AtthaPali Vol.46

13. Udayamanavasuttaniddesavannana [74] Terasame udayasutte:- annavimokkhanti annanubhavanijjhanam tam ^1- vimokkham pucchati. Pathamenapi jhanena jhayiti vitakkavicarapitisukhacittekaggatasampayuttena pancangikena pathamajjhanena jhayatiti jhayi. Dutiyenati pitisukhacittekaggata- sampayuttena. Tatiyenati sukhacittekaggatasampayuttena. Catutthenati upekkhacittekaggatasampayuttena. Savitakkasavicarenapi jhanena jhayiti catukkanayapancakanayesu pathamajjhanena savitakkasavicarenapi jhanena jhayatiti jhayi. Avitakkavicaramattenati pancakanaye dutiyena jhanena. Avitakkaavicarenati dutiyatatiyadiavasesajjhanena. Sappitikenati pitisampayuttena dukatikajjhanena. Nippitikenati pitivirahitena tadavasesajjhanena. Satasahagatenati sukhasahagatena tikacatukkajjhanena. Upekkhasahagatenati catukkapancamena. ^2- Sunnatenapiti sunnatavimokkhasampayuttena. Animittenapiti aniccanimittam dhuvanimittam attanimittanca ^3- ugghatetva patiladdhena animittenapi jhanena jhayatiti jhayi. Appanihitenapiti maggagamanavasena panidhim sodhetva pariyadiyitva phalasamapattivasena appanihitenapi. Lokiyenapiti lokiyena pathamadutiyatatiyacatutthena. Lokuttarenapiti teneva lokuttarasampayuttena. Jhanaratoti jhanesu abhirato. Ekattamanuyuttoti ekattam ekibhavam anuyutto payutto. Sadatthagarukoti sakatthagaruko, kakarassayam dakaro kato. Sadatthoti ca arahattam veditabbam. Tam hi attupanibaddhatthena attanam avijahanatthena attano paramatthatthena ca attano atthatta sakatthoti vuccati. Phalasamapattisamapajjanavasena sakatthagaruko, "nibbanagaruko"ti eke. Arajoti nikkileso. Virajoti vigatakileso. Nirajoti apanitakileso, "vitarajo"tipi patho, soyevattho. Rajapagatoti kilesehi duribhuto. Rajavippahinoti kilesappahino. rajavippayuttoti kilesehi mutto. @Footnote: ¹ ka. annanubhavanipphattam ² ka. catutthapancamena ³ cha.Ma. animittanca Pasanake cetiyeti pasanapitthe parayanasuttantadesitatthane. Sabbossukkapatippassaddhattati sabbesam kilesaussukkanam patippassaddhatta, nasitatta asino. Kiccakiccanti "idam kattabbam, idam na kattabban"ti evam manasa cintetabbam. Karaniyakaraniyanti kayadvarena pavattam ^1- idam karaniyam, idam na karaniyanti evam karaniyakaraniyam. Pahinanti vissattham. Vasippattoti pagunabhavam patto. [75] Atha bhagava yasma udayo catutthajjhanalabhi, tasmassa patiladdhajjhanavasena nanappakarato annavimokkham dassento uparupari gathayo aha. Tattha pahanam kamacchandananti yadidam pathamajjhanam nibbattentassa kamacchandappahanam, tampi annavimokkham ^2- brumi. Evam sabbapadani yojetabbani. Ya cittassa akallatati ^3- cittassa gilanabhavo. Gilano hi akallakoti vuccati. Vinayepi vuttam "naham bhante akallako"ti. ^4- Akammannatati cittagelannasankhatova akammannatakaro. Oliyanati oliyanakaro, iriyapathikacittam hi iriyapatham sandharetum asakkontam rukkhe vagguli viya khile laggitaphanitavarako viya ca oliyati, tassa tam akaram sandhaya "oliyana"ti vuttam. Dutiyapadam upasaggavasena vaddhitam. Linanti ^5- avippharikataya patikutitam. ^6- Itare dve akarabhavaniddesa. Thinanti sappipindo viya avippharikataya ghanabhavena thitam. Thiyanati akaraniddeso. Thiyitabhavo thiyitattam. Avippharavaseneva thaddhatati attho. ^7- [76] Upekkhasatisamsuddhanti catutthajjhanaupekkhasatihi samsuddham. Dhammatakkapurejavanti imina tasmim catutthajjhanavimokkhe thatva jhanangani ^8- visesitva ^9- @Footnote: ¹ cha.Ma. avassam ² annavimokkhanti ³ cha.Ma. akalyatati @⁴ vi. mahavi. 1/151/84-5 ⁵ cha.Ma. linati ⁶ ka. patikujjitam @⁷ abhi.A. 1/435 ⁸ Si., ka. thitajhanangani ⁹ cha.Ma. vipassitva Atigatam arahattavimokkham vadati. Arahattavimokkhassa hi maggasampayuttasamma- sankappadibhedo dhammatakko purejavo hoti. Tenaha "dhammatakkapurejavan"ti. Avijjaya pabhedananti etameva ca annavimokkham avijjapabhedanasankhatam nibbanam nissaya jatatta karanopacarena "avijjaya pabhedanan"ti brumiti. Ya catutthe jhane upekkhati ettha upapattito ikkhatiti upekkha, samam passati apakkhapatita hutva passatiti attho. Upekkhanati akaraniddeso. Ajjhupekkhanati upasaggavasena padam vaddhitam. Cittasamathoti ^1- cittassekaggabhavo. Cittappavattitati ^2- cittassa unatirittavajjitabhavo. Majjhattatati cittassa majjhe thitabhavo. [77] Evam avijjapabhedavacanena vuttam nibbanam sutva "tam kissa vippahanena vuccati"ti pucchanto "kimsu sannojano"ti gathamaha. Tattha kimsu sannojanoti kim sannojano. Vicarananti vicaranakaranam. ^3- Kissassa vippahanenati kimnamakassa assa dhammassa vippahanena. [78] Athassa bhagava tamattham byakaronto "nandisannojano"ti gathamaha. Tattha vitakkassati kamavitakkadiko vitakko assa. [79] Idani tassa nibbanassa maggam pucchanto "katham satassa"ti gathamaha. Tattha vinnananti abhisankharavinnanam. [80] Athassa maggam kathento bhagava "ajjhattanca"ti gathamaha. Tattha evam satassati evam satassa sampajanassa. Sesam sabbattha pakatameva. Evam bhagava idampi suttam arahattanikuteneva desesi. desanapariyosane ca pubbasadisova dhammabhisamayo ahositi. Saddhammappajjotikaya culaniddesatthakathaya udayamanavasuttaniddesavannana nitthita. Terasamam. @Footnote: ¹ cha.Ma. cittasamatati ² cha.Ma. cittappassaddhatati ³ ka. vicarakaranam

The Pali Atthakatha in Roman Book 46 page 47-49. http://84000.org/tipitaka/atthapali/read_rm.php?B=46&A=1170&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=46&A=1170&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=30&i=433 เนื้อความพระไตรปิฎกฉบับหลวง :- http://84000.org/tipitaka/read/r.php?B=30&A=3983 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=30&A=4287 The Pali Tipitaka in Roman Character :- http://84000.org/tipitaka/read/roman_read.php?B=30&A=4287 Contents of The Tipitaka Volume 30 http://84000.org/tipitaka/read/?index_30