa kanci anapucchitva bhunjanakaranam anupubbena te pucchissamiti. So ekekam upasankamitva vanditva pucchi. Tepissa kathesum sukhumalarupam disva rattha vivanamagatam kutagaravarupetam mahasayanamupasitam tassa te pemakenaham adasim vaddhamodanam salinam vicittam bhattam sucimamsupasecanam tam tvam bhattam patiggayha brahmanassa adapayi attanam anasitvana koyam dhammo namatthu te. Acariyo brahmano mayham kiccakiccesu pavato guru ca amantaniko ca datumarahami bhojanam. Brahmanamdani pucchami gotamam rajapujitam raja te bhattam padasi sucimamsupasecanam tam tvam bhattam patiggayha isissa bhojanam ada akhettannusi danassa koyam dhammo namatthu te. Bharami puttadare ca gharesu gadhito aham bhunja manusike kame anusasami rajino arannikassa isino ciram rattam tapassino vuddhassa bhavitattassa datumarahami bhojanam. Isincadani pucchami kisam dhammanisanthitam parulhakacchanakhalomam pankadantam rajassiram Eko aranne viharasi navakankhasi jivitam bhikkhu kena taya seyyo yassa tvam bhojanam ada. Khanamalukalambani bilalitakkalani ca dhunisamakanivaram sasadiyam pasadiyam sakam bhimsam madhumamsam badara amalakani ca tani ahattha bhunjami atthi me so pariggaho pacanto apacantassa amamassa sakincano anadanassa sadano datumarahami bhojanam. Bhikkhuncadani pucchami tunhimasina subbatam isi tebhattam padasi sucimamsupasecanam tam tvam bhattam patiggayha tunhi bhunjasi ekako nannam kanci nimantesi koyam dhammo namatthu te. Na pacami na pacemi na chindami na chedaye tam mam akincanam natva sabbapapehi aranam vamena bhikkham adaya dakkhinena kamandalum isi me bhattam padasi sucimamsupasecanam. Ete hi datumarahanti samama sapariggaha paccanikamaham manne yo dataram nimantayeti. Tattha vivananti nirudakarannasadisam imam paccantam agatam. Kutagaravarupetanti kutagaravarena upetam varakutagaravasinanti attho. Mahasayanamupasitanti tattheva supannattam sirisayanam upasitam. Tassa Teti evarupam tam disva aham. Pemakenati tassa tava pemakena. Vaddhamodananti uttamodanam. Vicittanti apagatakhandakalakehi vicitta- tandulehi katam. Adapayiti adasi. Attananti attana ayameva va patho. Anasitvanati abhunjitva. Koyam dhammoti maharaja ko esa tumhakam sabhavo. Namatthu teti namo tava atthu yo tvam attana abhunjitva parassa adasi. Acariyoti kutumbika esa mayham acarasikkhapako acariyo. Pavatoti uyyutto. Amantanikoti amantetabbayuttako maya dinnam gahetum anurupo. Datumarahamiti tasma aham evarupassa acariyassa bhojanam datum arahamiti raja brahmanassa gunam vannesi. Akhettannusiti kamam danassa khettam mayi dinnam mahapphalam na hotiti evam attani danam akhettam janasi manneti. Anusasamiti attano attham pahaya ranno atthanca dhammanca anusasami evam attano agunam kathetva. Arannikassati isino gunam kathesi. Isinoti siladigunapariyesakassa. Tapassinoti tapassikassa. Vuddhassati panditassa gunavuddhassa. Navakankhasiti sayam dullabhabhojano hutva evarupam bhojanam annassa desi kim attano jivitam na kankhasi. Bhikkhu kenati ayam katarena gunena taya setthataro. Khanamalukalambaniti khananto alukalambani ceva talakandani ca. Bilalitakkalani cati vilalikandatakkalakandani ca. Dhunisamakanivaranti samakam nivaranca dhunitva. Sasadiyam pasadiyanti ete samakanivare Dhunanto sasadetva puna sukkhapite pasadetva suppena papphotetva tandule kotetva tandule adaya pacitva bhunjamiti vadati. Sakanti yam kinci supeyyapannam. Mamsanti sihabyagghavighasadimamsam. Tani ahatthati tani sakadini aharitva. Amamassati tanhaditthimamarahitassa. Sakincanoti sapalibodho. Anadanassati niggahanassa. Datumarahamiti evarupassa paccekabuddhassa attana laddhabhojanam datum arahami. Tunhimasinanti kinci avatva nisinnam. Akincananti ragakincanadirahitam. Arananti virahitam sabbapapani pahaya thitam. Kamandalunti kamandam. Ete hiti ete raja dayo tayo janati hattham pasaretva te niddisanto evamaha. Datumarahantiti madisassa datum arahanti. Paccanikanti paccanikapatipadam dayakassa hi nimantanam ekavisatiya anesanasu annataraya pindapatipindapariyesanaya jivitakappanasankhata micchajivapatipattinama hotiti. Tassa tam sutva kutumbiko attamano dve osanagatha abhasi atthaya vata me ajja idhagacchi rathesabho yoham ajja pajanami yattha dinnam mahapphalam. Ratthesu giddha rajano kiccakiccesu brahmana isi mulaphale giddha vippamutta ca bhikkhavoti. Tattha rathesabhoti rajanam sandhayaha. Kiccakiccesuti ranno kiccakaraniyesu. Bhikkhavoti paccekabuddhabhikkhavo pana sabbabhavehi vippamutta. Paccekabuddho tassa dhammam desetva sakatthanameva gato. Tatha tapaso. Raja pana katipaham tassa santike vasitva baranasimeva gato. Sattha imam dhammadesanam aharitva na bhikkhave idaneva pindapato yathanucchavikam gacchati pubbepi gatoyevati vatva jatakam samodhanesi tada dhammapujakakutumbiko dhammaratanassa sakkarakarako kutumbiko ahosi raja anando purohito sariputto ahosi paccekabuddho parinibbuto himavantatapaso pana ahameva sammasambuddhoti. Bhikkhaparamparajatakam terasamam. Iti jatakatthakathaya terasajatakapatimanditassa pakinnakanipatassatthavannana nitthita. Kedaram kinnaraceva ukkusuddalako bhisa suruci uposathoceva moro tacchakavanijo sadhino brahmano bhikkha teraseva pakinnaketi.

The Pali Atthakatha in Roman Book 40 page 374-381. http://84000.org/tipitaka/atthapali/read_rm.php?B=40&A=7636&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=40&A=7636&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=2024 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=7940 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=8334 The Pali Tipitaka in Roman Character :- http://84000.org/tipitaka/read/roman_read.php?B=27&A=8334 Contents of The Tipitaka Volume 27 http://84000.org/tipitaka/read/?index_27