บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
51. Sotadhatuvisuddhinananiddesavannana [103] Sotadhatuvisuddhinananiddese durepi saddanantiadi dibbasotam uppadetukamassa adikammikassa bhikkhuno upayasandassanattham vuttam. Tattha durepi saddanam saddanimittanti dure sattanam antare saddam. Saddoyeva hi nimittakarana- vasena saddanimittam. "dure"ti vuttepi pakatisotassa apathatthaneyeva. Olarikananti Thulanam. Sukhumananti anunam. Sanhasanhananti sanhatopi sanhanam, atisanhananti attho. Etena paramasukhuma sadda vutta honti. Imam nanam uppadetukamena adikammikena jhayina abhinnapadakajjhanam samapajjitva vutthaya parikammasamadhicittena pathamataram pakatisotapathe dure olariko aranne sihadinam saddo avajjitabbo. Vihare ghandisaddo 1- bherisaddo sankhasaddo samaneradaharabhikkhunam sabbathamena sajjhayantanam sajjhayanasaddo pakatikatham kathentanam "kim bhante, kim avuso"tiadisaddo sakunasaddo vatasaddo padasaddo pakakuthitaudakassa ciccitayanasaddo atape sussamanatalapannasaddo kunthakipillikadi- saddoti evam sabbolarikato pabhuti yathakkamena sukhumasukhumasadda avajjitabba. Evam karontena ca puratthimadisu dasasu disasu kamena ekekissa disaya saddanimittam vuttanayena manasikatabbam. Manasikarontena ca ye sadda pakatisotassa suyyati, tesu pakatisotamodhaya manodvarikena cittena manasikatabbam. Tassa te sadda pakaticittassapi pakata honti, parikammasamadhicittassa pana ativiya pakata honti. Tassevam saddanimittam manasikaroto idani dibbasotadhatu uppajjissatiti tesu saddesu annataram arammanam katva manodvaravajjanam uppajjati, tasmim niruddhe cattari panca va javanani javanti. Yesam purimani tini cattari va parikammopacara- nulomagotrabhunamakani kamavacarani, catuttham pancamam va appanacittam rupavacara- catutthajjhanikam. Tattha yam tena appanacittena saddhim uppannam nanam, ayam dibbasotadhatu. Tam thamagatam karontena "etthantare saddam sunami"ti ekangulamattam paricchinditva vaddhetabbam, tato dvangulacaturangulaatthangulavidatthiratanaantogabbha- pamukhapasadaparivenasamgharamagocaragamajanapadadivasena yava cakkavalam, tato va bhiyyopi paricchinditva paricchinditva vaddhetabbam. Evam adhigatabhinno @Footnote: 1 Si. gandisaddo Esa padakajjhanarammanena phutthokasabbhantaragate sadde puna padakajjhanam asamapajjitvapi abhinnananena sunatiyeva. Evam sunanto ca sacepi yava brahmaloka sankhabheripanavadisaddehi ekakolahalam hoti, patiyekkam vavatthapetu- kamataya sati "ayam sankhasaddo, ayam bherisaddo"ti vavatthapetum sakkotiyeva. Abhinnananena sute satthake sadde paccha kamavacaracittena attham janati. Dibbasotam pakatisotavatoyeva uppajjati, no badhirassa paccha pakatisote vinatthepi dibbasotam na vinassatiti vadanti. So dibbaya sotadhatuyati ettha dibbasadisatta dibba. Devanam hi sucaritakammabhinibbatta pittasemharudhiradihi apalibuddha upakkilesavimuttaya durepi arammanam sampaticchannasamattha dibba pasadasotadhatu hoti. Ayancapi imassa bhikkhuno viriyabhavanabalanibbatta nanasotadhatu tadisayevati dibbasadisatta dibba. Apica dibbaviharavasena patiladdhatta, attanava dibbaviharasannissitattapi dibba, savanatthena nijjivatthena ca sotadhatu, sotadhatukiccakaranena ca sotadhatu viyatipi sotadhatu. Taya dibbaya sotadhatuya. Visuddhayati parisuddhaya nirupakkilesaya. Atikkantamanusikayati manussupacaram atikkamitva saddasavanena manusikam mamsasotadhatum atikkantaya vitivattitva thitaya. Ubho sadde sunatiti dve sadde sunati. Katame dve? dibbe ca manuse ca, devananca manussananca saddeti vuttam hoti. Etena padesapariyadanam veditabbam. Ye dure santike cati ye sadda dure paracakkavalepi, ye ca santike antamaso sadehasannissitapanakasaddapi, te sunatiti vuttam hoti. Etena nippadesapariyadanam veditabbanti. Sotadhatuvisuddhinananiddesavannana nitthita. --------------The Pali Atthakatha in Roman Book 47 page 362-364. http://84000.org/tipitaka/atthapali/read_rm.php?B=47&A=8101&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=8101&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=254 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2822 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3268 The Pali Tipitaka in Roman Character :- http://84000.org/tipitaka/read/roman_read.php?B=31&A=3268 Contents of The Tipitaka Volume 31 http://84000.org/tipitaka/read/?index_31
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]