ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
previous bookdispage pageNumbernext pagelast page chage to ROMAN letter  
Atthakatha Book 48 : PALI ROMAN Patisam.A.2 (saddhamma.2)

                             Khuddakanikaya
                         patisambhidamaggatthakatha
                           (dutiyo bhago)
                         --------------
                namo tassa bhagavato arahato sammasambuddhassa.
                 68. Indriyaparopariyattanananiddesavannana
    [111] Indriyaparopariyattanananiddese tathagatassati vacane uddese sarupato
avijjamanepi "../../bdpicture/cha nanani asadharanani savakehi"ti  1- vuttatta "tathagatassa"ti
vuttameva hoti. Tasma uddese atthato siddhassa tathagatavacanassa niddese gahanam
katam. Satte passatiti rupadisu chandaragena sattataya laggataya satta, te satte
indriyaparopariyattananena cakkhuna passati oloketi. Apparajakkheti pannamaye
akkhimhi appam ragadirajo etesanti apparajakkha. Appam ragadirajo etesanti
apparajakkha, te apparajakkhe. Maharajakkheti pannamaye mahantam ragadirajo
etesanti va maharajakkha mahantam ragadirajo etesanti va maharajakkha.
Tikkhindriye mudindriyeti tikkhani saddhadini etesanti tikkhindriya,
muduni saddhadini indriyani etesanti mudindriya. Svakare dvakareti
sundara saddhadayo akara kotthasa etesanti svakara, kucchita garahita
saddhadayo akara kotthasa etesanti dvakaRa. Suvinnapaye duvinnapayeti ye
kathitam karanam sallakkhenti sukhena sakka honti vinnapetum, te suvinnapaya,
tabbiparita duvinnapaya. Appekacce paralokavajjabhayadassavinoti api eke
@Footnote: 1 khu.pati. 31/5
Paralokanceva ragadivajjanca bhayato passante, imassa pana padassa niddese
paralokasseva na vuttatta khandhadiloke ca ragadivajje ca param balham yam
passanasilati paralokavajjabhayadassavino. Te paralokavajjabhayadassavineti 1- evamattho
gahetabbo. Appekacce na paralokavajjabhayadassavinoti tabbiparite. Lokoti
lujjanapalujjanatthena. Vajjanti vajjaniyatthena. Ettavata uddesassa niddeso ca kato
hoti.
      Puna niddesassa patiniddesam karonto apparajakkhe maharajakkhetiadimaha. Tattha
tisu ratanesu okappanasankhata saddha assa atthiti saddho. So saddhasampanno
puggalo assaddhiyarajassa ceva assasaddhiyamulakassa sesakusalarajassa ca appakatta
apparajakkho. Natthi etassa saddhati assaddho. So vuttappakarassa rajassa
mahantatta maharajakkho. Araddham viriyamanenati araddhaviriyo. So kosajjarajassa ceva
kosajjamulakassa sesakusalarajassa ca appakatta apparajakkho. Hinaviriyatta kucchitena
akarena sidatiti kusido, kusido eva kusito. So vuttappakarassa rajassa mahantatta
maharajakkho. Arammanam upecca thita sati assati upatthitassati. So
mutthassaccarajassa ceva mutthassaccamulakassa ca appakatta apparajakkho. Muttha nattha
sati assati mutthassati. So vuttappakarassa rajassa mahantatta maharajakkho.
Appanasamadhina upacarasamadhina va arammane samam samma va ahito thitoti
samahito. Samahitacittoti va samahito. So uddhaccarajassa ceva uddhaccamulakassa
sesakusalarajassa ca appakatta apparajakkho. Na samahito asamahito. So
vuttappakarassa rajassa mahantatta maharajakkho. Udayatthagamini panna assa atthiti
pannava. So moharajassa ceva mohamulakassa sesakusalarajassa ca appakatta
apparajakkho. Mohamulhatta duttha panna assati duppanno. So vuttappakarassa
@Footnote: 1 Si....dassavinoti
Rajassa mahantatta maharajakkho. Saddho puggalo tikkhindriyoti bahulam
uppajjamanaya balavatiya saddhaya saddho, teneva saddhindriyena tikkhindriyo.
Assaddho puggalo mudindriyoti bahulam uppajjamanena assaddhiyena assaddho,
antarantara uppajjamanena dubbalena saddhindriyena mudindriyo. Esa nayo
sesesupi. Saddho puggalo svakaroti taya eva saddhaya sobhanakaro. Assaddho
puggalo dvakaroti teneva assaddhiyena virupakaro. Esa nayo sesesupi.
Suvinnapayoti sukhena vinnapetum sakkuneyyo. Duvinnapayoti dukkhena
vinnapetum sakkuneyyo. Paralokavajjabhayadassaviti ettha yasma pannasampannasseva
saddhadini suparisuddhani honti, tasma suparisuddhasaddhadisampanno
tamsampayuttaya, suparisuddhasaddhadisampannopi va tappaccayaya pannaya
paralokavajjabhayadassavi hoti. Tasma eva hi saddhadayopi cattaro
"paralokavajjabhayadassavi"ti vutta.
     [112] Idani "paralokavajjabhayadassavi"ti ettha vuttam lokanca vajjanca
dassetum lokotiadimaha. Tattha khandha eva lujjanapalujjanatthena lokoti khandhaloko.
Sesadvayepi eseva nayo. Vipattibhavalokoti apayaloko. So hi anitthaphalatta
virupo labhoti vipatti, bhavatiti bhavo, vipatti eva bhavo vipattibhavo, vipattibhavo
eva loko vipattibhavaloko. Vipattisambhavalokoti apayupagam kammam. Tam hi sambhavati
etasma phalanti sambhavo, vipattiya sambhavo vipattisambhavo, vipattisambhavo eva
loko vipattisambhavaloko. Sampattibhavalokoti sugatiloko. So hi itthaphalatta sundaro
labhoti sampatti, bhavatiti bhavo, sampatti eva bhavo sampattibhavo, sampattibhavo eva
loko sampattibhavaloko. Sampattisambhavalokoti sugatupagam kammam. Tam hi sambhavati
etasma phalanti sambhavo, sampattiya sambhavo sampattisambhavo. Sampattisambhavo
eva loko sampattisambhavaloko. Eko lokotiadini hettha vuttatthaneva.
     Vajjanti napumsakavacanam. Asukoti anidditthatta katam. Kilesati ragadayo.
Duccaritati panatipatadayo. Abhisankharati punnabhisankharadayo. Bhavagamikammati
attano vipakadanavasena bhavam gacchantiti bhavagamino, abhisankharesupi vipakajanakaneva
kammani vuttani. Ititi vuttappakaranidassanam. Imasminca loke imasminca
vajjeti vuttappakare loke ca vajje ca. Tibba bhayasannati balavati bhayasanna.
Tibbati parasaddassa attho vutto, bhayasannati bhayasaddassa. Lokavajjadvayampi hi
bhayavatthutta sayanca sabhayatta 1- bhayam, bhayamiti sanna bhayasanna. Paccupatthita
hotiti tam tam paticca upecca thita hoti. Seyyathapi ukkhittasike vadhaketi
yatha nama paharitum uccaritakhagge paccamitte tibba bhayasanna paccupatthita
hoti, evameva loke ca vajje ca tibba bhayasanna paccupatthita hoti.
Imehi pannasaya akarehiti apparajakkhapancakadisu dasasu pancakesu ekekasmim
pancannam pancannam akaranam vasena pannasaya akarehi. Imani
pancindriyaniti saddhindriyadini pancindriyani. Janatiti tathagato pannaya
pajanati. Passatiti dibbacakkhuna dittham viya karoti. Annatiti sabbakaramariyadahi
janati. Pativijjhatiti ekadesam asesetva niravasesadassanavasena pannaya padaletiti.
                Indriyaparopariyattanananiddesavannana nitthita.
                       ------------------



             The Pali Atthakatha in Roman Book 48 page 1-4. http://84000.org/tipitaka/atthapali/read_rm.php?B=48&A=1&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=1&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=31&i=269              เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=3035              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3526              The Pali Tipitaka in Roman Character :- http://84000.org/tipitaka/read/roman_read.php?B=31&A=3526              Contents of The Tipitaka Volume 31 http://84000.org/tipitaka/read/?index_31

previous bookdispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]