บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Maggakathavannana [237] Idani tesam tinnam vipallasanam pahanakaram ariyamaggam dassentena kathitaya maggakathaya apubbatthanuvannana. Tattha maggoti kenatthena maggoti yo buddhasasane maggoti vuccati, so kenatthena maggo nama hotiti attho. Micchaditthiya pahanayatiadisu dasasu pariyayesu pathamo pathamo tassa tassa maggangassa ujuvipaccanikavasena vutto. Maggo ceva hetu cati tassa tassa kiccassa karanaya patipadatthena maggo, sampapakatthena hetu. Tena maggassa patipadattho sampapakattho ca vutto hoti. "ayam maggo ayam patipada"tiadisu 1- hi patipada maggo, "maggassa niyyanattho hetuttho"tiadisu 2- sampapako hetu. Evam dvihi dvihi padehi "maggoti kenatthena maggo"ti pucchaya vissajjanam katam hoti. Sahajatanam dhammanam upatthambhanayati attana sahajatanam @Footnote: 1 sam.maha. 19/5/6 2 khu.pati. 31/8/318 Arupadhammanam sahajataannamannanissayadibhavena upatthambhanabhavaya. Kilesanam pariyadanayati tamtammaggavajjhanam vuttavasesakilesanam khepanaya. Pativedhadivisodhanayati ettha yasma "ko cadi kusalanam dhammanam, silanca suvisuddham ditthi ca ujuka"ti 1- vacanato silanca ditthi ca saccapativedhassa adi. So ca adimaggakkhane visujjhati. Tasma "pativedhadivisodhanaya"ti vuttam. Cittassa adhitthanayati sampayuttacittassa sakakicce patitthanaya 2-. Cittassa vodanayati cittassa parisuddhabhavaya. Visesadhigamayati lokiyato visesapatilabhaya. Uttarim 3- pativedhayati lokiyato uttarim pativijjhanatthaya. Saccabhisamayayati catunnam saccanam ekabhisamayaya kiccanipphattivasena ekapativedhaya. Nirodhe patitthapanayati cittassa va puggalassa va nibbane patitthapanatthaya. Sakadagamimaggakkhanadisu attha maggangani ekato katva tamtammaggavajjhakilesappahanam vuttam. Evam vacane karanam hettha vuttameva. Yasma uparuparimaggenapi sutthu adivisodhana sutthu cittavodananca hoti, tasma tanipi padani vuttani. Dassanamaggotiadihi yava pariyosana tassa dhammassa lakkhanavasena maggattho vutto. Tani sabbanipi padani abhinneyyaniddese vuttatthaneva. Evamettha yathasambhavam lokiyalokuttaro maggo niddittho. Hetutthena maggoti ca atthangiko maggo niddittho. 4- Nippariyayamaggatta cassa puna "maggo"ti na vuttam. Adhipateyyatthena indriyatiadini ca indriyadinam atthavasena 5- vuttani, na maggatthavasena. Saccaniti cettha saccananani. Sabbepi te dhamma nibbanassa patipadatthena maggo. Ante vuttam nibbanam pana samsaradukkhabhibhutehi dukkhanissaranatthikehi sappurisehi maggiyati gavesiyatiti maggoti vuttanti veditabbanti. Maggakathavannana nitthita. @Footnote: 1 sam.maha. 19/369,381/125,143 2 i. patitthanaya 3 cha.Ma. uttari evamuparipi @4 ka. hetutthena maggo niddittho 5 ka....adini ca indriyadinam atthavasenaThe Pali Atthakatha in Roman Book 48 page 209-210. http://84000.org/tipitaka/atthapali/read_rm.php?B=48&A=4723&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=4723&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=527 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=7311 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=8431 The Pali Tipitaka in Roman Character :- http://84000.org/tipitaka/read/roman_read.php?B=31&A=8431 Contents of The Tipitaka Volume 31 http://84000.org/tipitaka/read/?index_31
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]