AtthaPali Vol.48

5. Viragakathavannana [28] Idani maggapayojanapariyosanaya mettakathaya anantaram kathitaya viragasankhatamaggapubbangamaya viragakathaya apubbatthanuvannana. Tattha pathamam tava "nibbindam virajjati viraga vimuccati"ti ^1- vuttanam dvinnam suttantapadanam attham niddisitukamena virago maggo, vimutti phalanti uddeso thapito. Tattha pathamam vacanattham tava niddisitukamo katham virago maggotiadimaha. Tattha virajjatiti viratta hoti. Sesani magganananiddese vuttatthani. Viragoti yasma sammaditthi virajjati, tasma virago namati attho. So ca virago yasma viragarammano .pe. Virage patitthito, tasma ca viragoti evam "viragarammano"tiadinam pancannam vacananam sambandho veditabbo. Tattha viragarammanoti nibbanarammano viragagocaroti nibbanavisayo. Virage samudagatoti nibbane samuppanno. Virage thitoti pavattivasena nibbane thito. Virage patitthitoti anivattanavasena nibbane patitthito. Nibbananca viragoti nibbanam viragahetutta virago. Nibbanarammanatajatati nibbanarammane jata, nibbanarammanabhavena va jata. Te maggasampayutta sabbeva phassadayo dhamma virajjanatthena viraga hontiti viraga nama honti. Sahajataniti sammaditthisahajatani sammasankappadini satta maggangani. Viragam gacchantiti virago maggoti viragam nibbanam arammanam katva gacchantiti viragarammanatta virago nama, magganatthena maggo nama hotiti attho. Ekekampi maggangam maggoti namam labhati. Iti ekekassa angassa maggatte vutte sammaditthiyapi maggattam vuttameva hoti. Tasmayeva ca etena @Footnote: ¹ vi.maha. 4/23/19, sam.kha. 17/59/56 Maggenati attha maggangani gahetva vuttam. Buddha cati paccekabuddhapi sangahita. Tepi hi "dveme bhikkhave buddha tathagato ca araham sammasambuddho paccekabuddho ca"ti ^1- vuttatta buddhayeva. Agatanti anamatagge samsare agatapubbam. Disanti sakalaya patipattiya dissati apadissati abhisandahiyatiti disa, sabbabuddhehi va paramam sukhanti dissati apadissati kathiyatiti disa, sabbadukkham va dissanti vissajjenti ujjhanti etayati disa. Tam disam. Atthangiko maggoti kim vuttam hoti? yo so atthangiko dhammasamuho, so etena nibbanam gacchatiti gamanatthena maggo namati vuttam hoti. Puthusamanabrahmananam parappavadananti visum visum samananam brahmanananca ito annaladdhikanam. Aggoti tesam sesamagganam visittho. Setthoti sesamaggato ativiya pasamsaniyo. Mokkhoti mukhe sadhu, sesamagganam abhimukhe ayameva sadhuti attho. Uttamoti sesamagge ativiya uttinno. Pavaroti sesamaggato nanappakarehi sambhajaniyo. Ititi karanatthe nipato. Tasma bhagavata "magganam atthangiko settho"ti vuttoti adhippayo. Vuttam hi bhagavata:- "magganatthangiko settho saccanam caturo pada virago settho dhammanam dvipadananca cakkhuma"ti. ^2- Tam idha vicchinditva "magganam atthangiko settho"ti vuttam. Sesavaresupi imina nayena hettha vuttanayena ca attho veditabbo. Dassanaviragotiadisu dassanasankhato virago dassanavirago. Indriyatthato balassa visitthatta idha indriyato balam pathamam vuttanti veditabbam. Adhipateyyatthena indriyanitiadi indriyadinam atthavibhavana, na viragassa. Tathatthena saccati @Footnote: ¹ an.duka. 20/57/74 ² khu.dha. 25/273/64 Saccananam veditabbam. Silavisuddhiti sammavacakammantajiva. Cittavisuddhiti sammasamadhi. Ditthivisuddhiti sammaditthisankappa. Vimuttatthenati tamtammaggavajjhakilesehi muttatthena. Vijjati sammaditthi. Vimuttiti samucchedavimutti. Amatogadham nibbanam pariyosanatthena maggoti maggaphalapaccavekkhanahi maggiyatiti maggo. Imasmim viraganiddese vutta dhamma sabbepi maggakkhaneyeva. Vimuttiniddese phalakkhane. Tasma chandamanasikarapi maggaphalasampayutta. [29] Viraganiddese vuttanayeneva vimuttiniddesepi attho veditabbo. Phalam panettha patippassaddhivimuttatta vimutti, nibbanam nissaranavimuttatta vimutti. "sahajatani sattangani"tiadini vacanani idha na labbhantiti na vuttani. Sayam phalavimuttatta pariccagatthena vimuttiti ettakameva vuttam. Sesam vuttanayemevati. Viragakathavannana nitthita. ----------------

The Pali Atthakatha in Roman Book 48 page 247-249. http://84000.org/tipitaka/atthapali/read_rm.php?B=48&A=5568&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=5568&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=588 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=8692 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=10016 The Pali Tipitaka in Roman Character :- http://84000.org/tipitaka/read/roman_read.php?B=31&A=10016 Contents of The Tipitaka Volume 31 http://84000.org/tipitaka/read/?index_31