|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Bhavetabbaniddesavannana
[25] Bhavetabbaniddese kayagatasatiti kayagatasati suttante 1- vutta
anapanacatuiriyapathakhuddakairiyapathadvattimsakaracatudhatunavasivathikapatikulavavatthapaka-
manasikarasampayutta yathanurupam rupajjhanasampayutta ca sati. Sa hi tesu kayesu
gata pavattati kayagatati vuccati. Satasahagatati madhurasukhavedayitasankhatena
satena saha ekuppadadibhavagata. Tabbhave vokinne arammane nissaye samsatthe
dissati sahagatasaddo pancasu atthesu jinavacane. "yayam tanha ponobbhavika
nandiragasahagata"ti ettha tabbhave, nandiragabhutati 2- attho. "ya bhikkhave vimamsa
kosajjasahagata kosajjasampayutta"ti 3- ettha vokinne, antarantara uppajjamanena
kosajjena vokinnati 4- attho. "labhi hoti rupasahagatanam va samapattinam
arupasahagatanam va samapattinan"ti ettha arammane, ruparuparammanananti attho.
"atthikasannasahagatam satisambojjhangam bhaveti"ti 5- ettha nissaye, atthikasanna-
nissayam atthikasannam bhavetva patiladdhanti attho. "idam sukham imaya pitiya sahagatam
hoti
@Footnote: 1 Ma.u. 14/153/137 2 abhi.vi. 35/203/120
@3 sam.maha. 19/832/245 4 abhi.pu. 36/3-8/118-9 5 sam.maha. 19/239/114
Sahajatam sampayuttan"ti 1- ettha samsatthe, sammissanti attho. Imasmimpi pade
samsatthattho adhippeto. Satasamsattha hi satasahagatati vutta. Sa hi thapetva catutthaj-
jhanam sesesu satasahagata hoti, satipi ca upekkhasahagatatte yebhuyyavasena satasahagatati
vutta, purimajjhanamulakatta va catutthajjhanassa satasahagataya upekkhasahagatapi
vuttava hoti, upekkhaya pana sante sukhe vuttatta bhagavata satasahagatati
catutthajjhanasampayuttapi vuttava hoti.
Samatho ca vipassana cati kamacchandadayo paccanikadhamme sameti vinasetiti
samatho. Samadhissetam namam. Aniccatadivasena vividhehi akarehi dhamme vipassatiti
vipassana. Pannayetam namam. Ime pana dve dasuttarapariyaye pubbabhagati vutta,
sangitipariyaye ca lokiyalokuttaramissakati. Tayo samadhiti savitakko savicaro samadhi
avitakko vicaramatto samadhi avitakko avicaro samadhi. Sampayogavasena vattamanena
saha vitakkena savitakko, saha vicarena savicaro. So khanikasamadhi vipassanasamadhi
upacarasamadhi pathamajjhanasamadhi. Natthi etassa vitakkoti avitakko. Vitakkavicaresu
vicaro matta parama pamanam etassati vicaramatto, vicarato uttari vitakkena
sampayogam na gacchatiti attho. So pancakanaye dutiyajjhanasamadhi, tadubhayavirahito
avitakko avicaro samadhi. So catukkanaye dutiyajjhanadi, pancakanaye tatiyajjhanadi
rupavacarasamadhi. Ime tayopi lokiya eva. Sangitipariyaye aparepi tayo samadhi
vutta "sunnato samadhi, animitto samadhi, appanihito samadhi"ti. 2- Na te idha
adhippeta.
Cattaro satipatthanati kayanupassanasatipatthanam vedananupassanasatipatthanam
cittanupassanasatipatthanam dhammanupassanasatipatthanam. Pubbabhage cuddasavidhena
kayam parigganhato kayanupassanasatipatthanam, navavidhena vedanam parigganhato
@Footnote: 1 abhi.vi. 35/588/312 2 di.pa. 11/305/196
Vedananupassanasatipatthanam, solasavidhena cittam parigganhato cittanupassana
satipatthanam, pancavidhena dhamme parigganhato dhammanupassanasatipatthanam veditabbam.
Lokuttaram pana idha na adhippetam. Pancangiko samadhiti panca angani assa santiti
pancangiko. Catutthajjhanasamadhi. Pitipharanata sukhapharanata cetopharanata aloka-
pharanata paccavekkhananimittanti panca angani. Pitim pharamana uppajjatiti dvisu
jhanesu panna pitipharanata nama. Sukham pharamana uppajjatiti tisu jhanesu
panna sukhapharanata nama. Paresam ceto pharamana uppajjatiti cetopariyapanna
cetopharanata nama. Alokam pharamana uppajjatiti dibbacakkhupanna alokapharanata
nama. Paccavekkhanananam paccavekkhananimittam nama. Vuttampi cetam:-
"dvisu jhanesu panna pitipharanata, tisu jhanesu panna
sukhapharanata, paracittapanna cetopharanata, dibbacakkhupanna alokapharanata,
tamha tamha samadhimha vutthitassa paccavekkhanananam
paccavekkhananimittan"ti. 1-
Tam hi vutthitasamadhissa pavattakaraggahanato nimittanti vuttam. Tattha ca pitipharanata
sukhapharanata dve pada viya, cetopharanata alokapharanata dve hattha viya,
abhinnapadakacatutthajjhanam majjhimakayo viya, paccavekkhananimittam sisam viya. Iti
ayasma dhammasenapati sariputtatthero pancangikam sammasamadhim angapaccangasampannam
purisam viya katva dassesi.
Cha anussatitthananiti punappunam uppajjanato satiyo eva anussatiyo,
pavattitabbatthanamhiyeva pavattatta saddhapabbajitassa kulaputtassa anurupa
satiyotipi anussatiyo eva pitiadinam thanatta anussatitthanani. Katamani cha.
@Footnote: 1 abhi.vi. 35/804/407
Buddhanussati dhammanussati samghanussati silanussati caganussati devata-
nussati. 1- Bojjhangati bodhiya, bodhissa va anga. Idam vuttam hoti:- ya esa
dhammasamaggi yaya lokuttaramaggakkhane uppajjamanaya linuddhaccapatitthanayuhanakama-
sukhattakilamathanuyogaucchedasassatabhinivesadinam anekesam upaddavanam patipakkhabhutaya
satidhammavicayaviriyapitipassaddhisamadhiupekkhasankhataya dhammasamaggiya ariyasavako
bujjhatiti katva bodhiti vuccati, bujjhatiti kilesasantananiddaya vutthahati,
cattari va ariyasaccani pativijjhati, nibbanameva va sacchikaroti, tassa
dhammasamaggisankhataya bodhiya angatipi bojjhanga jhanangamaggangadayo viya. Yo
cesa 2- yathavuttappakaraya etaya dhammasamaggiya bujjhatiti katva ariyasavako bodhiti
vuccati, tassa bodhissa angati bojjhanga senangarathangadayo viya. Tenahu
atthakathacariya "bujjhanakassa puggalassa angati va bojjhanga"ti. Apica
"bojjhangati kenatthena bojjhanga, bodhaya samvattantiti bojjhanga"tiadina 3- na
yena bojjhangattho veditabbo. Ariyo atthangiko maggoti tamtammaggavajjhakilesehi
arakatta ariyabhavakaratta ariyaphalapatilabhatta ca ariyo. Attha angani assati
atthangiko. Soyam caturangika viya sena, pancangikam viya ca turiyam angamattameva
hoti, angavinimutto natthi. Bojjhangamagganga lokuttara, dasuttarapariyayena
pubbabhagapi labbhanti.
Nava parisuddhipadhaniyanganiti silavisuddhi parisuddhipadhaniyangam,
cittavisuddhi parisuddhipadhaniyangam, ditthivisuddhi parisuddhipadhaniyangam,
kankhavitaranavisuddhi parisuddhipadhaniyangam, maggamaggananadassanavisuddhi
parisuddhipadhaniyangam, patipadananadassanavisuddhi parisuddhipadhaniyangam,
nanadassanavisuddhi parisuddhipadhaniyangam, pannavisuddhi parisuddhipadhaniyangam,
vimuttivisuddhi parisuddhipadhaniyangam. 4- Silavisuddhiti visuddhim
@Footnote: 1 di.pa. 11/327/220 2 Ma. yo pesa, cha. yo panesa
@3 khu.pati. 31/17/327 4 di.pa. 11/359/272
Papetum samattham catuparisuddhisilam. Tam hi dussilyamalam visodheti. Parisuddhi-
padhaniyanganti parisuddhabhavassa 1- padhanam uttamam angam. Cittavisuddhiti
vipassanaya padatthanabhuta paguna attha samapattiyo. Ta hi kamacchandadicittamalam
visodhenti. Ditthivisuddhiti sappaccayanamarupadassanam. Tam hi sattaditthimalam
visodheti. Kankhavitaranavisuddhiti paccayakarananam. Tena hi tisu addhasu paccayavasena
dhamma pavattantiti passanto tisupi addhasu sattakankhamalam vitaranto visujjhati.
Maggamaggananadassanavisuddhiti udayabbayanupassanakkhane uppanna obhasananapiti-
passaddhisukhaadhimokkhapaggahaupatthanaupekkhanikantiti dasa vipassanupakkilesa, na
maggo, vithipatipannam udayabbayananam maggoti evam maggamagge nanam nama. Tena hi
amaggamalam visodheti. Patipadananadassanavisuddhiti vithipatipannam udayabbayanupassana-
nanam bhanganupassanananam bhayatupatthananupassanananam adinavanupassanananam
nibbidanupassanananam muncitukamyatananam patisankhanupassanananam sankharupekkha-
nanam anulomanananti imani nava vipassanananani. Tani hi
niccasannadimalam visodhenti. Nanadassanavisuddhiti catuariyamaggapanna. Sa hi
samucchedato sakasakamaggavajjhakilesamalam visodheti. Pannati arahattaphalapanna
vimuttiti arahattaphalavimutti.
Dasa kasinayatananiti "pathavikasinameko sanjanati uddham adho tiriyam advayam
appamanam, apokasinameko sanjanati .pe. Tejokasinameko sanjanati.
Vayokasinameko sanjanati. Nilakasinameko sanjanati. Pitakasinameko sanjanati.
Lohitakasinameko sanjanati. Odatakasinameko sanjanati. Akasakasinameko
sanjanati. Vinnanakasinameko sanjanati uddham adho tiriyam advayam appamanan"ti 2-
evam vuttani dasa. Etani hi sakalapharanatthena kasinani, tadarammananam dhammanam
@Footnote: 1 Ma. parisuddhibhavassa 2 di.pa. 11/346/237-8, an.dasaka. 24/25/37
Khettatthena adhitthanatthena va ayatanani. Uddhanti uparigaganatalabhimukham.
Adhoti hetthabhumitalabhimukham. Tiriyanti khettamandalamiva samanta paricchinnam. Ekacco
hi uddhameva kasinam vaddheti ekacco adho, ekacco samantato. Ekopi
tena tena va karanena evam pasareti alokamiva rupadassanakamo. Tena vuttam
"pathavikasinameko sanjanati uddham adho tiriyan"ti. 1- Advayanti idam pana
ekassa annabhavanupagamanattham vuttam. Yatha hi udakam pavitthassa sabbadisasu
udakameva hoti na annam, evameva pathavikasinam pathavikasinameva hoti, natthi tassa
annakasinasambhedoti. Esa nayo sabbattha. Appamananti idam tassa tassa
pharanaappamanavasena vuttam. Tam hi manasa pharanto sakalameva pharati, na ayamassa
adi idam majjhanti pamanam ganhatiti. Akasakasinanti kasinugghatimakaso
paricchedakasakasinanca. Vinnanakasinanti kasinugghatimakase pavattavinnanam.
Tattha kasinavasena kasinugghatimakase kasinugghatimakasavasena tattha pavattavinnane
uddhamadhotiriyata veditabba. Paricchedakasakasinassapi vaddhaniyatta tassa
vasenapiti.
[26] Idani bhavanapabhedam dassento dve bhavanatiadimaha. Tattha
lokiyatiadisu loko vuccati lujjanapalujjanatthena vattam, tasmim pariyapannabhavena
loke niyuttati lokiya, lokiyanam dhammanam bhavana lokiya. Kincapi dhammanam
bhavanati voharavasena vuccati, tehi pana visum bhavana natthi. Te eva
hi dhamma bhaviyamana bhavanati vuccanti. Uttinnati uttara, loke
apariyapannabhavena lokato uttarati lokuttaRa.
Rupabhavasankhate rupe avacarantiti rupavacaRa. Kusalasaddo panettha
arogyaanavajjachekasukhavipakesu dissati. "kacci nu bhoto kusalam, kacci nu bhoto
@Footnote: 1 di.pa. 11/347/237, an.dasaka. 24/25/37
Anamayan"tiadisu 1- arogye. "katamo pana bhante kayasamacaro kusalo, yo kho
maharaja kayasamacaro anavajjo"ti 2- ca "puna caparam bhante etadanuttariyam, yatha
bhagava dhammam deseti kusalesu dhammesu"ti 3- ca evamadisu anavajje. "tam kim mannasi
rajakumara kusalo tvam rathassa angapaccanganan"ti 4- "kusala naccagitassa sikkhita
caturitthiyo"ti 5- ca adisu cheke. "kusalanam dhammanam samadanahetu evamidam punnam
pavaddhati"ti 6- "kusalassa kammassa katatta upacitatta"ti 7- ca adisu sukhavipake.
Svayamidha arogyepi anavajjepi sukhavipakepi vattati. Vacanattho panettha kucchite
papake dhamme salayanti calayanti kampenti viddhamsentiti kusala. Kucchitena va
akarena sayanti pavattantiti kusa. Te akusalasankhatakuse lunanti chindantiti
kusala, kucchitanam va sanato tanukaranato kusam, nanam. Tena kusena latabba
gahetabba pavattetabbati kusala. Yatha va kusa ubhayabhagagatam hatthappadesam
lunanti, evamimepi uppannanuppannabhavena ubhayabhagagatam sankilesapakkham lunanti,
tasma kusa viya lunantiti kusala. Tesam rupavacarakusalanam bhavana. Arupabhava-
sankhate avacarantiti arupavacaRa. Tebhumakavatte pariyapanna. Antogadhati
pariyapanna, tasmim na pariyapannati apariyapanna, lokuttaRa.
Kamavacarakusalanam dhammanam bhavana kasma na vuttati ce? appanappattaya
Eva bhavanaya abhidhamme bhavanati adhippetatta. Vuttam hi tattha:-
"yogavihitesu va kammayatanesu yogavihitesu va sippayatanesu
yogavihitesu va vijjatthanesu kammassakatam va saccanulomikam va
rupam aniccanti va, vedana aniccati va, sanna aniccati va,
@Footnote: 1 khu.ja. 27/2133/433, khu.ja. 28/151/61 (sya) 2 Ma.Ma. 13/361/348
@3 di.pa. 11/145/87 4 Ma.Ma. 13/87/64
@5 khu.ja. 28/436/162 (sya) 6 di.pa. 11/80/49 7 abhi.san. 34/455/124
Sankhara aniccati va, .pe. Vinnanam aniccanti va yam evarupam
anulomikam khantim ditthim rucim mudim pekkham dhammanijjhanakkhantim parato
asutva patilabhati, ayam vuccati cintamaya panna. Yogavihitesu va
kammayatanesu .pe. Dhammanijjhanakkhantim parato sutva patilabhati, ayam
vuccati sutamaya panna. Sabbanipi samapannassa panna bhavanamaya
panna"ti. 1-
Sa pana kamavacarabhavana avajjanabhavangapatehi antaritatta bhavanati na
vuttati veditabba. Sabbesam pana punnanam tividhapunnakiriyavatthuantogadhatta
upacarasamadhivipassanasamadhinam bhavanamayapunnata siddha. Idha pana lokiya-
bhavanaya 2- eva sangahita. Ruparupavacaranam tividhabhave. Hinati lamaka.
Hinuttamanam majjhe bhava majjha, majjhimatipi patho. Padhanabhavam nitati panita.
Uttamati attho. Ayuhanavasena ayam hinamajjhimapanitata veditabba. Yassa hi
ayuhanakkhane chando va hino hoti viriyam va cittam va vimamsa va, sa
hina nama. Yassa te dhamma majjhima, sa majjhima nama. Yassa te dhamma
panita, sa panita nama. Mudukehi va indriyehi sampayutta hina nama,
majjhimehi indriyehi sampayutta majjhima, adhimattehi indriyehi sampayutta
panita nama. Apariyapannaya hinamajjhimattabhava panitata eva vutta. Sa hi
uttamatthena atappakatthena ca panita.
[27] Pathamabhavanacatukke bhavetiti ekasmimyeva khane tatha tatha
pativijjhanto ariyamaggam bhaveti. Dutiyabhavanacatukke esanabhavanati appana-
pubbabhage bhavana. Sa hi appanam esanti etayati esanati vutta.
@Footnote: 1 abhi.vi. 35/868/394 2 Si. lokiyabhavana
Patilabhabhavanati appanabhavana. Sa hi taya esanaya patilabbhatiti patilabhoti
vutta. Ekarasabhavanati patilabhe vasibhavam pattukamassa payogakale bhavana.
Sa hi tena tena pahanena tehi tehi kilesehi vimuttatta vimuttirasena ekarasati
katva ekarasati vutta. Asevanabhavanati patilabhe vasippattassa yatharuci
paribhogakale bhavana. Sa hi bhusam seviyatiti asevanati vutta. Keci pana
"asevanabhavana vasikammam, ekarasabhavana sabbatthika"ti vannayanti. Catukka-
vibhage samadhim samapajjantananti vattamanasamipe vattamanavacanam. Tattha jatati
tasmim pubbabhage jata. Ekarasa hontiti appanuppadane samanakicca
honti. Samadhim samapannananti appitappananam. Tattha jatati tassa appanaya
jata. Annamannam nativattantiti samappavattiya annamannam natikkamanti.
Adhimokkhatthena saddhindriyam bhavayatotiadisu ekakkhanepi ekekassa indriyassa
sakasakakiccakarane tamtamnissayavasena sakasakakiccakaranani sesanipi indriyani
vimuttirasena ekarasa hontiti vimuttiraseneva 1- ekarasatthena bhavana.
Balabojjhangamaggangesupi eseva nayo. Ekarasati ca lingavipallaso kato.
Idha bhikkhuti imasmim sasane bhikkhu. Samsare bhayam ikkhatiti bhikkhu.
Pubbanhasamayantiadisu accantasamyogatthe upayogavacanam, atthato pana bhummameva,
divasassa pubbakaleti attho. Asevatiti vasippattasamadhim bhusam sevati. Majjhantika-
samayanti divasassa majjhakale. Sayanhasamayanti divasassa sayanhakale. Purebhattanti
divabhattato purekale. Pacchabhattanti divabhattato pacchakale. Purimepi
yameti rattiya pathame kotthase. Kaleti kalapakkhe. Junheti sukkapakkhe. Purimepi
vayokhandheti pathame vayokotthase, pathamavayeti attho. Tisu ca vayesu vassasatayukassa
purisassa ekekasmim vaye catumasadhikani tettimsa vassani honti.
@Footnote: 1 Si. vimuttirasavaseneva
[28] Tatiyabhavanacatukke tattha jatanam dhammanam anativattanatthenati tattha
nekkhammadisu bhavanavisesesu jatanam samadhipannasankhatanam yuganaddhadhammanam
annamannam anatikkamanabhavena. Indriyanam ekarasatthenati tattheva saddhadinam
indriyanam nanakilesehi vimuttatta vimuttirasena ekarasabhavena. Tadupagaviriya-
vahanatthenati tesam anativattanaekarasabhavanam anucchavikassa viriyassa vahanabhavena.
Asevanatthenati ya tassa tasmim samaye pavatta asevana, tassa asevanaya
asevanabhavena.
Rupasannanti kusalavipakakiriyavasena pancadasavidham rupavacarajjhanasankhatam
rupasannam. Rupavacarajjhanampi hi rupanti vuccati "rupi rupani passati"tiadisu, 1-
tassa jhanassa arammanampi "bahiddha rupani passati suvannadubbannani"tiadisu. 2-
Rupavacarajjhanam hi sannasisena rupe sannati katva rupasannati vuccati.
Patighasannanti kusalavipaka panca, akusalavipaka pancati evam dasavidham patighasannam.
Dvipancavinnanasampayutta hi sanna cakkhadinam vatthunam rupadinam arammanananca
patighatena uppannatta patighasannati vuccati. Rupasanna saddasanna gandhasanna
rasasanna photthabbasannatipi etissa eva namam. Nanattasannanti attha
kamavacarakusalasanna, dvadasa akusalasanna, ekadasa kamavacarakusalavipakasanna,
dve akusalavipakasanna, ekadasa kamavacarakiriyasannati evam catucattalisavidham
nanattasannam. Sa hi nanatte nanasabhave rupasaddadibhede gocare pavatta
sannati nanattasanna, catucattalisabhedato nanatta nanasabhava annamannam
asadisa sannati va nanattasannati vuccati. Sannabahukattepi jatiggahanena
ekavacanam katam.
@Footnote: 1 di.maha. 10/174/100, an.atthaka. 23/163/315 (sya)
@2 di.maha. 10/173/98, an.atthaka. 23/162/314 (sya) abhi.san. 34/244/74
Niccasannanti niccanti sannam niccasannam. Evam sukhasannam attasannam.
Nandinti sappitikam tanham. Raganti nippitikam tanham. Samudayanti ragassa samudayam.
Atha va bhangasseva dassanato sankharanam udayam. Adananti nibbattanavasena kilesanam,
adosadassavitaya sankhatarammanassa va adanam. Ghanasannanti santativasena
ghananti sannam. Ayuhananti sankharanam atthaya payogakaranam. Dhuvasannanti
thiranti sannam. Nimittanti niccanimittam. Panidhinti sukhapatthanam. Abhinivesanti
atthi attati abhinivesam. Saradanabhinivesanti niccasarattasaragahanabhinivesam.
Sammohabhinivesanti "ahosim nu kho aham atitamaddhanan"tiadivasena 1- "issarato
loko sambhoti"tiadivasena ca sammohabhinivesam. Alayabhinivesanti adinavadassanena
alliyitabbamidanti abhinivesam. Appatisankhanti anupayagahanam. Sannogabhinivesanti
kamayogadikam kilesappavattim.
Ditthekattheti ditthihi saha ekasmim thitati ditthekattha. Te ditthekatthe.
Kilesenti upatapenti, vibadhenti vati kilesa. Te kilese. Duvidham hi ekattham
pahanekattham sahajekatthanca. Pahanekattham sakkayaditthippamukhahi tesatthiya ditthihi
saha yava sotapattimaggena pahana, tava ekasmim puggale thitati attho.
Idamidhadhippetam. Dasasu hi kilesesu idha ditthikilesoyeva agato. Sesesu pana
apayagamaniyo lobho doso moho mano vicikiccha thinam uddhaccam ahirikam anottappanti
nava kilesa ditthiya saha pahanekattha hutva sotapattimaggena pahiyanti,
ragadosamohapamukhesu va diyaddhesu kilesasahassesu sotapattimaggena ditthiya
pahiyamanaya ditthiya saha apayagamaniya sabbakilesa pahanekatthavasena pahiyanti,
sahajekatthe ditthiya saha ekasmim citte thitati attho. Sotapattimaggena hi
dvisu ditthisampayuttaasankharikacittesu pahiyamanesu tehi sahajato lobho moho
@Footnote: 1 sam.ni. 16/20/26
Uddhaccam ahirikam anottappanti ime kilesa sahajekatthavasena pahiyanti, dvisu
ditthisampayuttasasankharikacittesu pahiyamanesu tehi sahajato lobho moho thinam
uddhaccam ahirikam anottappanti ime kilesa sahajekatthavasena pahiyanti. Olarike
kileseti olarikabhute kamaragabyapade. Anusahagate kileseti sukhumabhute
kamaragabyapade. Sabbakileseti maggattayena pahinavasese.
Viriyam vahetiti yogavaro viriyam pavatteti. Hettha esanapatilabhaekarasa-
asevanavacanani bhavananam visesadassanattham vuttani "evambhuta ca bhavana"ti. Idha "tattha
jatanam dhammanam anativattanatthena indriyanam ekarasatthena tadupagaviriyavahanatthena
asevanatthena"ti vacanani bhavanahetudassanattham vuttani "imina ca
imina ca hetuna bhavana"ti. Hettha asevana bhavanati nanakkhanavasena
vutta idha asevanatthena bhavanati ekakkhanavasenati viseso. Rupam passanto
bhavetitiadisu rupadini passitabbakarena passanto bhavetabbam bhavanam bhavetiti
attho. Ekarasa hontiti vimuttirasena, kiccarasena va ekarasa honti. Vimuttirasoti
sampattiraso. Kiccasampattiatthena raso nama pavuccatiti hi vuttanti.
Bhavetabbaniddesavannana nitthita.
------------
The Pali Atthakatha in Roman Book 47 page 135-146.
http://84000.org/tipitaka/atthapali/read_rm.php?B=47&A=3019&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=47&A=3019&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=31&i=67
เนื้อความพระไตรปิฎกฉบับหลวง :-
http://84000.org/tipitaka/read/r.php?B=31&A=559
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=31&A=773
The Pali Tipitaka in Roman Character :-
http://84000.org/tipitaka/read/roman_read.php?B=31&A=773
Contents of The Tipitaka Volume 31
http://84000.org/tipitaka/read/?index_31
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]