ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 48 : PALI ROMAN Patisam.A.2 (saddhamma.2)

                        3. Anapanassatikatha
                         1. Gananavaravannana
     [152] Idani ditthikathanantaram kathitaya anapanassatikathaya
apubbatthanuvannana anuppatta. Ayam hi anapanassatikatha ditthikathaya
suviditaditthadinavassa micchaditthimalavisodhanena suvisuddhacittassa yathabhutavabodhaya
samadhibhavana sukara hoti, sabbasamadhibhavanasu ca sabbasabbannubodhisattanam bodhimule
iminava samadhina samahitacittanam yathabhutavabodhato ayameva samadhibhavana padhanati
ca ditthikathanantaram kathita. Tattha solasavatthukam anapanassatisamadhim bhavayato
samadhikani dve nanasatani uppajjantiti nanagananuddeso, attha paripanthe
nananitiadi nanaganananiddeso, katamani attha paripanthe 1- nananitiadi imani
ekavisati vimuttisukhe nananitipariyantam sabbanananam vittharaniddeso, ante
solasavatthukam anapanassatisamadhim bhavayatotiadi nigamananti evam tava
palivavatthanam veditabbam.
     Tattha gananuddese gananavare tava solasavatthukanti digham rassam sabbakayapatisamvedi
passambhayam kayasankharanti kayanupassanacatukkam, pitipatisamvedi sukhapatisamvedi
cittasankharapatisamvedi passambhayam cittasankharanti vedananupassanacatukkam,
cittapatisamvedi abhippamodayam cittam samadaham cittam vimocayam cittanti
cittanupassanacatukkam, aniccanupassi viraganupassi nirodhanupassi
patinissagganupassiti dhammanupassanacatukkanti imesam catunnam catukkanam vasena
solasa vatthuni patittha arammanani assati solasavatthuko. Tam solasavatthukam.
Samasavasena panettha vibhattilopo kato. Ananti abbhantaram pavisanavato.
Apananti bahinikkhamanavato.
@Footnote: 1 Ma. paribandhe evamannatthapi
Keci pana vipariyayena vadanti. Apanam hi apetam anatoti apananti vuccati,
niddese 1- pana nakarasseva dighattamajjhupekkhitva apananti 2-. Tasmim anapane
sati anapanassati, assasapassasapariggahikaya satiya etam adhivacanam.
Anapanassatiya yutto samadhi, anapanassatiyam va samadhi anapanassatisamadhi.
Bhavayatoti nibbedhabhagiyam bhaventassa. Samadhikaniti saha adhikena vattantiti
samadhikani, satirekaniti attho. Makaro panettha padasandhikaro. Keci pana
"samadhikani"ti vadanti. Evam sati dve nanasataniyeva adhikaniti apajjati, kam
na yujjati. Imani hi visatiadhikani dve nanasatani hontiti.
     Paripanthe nananiti paripantham arammanam katva pavattananani. Tatha
upakare upakkilese nanani. Vodane nananiti vodayati tena cittam parisuddham
hotiti vodanam. Kim tam? nanam. "vodanananani"ti vattabbe "sutamaye nanan"ti-
adisu 3- viya "vodane nanani"ti vuttam. Sato sampajano hutva karotiti satokari,
tassa satokarissa nanani. Nibbidanananiti nibbidabhutani nanani.
Nibbidanulomanananiti nibbidaya anukulani nanani. Nibbidanulominananitipi
patho, nibbidanulomo etesam atthiti nibbidanulomiti attho.
Nibbidapatippassaddhinananiti nibbidaya patippassaddhiyam nanani. Vimuttisukhe
nananiti vimuttisukhena sampayuttani nanani.
     Katamani atthatiadihi paripanthaupakaranam patipakkhavipakkhayugalatta 4- tesu
nanani saheva nidditthani. Kamacchandanekkhammadini hettha vuttatthani.
Upakaranti ca lingavipallasavasena napumsakavacanam katam. Sabbepi akusala dhammati
vuttavasesa ye keci akusala dhamma. Tatha sabbepi nibbedhabhagiya kusala
@Footnote: 1 khu.pati. 31/159-60/182-3  2 Si. ananti vuttam
@3 khu.pati. 31/1/1,5  4 i. patipakkhavikkhepayuggalatta
Dhamma. "paripantho upakaran"ti ca tam tadeva apekkhitva ekavacanam katam. Ettha
ca paripanthe nanani ca upakare nanani ca pucchitva tesam arammananeva
vissajjetva 1- teheva tani vissajjitani hontiti tadarammanani nanani
nigametva dassesi. Upakkilese nanadisupi eseva nayo.
                       Gananavaravannana nitthita.
                        -----------------
                      2. Solasanananiddesavannana
     [153] Solasahi akarehiti ubhayapakkhavasena vuttehi solasahi nanakotthasehi.
Uducitam cittam samuducitam cittanti upacarabhumiyam cittam uddham ucitam,
samma uddham ucitam, uparupari kataparicayam samma uparupari kataparicayanti attho.
Udujitam cittam samudujitantipi patho. Uparibhavaya jitam, uparibhavakarehi va nanehi
jitam udujitam. Samudujitanti sama uparibhavaya, uparibhavakarehi va nanehi jitam,
samati cettha visamabhavapatikkhePo. Imasmim pathe u, duiti dve dve upasagga
honti. Urujitam cittam sammarujitantipi 2- patho. Etthapi jitatthoyeva. Uru
aruti 3- idam pana nipatamattamevati vadanti. Vinopamatthakathaya tajjitam sutajjitanti ca
attho vutto, so idha na yujjati. Ekatte santitthatiti upacarabhumiyam tava
nanarammanavikkhepabhavena ekatte patitthati. Niyyanavaranatthena nivaranati ettha
aratipi sabbepi akusala avaranatthena nivaranati vutta. Niyyanavaranatthenati
niyyananam agamanamaggapidahanatthena. Niyyanavaranatthenatipi 4- patho, niyyananam
patikkhepanatthenati attho. Nekkhammam ariyanam niyyananti maggatthanam ariyanam
@Footnote: 1 cha.Ma. vissajjitva  2 Si. udajitam cittam samudajitantipi
@3 Si. udati  4 cha.Ma. niyyanavaranatthenatipi
Niyyanasankhatassa ariyamaggassa hetutta phalupacarena ariyanam niyyanam. Tena ca
hetubhutena maggakkhane ariya niyyanti nigacchanti. Keci pana "niyyananti maggo"ti
vadanti. Idha upacarassa adhippetatta maggakkhane ca alokasannaya
sabbakusaladhammananca abhava tam na yujjati. Nivutattati paticchannatta. Nappajanatiti
puggalavasena vuttam.
     Visuddhacittassati upacarabhumiyamyeva. Khanikasamodhanati cittakkhane cittakkhane
uppajjanato khano etesam atthiti khanika, upakkilesa, khanikanam samodhano samagamo
pabandho khanikasamodhano. Tasma khanikasamodhana, uppajjamana upakkilesa
khanikappabandhavasena khanikaparamparavasena uppajjanti, na ekacittakkhanavasenati
vuttam hoti.
                    Solasanananiddesavannana nitthita.
                      ---------------------
                     3. Upakkilesanananiddesavannana
                             pathamacchakka
     [154] Pathamacchakke assasadimajjhapariyosananti abbhantarapavisanavatassa
nasikaggam va mukhanimittam va adi, hadayam majjham, nabhipariyosanam. Tam tassa
adimajjhapariyosanam satiya anugacchato yogissa thanananattanugamanena cittam ajjhattam
vikkhepam gacchati, tam ajjhattavikkhepagatam cittam ekatte 1- asanthahanato samadhissa
paripantho. Passasadimajjhapariyosananti bahinikkhamanavatassa nabhi adi, hadayam majjham,
nasikaggam va mukhanimittam va bahiakaso va pariyosanam. Yojana panettha
@Footnote: 1 Si. ekagge
Vuttanayeneva veditabba. Assasapatikankhana nikantitanhacariyati
"nasikavatayattamidam kammatthanan"ti sallakkhetva olarikolarikassa assasassa
patthanasankhata nikamana eva tanha pavatti. Tanhapavattiya sati ekatte
asanthahanato samadhissa paripantho. Passasapatikankhana nikantiti puna
assasapubbakassa passasassa patthanasankhata nikanti. Sesam vuttanayeneva yojetabbam.
Assasenabhitunnassati atidigham atirassam va assasam karontassa assasamulakassa
kayacittakilamathassa sabbhavato tena assasena viddhassa pilitassa. Passasapatilabhe
mucchanati assasena pilitattayeva passase assadasannino passasam patthayato
tasmim passasapatilabhe rajjana. Passasamulakepi eseva nayo.
     Vuttasseva atthassa anuvannanattham vuttesu gathabandhesu anugacchanati
anugacchamana. Satiti ajjhattabahiddhavikkhepahetubhuta sati. Vikkhipati anena cittanti
vikkhePo. Ko so? assaso. Ajjhattam vikkhepo ajjhattavikkhepo, tassa akankhana
ajjhattavikkhepakankhana, asammamanasikaravasena ajjhattavikkhepakassa assasassa
akankhanati vuttam hoti. Eteneva nayena bahiddhavikkhepapatthana veditabba.
Yehiti yehi upakkilesehi. Vikkhippamanassati vikkhipiyamanassa vikkhepam
apadiyamanassa. No ca cittam vimuccatiti cittam assasapassasarammane ca
nadhimuccati, paccanikadhammehi ca na vimuccati. Cittam no ca vimuccati parapattiya
ca hontiti sambandho. Vimokkham appajanantati so va anno va
arammanadhimuttivimokkhanca paccanikavimuttivimokkhanca evam appajananta.
Parapattiyati parapaccayam parasaddahanam arahanti, na attapaccakkham nananti
"parappaccayika"ti vattabbe "parapattiya"ti vuttam. Attho pana soyeva.
                             Dutiyacchakka
     [155] Dutiyacchakke nimittanti assasapassasanam phusanatthanam.
Assasapassasa hi dighanasikassa nasaputam ghattento pavattanti, rassanasikassa
uttarottham. Yadi hi ayam yogi tam nimittameva avajjati, tassa nimittameva
avajjamanassa assase cittam vikampati, na patitthatiti attho. Tassa tasmim citte
appatitthite samadhissa abhavato tam vikampanam samadhissa paripantho. Yadi assasameva
avajjati, tassa cittam abbhantarapavesanavasena vikkhepam avahati, nimitte na patitthati,
tasma nimitte vikampati. Imina nayena sesesupi yojana katabba. Gathasu
vikkhippateti vikkhipiyati vikkhepam apadiyati.
                             Tatiyacchakka
     [156] Tatiyacchakke atitanudhavanam cittanti phusanatthanam atikkamitva gatam
assasam va passasam va anugacchamanam cittam. Vikkhepanupatitanti vikkhepena anugatam,
vikkhepam va sayam anupatitam anugatam. Anagatapatikankhanam cittanti phusanatthanam
appattam assasam va passasam va patikankhamanam paccasisamanam cittam.
Vikampitanti tasmim appatitthaneneva vikkhepena vikampitam. Linanti
atisithilaviriyatadihi sankucitam. Kosajjanupatitanti kusitabhavanugatam.
Atipaggahitanti accaraddhaviriyatadihi atiussahitam. Uddhaccanupatitanti
vikkhepanugatam. Abhinatanti assadavatthusu bhusam natam allinam. Apanatanti
nirassadavatthusu patihatam, tato apagatam va, apagatatam va, na tato
apagatanti attho. Raganupatitanti ettha assasapassasanimittam
manasikaroto uppannapitisukhe va pubbe hasitalapitakilitavatthusu va rago anupatati.
Byapadanupatitanti ettha manasikare nirassadagatacittassa uppannadomanassavasena
va pubbe samudacinnesu aghatavatthusu va byapado anupatati. Gathasu na
samadhiyatiti na samahitam hoti. Adhicittanti cittasisena niddittho adhiko samadhi.
     [157] Ettavata tihi chakkehi attharasa upakkilese niddisitva idani
tesam upakkilesanam samadhissa paripanthabhavasadhanena adinavam dassento puna
assasadimajjhapariyosanantiadimaha. Tattha kayopi cittampi saraddha ca
hontiti vikkhepasamutthanarupanam vasena rupakayopi, vikkhepasantativasena cittampi
mahata khobhena khubhita sadaratha ca honti. Tato mandatarena injita kampita,
tato mandatarena phandita calita honti. Balavapi majjhimopi mandopi khobho
hotiyeva, na sakka khobhena na bhavitunti vuttam hoti. Cittam vikampitattati cittassa
vikampitatta. Gathasu paripunna abhavitati yatha paripunna 1- hoti, tatha
abhavita. Injitoti kampito. Phanditoti mandakampito. Hettha nivarananam
anantaratta "imehi ca pana nivaranehi"ti 2- accantasamipanidassanavacanam katam. Idha
pana nigamane nivarananam santaratta tehi ca pana nivaranehiti parammukhanidassanavacanam katam.
                   Upakkilesanananiddesavannana nitthita.
                    ------------------------
                      4. Vodananananiddesavannana
     [158] Vodane nananiti visuddhananani. Tam vivajjayitvati yam pubbe
vuttam atitanudhavanam cittam vikkhepanupatitam, tam vivajjayitvati sambandhitabbam.
Ekatthane samadahatiti assasapassasanam phusanatthane samam adahati patitthapeti. Tattheva
adhimocetiti ekatthaneti vutte assasapassasanam phusanatthaneyeva sannitthapeti
sannitthanam karoti. Pagganhitvati dhammavicayapitisambojjhangabhavaya paggahetva.
Vinigganhitvati passaddhisamadhiupekkhasambojjhangabhavanaya vinigganhitva.
"satindriyaviriyindriyehi paggahetva, satindriyasamadhindriyehi
viniggahetva"tipi
@Footnote: 1 Ma. paripunno  2 khu.pati. 31/153/175
Vadanti. Sampajano hutvati asubhabhavanadihi. Puna sampajano hutvati
mettabhavanadihi. Yena ragena anupatitam, yena byapadena anupatitam, tam pajahatiti
sambandho. Tam cittam idisanti sampajananto tappatipakkhena ragam pajahati, byapadam
pajahatiti va attho. Parisuddhanti nirupakkilesam. Pariyodatanti pabhassaram. Ekattagatam
hotiti tam tam visesam pattassa tam tam ekattam gatam hoti.
     Katame te ekattati idha yujjamanayujjamanepi 1- ekatte ekato katva
pucchati. Danupasaggupatthanekattanti danavatthusankhatassa danassa upasaggo
vossajjanam 2- danupasaggo, danavatthupariccagacetana. Tassa upatthanam arammanakaranavasena
upagantva thanam danupasaggupatthanam, tadeva ekattam, tena va ekattam
ekaggabhavo danupasaggupatthanekattam. Danavossaggupatthanekattanti patho
sundarataro, so evattho. Etena paduddharavasena 3- caganussatisamadhi vutto.
Paduddharavasena vuttopi cesa itaresam tinnampi ekattanam upanissayapaccayo hoti,
tasma idha nidditthanti vadanti. Visakhapi hi mahaupasika aha "idha bhante
disasu vassam vuttha bhikkhu savatthim agacchissanti bhagavantam dassanaya, te bhagavantam
upasankamitva pucchissanti `itthannamo bhante bhikkhu kalankato, tassa ka gati,
ko abhisamparayo'ti. Tam bhagava byakarissati sotapattiphale va sakadagamiphale
va anagamiphale va arahatte va. Tyaham upasankamitva pucchissami `agatapubba
nu kho bhante tena ayyena savatthi'ti. Sace me vakkhanti `agatapubba tena
bhikkhuna savatthi'ti. Nitthamettha gacchissami nissamsayam paribhuttam tena ayyena
vassikasatika va agantukabhattam va gamikabhattam va gilanabhattam va gilanupatthakabhattam
va gilanabhesajjam va dhuvayagu vati. Tasma me tadanussarantiya pamojjam jayissati,
pamuditaya piti jayissati, pitimanaya kayo passambhissati, passaddhakaya sukham
@Footnote: 1 Si. yujjamanepi  2 cha.Ma. vosajjanam evamuparipi  3 Si. sadduddharavasena
Vedayissami, sukhiniya cittam samadhiyissati, sa me bhavissati indriyabhavana
balabhavana bojjhangabhavana"ti 1-. Atha va ekattesu pathamam upacarasamadhivasena vuttam,
dutiyam appanasamadhivasena, tatiyam vipassanavasena, catuttham maggaphalavasenati veditabbam.
Samathassa nimittam samathanimittam. Vayo bhango eva lakkhanam vayalakkhanam. Nirodho nibbanam.
Sesametesu tisu vuttanayeneva yojetabbam.
     Cagadhimuttananti dane adhimuttanam. Adhicittanti vipassanapadakasamadhi.
Vipassakananti bhanganupassanato patthaya tihi anupassanahi sankhare vipassantanam.
Ariyapuggalananti atthannam. Dutiyadini tini ekattani anapanassativasena
sesakammatthanavasena ca yujjanti. Catuhi thanehiti catuhi karanehi.
Samadhivipassanamaggaphalanam vasena "ekattagatam cittam patipadavisuddhipakkhandanceva hoti
upekkhanubruhitanca nanena ca sampahamsitan"ti uddesapadani. "pathamassa jhanassa ko
adi"tiadini tesam uddesapadanam vittharetukamyatapucchapubbangamani
niddesapadani. Tattha patipadavisuddhipakkhandanti patipada eva nivaranamalavisodhanato
visuddhi, tam patipadavisuddhim pakkhandam pavittham. Upekkhanubruhitanti
tatramajjhattupekkhaya bruhitam vaddhitam. Nanena ca sampahamsitanti pariyodapakena nanena
sampahamsitam pariyodapitam visodhitam. Patipadavisuddhi nama sasambhariko upacaro,
upekkhanubruhana nama appana, sampahamsana nama paccavekkhanati evameke
vannayanti. Yasma pana "ekattagatam cittam patipadavisuddhipakkhandanceva
hoti"tiadi vuttam, tasma antoappanayameva agamanavasena patipadavisudadhi,
tatramajjhattupekkhaya kiccavasena upekkhanubruhana, dhammanam anativattanadibhavasadhanena
pariyodapakassa nanassa kiccanipphattivasena sampahamsana veditabba.
Katham? yasmim hi vare 2- appana uppajjati, tasmim yo
Nivaranasankhato kilesagano tassa jhanassa paripantho, tato cittam visujjhati.
@Footnote: 1 vi.maha. 5/351/155-6  2 i. samaye
Visuddhatta avaranavirahitam hutva majjhimam samathanimittam patipajjati. Majjhimam
samathanimittam nama samappavatto appana samadhiyeva. Tadanantaram pana purimacittam
ekasantatiparinamanayena tathattam upagacchamanam majjhimam samathanimittam patipajjati nama.
Evam patipannatta tathattupagamanena tattha pakkhandati nama. Evam tava purimacitte
vijjamanakaranipphadika pathamassa jhanassa uppadakkhaneyeva agamanavasena
patipadavisuddhi veditabba. Evam visuddhassa pana tassa puna visodhetabbabhavato
visodhane byaparam akaronto visuddham cittam ajjhupekkhati nama. Samathabhavupagamanena
samathapatipannassa puna samadane byaparam akaronto samathapatipannam
ajjhupekkhati nama. Samathapatipannabhavato eva cassa kilesasamsaggam pahaya ekattena
upatthitassa puna ekattupatthane byaparam akaronto ekattupatthanam
ajjhupekkhati nama. Evam tatramajjhattupekkhaya kiccavasena upekkhanubruhana
veditabba.
     Ye panete evam upekkhanubruhite tattha jata samadhipannasankhata
yuganaddhadhamma annamannam anativattamana hutva pavatta, yani ca saddhadini
indriyani nanakilesehi vimuttatta vimuttirasena ekarasani hutva pavattani,
yam cesa tadupagam tesam anativattanaekarasabhavanam anucchavikam viriyam vahayati, ya
cassa tasmim khane pavatta asevana, sabbepi te akara yasma nanena
samkilesavodanesu tam tam adinavanca anisamsanca disva tatha tatha sampahamsitatta
visodhitatta pariyodapitatta nipphanna, tasma dhammanam anativattanadibhavasadhanena
pariyodapakassa nanassa kiccanipphattivasena sampahamsana veditabbati vuttam. Tattha
yasma upekkhavasena nanam pakatam hoti, yathaha:- "tathapaggahitam cittam
sadhukam ajjhupekkhati, upekkhavasena pannavasena pannindriyam adhimattam hoti.
Upekkhavasena nanattakilesehi cittam vimuccati, vimokkhavasena pannavasena
Pannindriyam adhimattam hoti. Vimuttatta te dhamma ekarasa honti, ekarasatthena
bhavana"ti 1-. Tasma nanakiccabhuta sampahamsana pariyosananti vutta.
     Evam tivattagatantiadini tasseva cittassa thomanavacanani. Tattha evam tivattagatanti
evam yathavuttena vidhina patipadavisuddhipakkhandanaupekkhanubruhananana-
sampahamsanavasena tividhabhavam gatam. Vitakkasampannanti kilesakkhobhavirahitatta vitakkena
sundarabhavam pannam gatam. Cittassa adhitthanasampannanti tasmimyeva arammane
cittassa nirantarappavattisankhatena adhitthanena sampannam anunam. Yatha adhitthanavasiyam
adhitthananti jhanappavatti, tatha idhapi cittassa adhitthananti cittekaggatapi
yujjati. Tena hi ekasmimyeva arammane cittam adhitthati, na ettha vikkhipatiti.
"samadhisampannan"ti visum vuttatta pana vuttanayeneva gahetabbam. Atha va
samadhisseva jhanangahitatta cittassa adhitthanasampannanti jhanangapancakavasena
vuttam, samadhisampannanti indriyasangahitatta indriyapancakavasena,
dutiyajjhanadisu pana alabbhamanani padani pahaya labbhamanakavasena pitisampannantiadi
vuttam.
     Aniccanupassanadisu attharasasu mahavipassanasu vitakkadayo paripunnayeva
tasam kamavacaratta. Etasu ca appanaya abhavato patipadavisuddhiadayo
khanikasamadhivasena yojetabba. Catusu maggesu pathamajjhanikavasena vitakkadinam labbhanato
labbhamanakavaseneva vitakkadayo paripunna vutta. Dutiyajjhanikadisu hi maggesu
vitakkadayo jhanesu viya parihayantiti. Ettavata terasa vodanananani vittharato
nidditthani honti. Katham? ekatthane samadahanena tattheva adhimuccanena
kosajjappajahanena uddhaccappajahanena ragappajahanena byapadappajahanena sampayuttani cha
nanani, catuhi ekattehi sampayuttani cattari nanani, patipadavisuddhi-
upekkhanubruhanasampahamsanahi sampayuttani tini nananiti evam terasa nanani
nidditthani.
@Footnote: 1 khu.pati. 31/201/239
     [159] Evam santepi anapanassatisamadhibhavanavasena tesam nipphattim
dassetukamo tani nanani anigametvava nimittam assasapassasatiadina
nayena codanapubbangamam anapanassatisamadhibhavanavidhim dassetva ante tani
nanani nigametva dassesi. Tattha nimittam vuttameva. Anarammanamekacittassati
anarammana ekacittassa. Makaro panettha padasandhikaro. Anarammanamekacittassatipi
patho, ekassa cittassa arammanam na bhavantiti attho. Tayo
dhammeti nimittadayo tayo dhamme. Bhavanati anapanassatisamadhibhavana. Kathanti
pathamam vuttaya codanagathaya anantaram vuttaya pariharagathaya attham
kathetukamyatapuccha. Na cimeti na ca ime. Na ca metipi patho, soyeva padacchedo.
Katham na ca avidita honti, katham na ca cittam vikkhepam gacchatiti evam katham
saddo sesehipi pancahi yojetabbo. Padhananca pannayatiti anapanassati-
samadhibhavanarambhakam viriyam sandissati. Viriyam hi padahanti tenati padhananti vuccati.
Payoganca sadhetiti nivaranavikkhambhakam jhananca yogi nipphadeti. Jhanam hi
nivaranavikkhambhanaya payunjiyatiti payogoti vuttam. Visesamadhigacchatiti
samyojanappahanakaram magganca patilabhati. Maggo hi samathavipassananam
anisamsatta visesoti vutato. Visesassa ca pamukhabhutatta cakarena samuccayo na kato.
     Idani tam pucchitamattham upamaya sadhento seyyathapi rukkhotiadimaha.
Tassattho:- yatha nama kakacena phalanattham vasiya tacchitva rukkho phalanakale
niccalabhavattham same bhumipadese payogakkhamam katva thapito. Kakacenati hatthakakacena.
Agateti rukkham phusitva attano samipabhagam agate. Gateti rukkham phusitva
parabhagam gate. Vasaddo samuccayattho. Na avidita hontiti rukkhe kakacadantehi
phuttham purisena pekkhamanam thanam appatva tesam agamanagamanabhavato sabbepi
kakacadanta viditava honti. Padhananti rukkhacchedanaviriyam. Payoganti
rukkhacchedanakiriyam.
"visesamadhigacchati"ti vacanam upamaya natthi. Upanibandhana nimittanti upanibandhanaya
satiya nimittabhutam karanabhutam nasikaggam va mukhanimittam va. Upanibandhati etaya
arammane cittanti upanibandhana nama sati. Nasikagge vati dighanasiko
nasikagge. Mukhanimitte vati rassanasiko uttarotthe. Uttarottho hi mukhe
satiya nimittanti mukhanimittanti vutto. Agateti phutthatthanato abbhantaram
agate. Gateti phutthatthanato bahiddha gate. Na avidita hontiti phusanatthanam
appatva assasapassasanam agamanagamanabhavato sabbepi te vidita eva honti.
Kammaniyam hotiti yena viriyena kayopi cittampi kammaniyam bhavanakammakkhamam
bhavanakammayoggam hoti. Idam viriyam padhanam namati phalena karanam vuttam hoti.
Upakkilesa pahiyantiti vikkhambhanavasena nivaranani pahiyanti. Vitakka vupasamantiti
nanarammanacarino anavatthita vitakka upasamam gacchanti. Yena jhanena upakkilesa
pahiyanti, vitakka vupasamanti. Ayam payogoti payogamapekkhitva pullinganiddeso
kato. Sannojana pahiyantiti tamtammaggavajjha sannojana samucchedappahanena
pahiyanti. Anusaya byantihontiti pahinanam puna anuppattidhammakatta vigato
uppadanto va vayanto va etesanti byanta, pubbe abyanta byanta
hontiti byantihonti, vinassantiti attho. Sannojanappahanam anusayappahanena hoti,
na annathati dassanattham anusayappahanamaha. Yena maggena sannojana pahiyanti
anusaya byantihonti, ayam visesoti attho. Catutthacatukke ariyamaggassapi
nidditthatta idha ariyamaggo vutto. Ekacittassa arammanadvayabhavassa avuttepi
siddhatta tam avissajjetvava evam ime tayo dhamma ekacittassa arammana
na hontiti nigamanam katam.
     [160] Idani tam bhavanasiddhisadhakam yogavacaram thunanto anapanassati
yassati gatham vatva tassa niddesamaha. Tattha anapanassatiyo yatha
Buddhena desita, tatha paripunna subhavita anupubbam paricita yassa atthi
samvijjanti. So imam lokam pabhaseti. Kim yatha? abbha muttova candima yatha
abbhadihi mutto candima imam okasalokam pabhaseti, tatha so yogavacaro imam
khandhadilokam pabhasetiti gathaya sambandho. "abbha muttova candima"ti ca padassa
niddese mahikadinampi vuttatta ettha adisaddalopo katoti veditabbo.
Gathaniddese no passaso, no assasoti so soyeva attho patisedhena
visesetva vutto. Upatthanam satiti asammussanataya tameva assasam upagantva
thanam sati namati attho. Tatha passasam. Ettavata anapanesu sati
anapanassatiti attho vutto hoti.
     Idani sativaseneva "yassa"ti vuttam puggalam niddisitukamo yo assasati,
tassupatthati, yo passasati, tassupatthatiti vuttam. Yo assasati, tassa sati
assasam upagantva titthati. Yo passasati, tassa sati passasam upagantva titthatiti
attho. Paripunnati jhanavipassanamaggaparamparaya arahattamaggappattiya paripunna.
Teyeva hi jhanavipassanamaggadhamme sandhaya pariggahatthenatiadimaha. Te hi dhamma
imina yogina pariggayhamanatta pariggaha, tena pariggahatthena paripunna. Tattha
sabbesam cittacetasikanam annamannaparivaratta parivaratthena paripunna.
Bhavanaparipurivasena paripuratthena paripunna. Catasso bhavanatiadini subhavitati
vuttapadassa atthavasena vuttani. Catasso bhavana hettha vuttayeva. Yanikatati
yuttayanasadisa kata. Vatthukatati patitthatthena vatthusadisa kata. Anutthitati
paccupatthita. Paricitati samantato cita upacita. Susamaraddhati sutthu samaraddha
sukata. Yattha yattha akankhatiti yesu yesu jhanesu yasu yasu vipassanasu
sace icchati. Tattha tatthati tesu tesu jhanesu tasu tasu vipassanasu.
Vasippattoti vasibhavam bahubhavam patto. Balappattoti samathavipassanabalappatto.
Vesarajjappattoti visaradabhavam pakatabhavam 1-  patto. Te dhammati samathavipassana
dhamma. Avajjanapatibaddhati avajjanayatta, avajjitamatteyeva tassa santanena,
nanena va sampayogam gacchantiti attho. Akankhapatibaddhati 2- ruciayatta,
rocitamatteyeva vuttanayena sampayogam gacchantiti attho. Manasikaro panettha
avajjanaya cittuppado. Akankhamanaya vevacanavasena atthavivaranattham vutto. Tena
vuccati yanikatati evam katattayeva te yuttayanasadisa kata hontiti vuttam hoti.
     Yasmim yasmim vatthusminti solasasu vatthusu ekekasmim. Svadhitthitanti
suppatitthitam. Supatthitati sutthu upatitthita. Sampayuttacittasatinam saheva
sakasakakiccakaranato anulomapatilomavasena yojetva te dve dhamma dassita. Tena
vuccati vatthukatati evam bhutattayeva katapatittha hontiti vuttam hoti. Yena yena
cittam abhiniharatiti pubbapavattito apanetva yattha yattha bhavanavisese cittam
upaneti 3-. Tena tena sati anuparivattatiti tasmim tasmimyeva bhavanavisese sati anukula
hutva pubbapavattito nivattitva pavattati. "yena, tena"ti cettha "yena bhagava
tenupasankami"tiadisu 4- viya bhummattho veditabbo. Tena vuccati anutthitati evam
karanatoyeva tam tam bhavanam anugantva thita hontiti vuttam hoti. Anapanassatiya
satipadhanatta vatthukatanutthitapadesu satiya saha yojana katati veditabba.
     Yasma pana paripunnayeva paricita 5- honti vaddhita laddhasevana, tasma
"paripunna"ti pade vutta tayo attha "paricita"ti padepi vutta, catuttho
visesatthopi vutto. Tattha satiya parigganhantoti sampayuttaya, pubbabhagaya va
satiya parigganhetabbe 6- parigganhanto yogi. Jinati papake akusale dhammeti
samucchedavasena lamake kilese jinati abhibhavati. Ayanca puggaladhitthana dhammadesana.
@Footnote: 1 Si. pakatabhavam, cha.Ma. patubhavam 2 Si. akankhanapatibaddhati  3 Ma. upanameti, Po.
@upanameti  4 khu.khu. 25/1/3  5 Si. paribhavita  6 cha.Ma. pariggahetabbe
Dhammesu hi jinantesu tamdhammasamangipuggalopi jinati nama. Te ca dhamma satim
avihaya attano pavattikkhane jinitumaraddha jitati vuccanti yatha "bhunjitumaraddho
bhutto"ti vuccati. Lakkhanampanettha saddasatthato veditabbam. Evam santepi
"parijita"ti vattabbe jakarassa cakaram katva "paricita"ti vuttam. Yatha samma gado
assati sugatoti atthavikappe dakarassa takaro niruttilakkhanena kato, evamidhapi
veditabba. Imasmim atthavikappe paricitati padam kattusadhanam, purimani tini
kammasadhanani.
     Cattaro susamaraddhati cattaro susamaraddhatthati vuttam hoti, atthasaddassa
lopo datthabbo. Susamaraddhati padassa atthapi hi idha susamaraddhati vuttati
veditabba, susamaraddhadhamma va. Caturatthabhedato cattaroti vuttati veditabba,
na dhammabhedato. Yasma pana subhavitayeva susamaraddha honti, na anne, tasma
tayo bhavanattha idhapi vutta. Asevanatthopi tisu vuttesu vuttoyeva hoti,
tasma tam  avatva tappaccanikanam susamuhatattho vutto. Paccanikasamugghatena hi
araddhapariyosanam pannayati, tena susamaraddhassa sikhappatto attho vutto hoti.
Tattha tappaccanikananti tesam jhanavipassanamagganam patipakkhabhutanam. Kilesananti
kamacchandadinam niccasannadisampayuttanam sakkayaditthadinanca. Susamuhatattati 1-
vikkhambhanatadangasamucchedavasena sutthu samuhatatta nasitatta. Potthakesu pana
"susamugghatatta"ti likhanti, tam na sundaram.
     [161] Puna tasseva padassa annampi atthavikappam dassento susamantiadimaha.
Tattha tattha jatati tasmim sikhappattabhavanavisese jata. Anavajjati
kilesanam arammanabhavanupagamanena kilesadosavirahita. Kusalati jativasena kusala.
Bodhipakkhiyati bujjhanatthena bodhiti laddhanamassa ariyassa pakkhe bhavatta
@Footnote: 1 Si. susamugghatatta
Bodhipakkhiya. Pakkhe bhavattati hi upakarabhave thitatta. Te ca "cattaro
satipatthana cattaro sammappadhana cattaro iddhipada pancindriyani panca
balani satta bojjhanga ariyo atthangiko maggo"ti 1- sattatimsa dhamma. Idam
samanti idam maggakkhane dhammajatam samucchedavasena kilese sameti vinasetiti samam
nama. Nirodho nibbananti dukkhanirodhatta nirodho, vanasankhataya tanhaya
abhava nibbanam. Idam susamanti idam nibbanam sabbasankhatavisamapagatta sutthu
samanti susamam nama. Natanti bodhipakkhiyasankhatam samam asammohato nanena natam,
nibbanasankhatam susamam arammanato nanena natam. Tadeva dvayam teneva cakkhuna
viya dittham. Viditanti tadeva dvayam santane uppadanena arammanakaranena ca
patiladdham. Natam viya pannaya sacchikatam phassitanca. "asallinam asammuttha
asaraddho ekaggan"ti purimassa purimassa padassa atthappakasanam. Tattha
araddhanti patthapitam. Asallinanti asankucitam. Upatthitati upagantva thita.
Asammutthati avinattha. Passaddhoti nibbuto. Asaraddhoti niddaratho. Samahitanti
samam thapitam. Ekagganti avikkhittam.
     "cattaro susamaraddha"tiadi sakalassa susamaraddhavacanassa mulattho. "atthi
saman"tiadi pana susamavacanassa, "natan"tiadi araddhavacanassa vikappattha.
Tatthayam padatthasamsandana:- "sama ca susama ca 2- samasusama"ti vattabbe
ekadesasarupekasesam katva "susama"tiicceva vutta yatha namanca rupanca namarupanca
namarupanti. "idam samam, idam susaman"ti pana anannapekkham katva napumsakavacanam
katam. Yasma pana natampi ditthanti vuccati, ditthanca araddhanca atthato ekam.
Viditasacchikataphassitani pana natavevacanani, tasma natanti araddhatthoyeva
vutto hoti.
     Araddham hoti viriyam asallinanti ayampana araddhavacanassa ujukatthoyeva.
Upatthita satitiadini pana sampayuttaviriyassa upakarakadhammadassanattham vuttani, na
araddhavacanassa atthadassanattham. Purimena atthena sutthu samaraddhati susamaraddha
ca, imina atthena susama araddhati susamaraddha ca ekasese kate "susamaraddha"ti
vuccanti. Imamattham pariggahetva "tena vuccati susamaraddha"ti vuttam.
     Anupubbanti yathanukkamenati attho, pubbam pubbam anuti vuttam hoti. Digham
assasavasenati dighanti vuttaassasavasena. Purima purimati purima purima sati,
purima purima samadhi 1-. Etena pubbanti padassa attho vutato hoti. Pacchima
pacchimati satiyeva. Etena anuti padassa attho vutto hoti. Ubhayena pubbanca
anu ca paricitati attho vutto hoti. Upari solasa vatthuni vittharetva vacanato
idha sankhipitva "patinissagganupassi"ti antimameva dassitam. Yasma
sikhappattabhavanassa sabbapi anapanassatiyo punappunam yatharuci pavattanato
anuparicitapi honti. Tena vuttam "annamannam paricita ceva honti anuparicita
ca"ti.
     Yathatthati yathasabhavattha. Attadamathatthoti arahattamaggakkhane attano
nibbisevanattho. Samathatthoti sitibhavattho. Parinibbapanatthoti kilesaparinibbanena.
Abhinnatthoti sabbadhammavasena. Parinnatthadayo maggananakiccavasena. Saccabhisamayattho
catunnam saccanam ekapativedhadassanavasena. Nirodhe patitthapakattho arammanakaranavasena.
     Buddhotipadassa abhavepi buddhenatipade yo so buddho, tam niddisitukamena
buddhoti vuttam. Sayambhuti upadesam vina sayameva bhuto. Anacariyakoti sayambhupadassa
atthavivaranam. Yo hi acariyam vina saccani pativijjhati, so sayambhu nama hoti.
@Footnote: 1 cha.Ma. ayam patho na dissati
Pubbe ananussutesutiadi anacariyakabhavassa atthappakasanam. Ananussutesuti acariyam
ananussutesu. Samanti sayameva. Abhisambujjhiti bhusam samma pativijjhi. Tattha ca
sabbannutam papuniti tesu ca saccesu sabbannubhavam papuni. Yatha saccani
pativijjhanta sabbannuno honti, tatha saccanam patividdhatta evam vuttam.
Sabbannutam pattotipi patho. Balesu ca vasibhavanti dasasu ca tathagatabalesu issarabhavam
papuni. Yo so evam bhuto, so buddhoti vuttam hoti. Tattha sabbesu
dhammesu appatihatanananimittanuttaravimokkhadhigamaparibhavitam khandhasantanam upadaya
pannattiko, sabbannutapadatthanam va saccabhisambodhimupadaya pannattiko
sattaviseso buddho. Ettavata atthato buddhavibhavana kata honti.
     [162] Idani byanjanato vibhavento buddhoti kenatthena buddhotiadimaha.
Tattha yatha loke avaganta avagatoti vuccati, evam bujjhita saccaniti
buddho. Yatha pannasosa vata pannasusati vuccanti, evam bodheta
pajayati buddho. Sabbannutaya buddhoti sabbadhammabujjhanasamatthaya buddhiya
buddhoti vuttam hoti. Sabbadassavitaya buddhoti sabbadhammanam nanacakkhuna
ditthatta buddhoti vuttam hoti. Anannaneyyataya buddhoti annena abodhaniyato
sayameva buddhatta buddhoti vuttam hoti. Visavitaya buddhoti nanagunavisavanato 1-
padumamiva vikasanatthena buddhoti vuttam hoti. Khinasavasankhatena buddhotiadihi
chahi pariyayehi cittasankocakaradhammappahanena niddakkhayavibuddho puriso viya
sabbakilesaniddakkhayavibuddhatta buddhoti vuttam hoti. Sankha sankhatanti atthato
ekatta sankhatenati vacanassa kotthasenati attho. Tanhalepaditthilepabhavena
nirupalepasankhatena. Savasananam sabbakilesanam pahinatta ekantavacanena visesetva
ekantavitaragotiadi vuttam. Ekantanikkilesoti ragadosamohavasesehi sabbakilesehi
@Footnote: 1 Ma. nanagunavikasanato
Nikkileso. Ekayanamaggam gatoti buddhoti gamanatthanam dhatunam bujjhanatthatta
bujjhanatthapi dhatuyo gamanattha honti, tasma ekayanamaggam gatatta buddhoti
vuttam hoti. Ekayanamaggoti cettha:-
            "maggo pantho patho pajjo  anjasam vatumayanam
            nava uttarasetu ca       kullo ca bhisi sankamo"ti 1-
maggassa bahusu namesu ayananamena vutto. Tasma ekamaggabhuto maggo, na
dvedhapathabhutoti attho. Atha va ekena ayitabbo maggoti ekayanamaggo.
Ekenati ganasanganikam pahaya pavivekena cittena. Ayitabboti patipajjitabbo.
Ayanti va etenati ayano, samsarato nibbanam gacchantiti attho. Ekesam ayano
ekayano. Eketi settha, sabbasattasettha ca sammasambuddha, tasma
ekayanamaggoti sammasambuddhanam ayanabhuto maggoti vuttam hoti. Ayatiti va ayano,
gacchati pavattatiti attho. Ekasmim ayano maggoti ekayanamaggo, ekasmimyeva
buddhasasane pavattamano maggo, na annatthati vuttam hoti. Api ca ekam
ayatiti ekayano. Pubbabhage nanamukhabhavananayappavattopi aparabhage ekam
nibbanameva gacchatiti vuttam hoti, tasma ekayanamaggoti ekanibbanagamanamaggoti
attho. Eko anuttaram sammasambodhim abhisambuddhoti buddhoti na
parehi buddhatta buddho. Kim pana sayameva anuttaram sammasambodhim abhisambuddhatta
buddhoti vuttam hoti. Abuddhivihatatta buddhipatilabha buddhoti buddhi buddham
bodhoti pariyayavacanametam. Tattha yatha nilarattagunayoga nilo pato ratto patoti vuccati,
evam buddhagunayoga buddhoti napetum vuttam hoti 2-.
     Tato param buddhoti netam namantiadi "atthamanugata ayam pannatti"ti napanattham
vuttam. Tattha mitta sahaya. Amacca bhacca. Nati pitupakkhika. Salohita
@Footnote: 1 khu.cula. 30/101/211  2 cha.Ma. ayam patho na dissati
Matupakkhika. Samana pabbajjupagata. Brahmana bhovadino, samitapapabahitapapa
va. Devata sakkadayo brahmano ca. Vimokkhantikanti vimokkho
arahattamaggo, vimokkhassa anto arahattam 1-, tasmim vimokkhante bhavam vimokkhantikam
nama. Sabbannubhavo hi arahattamaggena sijjhati, arahattaphalodaye siddho hoti,
tasma sabbannubhavo vimokkhante bhavo hoti. Tam nemittikampi 2- namam vimokkhante
bhavam nama hoti. Tena vuttam "vimokkhantikametam buddhanam bhagavantanan"ti. Bodhiya
mule saha sabbannutannanassa patilabhati mahabodhirukkhamule yathavuttakkhane
sabbannutannanassa patilabhena saha. Sacchika pannattiti arahattaphalasacchikiriyaya,
sabbadhammasacchikiriyaya va jata pannatti. Yadidam buddhoti ayam buddhoti
pannatti, ayam byanjanato buddhavibhavana.
     "yatha buddhena desita"ti gathapadassa pana imina padabhajaniye vuttatthena
ayam samsandana:- anapanassatiyo ca yatha buddhena desita, yena pakarena
desita. Yathasaddena sangahita dasa yathattha ca yatha buddhena desita, yena
pakarena desitati pakaratthassa ca yathasaddassa, sabhavatthassa ca yathasaddassa
sarupekasesavasena ekasesam katva "yatha"ti vuttanti veditabbam. Padabhajaniye panassa
yathatthesu ekekassa yojanavasena "desito"ti ekavacanam katam.
     "soti gahattho va hoti pabbajito va"ti vuttatta adipadepi yassa
gahatthassa va pabbajitassa vati vuttameva hoti. Lokattho vuttoyeva.
Pabhasetiti attano nanassa pakatam karotiti attho. Abhisambuddhattati
savakaparaminanenapi patividdhabhavena. Obhasetiti  kamavacarabhutam lokam. Bhasetiti
rupavacarabhutam lokam. Pabhasetiti arupavacarabhutam lokam.
@Footnote: 1 cha.Ma. arahattaphalam  2 Ma. nemittakampi
     Ariyanananti arahattamaggananam. Mahika muttoti mahikaya mutto. Mahikati
niharo vuccati. Mahiya muttotipi patho. Dhumaraja muttoti dhumato ca rajato
ca mutto. Rahugahana vippamuttoti rahuno candassa asannupakkilesatta
dvihi upasaggehi visesetva vuttam. Bhasate iti saobhasatthena. Tapate iti
satejatthena. Virocate iti ruciratthena. Evamevanti evam evam. Yasma pana candopi
bhayam bhasanto tapanto virocanto imam okasalokam obhaseti, bhikkhu ca pannaya
bhasanto tapanto virocanto imam khandhadilokam pannaya obhaseti, tasma
ubhayatrapi "bhaseti"ti avatva "bhasate "icceva vuttam. Evam hi vutte
hetuatthopi vutto hoti. Ativisadatarabhasuriyopamam aggahetva kasma candopama
gahitati ce? sabbakilesaparilahavupasamena santassa bhikkhuno santagunayuttacandopama
anucchavikati gahitati veditabbam. Evam anapanassatibhavanasiddhisadhakam yogavacaram
thunitva imani terasa vodane nananiti tani nanani nigametva dassetiti.
                    Vodananananiddesavannana nitthita.
                       -------------------
                     5. Satokarinananiddesavannana
     [163] Satokarinananiddese matikayam idha bhikkhuti imasmim sasane
bhikkhu. Ayam hi ettha idhasaddo sabbappakaraanapanassatisamadhinibbattakassa
puggalassa sannissayabhutasasanaparidipano, annasasanassa tathabhavapatisedhano ca. Vuttam
hetam "idheva bhikkhave samano .pe. Sunna parappavada samanehi annebhi"ti 1-.
     Arannagato va rukkhamulagato va sunnagaragato vati idamassa
anapanassatisamadhibhavananurupasenasanapariggahaparidipanam. Imassa hi bhikkhuno
@Footnote: 1 Ma.mu. 12/139/98, an.catukka. 21/241/265
Digharattam rupadisu arammanesu anuvisatam cittam anapanassatisamadhiarammanam
abhiruhitum na icchati, kutagonayuttaratho viya uppathameva dhavati. Tasma seyyathapi nama
gopo kutadhenuya sabbam khiram pivitva vaddhitam kutavaccham dametukamo dhenuto apanetva
ekamante mahantam thambham nikhanitva tattha yottena bandheyya, athassa so vaccho
ito cito ca vipphanditva palayitum asakkonto tameva thambham upanisideyya va
upanipajjeyya va, evameva iminapi bhikkhuna digharattam ruparammanadirasapanavaddhitam
dutthacittam dametukamena rupadiarammanato apanetva arannam va rukkhamulam va
sunnagaram va pavesetva tattha assasapassasathambhe satiyottena bandhitabbam.
Evamassa tam cittam ito cito ca vipphanditvapi pubbe acinnarammanam alabhamanam
satiyottam chinditva palayitum asakkontam tamevarammanam upacarappanavasena upanisidati
ceva upanipajjati ca. Tenahu porana:-
             "yatha thambhe nibandheyya    vaccham damam 1- naro idha
             bandheyyevam sakam cittam      satiyarammane dalhan"ti 2-.
Evamassa tam senasanam bhavananurupam hoti. Atha va yasma imam kammatthanappabhede
muddhabhutam sabbabuddhapaccekabuddhasavakanam 3- visesadhigamaditthadhammasukhaviharapadatthanam
anapanassatikammatthanam itthipurisahatthiassadisaddasamakulam gamantam
apariccajitva na sukaram bhavetum saddakantakatta jhanassa. Agamake pana aranne sukaram
yogavacarena idam kammatthanam pariggahetva anapanacatukkajjhanam nibbattetva
tadeva padakam katva sankhare sammasitva aggaphalam arahattam papunitum. Tasma
tassa anurupam senasanam upadisanto bhagava "arannagato va"tiadimaha, tatheva
thero.
@Footnote: 1 Si. dammam  2 visuddhi. 2/56 (sya), vi.A. 1/497 (sya), di.A. 2/377, Ma.A.
@1/263  3 cha.Ma. ---paccekabuddhabuddhasavakanam
     Vatthuvijjacariyo viya hi bhagava, so yatha vatthuvijjacariyo nagarabhumim passitva
sutthu upaparikkhitva "ettha nagaram mapetha"ti upadisati, sotthina ca nagare
nitthite rajakulato mahasakkaram labhati, evamevam yogavacarassa anurupam senasanam
upaparikkhitva "ettha kammatthanam anuyunjitabban"ti upadisati, tato tattha
kammatthanamanuyuttena yogina kamena arahatte patte "sammasambuddho vata so
bhagava"ti mahantam sakkaram labhati. Ayam pana bhikkhu "dipisadiso"ti vuccati. Yatha
hi mahadipiraja aranne tinagahanam va vanagahanam va pabbatagahanam va nissaya
niliyitva vanamahimsagokannasukaradayo mige ganhati, evamevam ayam arannadisu
kammatthanamanuyunjanto bhikkhu yathakkamena sotapattisakadagamianagamiarahattamagge
ceva ariyaphalani ca ganhatiti veditabbo. Tenahu porana:-
             yathapi dipiko nama        niliyitva ganhati 1- mige
             tathevayam buddhaputto       yuttayogo vipassako
             arannam pavisitvana         ganhati phalamuttaman"ti 2-.
Tenassa parakkamajavayoggabhumim arannasenasanam dassento "arannagato va"tiadimaha.
     Tattha arannagatoti upari vuttalakkhanam yam kinci pavivekasukham arannam gato.
Rukkhamulagatoti rukkhasamipam gato. Sunnagaragatoti sunnam vivittokasam gato. Ettha
ca thapetva arannanca rukkhamulanca avasesasattavidhasenasanam gatopi "sunnagaragato"ti
vattum vattati. Navavidham hi senasanam. Yathaha "so vivittam senasanam bhajati
arannam rukkhamulam pabbatam kandaram giriguham susanam vanapattham abbhokasam
palalapunjan"ti 3-. Evamassa ututtayanukulam dhatucariyanukulanca
anapanassatibhavananurupam senasanam upadisitva alinanuddhaccapakkhikam
santamiriyapatham upadhisanto nisidatiti aha.
@Footnote: 1 cha.Ma. ganhate  2 visuddhi. 2/56  3 abhi.vi. 35/508/294
Athassa nisajjaya dalhabhavam assasapassasanam pavattanasamatthatam 1-
arammanapariggahupayanca dassento pallankam abhujitvatiadimaha. Tattha pallankanti
samantato urubaddhasanam. Abhujitvati bandhitva. Ujum kayam panidhayati uparimasariram
ujukam thapetva attharasa pitthikantake kotiya kotim patipadetva. Evam hi
nisinnassa cammamamsanharuni na panamanti. Athassa ya tesam panamanapaccaya khane khane vedana
uppajjeyyum, ta na uppajjanti. Tasu anupajjamanasu cittam ekaggam hoti,
kammatthanam na paripatati, vuddhim phatim upagacchati. Parimukham satim upatthapetvati
kammatthanabhimukham satim thapayitva. So satova assasati sato passasatiti so bhikkhu
evam nisiditva evanca satim upatthapetva tam satim avijahanto sato eva assasati
sato passasati, satokari hotiti vuttam hoti.
     Idani yehi pakarehi satokari hoti, te pakare dassetum digham va
assasantotiadimaha. Tattha digham va assasantoti digham va assasam
pavattayanto. Tatha rassam. Ya pana nesam digharassata, sa kalavasena veditabba.
Kadaci hi manussa hatthiahiadayo viya kalavasena digham assasanti ca passasanti
ca, kadaci sunakhasasadayo viya rassam. Annatha hi cunnavicunna assasapassasa
digharassa nama na honti. Tasma te digham kalam pavisanta ca nikkhamanta
ca digha, rassam kalam pavisanta ca nikkhamanta ca rassati veditabba. Tatrayam
bhikkhu upari vuttehi navahakarehi digham assasanto ca passasanto ca digham
assasami, passasamiti pajanati, tatha rassam.
     Evam pajanato ca:-
             digho rasso ca assaso    passasopi ca tadiso
             cattaro vanna vattanti    nasikaggeva bhikkhunoti.
@Footnote: 1 pavattanasukhatam (visuddhi 2/58)
     Navannancassa 1- akaranam ekenakarena kayanupassanasatipatthanabhavana
sampajjatiti veditabba. Sabbakayapatisamvedi assasissamiti sikkhati.
Sabbakayapatisamvedi passasissamiti sikkhatiti sakalassa assasakayassadimajjhapariyosanam
viditam karonto pakatam karonto assasissamiti sikkhati. Sakalassa
passasakayassadimajjhapariyosanam viditam karonto  pakatam karonto
passasissamiti sikkhati. Evam viditam karonto pakatam karonto nanasampayuttacittena
assasati ceva passasati ca. Tasma "assasissami passasissamiti sikkhati"ti vuccati.
Ekassa hi bhikkhuno cunnavicunnavisate 2- assasakaye, passasakaye va adi pakato
hoti, na majjhapariyosanam. So adimeva pariggahetum sakkoti, majjhapariyosane kilamati.
Ekassa majjham pakatam hoti, na adipariyosanam. So majjhameva pariggahetum sakkoti,
adipariyosane kilamati. Ekassa pariyosanam pakatam hoti, na adimajjham. So
pariyosanamyeva pariggahetum sakkoti, adimajjhe kilamati. Ekassa sabbam pakatam hoti,
so sabbampi pariggahetum sakkoti, na katthaci kilamati. Tadisena bhavitabbanti dassento
aha "sabbakayapatisamvedi"tiadi.
     Tattha sikkhatiti evam ghatati vayamati. Yo va tathabhutassa samvaro. Ayamettha
adhisilasikkha. Yo tathabhutassa samadhi, ayam adhicittasikkha. Ya tathabhutassa panna,
ayam adhipannasikkhati ima tisso sikkhayo tasmim arammane taya satiya
tena manasikarena sikkhati asevati bhaveti bahulikarotiti evamettha attho datthabbo.
Tattha yasma purimanayena kevalam assasitabbam passasitabbameva ca, na annam kinci
katabbam, ito patthaya pana nanuppadanadisu yogo karaniyo. Tasma tattha
"assasamiti pajanati passasamiti pajanati"cceva vattamanakalavasena palim
vatva ito patthaya kattabbassa nanuppadanadino akarassa dassanattham
@Footnote: 1 Ma. catunnancassa visuddhi. 2/62  2 cunnasate (ganthipade) visuddhi. 2/62
"sabbakayapatisamvedi assasissami"tiadina nayena anagatakalavasena pali
aropitati veditabba.
     Passambhayam kayasankharam .pe. Sikkhatiti olarikam assasapassasasankhatam
kayasankharam passambhento patippassambhento nirodhento vupasamento assasissami
passasissamiti sikkhati.
     Tatrevam olarikasukhumata ca passaddhi ca veditabba:- imassa hi
bhikkhuno pubbe apariggahitakale kayo ca cittanca sadaratha honti olarika.
Kayacittanam olarikatte avupasante assasapassasapi olarika honti, balavatara
hutva pavattanti, nasika nappahoti, mukhena assasantopi passasantopi titthati.
Yada panassa kayopi cittampi pariggahita honti, tada te santa honti
vupasanta. Tesu vupasantesu assasapassasa sukhuma hutva pavattanti, "atthi nu
kho, natthi"ti vicetabbakarappatta honti. Seyyathapi purisassa dhavitva pabbata
va orohitva mahabharam va sisato oropetva thitassa olarika
assasapassasa honti, nasika nappahoti, mukhena assasantopi passasantopi titthati.
Yada panesa tam parissamam vinodetva nhatva ca pivitva ca allasatakam hadaye
katva sitaya chayaya nipanno hoti, athassa te assasapassasa sukhuma honti
"atthi nu kho, natthi"ti vicetabbakarappatta, evamevam imassa bhikkhuno
apariggahitakaleti vittharetabbam. Tatha hissa pubbe apariggahitakale
"olarikolarike kayasankhare passambhemi"ti abhogasamannaharamanasikaro natthi,
pariggahitakale pana atthi. Tenassa apariggahitakalato pariggahitakale kayasankharo
sukhumo hoti. Tenahu porana:-
             "saraddhe kaye citte ca  adhimattam pavattati
             asaraddhamhi kayamhi       sukhumam sampavattati"ti 1-.
     Pariggahepi 2- olariko, pathamajjhanupacare sukhumo. Tasmimpi olariko,
pathamajjhane sukhumo. Pathamajjhane ca dutiyajjhanupacare ca olariko, dutiyajjhane
sukhumo. Dutiyajjhane ca tatiyajjhanupacare ca olariko, tatiyajjhane sukhumo.
Tatiyajjhane ca catutthajjhanupacare ca olariko, catutthajjhane atisukhumo
appavattimeva papunati. Idam tava dighabhanakasamyuttabhanakanam matam.
     Majjhimabhanaka pana "pathamajjhane olariko, dutiyajjhanupacare sukhumo"ti
evam hetthimahetthimajjhanato uparuparijjhanupacarepi sukhumataram icchanti.
Sabbesamyeva pana matena apariggahitakale pavattakayasankharo pariggahitakale
patippassambhati, pariggahitakale pavattakayasankharo pathamajjhanupacare .pe.
Catutthajjhanupacare pavattakayasankharo catutthajjhane patippassambhati. Ayam tava
samathe nayo.
     Vipassanayam pana apariggahitakale pavattakayasankharo olariko,
mahabhutapariggahe sukhumo. Sopi olariko, upadarupapariggahe sukhumo. Sopi olariko,
sakalarupapariggahe sukhumo. Sopi olariko, arupapariggahe sukhumo. Sopi olariko,
ruparupapariggahe sukhumo. Sopi olariko, paccayapariggahe sukhumo. Sopi olariko,
sappaccayanamarupadassane sukhumo. Sopi olariko, lakkhanarammanikavipassanaya 3- sukhumo.
Sopi dubbalavipassanaya olariko, balavavipassanaya sukhumo. Tattha pubbe vuttanayeneva
purimassa purimassa pacchimena pacchimena patippassaddhi veditabba. Evamettha
olarikasukhumata patippassaddhi ca veditabba. Ayam tavettha kayanupassanavasena
vuttassa pathamacatukkassa anupubbapadavannana.
@Footnote: 1 visuddhi. 2/64, vi.A. 1/505  2 Ma. pariggahitakalepi
@3 tilakkhanarammanika...(ganthipade)
     Yasma panettha idameva catukkam adikammikassa kammatthanavasena vuttam, itarani
pana tini catukkani ettha pattajjhanassa vedanacittadhammanupassanavasena, tasma
imam kammatthanam bhavetva anapanacatukkajjhanapadatthanaya vipassanaya saha
patisambhidahi arahattam papunitukamena adikammikena kulaputtena visuddhimaggena
vuttanayena silaparisodhanadini sabbakiccani katva sattangasamannagatassa acariyassa
santike pancasandhikam kammatthanam uggahetabbam. Tatrime panca sandhayo uggaho
paripuccha upatthanam appana lakkhananti. Tattha uggaho nama kammatthanassa
ugganhanam. Paripuccha nama kammatthanassa paripucchanam 1-. Upatthanam nama
kammatthanassa upatthanam. Appana nama kammatthanassa appana. Lakkhanam nama
kammatthanassa lakkhanam, "evam lakkhanamidam kammatthanan"ti kammatthanasabhavupadharananti
vuttam hoti.
     Evam pancasandhikam kammatthanam ugganhanto attanapi na kilamati, acariyampi
na viheseti 2-. Tasma thokam uddisapetva bahum kalam sajjhayitva evam pancasandhikam
kammatthanam uggahetva acariyassa santike va annattha va attharasa dosayutte
vihare vajjetva pancangasamannagate senasane vasantena upacchinnakhuddakapalibodhena
katabhattakiccena bhattasammadam pativinodetva sukhanisinne ratanattayagunanussaranena
cittam sampahamsetva acariyuggahato ekapadampi aparihapentena idam
anapanassatikammatthanam manasi katabbam. Tatrayam manasikaravidhi:-
             "ganana anubandhana        phusana thapana sallakkhana
             vivattana parisuddhi        tesanca patipassana"ti.
     Tattha gananati gananayeva. Anubandhanati anugamana. Phusanati phutthatthanam.
Thapanati appana. Sallakkhanati vipassana. Vivattanati maggo. Parisuddhiti phalam.
@Footnote: 1 paripucchana (visuddhi. 2/68)  2 Ma. na vihetheti
Tesanca patipassanati paccavekkhana. Tattha imina adikammikena kulaputtena pathamam
gananaya idam kammatthanam manasi katabbam. Ganentena pana pancannam hettha
na thapetabbam, dasannam upari na netabbam, antara khandam na dassetabbam. Pancannam
hettha thapentassa hi sambadhe okase cittuppado vipphandati sambadhe vaje
sanniruddhagogano viya. Dasannam upari nentassa ganananissitova cittuppado hoti.
Antara khandam dassentassa "sikhappattam nu kho me kammatthanam, no"ti cittam
vikampati, tasma ete dose vajjetva ganetabbam.
     Ganentena ca pathamam dandhagananaya dhannamapakagananaya ganetabbam. Dhannamapako
hi nalim puretva "ekan"ti vatva okirati, puna purento kinci kacavaram disva
chaddento "ekam ekan"ti vadati. Eseva nayo "dve dve"tiadisu. Evamevam
iminapi assasapassasesu yo upatthati, tam gahetva "ekam ekan"tiadim katva
yava "dasa dasa"ti pavattamanam pavattamanam upalakkhetvava ganetabbam. Tassa evam
ganayato nikkhamanta ca pavisanta ca assasapassasa pakata honti.
     Athanena tam dandhagananam dhannamapakagananam pahaya sighagananaya gopalakagananaya
ganetabbam. Cheko hi gopalako sakkharadayo ucchangena gahetva
rajjudandahattho patova vajam gantva gavo pitthiyam paharitva palighatthambhamatthake
nisinno dvaram pattam pattamyeva gavam "eko dve"ti sakkharam khipitva khipitva
ganeti. Tiyamarattim sambadhe okase dukkham vutthagogano nikkhamanto annamannam
upanighamsanto 1- vegena vegena punjapunjo hutva nikkhamati. So vegena vegena
"tini cattari panca dasa"ti ganetiyeva, evamassapi purimanayena ganayato
assasapassasa pakata hutva sigham sigham punappunam sancaranti. Tato
@Footnote: 1 Si. upanighamsento
Tena "punappunam sancaranti"ti natva anto ca bahi ca aggahetva dvarappattam
dvarappattamyeva gahetva "eko dve tini cattari panca. Eko dve tini
cattari panca cha, eko dve tini cattari panca cha satta, .pe. Attha
nava dasa"ti sigham sigham ganetabbameva. Gananapatibaddhe hi kammatthane gananabaleneva
cittam ekaggam hoti arittupatthambhanavasena candasote navathapanamiva.
     Tassevam sigham sigham ganayato kammatthanam nirantaram pavattam viya hutva upatthati.
Atha "nirantaram pavattati"ti natva anto ca bahi ca vatam apariggahetva purimanayeneva
vegena vegena ganetabbam. Antopavisanavatena hi saddhim cittam pavesayato abbhantaram
vatabbhahatam medapuritam viya hoti. Bahinikkhamanavatena saddhim cittam niharato bahiddha
puthuttarammane cittam vikkhipati. Phutthaphutthokase pana satim thapetva bhaventasseva
bhavana sampajjati. Tena vuttam  "anto ca bahi ca vatam apariggahetva purimanayeneva
vegena vegena ganetabban"ti.
     Kivaciram panetam ganetabbanti? yava vina gananaya assasapassasarammane
Sati santitthati. Bahivisatavitakkavicchedam katva assasapassasarammane
satisanthapanatthamyeva hi gananati.
     Evam gananaya manasi katva anubandhanaya 1- manasi katabbam. Anubandhana nama
gananam patisamharitva satiya nirantaram assasapassasanam anugamanam. Tanca kho na
adimajjhapariyosananugamanavasena. Adimajjhapariyosanani tassanugamane adinava ca
hettha vuttayeva.
     Tasma anubandhanaya manasikarontena na adimajjhapariyosanavasena manasi
katabbam, apica kho phusanavasena ca thapanavasena ca manasi katabbam.
@Footnote: 1 Si. anubandhanavasena
Ganananubandhanavasena viya hi phusanathapanavasena visum manasikaro natthi,
phutthaphutthatthaneyeva pana ganento gananaya ca phusanaya ca manasi karoti, tattheva
gananam patisamharitva te satiya anubandhanto, appanavasena ca cittam thapento
"anubandhanaya ca phusanaya ca thapanaya ca manasi karoti"ti vuccati. Svayamattho
atthakathasu vuttapanguladovarikopamahi idheva paliyam vuttakakacupamaya ca veditabbo.
     Tatrayam pangulopama:- seyyathapi pangulo dolaya kilatam mataputtanam
dolam khipitva tattheva dolathambhamule nisinno kamena agacchantassa ca gacchantassa
ca dolaphalakassa ubho kotiyo majjhanca passati, na ca ubhokotimajjhanam dassanattham
byavato hoti, evameva  bhikkhu sativasena upanibandhanatthambhamule thatva
assasapassasadolam khipitva tattheva nimitte satiya nisidanto kamena agacchantananca
gacchantananca phutthatthane assasapassasanam adimajjhapariyosanam satiya
anugacchanto tattheva cittam thapetva passati, na ca tesam dassanattham byavato
hoti. Ayam pangulopama.
     Ayam pana dovarikopama:- seyyathapi dovariko nagarassa anto ca bahi
ca purise "ko tvam, kuto va agato, kuhim va gacchasi, kim va te hatthe"ti
na vimamsati. Na hi tassa te bhara, dvarappattam dvarappattamyeva pana vimamsati,
evameva imassa bhikkhuno antopavitthavata ca bahinikkhantavata ca na bhara
honti, dvarappatta dvarappattayeva bharati ayam dovarikopama.
     Kakacupama pana "nimittam assasapassasa"tiadina 1- nayena idha vuttayeva.
Idha panassa agatagatavasena amanasikaramattameva payojananti veditabbam.
@Footnote: 1 khu.pati. 31/155/177
     Idam kammatthanam manasikaroto kassaci nacireneva nimittanca uppajjati,
avasesajjhanangapatimandita appanasankhata thapana ca sampajjati. Kassaci pana
gananavaseneva manasikarakalato pabhuti [1]- yatha saraddhakayassa mance va
pithe va nisidato mancapitham onamati vikujati, paccattharanam valim ganhati,
asaraddhakayassa pana nisidato neva mancapitham onamati na vikujati, na paccattharanam valim
ganhati, tulapicupuritam viya mancapitham hoti. Kasma? yasma asaraddho kayo
lahuko hoti, evamevam gananavasena manasikarakalato pabhuti anukkamato
olarikaassasapassasanirodhavasena kayadarathe vupasanto kayopi cittampi lahukam hoti,
sariram akase langhanakarappattam viya hoti.
     Tassa olarike assasapassase niruddhe sukhumaassasapassasanimittarammanam
cittam pavattati. Tasmimpi niruddhe aparaparam tato sukhumataram sukhumataram
assasapassasanimittarammanam pavattatiyeva. Svayamattho upari vuttakamsathalopamaya
veditabbo.
     Yatha hi annani kammatthanani uparupari vibhutani honti, na tatha idam.
Idam pana uparupari bhaventassa 2- sukhumattam gacchati, upatthanampi na upagacchati.
Evam anupatthahante pana tasmim tena bhikkhuna "acariyam pucchissami"ti va "nattham
dani me kammatthanan"ti va utthayasana na gantabbam. Iriyapatham vikopetva
gacchato hi kammatthanam navanavameva hoti. Tasma yathanisinneneva desato aharitabbam.
     Tatrayam aharanupayo:- tena bhikkhuna kammatthanassa anupatthanabhavam
natva iti patisancikkhittam  "ime assasapassasa nama kattha atthi, kattha
natthi. Kassa va atthi, kassa va natthi"ti. Athevam patisancikkhato 3- "ime
@Footnote: 1 (anukkamato olarikaassasapassasanirodhavasena kayadarathe vupasante kayopi cittampi
@lahukam hoti, sariram akase langhanakarappattam viya hoti.) (visuddhi. 2/74)  2 Si.
@bhaventassa bhaventassa  3 Ma. patisancikkhata
Antomatukucchiyam natthi, udake nimugganam natthi, tatha asannibhutanam matanam
catutthajjhanasamapannanam ruparupabhavasamanginam nirodhasamapannanan"ti natva evam
attanava atta paticodetabbo "nanu tvam pandita neva matukucchigato, na udake
nimuggo, na asannibhuto, na mato, na catutthajjhanasamapanno, na ruparupabhavasamangi,
na nirodhasamapanno. Atthiyeva te assasapassasa, mandapannataya pana pariggahetum
na sakkosi"ti. Athanena pakatiphutthavasena cittam thapetva manasikaro pavattetabbo.
Ime hi dighanasikassa nasaputam ghattenta pavattanti, rassanasikassa uttarottham.
Tasmanena imam nama thanam ghattentiti nimittam thapetabbam. Imameva hi atthavasam
paticca vuttam bhagavata "naham bhikkhave mutthassatissa asampajanassa anapanassatibhavanam
vadami"ti 1-. Kincapi hi yam kinci kammatthanam satassa sampajanasseva
sampajjati, ito annam pana manasikarontassa pakatam hoti. Idampana anapanassati-
kammatthanam garukam garukabhavanam buddhapaccekabuddhabuddhaputtanam mahapurisanamyeva
manasikarabhumibhutam, na ceva ittaram, na ca ittarasattasamasevitam. Yatha yatha
manasi kariyati, tatha tatha santanceva hoti sukhumanca. Tasma ettha balavati sati
ca panna ca icchitabba.
     Yatha hi matthasatakassa tunnakaranakale sucipi sukhuma icchitabba,
sucipasavedhanampi tato sukhumataram, evamevam matthasatakasadisassa imassa kammatthanassa
bhavanakale sucipatibhaga satipi sucipasavedhanapatibhaga tamsampayutta pannapi
balavati icchitabba. Tahi ca pana satipannahi samannagatena bhikkhuna na te
assasapassasa annatra pakatiphutthokasa pariyesitabba.
     Yatha hi kassako khettam kasitva balibadde muncitva gocaramukhe katva
chayaya nisinno vissameyya, athassa te balibadda vegena atavim paviseyyum. Yo
@Footnote: 1 Ma. 14/149/133, sam.maha. 19/992/291
Hoti cheko kassako, so puna te gahetva yojetukamo na tesam anupadam gantva
atavim ahindati, atha kho rasminca patodanca gahetva ujukameva tesam nipatanatittham
gantva nisidati va nipajjati va, atha te gone divasabhagam caritva nipatanatittham
otaritva nhatva ca pivitva ca paccuttaritva thite disva rasmiya bandhitva
patodena vijjhanto anetva yojetva puna kammam karoti, evamevam tena bhikkhuna
na te assasapassasa annatra pakatiphutthokasa pariyositabba. Satirasmim pana
pannapatodanca gahetva pakatiphutthokase cittam thapetva manasikaro pavattetabbo.
Evam hissa manasikaroto nacirasseva te upatthahanti nipatanatitthe viya gona.
Tato tena satirasmiya bandhitva tasmimyeva thane yojetva pannapatodena
vijjhantena punappunam kammatthanam anuyunjitabbam. Tassevamanuyunjato nacirasseva
nimittam upatthati. Tam panetam na sabbesam ekasadisam hoti, apica kho kassaci
sukhasamphassam uppadayamano tulapicu viya kappasapicu viya vatadhara viya ca
upatthatiti ekacce ahu.
     Ayam pana atthakathasu vinicchayo:- idam hi kassaci tarakarupam viya manigulika
viya muttagulika viya ca, kassaci kharasamphassam hutva kappasatthi viya darusarasuci
viya ca, kassaci dighapamangasuttam viya kusumadamam viya dhumasikha viya ca, kassaci
vitthatam makkatakasuttam 1- viya valahakapatalam viya padumapuppham viya rathacakkam viya
candamandalam viya suriyamandalam viya ca upatthati, tanca panetam yatha sambahulesu bhikkhusu
suttantam sajjhayitva nisinnesu ekena bhikkhuna "tumhakam kidisam hutva idam
suttam upatthati"ti vutte eko "mayham mahati pabbateyya nadi viya hutva
upatthati"ti aha. Aparo 2- "mayham eka vanaraji viya "anno "mayham eko sitacchayo
sakhasampanno phalabharabharito rukkho viya"ti. Tesam hi tam ekameva  suttam
@Footnote: 1 i. vittham makkatasuttam  2 i. anno
Sannananataya nanato upatthati. Evam ekameva kammatthanam sannananataya
nanato upatthati. Sannajam hi etam sannanidanam sannapabhavam, tasma
sannananataya nanato upatthatiti veditabbam.
     Evam upatthite pana nimitte tena bhikkhuna acariyassa santikam gantva
arocetabbam "mayham bhante evarupam nama upatthati"ti. Acariyena pana "nimittamidam
avuso, kammatthanam punappunam manasi karohi sappurisa"ti vattabbo. Athanena
nimitteyeva cittam thapetabbam. Evamassayam ito pabhuti thapanavasena bhavana hoti.
Vuttam hetam poranehi:-
             "nimitte thapayam cittam       nanakaram vibhavayam
             dhiro assasapassase      sakam cittam nibandhati"ti 1-.
     Tassevam nimittupatthanato pabhuti nivaranani vikkhambhitaneva honti, kilesa
sannisinnava, cittam upacarasamadhina samahitameva. Athanena tam nimittam neva vannato
manasi katabbam, na lakkhanato paccavekkhitabbam, apica kho khattiyamahesiya cakkavattigabbho
viya kassakena saliyavagabbho viya ca avasadini satta asappayani vajjetva
taneva satta sappayani sevantena sadhukam rakkhitabbam, atha nam evam rakkhitva
punappunam manasikaravasena vuddhim virulhim gamayitva dasavidham appanakosallam
sampadetabbam, viriyasamata yojetabba. Tassevam ghatentassa visuddhimagge
vuttanukkamena tasmim nimitte catukkapancakajjhanani nibbattanti. Evam
nibbattacatukkapancakajjhano panettha bhikkhu sallakkhanavivattanavasena kammatthanam
vaddhetva parisuddhim pattukamo tadeva jhanam pancahakarehi vasippattam pagunam katva
namarupam vavatthapetva vipassanam patthapeti. Katham? so hi samapattito vutthaya
@Footnote: 1 vi.A. 1/532, (visuddhi. 2/79)
Assasapassasanam samudayo karajakayo ca cittancati passati. Yatha hi
kammaragaggariya dhamamanaya bhastanca purisassa ca tajjam vayamam paticca vato sancarati,
evamevam kayanca cittanca paticca assasapassasati. Tato assasapassase ca
kayanca rupanti, cittanca tamsampayutte ca dhamme arupanti vavatthapeti.
     Evam namarupam vavatthapetva tassa paccayam pariyesati, pariyesanto ca tam
disva tisupi addhasu namarupassa pavattim arabbha kankham vitarati, vitinnakankho
kalapasammasanavasena "aniccam dukkhamanatta"ti tilakkhanam aropetva
udayabbayanupassanaya pubbabhage uppanne obhasadayo dasa vipassanupakkilese pahaya
upakkilesavimuttam udayabbayanupassanananam "maggo"ti vavatthapetva udayam pahaya
bhanganupassanam patva nirantaram bhanganupassanena bhayato upatthitesu sabbasankharesu
nibbindanto virajjanto vimuccanto yathakkamena cattaro ariyamagge papunitva
arahattaphale patitthaya ekunavisatibhedassa paccavekkhanananassa pariyantam patto
sadevakassa lokassa aggadakkhineyyo hoti. Ettavata cassa gananam adim
katva vipassanapariyosana anapanassatisamadhibhavana samatta hotiti ayam
sabbakarato pathamacatukkavannana.
     Itaresu pana tisu catukkesu yasma visum kammatthanabhavananayo nama natthi,
tasma anupadavannananayeneva tesam evamattho veditabbo. Pitipatisamvediti pitim
patisamviditam karonto pakatam karonto assasissami passasissamiti sikkhati. Tattha
dvihakarehi piti patisamvidita hoti arammanato ca asammohato ca.
     Katham arammanato piti patisamvidita hoti? sappitike dve jhane samapajjati,
Tassa samapattikkhane jhanapatilabhena arammanato piti patisamvidita hoti
arammanassa patisamviditatta.
     Katham asammohato? sappitike dve jhane samapajjitva vutthaya
jhanasampayuttam pitim khayato vayato sammasati, tassa vipassanakkhane lakkhanapativedhena
asammohato piti patisamvidita hoti. Eteneva nayena avasesapadanipi atthato
veditabbani. Idam panettha visesamattam:- tinnam jhananam vasena sukhapatisamvidita
hoti. Catunnampi jhananam vasena cittasankharapatisamvidita veditabba.
Cittasankharoti vedanasannakkhandha. Passambhayam cittasankharanti olarikam olarikam
cittasankharam passambhento, nirodhentoti attho. So vittharato kayasankhare
vuttanayena veditabbo. Apicettha pitipade pitisilena vedana vutta, sukhapade
sarupeneva vedana. Dvisu cittasankharapadesu "sanna ca vedana ca cetasika
ete dhamma cittapatibaddha cittasankhara"ti 1- vacanato sannasampayutta vedanati
evam vedananupassananayena idam catukkam bhasitanti veditabbam.
     Tatiyacatukkepi catunnam jhananam vasena cittapatisamvidita veditabba. Abhippamodayam
cittanti cittam modento pamodento hasento pahasento assasissami
passasissamiti sikkhati. Tattha dvihakarehi abhippamodo hoti samadhivasena ca
vipassanavasena ca.
     Katham samadhivasena? sappitike dve jhane samapajjati, so samapattikkhane
Sampayuttaya pitiya cittam amodeti pamodeti. Katham vipassanavasena? sappitike
Dve jhane samapajjitva vutthaya jhanasampayuttam pitim khayato vayato sammasati.
Evam vipassanakkhane jhanasampayuttam pitim arammanam katva cittam amodeti pamodeti.
Evam patipanno "abhippamodayam cittam assasissami passasissamiti sikkhati"ti
vuccati.
     Samadaham cittanti pathamajjhanadivasena arammane cittam samam adahanto
samam thapento, tani va pana jhanani samapajjitva vutthaya jhanasampayuttam
@Footnote: 1 Ma.mu. 12/463/413, khu.pati. 31/175/203
Cittam khayato vayato sammasato vipassanakkhane lakkhanapativedhena uppajjati
khanikacittekaggata, evam uppannaya khanikacittekaggataya vasenapi arammane cittam
samam adahanto samam thapento "samadaham cittam assasissami passasissamiti
sikkhati"ti vuccati.
     Vimocayam cittanti pathamajjhanena nivaranehi cittam mocento vimocento,
dutiyena vitakkavicarehi, tatiyena pitiya, catutthena sukhadukkhehi cittam mocento
vimocento, tani va pana jhanani samapajjitva vutthaya jhanasampayuttam
cittam khayato vayato sammasati. So vipassanakkhane aniccanupassanaya niccasannato
cittam mocento vimocento, dukkhanupassanaya sukhasannato, anattanupassanaya
attasannato, nibbidanupassanaya nandito, viraganupassanaya ragato,
nirodhanupassanaya samudayato, patinissagganupassanaya adanato cittam mocento
vimocento assasati ceva passasati ca. Tena vuccati "vimocayam cittam assasissami
passasissamiti sikkhati"ti. Evam cittanupassanavasena idam catukkam bhasitanti
veditabbam.
     Catutthacatukke pana aniccanupassiti ettha tava aniccam veditabbam,
aniccata veditabba, aniccanupassana veditabba, aniccanupassi veditabbo. Tattha
aniccanti pancakkhandha. Kasma? uppadavayannathattabhava. Aniccatati tesamyeva
uppadayannathattam, hutva abhavo va, nibbattanam tenevakarena atthatva
khanabhangena bhedoti attho. Aniccanupassanati tassa aniccataya vasena rupadisu
"aniccan"ti anupassana. Aniccanupassiti taya anupassanaya samannagato. Tasma
evam bhuto assasanto ca passasanto ca idha "aniccanupassi assasissamiti
sikkhati"ti veditabbo.
     Viraganupassiti ettha pana dve viraga khayavirago ca accantavirago
ca. Tattha khayaviragoti sankharanam khanabhango. Accantaviragoti nibbanam.
Viraganupassanati tadubhayadassanavasena pavatta vipassana ca maggo ca. Taya
duvidhayapi anupassanaya samannagato hutva assasanto ca passasanto ca
"viraganupassi assasissami passasissamiti sikkhati"ti veditabbo.
Nirodhanupassipadepi eseva nayo.
     Patinissagganupassiti etthapi dve patinissagga pariccagapatinissaggo ca
pakkhandanapatinissaggo ca, patinissaggoyeva anupassana patinissagganupassana,
vipassanamagganametam adhivacanam. Vipassana hi tadangavasena saddhim khandhabhisankharehi
kilese pariccajati, sankhatadosadassanena ca tabbiparite nibbane tanninnataya
pakkhandatiti pariccagapatinissaggo ceva pakkhandanapatinissaggo cati vuccati. Maggo
samucchedavasena saddhim khandhabhisankharehi kilese pariccajati. Arammanakaranena ca
nibbane pakkhandatiti pariccagapatinissaggo ceva pakkhandanapatinissaggo cati
vuccati. Ubhayampi pana purimapurimanananam anuanu passanato anupassanati vuccati. Taya
duvidhayapi patinissagganupassanaya samannagato hutva assasanto passasanto ca
"patinissagganupassi assasissami passasissamiti sikkhati"ti veditabbo.
     Ettha ca "aniccanupassi"ti tarunavipassanaya vasena vuttam, "viraganupassi"ti
tato balavataraya sankharesu virajjanasamatthaya vipassanaya vasena, "nirodhanupasasi"ti
tato balavataraya kilesanirodhanasamatthaya vipassanaya vasena, "patinissagganupassi"ti
maggassa asannabhutaya atitikkhaya 1- vipassanaya vasena vuttanti veditabbam. Yattha
pana maggopi labbhati, so abhinnoyeva. Evamidam catukkam suddhavipassanavasena vuttam,
purimani pana tini samathavipassanavasenati.
                   Anapanassatimatikavannana nitthita.
@Footnote: 1 i. titikkhaya
     [164] Idani yathanikkhittam matikam patipatiya bhajetva dassetum idhati
imissa ditthiyatiadi araddham. Tattha imissa ditthiyatiadihi dasahi padehi
sikkhattayasankhatam sabbannubuddhasasanameva kathitam. Tam hi buddhena bhagavata ditthatta
ditthiti vuccati, tasseva 1- khamanavasena khanti. Ruccanavasena ruci, gahanavasena
adayo, sabhavatthena dhammo, sikkhitabbatthena vinayo, tadubhayenapi dhammavinayo,
pavuttavasena pavacanam, setthacariyatthena brahmacariyam, anusitthidanavasena
satthusasananti vuccati. Tasma "imissa ditthiya"tiadisu imissa
buddhaditthiya imissa buddhakhantiya imissa buddharuciya imasmim buddhaadaye
imasmim buddhadhamme imasmim buddhavinaye imasmim buddhadhammavinaye imasmim
buddhapavacane imasmim buddhabrahmacariye imasmim buddhasatthusasaneti attho
veditabbo. Apicetam 2- sikkhattayasankhatam sakalapavacanam bhagavata ditthatta
sammaditthipaccayatta sammaditthipubbangamatta ca ditthi. Bhagavato khamanavasena
khanti. Ruccanavasena ruci. Gahanavasena adayo. Attano karakam apaye
apatamanam dharetiti dhammo. Sova 3- sankilesapakkham vinetiti vinayo. Dhammo
ca so vinayo cati dhammavinayo, kusaladhammehi va akusaladhammanam esa vinayoti
dhammavinayo. Teneva vuttam "ye ca kho tvam gotami dhamme janeyyasi ime dhamma
viragaya samvattanti, no saragaya .pe. Ekamsena gotami dhareyyasi eso dhammo
eso vinayo etam satthusasanan"ti. 4-  Dhammena va vinayo, na dandadihiti dhammavinayo.
Vuttampi cetam:-
             "dandeneke damayanti      ankusehi kasahi ca
             adandena asatthena        nago danto mahesina"ti 5-.
@Footnote: 1 Si. tanneva  2 Si. apicettha  3 Si. tasseva
@4 an.atthaka. 23/53/233, vi.cula. 7/406/239  5 Ma.Ma. 13/352/337, vi.cula.
@7/342/134
Tatha "dhammena nayamananam, ka usuya vijanatan"ti 1-. Dhammaya va vinayo dhammavinayo.
Anavajjadhammattham hesa vinayo, na bhavabhogamisattham tenaha bhagava "nayidam bhikkhave
brahmacariyam vussati janakuhanatthan"ti 2- vittharo. Punnattheropi aha "anupada-
parinibbanattham kho avuso bhagavati brahmacariyam vussati"ti 3-. Visuddham va nayatiti
vinayo, dhammato vinayo dhammavinayo. Samsaradhammato hi sokadidhammato va esa
visuddham nibbanam nayati, dhammassa va vinayo, na titthakarananti dhammavinayo. Dhammabhuto
hi bhagava, tasseva esa vinayo. Yasma va dhamma eva abhinneyya parinneyya
pahatabba bhavetabba sacchikatabba ca, tasma esa dhammesu vinayo, na sattesu
na jivesu cati dhammavinayo. Satthasabyanjanatadihi annesam vacanato padhanam
vacananti pavacanam, pavacanameva pavacanam. Sabbacariyahi visitthacariyabhavena brahmacariyam.
Devamanussanam satthubhutassa bhagavato sasananti satthusasanam, satthubhutam va sasanantipi
satthusasanam. "yo vo ananda maya dhammo ca vinayo ca desito pannatto,
so vo mamaccayena sattha"ti 4- hi dhammavinayova satthati vutto. Evametesam padanam
attho veditabbo. Yasma pana imasmimyeva sasane sabbakaraanapanassatisamadhi-
nibbattako bhikkhu vijjati, na annatra, tasma tattha tattha "imissa"ti ca
"imasmin"ti ca ayam niyamo katoti veditabbo. Ayam "idha"timatikaya niddesassa
attho.
     Puthujjanakalyanako vatiadina ca bhikkhusaddassa vacanattham avatva
idhadhippetabhikkhuyeva dassito. Tattha puthujjano ca so kilesanam asamucchinnatta,
kalyano ca siladipatipattiyuttattati puthujjanakalyano, puthujjanakalyano eva 5-
puthujjanakalyanako. Adhisiladini sikkhatiti sekkho. Sotapanno va sakadagami
@Footnote: 1 vi.maha. 4/63/56  2 an.catukka. 21/25/30, khu.iti. 25/35/245
@3 Ma.mu. 12/259/221  4 di.maha. 10/216/135  5 cha.Ma. va
Va anagami va. Akuppo calayitumasakkuneyyo arahattaphaladhammo  assati
akuppadhammo. Sopi hi imam samadhim bhaveti.
     Arannaniddese vinayapariyayena tava "thapetva gamanca gamupacaranca avasesam
arannan"ti 1- agatam. Suttantapariyayena arannakam bhikkhum sandhaya "arannakam nama
senasanam pancadhanusatikam pacchiman"ti 2- agatam. Vinayasuttanta pana ubhopi pariyayadesana
nama, abhidhammo nippariyayadesanati abhidhammapariyayena 3- arannam dassetum nikkhamitva
bahi indakhilati vuttam, indakhilato bahi nikkhamitvati attho. Nikkhamitva bahi
indakhilantipi patho, indakhilam atikkamitva bahiti vuttam hoti. Indakhiloti
cettha gamassa va nagarassa va ummaro.
     Rukkhamulaniddese rukkhamulassa pakatatta tam avatva yatthatiadimaha. Tattha
yatthati yasmim rukkhamule. Asanti nisidanti etthati asanam. Pannattanti thapitam.
Manco vatiadini asanassa pabhedavacanani. Mancopi hi nisajjayapi okasatta
idha asanesu vutto. So pana masarakabundikabaddhakulirapadakaahaccapadakanam
annataro. Pitham tesam annatarameva. Bhisiti unnabhisicolabhisivakabhisitinabhisipannabhisinam
annataRa. Tattikati talapannadihi cinitva kata. Cammakhandoti
nisajjaraho yo koci cammakhando. Tinasantharadayo tinadini gumbetva kata. Tatthati
tasmim rukkhamule. Cankamati vatiadihi rukkhamulassa catuiriyapathapavattanayogyata
kathita. "yattha"tiadihi sabbapadehi rukkhamulassa sandacchayata janavivittata 4-
ca vutta hoti. Kenaciti kenaci samuhena. Tam samuham bhinditva vittharento
gahatthehi va pabbajitehi vati aha. Anakinnanti asankinnam asambadham.
Yassa senasanassa samanta gavutampi addhayojanampi pabbatagahanam vanagahanam nadigahanam
@Footnote: 1 vi.mahavi. 1/92/61 2 vi.mahavi. 2/573/376 3 abhi.vi. 35/535/303 4 Ma.
@vivittatata
Hoti, na koci avelaya upasankamitum sakkoti, idam santikepi anakinnam nama.
Yam pana addhayojanikam va yojanikam va hoti. Idam durataya eva anakinnam
nama.
     Viharoti addhayogadimuttako avasesavaso. Addhayogoti supannavankageham.
Pasadoti dve kannika gahetva kato dighapasado. Hammiyanti upariakasatale
patitthitakutagarapasadoyeva. Guhati itthakaguha silaguha daruguha pamsuguhati
evam hi khandhakatthakayam 1- vuttam. Vibhangatthakathayam 2- pana viharoti samanta pariharapatham
antoyeva rattitthanadivatthanani ca dassetva katasenasanam. Guhati bhumiguha,
yattha rattindivam dipam laddhum vattati. Pabbataguha va bhumiguha vati idam dvayam
visesetva vuttam. Matikaya sabbakalasadharanalakkhanavasena "nisidati"ti vattamanavacanam
katam, idha pana nisinnassa bhavanarambhasabbhavato nisajjarambhapariyosanadassanattham
nisinnoti nitthanavacanam katam. Yasma pana ujum kayam panidhaya nisinnassa kayo
ujuko hoti. Tasma byanjane adaram akatva adhippetameva dassento
ujukotiadimaha. Tattha thito supanihitoti ujukam panihitatta 3- ujuko hutva
thito, na sayamevati attho. Pariggahatthoti pariggahitattho. Kim pariggahitam? niyyanam.
Kim niyyanam? anapanassatisamadhiyeva yava arahattamagga niyyanam. Tenaha
niyyanatthoti. Mukhasaddassa jetthakatthavasena samsarato niyyanattho vutto.
Upatthanatthoti sabhavatthoyeva. Sabbehi panetehi padehi pariggahitaniyyanam satim
katvati attho vutto hoti. Keci pana "pariggahatthoti satiya pariggahattho,
niyyanatthoti assasapassasanam pavisananikkhamanadvarattho"ti vannayanti.
Pariggahitaassasapassasaniyyanam satim upatthapetvati vuttam hoti.
@Footnote: 1 vi.A. 3/353 (sya)  2 abhi.A. 2/392  3 Si. panihitatta thapitatta
     [165] Battimsaya akarehiti tasu tasu avatthasu yathakkamena
labbhamananam anavasesapariyadanavasena vuttam. Digham assasavasenati matikaya
"dighan"ti vuttaassasavasena. Evam sesesu. Ekaggatanti ekaggabhavam. Avikkhepanti
avikkhipanam. Ekaggata eva hi nanarammanesu cittassa avikkhipanato avikkhepoti
vuccati. Pajanatoti asammohavasena pajanantassa, vindantassati va attho
"avikkhepo me patiladdho"ti arammanakaranavasena pajanantassa va. Taya
satiyati taya upatthitaya satiya. Tena nanenati tena avikkhepajananananena.
Satokari hotiti ettha yasma nanasampayutta eva sati satiti adhippeta,
yathaha "satima hoti paramena satinepakkena samannagato"ti 1-. Tasma "sato"ti
vacaneneva nanampi gahitameva hoti.
     [166] Addhanasankhateti dighasankhate kale. Digho hi maggo addhanoti
vuccati. Ayampi kalo dighatta addhano viya addhanoti vutto. "assasati"ti
ca "passasati"ti ca assasanca passasanca visum visum vatvapi bhavanaya
nirantarappavattidassanattham "assasatipi passasatipi"ti puna samasetva vuttam. Chando
uppajjatiti bhavanabhivuddhiya bhiyyobhavaya chando jayati. Sukhumataranti
passambhanasabbhavato vuttam. Pamojjam uppajjatiti bhavanaparipuriya piti jayati.
Assasapassasapi cittam vivattatiti assasapassase nissaya patibhaganimitte
uppajjante pakatiassasapassasato cittam nivattati. Upekkha santhatiti tasmim
patibhaganimitte upacarappanasamadhipattiya puna samadhane byaparabhavato
tatramajjhattupekkha santhati nama. Navahakarehiti ettha bhavanarambhato pabhuti
pure chanduppada "assasatipi passasatipi"ti vutta tayo akara, chanduppadato
pabhuti pure pamojjuppada tayo, pamojjuppadato pabhuti tayoti nava akaRa.
@Footnote: 1 abhi.vi. 35/274
Kayoti cunnavicunnapi assasapassasa samuhatthena kayo. Pakatiassasapakatipassase
nissaya uppannanimittampi assasapassasati namam labhati. Upatthanam
satiti tam arammana upecca titthatiti sati upatthanam nama. Anupassana
nananti samathavasena nimittakayanupassana, vipassanavasena namakayarupakayanupassana
nananti attho. Kayo upatthananti so kayo upecca titthati
ettha satiti upatthanam nama. No satiti so kayo sati nama na hotiti attho.
Taya satiyati idani vuttaya satiya. Tena nanenati idaneva vuttena
nanena. Tam kayam anupassatiti samathavipassanavasena yathavuttam kayam anugantva
jhanasampayuttananena va vipassanananena va passati.
     Matikaya kayadinam padanam abhavepi imassa catukkassa kayanupassanavasena
vuttatta idani vattabbam "kaye kayanupassanasatipatthanabhavana"ti vacanam sandhaya
kayapadaniddeso kato. Kaye kayanupassanati bahuvidhe kaye tassa tassa kayassa
anupassana. Atha va kaye kayanupassana, na annadhammanupassanati vuttam
hoti. Aniccadukkhanattasubhabhute kaye na niccasukhattasubhanupassana, atha kho
aniccadukkhanattasubhato kayasseva anupassana. Atha va kaye ahanti va mamanti
va itthiti va purisoti va gahetabbassa kassaci ananupassanato tasseva kayamattassa
anupassanati vuttam hoti. Upari vedanasu vedananupassanatiadisu tisupi eseva
nayo. Satiyeva upatthanam satipatthanam, kayanupassanaya sampayuttam satipatthanam
kayanupassanasatipatthanam, tassa bhavana kayanupassanasatipatthanabhavana.
     [167] Tam kayanti anidditthepi namarupakaye kayasaddena tassapi
sangahitatta niddittham viya katva vuttam. Aniccanupassanadayo hi namarupakaye
eva labbhati, na nimittakaye. Anupassana ca bhavana ca vuttatta eva.
Digham assasapassasavasenatiadi anapanassatibhavanaya anisamsam dassetum vuttam.
Tassa hi sativepullatananavepullata ca anisamso. Tattha cittassa ekaggatam avikkhepam
pajanatoti patiladdhajjhanassa vipassanakale cittekaggatam sandhaya vuttam. Vidita
vedanati samannato udayadassanena vidita vedana. Vidita upatthahantiti khayato
vayato sunnato vidita upatthahanti. Vidita abbhattham gacchantiti samannato
vayadassanena vidita vinasam gacchanti, bhijjantiti attho. Sannavitakkesupi eseva
nayo. Imesu pana tisu vuttesu sesa rupadhammapi vutta honti. Kasma pana
ime tayo eva vuttati ce? duppariggahatta. Vedanasu tava sukhadukkha pakata,
upekkha pana sukhuma duppariggaha, na sutthu pakata. Sapi cassa pakata
hoti, sanna akaramattaggahakatta na yathasabhavaggahini. Sa ca
sabhavasamannalakkhanaggahakena vipassanananena sampayutta ativiya apakata. Sapi
cassa pakata hoti, vitakko nanapatirupakatta nanato visum katva duppariggaho.
Nanapatirupako hi vitakko. Yathaha:- "ya cavuso visakha sammaditthi yo ca
sammasankappo, ime dhamma pannakkhandhe sangahita"ti 1-. Sopi cassa pakato
hotiti evam duppariggahesu vuttesu sesa vuttava hontiti. Imesam pana padanam
niddese katham vidita vedana uppajjantiti pucchitva tam avissajjetvava
vedanuppadassa viditatteyeva vissajjite vedanaya viditattam vissajjitam hotiti katham
vedanaya uppado vidito hotitiadimaha. Sesesupi eseva nayo. Avijjasamudaya
avijjanirodhatiadayo hettha vuttattha eva. Iminava nayena sannavitakkapi
veditabba. Vitakkavare pana "phassasamudaya phassanirodha"ti avatva phassatthane
sannasamudaya sannanirodhati vuttam. Tam kasma iti ce? sannamulakatta
vitakkassa. "sannananattam paticca uppajjati sankappananattan"ti 2- hi vuttam.
@Footnote: 1 Ma.mu. 12/462/412  2 di.pa. 11/359/274
     Aniccato manasikarototiadisu ca "vedanam aniccato manasikaroto"tiadina
nayena tasmim tasmim vare so soyeva dhammo yojetabbo. Yasma pana
vipassanasampayutta vedana vipassanakiccakarane asamatthatta vipassanaya anupakarika,
tasmayeva ca bodhipakkhiyadhammesu nagata. Vipassanasampayuttaya pana sannaya
kiccameva aparibyattam, tasma sa vipassanaya ekantamanupakarika eva. Vitakkam
pana vina vipassanakiccameva natthi. Vitakkasahaya hi vipassana sakakiccam
karoti. Yathaha:-
              "panna attano dhammataya aniccam dukkhamanattati arammanam
         nicchetum na sakkoti, vitakke pana akotetva akotetva dente
         sakkoti. Katham? yatha hi heranniko kahapanam hatthe thapetva sabba-
         bhagesu oloketukamo samanopi na cakkhutaleneva 1- parivattetum sakkoti,
         angulipabbehi pana parivattetva parivattetva ito cito ca oloketum
         sakkoti, evameva na panna attano dhammataya aniccadivasena
         arammanam nicchetum sakkoti, abhiniropanalakkhanena pana ahanana-
         pariyahananarasena vitakkena akotentena viya parivattentena viya ca
         adayadaya 2- dinnameva nicchetum sakkoti"ti 3-
tasma vedanasannanam vipassanaya anupakaratta lakkhanamattavaseneva dassetum
"vedanaya sannaya"ti tattha tattha ekavacanena niddeso kato. Yattako pana
vipassanaya bhedo, tattako eva vitakkassati dassetum "vitakkanan"ti tattha tattha
bahuvacanena niddeso katoti vattum yujjati.
     [168] Puna digham assasapassasavasenatiadi anapanassatibhavanaya
sampattim bhavanaphalanca dassetum vuttam. Tattha samodhanetiti arammanam thapeti,
@Footnote: 1 Ma. cakkhudaleneva  2 Ma. adaya  3 visuddhi. 3/104 (sya)
Arammanam patitthapetiti va attho. Samodahanabyaparabhavepi bhavanaparipuriya
eva samodahati nama. Gocaranti vipassanakkhane sankhararammanam maggakkhane ca
phalakkhane ca nibbanarammanam. Samatthanti samameva attho, samassa va atthoti
samattho. Tam samattham. Sesesupi eseva nayo. Maggam samodhanetiti
maggaphalakkhaneyeva gocaram nibbanameva. Ayam puggaloti anapanassatibhavanam anuyutto
yogavacarova. Imasmim arammaneti ettha pana "kaye"ti padena sangahite
namarupakayasankhate sankhatarammane teneva kamena magge nibbanarammane ca. Yam
tassatiadihi arammanagocarasaddanam ekatthata vutta. Tassati tassa
puggalassa. Pajanatiti puggalo pajanana pannati puggalo pannaya
pajanatiti vuttam hoti. Arammanassa upatthananti vipassanakkhane
sankhararammanassa, maggaphalakkhane nibbanarammanassa upatthanam sati. Ettha ca kammatthe
samivacanam yatha ranno upatthananti. Avikkhepoti samadhi. Adhitthananti
yathavuttasankhararammanam nibbanarammananca. Tam hi adhitthati ettha cittanti
adhitthanam. Vodananti nanam. Tam hi vodayati visujjhati tena cittanti vodanam.
Linapakkhiko samadhi alinabhavappattiya samabhutatta samam, uddhaccapakkhikam nanam
anuddhatabhavappattiya samabhutatta samam. Tena vipassanamaggaphalakkhanesu samathavipassananam
yuganaddhata vutta hoti. Sati pana sabbatthikatta tadubhayasamataya upakarikati samam,
arammanam samatadhitthanatta 1- samam. Anavajjatthoti vipassanaya anavajjasabhavo.
Niklesatthoti maggassa nikkilesasabhavo. Nikkilesetthoti va patho. Vodanatthoti
phalassa parisuddhasabhavo. Paramatthoti nibbanassa sabbadhammuttamasabhavo. Pativijjhatiti tam
tam sabhavam asammohato pativijjhati. Ettha ca "arammanassa upatthanan"tiadihi samma
pativedho 2- vutto. Ettheva ca vodanatthapativedhassa vuttatta tena ekalakkhana
anavajjatthanikkilesatthaparamattha lakkhanaharavasena vuttayeva honti. Yathaha:-
@Footnote: 1 Si. samathadhitthanatta  2 Si. samapativedho
              "vuttamhi ekadhamme   ye dhamma ekalakkhana keci
              vutta bhavanti sabbe   so haro lakkhano nama"ti 1-
     anavajjattho nikkilesattho cettha avikkhepasankhatassa samassa attho payojananti
samattho, vodanattho vipassanamaggavodanam sandhaya samameva atthoti samattho,
phalavodanam sandhaya maggavodanasankhatassa samassa atthoti samattho, paramattho
pana samameva atthoti va nibbanapayojanatta sabbassa samassa atthoti va
samattho, tam vuttappakaram samanca samatthanca ekadesasarupekasesam katva samatthanca
pativijjhatiti vuttam. Indriyabalabojjhangadhamma vipassanamaggaphalakkhanepi labbhanti,
maggo ca tisso ca visuddhiyo maggaphalakkhaneyeva, vimokkho ca vijja ca khaye
nananca maggakkhaneyeva, vimutti ca anuppade nananca phalakkhaneyeva, sesa
vipassanakkhanepiti. Dhammavare ime dhamme imasmim arammane samodhanetiti
nibbanam thapetva sesa yathayogam veditabba. Idam pana yebhuyyavasena 2- vuttam.
Avuttattha panettha hettha vutta eva. Ekekacatukkavasenettha niyyane dassitepi
catukkantogadhassa ekekassapi bhagassa niyyanassa upanissayatta ekekabhagavasena
niyyanam dassitam. Na hi ekekam vina niyyanam hotiti.
                 Digham assasapassasaniddesavannana nitthita.
     [169] Rassaniddese ittarasankhateti parittasankhate kale. Sesamettha
vuttanayena veditabbam.
     [170] Sabbakayapatisamvediniddese arupadhammesu vedanaya olarikatta
sukhaggahanattham pathamam itthanittharammanasamvedika vedana vutta, tato yam vedeti, tam
sanjanatiti evam vedanavisayassa akaraggahika sanna, tato sannavasena
@Footnote: 1 nettiatthakathaya niddesavaravannanaya harasankhepe dissati  2 i. yebhuyyena vasena
Abhisankharika cetana, tato "phuttho vedeti, phuttho sanjanati, phuttho
ceteti"ti 1- vacanato phasso, tato sabbesam sadharanalakkhano manasikaro, cetanadihi
sankharakkhandho vutto. Evam tisu khandhesu vuttesu tamnissayo vinnanakkhandho
vuttova hoti. Namancati vuttappakaram namanca. Namakayo cati idam pana namena
nibbanassapi sangahitatta lokuttarananca avipassanupagatta tam apanetum vuttam.
"kayo"ti hi vacanena nibbanam apanitam hoti nibbanassa rasivinimuttatta. Ye
ca vuccanti cittasankharati "sanna ca vedana ca cetasika ete dhamma
cittapatibaddha cittasankhara"ti 2- evam vuccamanapi cittasankhara idha namakayeneva
sangahitati vuttam hoti. Mahabhutati mahantapatubhavato mahabhutasamannato
mahaparivarato mahavikarato mahantabhutatta cati mahabhuta te pana pathavi apo
tejo vayoti cattaro. Catunnanca mahabhutanam upadayarupanti upayogatthe
samivacanam, cattaro  mahabhute upadaya nissaya amuncitva pavattarupanti attho.
Tam pana cakkhu sotam ghanam jivha kayo rupam saddo gandho raso itthindriyam
purisindriyam jivitindriyam hadayavatthu oja kayavinnatti vacivinnatti
akasadhatu rupassa lahuta muduta kammannata upacayo santati jarata aniccatati
catuvisatividham. Assaso ca passaso cati pakatikoyeva. Assasapassase nissaya
uppannam patibhaganimittampi tadeva namam labhati pathavikasinadini viya. Rupasarikkhakatta
rupanti ca namam labhati "bahiddha rupani passati"tiadisu 3- viya. Nimittanca
upanibandhanati satiupanibandhanaya nimittabhutam assasapassasanam phusanatthanam. Ye ca
vuccanti kayasankharati "assasapassasa kayika ete dhamma kayapatibaddha
kayasankhara"ti 4- evam vuccamanapi kayasankhara idha rupakayeneva sangahitati
vuttam hoti.
@Footnote: 1 sam.sala. 18/93/64  2 Ma.mu. 12/463/413, khu.pati. 31/174/202
@3 abhi.san. 34/204/64, di.pa. 11/338/229  4 Ma.mu. 12/463/413, khu.pati.
@31/171/197
     Te kaya patividita hontiti jhanakkhane assasapassasanimittakaya
vipassanakkhane avasesaruparupakaya arammanato patividita honti, maggakkhane
asammohato patividita honti. Assasapassasavasena patiladdhajjhanassa yogissa
uppannavipassanamaggepi sandhaya digham assasapassasavasenatiadi vuttam.
     Avajjato pajanatotiadini silakathayam vuttatthani. Te vuttappakare kaye
antokaritva "sabbakayapatisamvedi"ti vuttam.
     Sabbakayapatisamvedi assasapassasanam samvaratthenatiadisu "sabbakayapatisamvedi"ti
vuttaassasapassasato uppannajjhanavipassanamaggesu 1- samvaroyeva samvaratthena
silavisuddhi. Avikkhepoyeva avikkhepatthena cittavisuddhi. Pannayeva dassanatthena
ditthivisuddhi. Jhanavipassanasu viratiabhavepi papabhavamattameva samvaro namati
veditabbam.
     [171] Passambhayantiadinam niddese kayikati rupakaye bhava.
Kayapatibaddhati kayam patibaddha kayam nissita, kaye sati honti. Asati na
honti, tasmayeva te kayena sankhariyantiti kayasankhaRa. Passambhentoti
nibbapento sannisidapento. Passambhanavacaneneva olarikanam passambhanam siddham.
Nirodhentoti olarikanam anuppadanena nirodhento. Vupasamentoti olarikeyeva
ekasantatiparinamanayena santabhavam nayanto. Sikkhatiti adhikaravasena assasissamiti
sikkhatiti sambandho, tisso sikkha sikkhatiti va attho.
     Idani olarikapassambhanam dassetum yatharupehitiadimaha. Tattha
yatharupehiti yadisehi. Anamanati pacchato namana. Vinamanati ubhayapassato namana.
Sannamanati sabbatopi namantassa sutthu namana. Panamanati purato namana.
@Footnote: 1 i. uppajjanajhanavipassanamaggesu
Injanati kampana. Phandanati isakam calana. Pakampanati bhusam kampana.
Yatharupehi kayasankharehi kayassa anamana .pe. Pakampana, tatharupam kayasankharam
passambhayanti ca, ya kayassa anamana .pe. Pakampana, tanca passambhayanti
ca, sambandho katabbo. Kayasankharesu hi passambhitesu kayassa anamanadayo
ca passambhitayeva hontiti. Yatharupehi kayasankharehi kayassa na anamanadika
hoti, tatharupam santam sukhumampi kayasankharam passambhayanti ca, ya kayassa
na anamanadika, tanca 1- santam sukhumam passambhayanti ca sambandhato veditabbam.
Santam sukhumanti ca bhavanapumsakavacanametam. Iti kirati ettha iti evamatthe,
kira yadiatthe. Yadi evam sukhumakepi assasapassase passambhayam assasissami
passasissamiti sikkhatiti codakena codana araddha hoti. Atha va kirati
codakavacanatta asaddahanatthe asahanatthe parokkhatthe 2- ca yujjatiyeva, evam sukhumanampi
passambhanam sikkhatiti na saddahami na sahami apaccakkham meti vuttam hoti.
     Evam santeti evam sukhumanam passambhane sante. Vatupaladdhiya ca pabhavana
na hotiti assasapassasavatassa upaladdhiya. Upaladdhiti vinnanam.
Assasapassasavatam upalabbhamanassa tadarammanassa bhavanavinnanassa pabhavana
uppadana na hoti, tassa arammanassa bhavana na hotiti attho.
Assasapassasananca pabhavana na hotiti bhavanaya sukhumakanampi
assasapassasanam nirodhanato tesanca uppadana pavattana na hotiti attho.
Anapanassatiya ca pabhavana na hotiti assasapassasabhavatoyeva
tadarammanaya bhavanavinnanasampayutta satiya ca pavattana na hoti. Tasmayeva
tamsampayuttassa anapanassatisamadhissa ca bhavana na hoti. Na ca nam
tanti ettha ca nanti nipatamattam "bhikkhu ca nan"tiadisu 3- viya. Tam vuttavidhim 4-
@Footnote: 1 Si. tatharupam  2 Si. asaddahanatthe parokkhatthe  3 vi.mahavi. 1/273/196  4 i.
@vuttavidham
Samapattim pandita na samapajjantipi tato na vutthahantipiti sambandho.
Codanapakkhassa pariharavacane iti kirati evameva. Ettha evakaratthe kirasaddo
datthabbo. Evam santeti evam passambhane sante eva.
     Yatha katham viyati yatha tam vuttavidhanam hoti, tatha tam katham viyati upamam
pucchati. Idanipi seyyathapiti tam upamam dasseti. Kamseti kamsamayabhajane. Nimittanti
tesam saddanam akaram. "nimittan"ti ca samiatthe upayogavacanam, nimittassati
attho. Saddanimittanca saddato anannam. Suggahitattati sutthu uggahitatta.
Sugahitattatipi patho, sutthu gahitattati attho. Sumanasikatattati sutthu
avajjitatta. Supadharitattati sutthu citte thapitatta.
Sukhumasaddanimittarammanattapiti 1- tada sukhumanampi saddanam niruddhatta
anuggahitasaddanimittassa anarammanampi sukhumataram saddanimittam arammanam
katva sukhumataram saddanimittarammanampi cittam pavattati,
sukhumatarasaddanimittarammanabhavatopiti va attho. Iminava nayena
appanayampi attho veditabbo.
     Passambhayantiadisu "passambhayam kayasankharan"ti vutta assasapassasa
kayoti va "passambhayam kayasankharan"ti ettha assasapassasa kayoti va
yojana veditabba. Bhavanavisuddhiya kayasankhare passambhamanepi olarikam
kayasankharam passambhemiti yogino abhoge sati tenadarena ativiya passambhati.
Anupatthahantampi sukhumam suanayam hoti.
     Attha anupassananananiti "digham rassam sabbakayapatisamvedi passambhayam
kayasankharan"ti vuttesu catusu vatthusu assasavasena catasso, passasavasena catassoti
attha anupassanananani. Attha ca upatthananussatiyoti "digham assasavasena cittassa
ekaggatam avikkhepam pajanato sati upatthita hoti"tiadina 2- nayena vuttesu catusu
@Footnote: 1 cha.Ma. sukhumasaddanimittarammanatapiti  2 khu.pati. 31/170/195
Vatthusu assasavasena catasso passasavasena catassoti attha ca upatthananussatiyo.
Attha upatthananussatiyotipi patho cattari suttantikavatthuniti bhagavata
anapanassatisuttante 1- vuttatta pathamacatukkavasena cattari suttantikavatthuniti.
                    Pathamacatukkaniddesavannana nitthita.
     [172] Dutiyacatukkassa pitipatisamvediniddese uppajjati piti pamojjanti
ettha pititi mulapadam. Pamojjanti tassa atthapadam, pamuditabhavoti attho. Ya
piti pamojjantiadisu ya "piti"ti ca "pamojjan"ti ca evamadini namani
labhati, sa pititi vuttam hoti. Tattha pititi sabhavapadam. Pamuditassa bhavo 2-
pamojjam. Amodanakaro amodana. Pamodanakaro pamodana. Yatha va
bhesajjanam va telanam va unhodakasitodanam va ekatokaranam modanati vuccati.
Evamayampi dhammanam ekatokaranena modana, upasaggavasena pana padam mandetva 3-
amodana pamodanati vuttam. Hasetiti haso, pahasetiti pahaso,
hatthapahatthakaranametam adhivacanam. Vittiti vittam, dhanassetam namam. Ayam pana
somanassapaccayatta vittisarikkhataya vitti. Yatha hi dhanino dhanam paticca somanassam
uppajjati, evam pitimatopi pitim paticca somanassam uppajjati. Tasma "vitti"ti
vutta. Tutthisabhavasanthita hi pitiya etam namam. Pitima pana puggalo kayacittanam
uggatatta abbhuggatatta "udaggo"ti vuccati, udaggassa bhago odagyam. Attano
manata attamanata. Anabhiraddhassa hi mano dukkhapadatthanatta na attano mano nama
hoti, abhiraddhassa sukhapadatthanatta attano mano nama hoti, iti attano manata
attamanata, sakamanata sakamanassa bhavoti attho. Sa pana yasma na annassa
kassaci attano manata, cittasseva paneso bhavo cetasiko dhammo, tasma attamanata
cittassati vutta. Sesamettha ca upari ca hettha vuttanayena yojetva veditabbam.
@Footnote: 1 Ma.u. 14/144/128  2 Si. pamuditabhavo  3 Si. vaddhetva
     [173] Sukhapatisamvediniddese dve sukhaniti samathavipassanabhumidassanattham vuttam.
Kayikam hi sukham vipassanaya bhumi, cetasikam sukham samathassa ca vipassanaya ca bhumi.
Kayikanti pasadakayam vina 1- anuppattito kaye niyuttanti kayikam. Cetasikanti
avippayogavasena cetasi niyuttanti cetasikam. Tattha kayikapadena cetasikam sukham
patikkhipati, sukhapadena kayikam dukkham. Tatha cetasikapadena kayikam sukham patikkhipati,
sukhapadena cetasikam dukkham. Satanti madhuram sumadhuram. Sukhanti sukhameva, na dukkham.
Kayasamphassajanti kayasamphasse jatam. Satam sukham vedayitanti satam vedayitam, na
asatam vedayitam. Sukham vedayitam, na dukkham vedayitam. Parato tini padani itthilingavasena
vuttani. Sata vedana, na asata. Sukha vedana. Na dukkhati ayameva
panettha attho.
     Cetasikasukhaniddeso vuttapatipakkhanayena yojetabbo. Te sukhati lingavipallaso
kato, tani sukhaniti vuttam hoti. Sesamettha catukke hettha pathamacatukke vuttanayeneva
veditabbam. Cattari suttantikavatthuni dutiyacatukkavasena veditabbaniti.
                    Dutiyacatukkaniddesavannana nitthita.
                      ---------------------
     [176] Tatiyacatukkaniddese cittanti mulapadam. Vinnananti atthapadam. Yam
cittantiadi pitiyam vuttanayena yojetabbo. Tattha cittantiadisu cittavicittataya
cittam. Arammanam minamanam janatiti mano. Manasanti manoyeva. "antalikkhacaro
paso, yvayam carati manaso"ti 2- hi ettha pana sampayuttakadhammo 3- manasoti vutto.
@Footnote: 1 Si. pasadakayam, tam vina  2 vi.maha. 4/33/28, sam.sa. 15/151/135  3 Ma.
@manasampayuttakadhammo
              "kathanhi bhagava tuyham   savako sasane rato
              appattamanaso sekho  kalam kayira jane sutati 1-
ettha arahattam manasanti vuttam. Idha pana manova manasam. Byanjanavasena hetam
padam vaddhitam.
     Hadayanti cittam. "cittam va te khipissami, hadayam va te phalessami"ti 2-
ettha uro hadayanti vuttam. "dahaya hadayam manne annaya gacchati"ti 3- ettha
cittam. "vakkam hadayan"ti ettha hadayavatthu. Idha pana cittameva abbhantaratthena
"dahayan"ti 4- vuttam. Tadeva parisuddhatthena pandaram. Bhavangam sandhayetam vuttam. Yathaha
"pabhassaramidam bhikkhave cittam, tanca kho agantukehi upakkilesehi
upakkilitthan"ti 5-. Tato nikkhantatta pana akusalampi gangaya nikkhanta nadi ganga
viya, godhavarito 6- nikkhanta godhavari viya ca "pandaran"tveva vuttam. Yasma
pana arammanavijananalakkhanam cittam upakkilesena kileso na hoti, sabhavato
parisuddhameva hoti, upakkilesayoge pana sati upakkilittham nama hoti,
tasmapi "pandaran"ti vattum yujjati.
     Mano manayatananti idha pana manogahanam manasseva ayatanabhavadipanattham.
Tenetam dipeti "na yidam devayatanam viya manassa ayatanatta manayatanam, atha
kho mano eva ayatanam manayatanan"ti. Ayatanattho hettha vuttoyeva. Manate
iti mano, vijanatiti attho. Atthakathacariya panahu:- naliya minamano
viya mahatulaya dharayamano viya ca arammanam janatiti mano, tadeva
mananalakkhane indattham karetiti 7- indriyam, manova indriyam manindriyam.
@Footnote: 1 sam.sa. 15/159/156  2 sam.sa. 15/238/249, khu.su. 25/369
@3 Ma.mu. 12/63/41  4 di.maha. 10/377/251, Ma.mu. 12/110/79
@5 an.ekaka. 20/51/9  6 Si. godavarito  7 Si. karotiti
     Vijanatiti vinnanam. Vinnanameva khandho vinnanakkhandho. Rulhito
khandho vutto. Rasatthena hi vinnanakkhandhassa ekadeso ekam vinnanam. Tasma
yatha rukkhassa ekadesam chindanto rukkham chindatiti vuccati, evameva
vinnanakkhandhassa ekadesabhutam ekampi vinnanam rulhito "vinnanakkhandho"ti
vuttam. Yasma pana rasatthoyeva khandhattho na hoti, kotthasatthopi khandhatthoyeva, tasma
kotthasatthena vinnanakotthasotipi attho. Tajja manovinnanadhatuti tesam
phassadinam sampayuttadhammanam anucchavika manovinnanadhatu. Imasmim hi pade ekameva
cittam minanatthena mano, vijananatthena vinnanam, sabhavatthena, nissattatthena va
dhatuti tihi namehi vuttam.
     [177] Abhippamodoti adhika tutthi.
     [178] Samadhiniddese acalabhavena arammane titthatiti thiti. Parato padadvayam
upasaggavasena vaddhitam. Apica sampayuttadhamme arammanamhi sampindetva titthatiti
santhiti. Arammanam ogahetva anupavisitva titthatiti avatthiti. Kusalapakkhasmim hi
cattaro dhamma arammanam ogahanti saddha sati samadhi pannati. Teneva
saddha "okappana"ti vutta, sati "apilapanata"ti, samadhi "avatthiti"ti, panna
"pariyogahana"ti. Akusalapakkhe pana tayo dhamma arammanam ogahanti tanha
ditthi avijjati. Teneva te "ogha"ti vutta. Uddhaccavicikicchavasena pavattassa
visaharassa patipakkhato avisaharo, avisaharananti attho. Uddhaccavicikicchavaseneva
gacchantam cittam vikkhipati nama, ayam pana tatha 1- na hotiti
avikkhePo. Uddhaccavicikicchavaseneva cittam visahatam nama hoti, ito cito ca
hariyati, ayam pana avisahatassa manasassa bhavoti avisahatamanasata.
@Footnote: 1 tathavidho (abhi.A. 1/195)
     Samathoti tividho samatho cittasamatho adhikaranasamatho sabbasankharasamathoti. Tattha
atthasu samapattisu cittekaggata cittasamatho nama. Tam hi agamma cittacalanam
cittavipphandanam sammati vupasammati, tasma so "cittasamatho"ti vuccati.
Sammukhavinayadisattavidho adhikaranasamatho nama. Tam hi agamma tani tani adhikaranani
sammanti vupasammanti, tasma so "adhikaranasamatho"ti vuccati. Yasma pana sabbe sankhara
nibbanam agamma sammanti vupasammanti, tasma tam sabbasankharasamathoti vuccati.
Imasmim atthe cittasamatho adhippeto. Samadhilakkhane indattham karetiti
samadhindriyam. Uddhacce 1- na kampatiti samadhibalam. Sammasamadhiti yathavasamadhi
niyyanikasamadhi kusalasamadhi.
     [179] Ragato vimocayam cittantiadihi dasahi kilesavatthuhi vimocanam vuttam.
Thinaggahaneneva cettha middhaggahanam, uddhaccaggahaneneva ca kukkuccaggahanam katam
hotiti annesu pathesu sahacaritta kilesavatthuto vimocanavacaneneva pathamajjhanadihi
nivaranadito vimocanam, aniccanupassanadihi 2- niccasannadito ca vimocanam vuttameva
hotiti. Katham tam cittam anupassatiti ettha peyyale ca aniccanupassanadihi
niccasannadinam pahanam vuttameva. Cattari suttantikavatthuni tatiyacatukkavasena
veditabbaniti.
                    Tatiyacatukkaniddesavannana nitthita.
                     ---------------------
     [180] Catutthacatukkaniddese "anidditthe napumsakan"ti vacanato asukanti
anidditthatta "aniccanti kim aniccan"ti napumsakavacanena puccha kata.
Uppadavayatthenati uppadavayasankhatena atthena, uppadavayasabhavenati attho. Ettha ca
@Footnote: 1 Si. uddhaccena  2 i. aniccanupassanaya
Pancakkhandha sabhavalakkhanam, pancannam khandhanam uppadavaya vikaralakkhanam. Etena
hutva abhavena aniccati vuttam hoti. Teneva ca atthakathayam "sankhatalakkhanavasena
aniccatati tesamyeva uppadavayannathattan"ti ca vatvapi "hutva abhavo va"ti
vuttam. Etena hutva abhavakaro aniccalakkhananti vuttam hoti. "pancannam khandhanam
udayabbayam passanto imani pannasa lakkhanani"ti peyyalam katva vuttam.
Dhammati rupakkhandhadayo 1- yathavuttadhamma.
     Viraganupassiniddese rupe adinavam disvati bhanganupassanato patthaya
parato vuttehi aniccatthadihi rupakkhandhe adinavam disva. Rupavirageti nibbane.
Nibbanam hi agamma rupam virajjati apunaruppattidhammatam apajjanena nirujjhati,
tasma nibbanam "rupavirago"ti vuccati. Chandajato hotiti anussavavasena
uppannadhammacchando hoti. Saddhadhimuttoti tasmimyeva nibbane saddhaya ca adhimutto
nicchito. Cittancassa svadhitthitanti assa yogissa cittam khayaviragasankhate
rupabhange arammanavasena, accantaviragasankhate rupavirage nibbane anussavavasena
sutthu adhitthitam sutthu patitthitam hotiti sambandhato veditabbam. Rupe
viraganupassiti rupassa khayavirago rupe viragoti pakatibhummavacanena
vutto. Rupassa accantavirago rupe viragoti nimittatthe bhummavacanena
vutto. Tam duvidhampi viragam arammanato ajjhasayato ca anupassanasilo
"rupe viraganupassi"ti vutto. Esa nayo vedanadisu. Nirodhanupassipadaniddesepi
eseva nayo.
     [181] Katihakarehitiadi panettha viseso:- tattha avijjadinam
paticcasamuppadanganam adinavanirodhadassaneneva rupadinampi adinavanirodha dassita
honti tesampi paticcasamuppadanganativattanato. Imina eva ca visesavacanena
viraganupassanato nirodhanupassanaya visitthabhavo vutto hoti. Tattha
@Footnote: 1 Si. sannakkhandhadayo
Aniccatthenati khayatthena, hutva abhavatthena va. Dukkhatthenati bhayatthena,
patipilanatthena va. Anattatthenati asarakatthena, avasavattanatthena va.
Santapatthenati kilesasantapanatthena. Viparinamatthenati jarabhangavasena dvidha
parinamanatthena. Nidananirodhenati mulapaccayabhavena. Nirujjhatiti na bhavati.
Samudayanirodhenati asannapaccayabhavena. Mulapaccayo hi byadhissa asappayabhojanam viya
nidananti vutto, asannapaccayo byadhissa vatapittasemha viya samudayoti vutto.
Nidanam hi nicchayena dadati phalamiti nidanam, samudayo pana sutthu udeti etasma
phalamiti samudayo. Jatinirodhenati mulapaccayassa uppattiabhavena. Pabhavanirodhenati 1-
asannapaccayassa uppattiabhavena. Jatiyeva hi pabhavati etasma dukkhanti pabhavoti
vattum yujjati. Hetunirodhenati janakapaccayabhavena. Paccayanirodhenati
upatthambhakapaccayabhavena. Mulapaccayopi hi asannapaccayo ca janakapaccayo ca
upatthambhakapaccayo ca hotiyeva. Etehi tikkhavipassanakkhane tadanganirodho,
maggakkhane samucchedanirodho vutto hoti. Nanuppadenati
tikkhavipassanananassa va maggananassa va uppadena. Nirodhupatthanenati
vipassanakkhane paccakkhato khayanirodhassa anussavavasena nirodhasankhatassa
nibbanassa upatthanena, maggakkhane paccakkhato ca nibbanassa upatthanena.
Etehi visayavisayiniyamova kato hoti, tadangasamucchedanirodho
ca vutto hoti.
     [182] Patinissagganupassipadaniddese rupam pariccajatiti adinavadassanena
nirapekkhataya rupakkhandham pariccajati. Pariccagapatinissaggoti pariccagatthena
patinissaggoti vuttam hoti. Etena patinissaggapadassa pariccagattho vutto, tasma
kilesanam pajahananti attho. Ettha ca vutthanagamini vipassana kilese tadangavasena
pariccajati, maggo samucchedavasena. Rupanirodhe nibbane cittam pakkhandatiti
@Footnote: 1 Po. bhavanirodhena
Vutthanagamini tamninnataya pakkhandati, maggo arammanakaranena.
Pakkhandanapatinissaggoti pakkhandanatthena patinissaggoti vuttam hoti. Etena
patinissaggapadassa pakkhandanattho vutto, tasma cittassa nibbane
vissajjananti attho. Cattari suttantikavatthuni catutthacatukkavasena
veditabbani. Imasmim catukke jaramarane vattabbam hettha vuttanayeneva
veditabbam. Satipatthanesu ca "kaye kayanupassana, citte
cittanupassana"ti kayacittanam ekattavoharavasena ekavacananiddeso kato. "vedanasu
vedananupassana, dhammesu dhammanupassana"ti vedanadhammanam nanattavoharavasena
bahuvacananiddeso katoti veditabbo.
                    Catutthacatukkaniddesavannana nitthita.
                  Nitthita ca satokarinananiddesavannana.
                      ---------------------
                     6. Nanarasichakkaniddesavannana
     [183] Idani chahi rasihi udditthananesu catuvisatisamadhinananiddese tava
kayanupassanadinam tinnam catukkanam vasena dvadasannam vatthunam ekekasmim assasavasena
eko, passasavasena ekoti dve dve samadhiti dvadasasu vatthusu catuvisati
dhayo honti. Nanakkhane tehi sampayuttani catuvisatisamadhivasena nanani.
     Dvasattativipassananananiddese digham assasati "dighan"ti vuttaassasato.
Kim vuttam hoti? digham assasahetu jhanam patilabhitva samahitena cittena
Vipassanakkhane aniccato anupassanatthena vipassanati vuttam hoti. Esa nayo
uttaratrapi. 1- Tesamyeva dvadasannam vatthunam ekekasmim
assasavasena tisso, passasavasena tissoti
@Footnote: 1 Ma. uttaratthapi
Cha cha anupassanati dvadasasu vatthusu dvasattati anupassana honti. Ta eva
dvasattati anupassana dvasattativipassanavasena nanani.
     Nibbidanananiddese aniccanupassi assasanti 1- aniccanupassi hutva
assasanto, aniccanupassi hutva vattentoti attho. "assasan"ti ca idam vacanam
hetuatthe datthabbam. Yathabhutam janati passatiti nibbidanananti kalapasammasanato
patthaya yava bhanganupassana pavattavipassanananena sankharanam yathasabhavam
janati, cakkhuna ditthamiva ca teneva nanacakkhuna passati. Tasma nibbidananam
namati attho, sankharesu nibbidananam 2- namati vuttam hoti. Upari
bhayatupatthanadinam muncitukamyatadinanca nananam visum agatatta idha yathavuttaneva
vipassanananani nibbidanananiti veditabbani.
     Nibbidanulomanananiddese aniccanupassi assasanti aniccanupassino
assasantassa. Samiatthe paccattavacanam. Bhayatupatthane pannati vacaneneva
bhayatupatthanaadinavanupassananibbidanupassanananani vuttani honti tinnam
ekalakkhanatta. Imani tini nanani anantara vuttanam nibbidanananam
anukulabhavena anulomato nibbidanulomanananiti vuttani.
     Nibbidapatippassaddhinananiddese aniccanupassi assasanti
anantarasadisameva. Patisankha santitthana pannati vacaneneva
muncitukamyatapatisankhanupassanasankharupekkhananani vuttani honti tinnam
ekalakkhanatta. "patisankha santitthana"ti vacaneneva anulomananamagganananipi gahitani
honti. Sankharupekkhananaanulomanananipi hi nibbidaya sikhappattatta
nibbidajananabyaparappahanena nibbidapatippassaddhinanani nama honti.
Maggananam pana nibbidapatippassaddhante uppajjanato nibbidapatippassaddhinanam
@Footnote: 1 cha.Ma. assasanti evamuparipi  2 cha.Ma. nibbindananam
Nama hotiti ativiya yujjatiti. Nibbidanulomananesu viya adibhutam
muncitukamyatananam aggahetva "patisankha santitthana"ti ante nanadvayaggahanam
maggananasangahanattham. Muncitukamyatati hi vutte anulomananam sangayhati, na
maggananam. Maggananam hi muncitukamyata nama na hoti. Kiccasiddhiyam santitthanato pana
santitthana nama hoti. Atthakathayampi ca "phusanati appana"ti vuttam. Idanca
maggananam nibbane appanati katva santitthana nama hotiti "santitthana"ti
vacanena maggananampi sangayhati. Nibbidanulomanananipi atthato nibbidanananeva 1-
hontiti tanipi nibbidananehi sangahetva nibbidapatippassaddhinananiti
nibbidagahanameva katam, na nibbidanulomamaggahanam. Tisupi cetesu nanatthakaniddesesu
catutthassa dhammanupassanacatukkassa vasena vuttanam catunnam vatthunam
ekekasmim assasavasena ekam, passasavasena ekanti dve dve nananiti catusu
vatthusu atthananani honti.
     Vimuttisukhanananiddese pahinattati pahanam dassetva tassa pahanassa
samucchedappahanattam dassento samucchinnattati aha. Vimuttisukhe nananti
phalavimuttisukhasampayuttanananca phalavimuttisukharammanapaccavekkhananananca.
Anussayavatthussa kilesassa pahanena pariyutthanaduccaritavatthuppahanam hotiti
dassanattham puna anusayanam pahanam vuttam. Ekavisatiphalananam sandhaya pahinakilesagananayapi 2-
nanaganana kata hoti, paccavekkhananananca sandhaya pahinakilesapaccavekkhanagananaya
phalapaccavekkhanananaganana kata hotiti.
                   Nanarasichakkaniddesavannana nitthita.
                 Saddhammappakasiniya patisambhidamaggatthakathaya
                    anapanassatikathavannana nitthita.
@Footnote: 1 Si. nibbidananeneva  2 i. pahanakilesagananayapi



             The Pali Atthakatha in Roman Book 48 page 80-143. http://84000.org/tipitaka/atthapali/read_rm.php?B=48&A=1781&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=1781&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=31&i=362              เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=4070              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=4888              The Pali Tipitaka in Roman Character :- http://84000.org/tipitaka/read/roman_read.php?B=31&A=4888              Contents of The Tipitaka Volume 31 http://84000.org/tipitaka/read/?index_31

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]