|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
52. Cetopariyanananiddesavannana [104] Cetopariyanananiddese so evam pajanatiti idani vattabbam vidhanam uddisati. Idam rupam somanassindriyasamutthitantiadi adikammikena jhayina patipajjitabbavidhanam. Katham? etam hi nanam uppadetukamena jhayina pathamam tava dibbacakkhunanam uppadetabbam. Etam hi dibbena cakkhuvasena ijjhati, tam etassa parikammam. Tasma tena bhikkhuna alokam vaddhetva dibbacakkhuna parassa hadayarupam nissaya vattamanassa lohitassa vannam passitva passitva cittam pariyesitabbam. Tam hi lohitam kusalasomanasse vattamane rattam hoti nigrodhapakkavannam, akusalasomanasse vattamane tadeva lulitam hoti, domanasse vattamane kalakam hoti jambupakkavannam lulitam. Kusalupekkhaya vattamanaya pasannam hoti tilatelavannam. Akusalupekkhaya vattamanaya tadeva lulitam hoti. Tasma tena "idam rupam somanassindriyasamutthitam, idam rupam domanassindriyasamutthitam, idam rupam upekkhindriyasamutthitan"ti. Hadayalokahitavannam passitva passitva cittam pariyesantena cetopariyananam thamaparassa gatam katabbam. Evam thamagate hi tasmim anukkamena sabbampi kamavacaradibhedam cittam pajanati citta cittameva sankanto vina hadayarupadassanena. Vuttampi cetam atthakathaya:- "aruppe parassa cittam janitukamo kassa hadayarupam passati, kassindriyavikaram oloketiti? na kassaci. Iddhimato visayo esa, yadidam yattha katthaci cittam avajjanto solasappabhedam cittam janati. Akatabhinivesassa pana vasena ayam katha"ti. 1- Parasattananti attanam thapetva sesasattanam. Parapuggalananti idampi imina ekatthameva, veneyyavasena pana desanavilasena ca byanjanena nanattam @Footnote: 1 visuddhi. 2/251 (sya)--------------------------------------------------------------------------------------------- page366.
Katam. Cetasa ceto paricca janatiti attano cittena tesam cittam paricchinditva saragadivasena nanappakarato janati. Saragam vatiadisu vasaddo samuccayattho. Tattha atthavidham lobhasahagatacittam saragam cittam nama, avasesam catubhumakakusalabyakatacittam vitaragam nama. Dve domanassacittani dve vicikiccha- uddhaccittaniti imani pana cattari cittani imasmim duke sangaham na gacchanti. Keci pana thera tanipi vitaragapadena sanganhanti. Duvidham pana domanassasahagatam cittam sadosam cittam nama, sabbampi catubhumakakusalabyakatam vitadosam nama. Sesani dasa akusalacittani imasmim duke sangaham na gacchanti. Keci pana thera tanipi vitidosapadena sanganhanti. Samoham vitamohanti ettha pana mohekahetukavasena vicikicchauddhaccasahagatadvayameva samoham. Mohassa pana sabbakusalesu sambhavato dvadasavidhampi akusalam cittam "samohan"ti veditabbam. Avasesam kusalabyakatam vitamoham. Thinamiddhanugatam pana sankhittam, uddhaccanugatam vikkhittam. Rupavacararupavacaram mahaggatam, avasesam amahaggatam, sabbampi tebhumakam sauttaram, lokuttaram anuttaram. Upacarappanappattanca samahitam, tadubhayamasampattam asamahitam. Tadangavikkhambhanasamuccheda- patippassaddhinissaranavimuttippattam vimuttam, pancavidhampi etam vimuttippattam avimuttanti veditabbam. Iti cetopariyananalabhi bhikkhu solasappabhedam cittam pajanati. Puthujjana pana ariyanam maggaphalacittam na jananti, ariyapi ca hetthima hetthima uparimanam uparimanam maggaphalacittam na jananti, uparima uparima pana hetthimanam hetthimanam cittam janantiti. Cetopariyanananiddesavannana nitthita. ------------The Pali Atthakatha in Roman Book 47 page 365-366. http://84000.org/tipitaka/atthapali/read_rm.php?B=47&A=8151&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=8151&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=255 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2838 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3296 The Pali Tipitaka in Roman Character :- http://84000.org/tipitaka/read/roman_read.php?B=31&A=3296 Contents of The Tipitaka Volume 31 http://84000.org/tipitaka/read/?index_31
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]