ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 47 : PALI ROMAN Patisam.A.1 (saddhamma.1)

                    40. Dassanavisuddhinananiddesavannana
     [91] Dassanavisuddhinananiddese sabbe dhamma ekasangahita sankhata-
sankhatadhamma ekena sangahita paricchinna. Tathatthenati bhutatthena, attano
attano sabhavavasena vijjamanatthenati attho. Anattatthenati karakavedaka-
sankhatena attana rahitatthena. Saccatthenati avisamvadakatthena, attano
sabhavannathattabhavenati attho. Pativedhatthenati sabhavato nanato nanena
pativijjhitabbatthena. Idha lokuttarananena asammohato arammanato ca pativedho
veditabbo. Abhijananatthenati lokikena nanena asammohato arammanato ca tesam
Tesam dhammanam sabhavato abhijanitabbatthena. "sabbam bhikkhave abhinneyyan"ti 1- hi
vuttam. Parijananatthenati vuttanayeneva lokiyalokuttarehi nanehi sabhavato
abhinnatanam dhammanam aniccadito niyyanadito ca paricchinditva janitabbatthena.
"sabbam bhikkhave parinneyyan"ti hi vuttam. Dhammatthenati sabhavadharanadina
dhammatthena. Dhatutthenati nijjivatadina dhatutthena. Natatthenati lokiyalokuttarehi
nanehi natum sakkuneyyatthena. Yatha datthum sakkuneyyadina atthena
"dittham sutam mutam vinnatam rupan"ti vuttam, evamidhapi natum sakkuneyyattho
natatthoti veditabbo. Sacchikiriyatthenati arammanato paccakkhakatabbatthena.
Phusanatthenati paccakkhakatassa arammanato punappunam phusitabbatthena. Abhisamayatthenati
lokikena nanena abhisamagantabbatthena. Kincapi hi "tathatthe panna saccavivatte nanam,
abhinna panna natatthe nanam, sacchikiriya panna phassanatthe nanan"ti
ekekameva nanam vuttam, atthakathayanca:-
              samavaye khane kale       samuhe hetuditthisu
              patilabhe pahane ca        pativedhe ca dissatiti
gathavannanayam abhisamayasaddassa pativedhattho vutto, idha pana yathavuttena atthena
tesam nanattam veditabbam. Atthakathayameva hi so lokiyananavasena dhammabhisamayo
vuttoti.
     Kamacchando nanattanti vikkhepasabbhavato nanarammanatta ca
nanasabhavoti attho. Evam sabbakilesa veditabba. Nekkhammam ekattanti
cittekaggatasabhavato nanarammanavikkhepabhavato ca ekasabhavanti attho. Evam
sabbakusala veditabba. Idha peyyalena sankhittanam byapadadinam akusalanam
@Footnote: 1 sam. sala. 18/50/34 (sya)
Yathavuttena atthena nanattampi veditabbam. Vitakkavicaradinam pana hetthimanam
hetthimanam uparimato uparimato olarikatthena nanattam veditabbam. Yasma
ekasangahitananattekattanam pativedho maggakkhane saccappativedhena sijjhati, tasma
"pativedho"ti padam uddharitva saccabhisamayam dasseti.
     Parinnapativedham pativijjhatiti parinnabhisamayena abhisameti. Esa nayo
sesesu. Saccabhisamayakalasmim hi maggananassa ekakkhane parinna pahanam sacchikiriya
bhavanati cattari kiccani honti. Yatha nava apubbam acarimam ekakkhane cattari
kiccani karoti, orimam tiram pajahati, sotam chindati, bhandam vahati, parimam tiram
appeti, evameva maggananam apubbam acarimam ekakkhane cattari saccani abhisameti,
dukkham parinnabhisamayena abhisameti, samudayam pahanabhisamayena abhisameti, maggam bhavana-
bhisamayena abhisameti, nirodham sacchikiriyasamayena abhisameti. Kim vuttam hoti? nirodham
arammanam katva kiccavasena cattaripi saccani papunati passati pativijjhatiti.
Yatha orimam tiram pajahati. Evam maggananam dukkham parijanati. Yatha sotam chindati,
evam samudayam pajahati. Yatha bhandam vahati. Evam sahajatadipaccayataya maggam bhaveti.
Yatha parimam tiram appeti, evam parimatirabhutam nirodham sacchikarontiti evam
upamasamsandanam veditabbam.
     Dassanam visujjhatiti tamtammaggavajjhakilesatamappahanena nanadassanam visuddhibhavam
papunati. Dassanam visuddhanti tassa tassa phalassa ca uppadakkhane tassa tassa
maggananassa kiccasiddhippattito nanadassanam visuddhibhavappattam hoti. Sabbadhammanam
ekasangahitaya nanattekattapativedhapannaya maggaphalananehi siddhito ante
maggaphalananani vuttani.
                  Dassanavisuddhinananiddesavannana nitthita.



             The Pali Atthakatha in Roman Book 47 page 343-345. http://84000.org/tipitaka/atthapali/read_rm.php?B=47&A=7669&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7669&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=31&i=242              เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2634              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3077              The Pali Tipitaka in Roman Character :- http://84000.org/tipitaka/read/roman_read.php?B=31&A=3077              Contents of The Tipitaka Volume 31 http://84000.org/tipitaka/read/?index_31

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]