ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 47 : PALI ROMAN Patisam.A.1 (saddhamma.1)

                    14. Paccavekkhananananiddesavannana
     [65] Paccavekkhananananiddese maggakkhaneyeva hetutthena pathamam maggangani
visum visum vatva puna maggangabhute amaggangabhute ca dhamme "bujjhanatthena bodhi"ti
laddhanamassa ariyassa angabhavena bojjhange visum dassesi. Satidhammavicayaviriyasamadhi-
sambojjhanga hi magganganeva, pitipassaddhiupekkhasambojjhanga amaggangani. Puna
balavasena indriyavasena ca visum nidditthesu saddha eva amaggangabhuta. Puna
maggakkhane jateyeva dhamme rasivasena dassento adhipateyyatthenatiadimaha. Tattha
upatthanatthena satipatthanati ekava nibbanarammana sati kayavedanacittadhammesu
subhasukhaniccaattasannapahanakiccasadhanavasena cattaro satipatthana nama.
Nibbanarammanam ekameva viriyam uppannanuppannanam akusalanam pahananuppatti-
kiccassa, anuppannuppannanam kusalanam uppadatthitikiccassa sadhanavasena cattaro
sammappadhana nama.
     Tathatthena saccati dukkhabhavadisu avisamvadakatthena cattani ariyasaccani.
Etaneva cettha pativedhatthena tada samudagatani, "amatogadham nibbanan"ti visum
vuttam nibbananca, sesa pana dhamma patilabhatthena tada samudagata. "tathatthena sacca
tada samudagata"ti vacanato maggaphalapariyosane avassam cattari saccani paccavekkhatiti
nitthamettha gantabbam. "katam karaniyam naparam itthattayati pajanati"ti 1-
vacanato ca "dukkham me parinnatam, samudayo me pahino, nirodho me sacchikato,
maggo ca me bhavito"ti paccavekkhanam vuttameva hoti. Tatha paccavekkhanam yujjati
ca. Samudayoti cettha tamtammaggavajjhoyeva veditabbo. Ettha vuttasamudayapaccavekkhana-
vaseneva atthakathayam duvidham kilesapaccavekkhanam maggaphalanibbanapaccavekkhanani idha
sarupeneva agataniti vuttani. Kevalam dukkhapaccavekkhanameva na vuttam. Kincapi
@Footnote: 1 di.Si. 9/248/84
Na vuttam, atha kho pathasabbhavato yuttisabbhavato ca gahetabbameva. Saccappativedhattham
hi patipannassa nitthite saccappativedhe sayam katakiccapaccavekkhanam yuttamevati.
Avikkhepatthena samathotiadi maggasampayutte eva samathavipassanadhamme ekarasatthena
anativattanatthena ca dassetum vuttam. Samvaratthena silavisuddhiti sammavacakammanta-
jiva eva. Avikkhepatthena cittavisuddhiti sammasamadhi eva. Dassanatthena
ditthivisuddhiti sammaditthiyeva. Vimuttatthenati samucchedavasena maggavajjhakilesehi
muccanatthena, nibbanarammane va adhimuccanatthena. Vimokkhoti samucchedavimokkho,
ariyamaggoyeva. Pativedhanatthena vijjati saccappativedhanatthena vijja, sammaditthiyeva.
Pariccagatthena vimuttiti maggavajjhakilesanam pajahanatthena tato muccanato
vimutti, ariyamaggoyeva. Samucchedatthena khaye nananti kilesasamucchindanatthena
kilesakkhayakare ariyamagge nanam, sammaditthiyeva.
     Chandadayo hettha vuttanayeneva veditabba. Kevalam hettha 1- maggakkhaneyeva
maggassa adimajjhapariyosanakarena dassita. Vimuttiti cettha maggavimuttiyeva.
"tathatthena sacca"ti ettha gahitampi ca nibbanam idha pariyosanabhavadassanattham
puna vuttanti veditabbam. Phalakkhanepi eseva nayo. Ettha pana hetutthena
maggoti phalamaggabhaveneva. Sammappadhanati maggakkhane catukiccasadhakaviriyakiccassa
phalassa uppadakkhane siddhatta vuttanti veditabbam. Annatha hi phalakkhane
sammappadhana eva na labbhanti. Vuttam hi maggakkhane sattatimsa bodhipakkhiyadhamme
uddharantena therena "phalakkhane thapetva cattaro sammappadhane avasesa tettimsa
dhamma labbhan"ti. Evameva pativedhakiccadisiddhivasena saccadinipi yathayogam
veditabbani. Vimokkhoti ca phalavimokkho. Vimuttiti phalavimutti. Patippassaddhatthena
anuppade nanam vuttatthameva. Vutthahitvati antara vutthanabhava phalavasanena
@Footnote: 1 ganthipade hettha
Evam vuttam. Ime dhamma tada samudagatati ime vuttappakara dhamma
maggakkhane ca phalakkhane ca samudagatati paccavekkhatiti itisaddam pathasesam katva
sambandho veditabbo.
                  Paccavekkhananananiddesavannana nitthita.
                         ---------------



             The Pali Atthakatha in Roman Book 47 page 303-305. http://84000.org/tipitaka/atthapali/read_rm.php?B=47&A=6765&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=6765&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=31&i=153              เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1741              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=2071              The Pali Tipitaka in Roman Character :- http://84000.org/tipitaka/read/roman_read.php?B=31&A=2071              Contents of The Tipitaka Volume 31 http://84000.org/tipitaka/read/?index_31

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]