ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pageno pageNumbernext pagelast page chage to ROMAN letter  
Atthakatha Book 41 : PALI ROMAN Ja.A.7 visati-cattalisa

page132.

Mahapalobhanajatakam brahmaloka cavitvanati idam sattha jetavane viharanto visuddhasankilesam arabbha kathesi. Vatthu hettha vittharitameva. Idha pana sattha bhikakhu matugamo namesa visuddhasattepi sankilitthe karotiti vatva atitam ahari. Atite baranasiyam cullapalobhne vuttanayena atitavatthu vittharetabbam. Tada pana mahasatto brahmaloka cavitva kasiranno putto hutva nibbatti anitthigandhakumaro nama ahosi. Itthinam hatthe na santhati. Purisavesena nam thannam payesi. Jhanagare nisidi itthiyo na passati. Tamattham pakasento sattha catasso gatha abhasi brahmaloka cavitvana devaputto mahiddhiko ranno putto udapadi sabbakamasamiddhisu. Kama va kamasanna va brahmaloke na vijjati svassu tayeva sannaya kamehi vijigucchatha. Tassa cantepure asi jhanagaram sumapitam so tattha patisallino eko rahasi jhayatha.

--------------------------------------------------------------------------------------------- page133.

Sa raja paridevesi puttasokena attito ekaputto cayam mayham na ca kamani bhunjatiti. Tattha sabbakamasamiddhisuti sabbakamanam samiddhisu sampattisu thitassa ranno putto hutva ca eko devaputto nibbatti. Svassuti so kumaro. Tayevati taya brahmaloke nibbattitaya jhanasannaya eva. Sumapitanti pitara sutthu manapam katva mapitam. Rahasi jhayathati matugamam apassanto vasi. Paridevesiti vilapati. Pancama ranno paridevanagatha ko nu khottha upayo so ko va janati kincanam yo me puttam palobheyya yathakamani patthayeti. Tattha ko nu khottha upayo soti ko nukho ettha etassa kamanam bhunjanaupayo. Ko nukho idhupayo sotipi patho. Atthakathayam pana ko nukho tam upavasitva upalapanakaranam janatiti vuttam. Ko va janati kincananti ko va etassa palibuddhakaranam janatiti attho. Tato param diyaddha abhisambuddhagatha ahu kumari tattheva vannarupasamahita kusala naccagitassa vadite ca padakkhina sa tattha upasankamma rajanam etadabraviti. Tattha ahuti bhikkhave tattheva antepure culanatakanam antare

--------------------------------------------------------------------------------------------- page134.

Eka tarunakumarika ahosi. Padakkhinati susikkhita. Aham kho tam palobheyyam sace bhatta bhavissatiti upaddhagatha kumarikaya vutta. Tattha sace bhattati sace esa mayham pati bhavissatiti. Tam tathavadinam raja kumarim etadabravi tvanneva nam palobhehi tava bhatta bhavissatiti. Tattha tava bhattati tavesa pati bhavissati tvanneva tassa aggamahesi bhavissasi gaccha nam palobhehi kamarasam janapehiti. Evam vatva raja imissa kira okasam karontuti kumarakassa upatthakanam pesesi. Sa paccusakale vinam adaya gantva kumarassa sayanagabbhassa bahi avidure thatva agganakhehi vinam vadenti madhurassarena gayitva tam palobhesi. Tamattham pakasento sattha aha sa ca antepuram gantva bahum kamupasanhitam hadayangama pemaniya citra gatha abhasatha. Tassava gayamanaya saddam sutvana nariya kamacchandassa uppajji janam so paripucchatha. Kasseso saddo ko va so bhanati uccavacam bahum hadayangamam pemaniyam aho kannasukham mama. Esa kho samudda deva khidda esa anappika sace tvam kame bhunjeyya bhiyyo chandeyyu tam tava.

--------------------------------------------------------------------------------------------- page135.

Imgha agacchatorena aviduramhi gayatu assamassa samipamhi santike mayha gayatu. Tirokuddamhi gayitva jhanagaramhi pavisi bandhitum anupubbena arannamiva kunjaram. Tassa kamarasam natva issadhammo ajayatha ahameva kame bhunjeyyam ma anno puriso ahu. Tato asim gahetvana purise hantum upakkami ahameva eko bhunjissam ma anno puriso siya. Tato janapada sabbe vikkandimsu samagata putto tyayam maharaja janam hethetyadusakam. Tanca raja vipahesi samha rattha ca khattiyo yavata vijita mayham na te vatthabba tavade. Tato so bhariyamadaya samuddam upasankami pannasalam karitvana vanam unchaya pavisi. Athettha isi maganchi samuddamuparupari so tassa geham pavekkhi bhattakale upatthite. Tanca bhariya palobhesi passa yava sudarunam cuto so brahmacariyamha iddhiya parihayatha. Rajaputto ca unchato vanamulaphalam bahum sayam kajena adaya assamam upasankami.

--------------------------------------------------------------------------------------------- page136.

Isi ca khattiyam disva samuddam upasankami vehasayam gamissanti sidate so mahannave. Khattiyo ca isim disva sidamanam mahannave tasseva anukampaya ima gatha abhasatha. Avijjamane varismim sayam agamma iddhiya missibhavitthiya gantva samsidasi mahannave. Avattani mahamaya brahmacariyavikopana. Sidanti nam viditvana araka parivajjaye. Anela mudusambhasa duppurata nadisama sidanti nam viditvana araka parivajjaye. Yam eta upasevanti chandasa va dhanena va jatavedova santhanam khippam anudahanti nam. Khattiyassa vaco sutva isissa nibbido ahu laddha poranakam maggam gacchate so vihasayam. Khattiyo ca isim disva gacchamanam vihasayam samvegam alabhi dhiro pabbajjam samarocayi. Tato so pabbajitvana kamaragam virajayi kamaragam virajetva brahmalokupago ahuti. Tattha antepuranti kumarassa vasanatthanam. Bahunti bahum nanappakaram. Kamupasanhitanti kamanissitam gitam pavattayamana. Kamacchandassati assa anitthigandhakumarassa kamacchando uppajji.

--------------------------------------------------------------------------------------------- page137.

Jananta attano santikavacaram paricarikajanam. Uccavacanti uggatanca anuggatanca. Bhunjeyyati sace bhunjeyyasi. Chandeyyu tanti ete kama nama tava rucceyyum. So samuddati sutva tunhi ahosi. Itara punadivasepi gayi. Evam kumaro patibaddhacitto hutva tassa agamanam rocento paricarike amantetva imghati gathamaha. Tirokuddamhiti sayanagabbhassa kuddassa bahi. Ma annoti anno kame paribhunjanto puriso nama ma siya. Hantum upakkamiti anantaravithim otaritva maretum arabhi. Vikkandimsuti kumarena katipayesu purisesu pahatesu purisa palayitva gehani pavisimsu. So purise alabhanto thokam vissami. Tasmim khane rajangane sannipatitva upakkosimsu. Janam hethetyadusakanti niraparadham janam hetheti tam ganhapethati vadimsu. Raja upayena kumaram ganhapetva imassa kim kattabbanti pucchi. Deva annam natthi imam pana kumaram taya kumarikaya saddhim rattha pabbajetum vattatiti vutte tatha akasi. Tamattham pakasento sattha tancati adimaha. Tattha vipahesiti pabbajesi. Na te vatthabba tavadeti yattakam mayham vijitam tattake taya na vatthabbam. Unchayati phalaphalatthaya tasmim pana vanam pavitthe itara yam tattha pacitabbayuttakam atthi tam pacitva tassagamanam olokenti pannasaladvare nisidi. Evam kale gacchante ekadivasam

--------------------------------------------------------------------------------------------- page138.

Antaradipakavasi eko iddhimantatapaso assamapadato nikkhamitva maniphalakam viya udakam maddamanova akase uppatitva bhikkhacaram gacchanto pannasalaya uparibhagam patva dhumam disva imasmim thane manussa vasanti manneti pannasaladvare otari. Sa tam disva nisidapetva patibaddhacitta hutva itthikuttam dassetva tena saddhim anacaram acari. Tamattham pakasento sattha athetthati adimaha. Tattha isi maganchiti isi agacchi. Samuddamuparupariti samuddassa matthakena. Passa yava sudarunanti passatha bhikkhave taya kumarikaya yava sudarunam kammam katanti attho. Sayanti sayanhasamaye. Disvati tam vijahitum asakkonto sakaladivasam tattheva hutva sayanhasamaye rajaputtam agatam disva palayitum vehasam gamissanti uppatanakaram karontova patitva mahannave sidati. Isim disvati anubandhamano gantva passitvava. Anukampayati sacayam bhumiya agato abhavissa palayitva arannam paviseyya akasena agato bhavissati tasma samudde patitopi uppatanakaramiva karotiti anukampam uppadetva tasseva anukampaya abhasatha. Tasam pana gathanam attho tikanipate vuttoyeva. Nibbido ahuti kamesu nibbido jato. Poranakam magganti pubbe adhigatam jhanavisesam. Pabbajitvanati tam itthim manussavasam netva nivattetva aranne isipabbajjam pabbajitva kamaragam virajayi virajetva brahmalokupagato ahuti.

--------------------------------------------------------------------------------------------- page139.

Sattha imam dhammadesanam aharitva evam bhikkhave matugamam paticca suvisuddhasattapi sankilissantiti vatva saccani pakasetva jatakam samodhanesi. Saccapariyosane ukkanthitabhikkhu arahattam patto. Tada anitthigandhakumaro pana ahameva ahosinti. Mahapalobhanajatakam nitthitam. Ekadasamam. -------------


             The Pali Atthakatha in Roman Book 41 page 132-139. http://84000.org/tipitaka/atthapali/read_rm.php?B=41&A=2702&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=41&A=2702&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=27&i=2208              เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=8842              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=9392              The Pali Tipitaka in Roman Character :- http://84000.org/tipitaka/read/roman_read.php?B=27&A=9392              Contents of The Tipitaka Volume 27 http://84000.org/tipitaka/read/?index_27

first pageprevious pageno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]