AtthaPali Vol.48

9. Balakathavannana [44] Idani lokuttarakathaya anantaram kathitaya lokuttarakathavatiya suttantapubbangamaya balakathaya apubbatthanuvannana. Tattha adito suttantavasena panca @Footnote: ¹ i. utthahantiti ² Si.,Ma. nissajjantiti Balani dassetva tadannanipi balani dassetukamo apica atthasatthi balanitiadimaha. Sabbanipi tamtampatipakkhehi akampiyatthena balani nama honti. Hiribalantiadisu papato hiriyanti etayati hiri, sajjayetam nama. Papato ottappanti etenati ottappam, papato ubbegassetam namam. Ajjhattasamutthana hiri, bahiddhasamutthanam ottappam. Attadhipati hiri, lokadhipati ottappam. Lajjasabhavasanthita ^1- hiri, bhayasabhavasanthitam ottappam. Sappatissavalakkhana hiri, vajjabhirukabhayadassavilakkhanam ottappam. Sa eva hiri ahirikena na kampatiti hiribalam. Tadeva ottappam anottappena na kampatiti ottappabalam. Appatisankhanena na kampatiti patisankhanabalam. Upaparikkhanapannayetam namam. Viriyasisena satta bojjhange bhaventassa uppannabalam bhavanabalam. Tathapavattanam catunnam khandhanametam namam. Parisuddhani siladini anavajjabalam. Cattari sangahavatthuni sangahabalam. Sangahe balantipi patho. Dukkhamanam adhivasanam khantibalam. Dhammakathaya paresam tosanam pannattibalam. Adhitassa ^2- atthassa adhigamapanam nijjhattibalam. Kusalesu bahubhavo issariyabalam. Kusalesu yatharuci patitthanam adhitthanabalam. Hiribaladinam attho matikapadesu byanjanavasena visesato yujjamanam gahetva vutto. Samathabalam vipassanabalanti balappatta samathavipassana eva. Matikaniddese assaddhiye na kampatiti saddhabalanti mulabalattham vatva tameva aparehi navahi pariyayehi visesetva dasseti. Yo hi dhammo akampiyo balappatto hoti, so sahajate upatthambheti, attano patipakkhe kilese pariyadiyati, pativedhassa adibhutam silam ditthinca visodheti, cittam arammane patitthapeti, cittam pabhassaram karonto vodapeti, vasim papento visesam adhigamapeti, tato uttarim papento uttaripativedham kareti, kamena ariyamaggam papetva saccabhisamayam kareti, @Footnote: ¹ Si. lajjisabhavasanthita ² Si. kathitassa Phalappattiya nirodhe patitthapeti. Tasma navadha balattho visesito. Esa nayo viriyabaladisu ^1- catusu. Kamacchandam hiriyatiti nekkhammayutto yogi nekkhammena kamacchandato hiriyati. Ottappepi eseva nayo. Etehi sabbakusalehipi hiriyana ottappana vuttayeva honti. Byapadantiadinampi iminava nayena attho veditabbo. Patisankhatiti asammohavasena adinavato upaparikkhati. Bhavetiti vaddheti. Vajjanti ragadivajjam. Sanganhatiti bandhati. Khamatiti tassa yogissa khamati ruccati. Pannapetiti toseti. Nijjhapetiti cintapeti. Vasam vattetiti citte pahu ^2- hutva cittam attano vasam katva pavatteti. Adhitthatiti vidahati. Bhavanabaladini sabbanipi nekkhammadiniyeva. Matikavannanaya annatha vutto, attho pana byanjanavaseneva pakatatta idha na vuttoti veditabbam. Samathabalam vipassanabalanca vittharato niddisitva avasane uddhaccasahagatakilese ca khandhe ca na kampatitiadi ca avijjasahagatakilese ca khandhe ca na kampatitiadi ca samathabalavipassanabalanam lakkhanadassanattham vuttam. Sekhasekhabalesu sammaditthim sikkhatiti sekhabalanti sekhapuggalo sammaditthim sikkhatiti sekho, sa sammaditthi tassa sekhassa balanti sekhabalanti attho. Tattha sikkhitatta asekhabalanti asekhapuggalo tattha sammaditthiya sikkhitatta na sikkhatiti asekho, sayeva ca sammaditthi tassa asekhassa balanti asekhabalam. Eseva nayo sammasankappadisu. Sammanananti paccavekkhanananam. Tampi hi lokiyampi hontam sekhassa pavattatta sekhabalam, asekhassa pavattatta asekhabalanti vuttam. Sammavimuttiti attha maggangani thapetva sesa phalasampayutta dhamma. Keci pana @Footnote: ¹ i. viriyadisu ² Ma. bahu "thapetva lokuttaravimuttim avasesa vimuttiyo sammavimutti"ti vadanti. Tassa sekhasekhabalattam vuttanayameva. Khinasavabalesu sabbanipi nanabalani. Khinasavassa bhikkhunoti karanatthe samivacanam, khinasavena bhikkhunati attho. Aniccatoti hutva abhavakarena aniccato. Yathabhutanti yathasabhavato. Pannayati saha vipassanaya maggapannaya. Aniccato sudittha dukkhato anattato sudittha honti tammulakatta. Yanti bhavanapumsakavacanam, yena karanenati va attho. Agammati paticca. Patijanatiti sampaticchati patinnam karoti. Angarakasupamati mahabhitapatthena angarakasuya upamita. Kamati vatthukama ca kilesakama ca. Vivekaninnanti phalasamapattivasena upadhivivekasankhatanibbananinnam. Tayo hi viveka kayaviveko cittaviveko upadhivivekoti. Kayaviveko ca vivekatthakayanam nekkhammabhiratanam. Cittaviveko ca adhicittamanuyuttanam. Upadhiviveko ca nirupadhinam puggalanam visankharagatanam, nissaranavivekasankhatanibbananinnam va. Panca hi viveka vikkhambhanaviveko tadangaviveko samucchedaviveko patippassaddhiviveko nissaranavivekoti. Vivekaninnanti ca viveke ninnam. Vivekaponanti viveke natam. Vivekapabbharanti vivekasisabharam. Dvepi purimasseva vevacanani. Vivekatthanti kilesehi vajjitam, duribhutam va. Nekkhammabhiratanti nibbane abhiratam, pabbajjaya abhiratam va. Byantibhutanti vigatantibhutam, ekadesanapi anallinam vippamuttam visamsattham. Sabbasoti sabbatha. Asavatthaniyehi dhammehiti samyogavasena asavanam karanabhutehi kilesadhammehiti attho. Atha va byantibhutanti vigatanikantibhutam, nittanhanti attho. Kuto? sabbaso asavatthaniyehi dhammehi sabbehi tebhumakadhammehiti attho. Idha dasahi khinasavabalehi khinasavassa lokiyalokuttaro maggo kathito. "aniccato sabbe Sankhara"ti dukkhaparinnabalam, "angarakasupama kama"ti samudayapahanabalam, "vivekaninnam cittam hoti"ti nirodhasacchikiriyabalam, "cattaro satipatthana"tiadi sattavidham maggabhavanabalantipi vadanti. Dasa iddhibalani iddhikathaya avi bhavissanti. Tathagatabalaniddese tathagatabalaniti annehi asadharanani tathagatasseva balani. Yatha va pubbabuddhanam balani punnussayasampattiya agatani, tatha agatabalanitipi attho. Tattha duvidham tathagatabalam kayabalam nanabalanca. Tesu kayabalam hatthikulanusarena veditabbam. Vuttam hetam poranehi:- "kalavakanca gangeyyam pandaram tambapingalam gandhamangalahemanca uposathachaddantime dasa"ti. ^1- Imani dasa hatthikulani. Tattha kalavakanti pakatihatthikulam datthabbam. Yam dasannam purisanam kayabalam, tam ekassa kalavakassa hatthino balam. Yam dasannam kalavakanam balam, tam ekassa gangeyyassa balam. Yam dasannam gangeyyanam, tam ekassa pandarassa. Yam dasannam pandaranam, tam ekassa tambassa. Yam dasannam tambanam, tam ekassa pingalassa. Yam dasannam pingalanam, tam ekassa gandhahatthino. Yam dasannam gandhahatthinam, tam ekassa mangalahatthino. Yam dasannam mangalahatthinam, tam ekassa hemavatassa. Yam dasannam hemavatanam, tam ekassa uposathassa. Yam dasannam uposathanam, tam ekassa chaddantassa. Yam dasannam chaddantanam, tam ekassa tathagatassa balam. Narayanasanghatabalantipi ^2- idameva vuccati. Tadetam pakatihatthino gananaya hatthinam kotisahassassa, purisagananaya dasannam purisakotisahassanam balam hoti. Idam tava tathagatassa kayabalam. Nanabalam pana idha tava annattha ^3- ca paliyam agatameva dasabalananam, majjhime ^4- agatam catuvesarajjananam, atthasu parisasu akampanananam, @Footnote: ¹ Ma.A. 1/346, sam.A. 2/50, an.A. 325, abhi.A. 525 ² narayanasankhatabalantipi @(ganthipakarane) ³ i. annatha ⁴ Ma.mu. 12/148/107 Catuyoniparicchedakananam, pancagatiparicchedakananam, samyuttake ^1- agatani tesattati nanani, sattasattati nananiti evamannanipi anekani nanasahassani. Etam nanabalam nama. Idhapi nanabalameva adhippetam. Nanam hi akampiyatthena upatthambhanatthena ca balanti vuttam. Thananca thanatoti karananca karanato. Karanam hi yasma tattha phalam titthati tadayattavuttitaya uppajjati ceva pavattati ca, tasma thananti vuccati. Tam bhagava ye ye dhamma yesam yesam dhammanam hetu paccaya uppadaya, tam tam thananti, ye ye dhamma yesam yesam dhammanam na hetu na paccaya uppadaya, tam tam atthananti pajananto thananca thanato atthananca atthanato yathabhutam pajanati. Yampiti yena nanena. Idampiti idampi thanatthanananam, tathagatassa tathagatabalam nama hotiti attho. Evam sesapadesupi yojana veditabba. (1) Asabham thananti ^2- setthatthanam uttamatthanam, asabha va pubbabuddha, tesam thananti attho. Apica gavasatajetthako usabho, gavasahassajetthako vasabho, vajasatajetthako va usabho, vajasahassajetthako vasabho, sabbagavasettho sabbaparissayasaho seto pasadiko mahabharavaho asanisatasaddehipi asantasaniyo ^3- nisabho, so idha usabhoti adhippeto. Idampi hi tassa pariyayavacanam. Usabhassa idanti ^4- asabham. Thananti catuhi padehi pathavim uppiletva avatthanam. ^5- Idam pana asabham viyati asabham. Yatheva hi nisabhasankhato usabho usabhabalena samannagato catuhi padehi pathavim uppiletva acalatthanena ^6- titthati, evam tathagatopi dasahi tathagatabalehi samannagato catuhi vesarajjapadehi atthaparisapathavim uppiletva sadevake loke kenaci paccatthikena @Footnote: ¹ sam.ni. 16/33/54 ² i. asabhatthananti ³ asampakampiyo (Ma.A. 1/347, sam.A. @2/52, abhi.A. 2/426) ⁴ i. etanti ⁵ acalatthanam (Ma.A. 1/347, abhi.A. 2/426) @⁶ i. acalatthane Paccamittena akampiyo acalatthanena titthati, evam titthamano ca tam asabham thanam patijanati upagacchati na paccakkhati, attani aropeti. Tena vuttam "asabham thanam patijanati"ti. Parisasuti khattiyabrahmanagahapatisamanacatumaharajikatavatimsamarabrahmanam vasena atthasu parisasu. Sihanadam nadatiti setthanadam achambhitanadam nadati, sihanadasadisam va nadam nadati. Ayamattho sihanadasuttena ^1- dipetabbo. Yatha va siho sahanato hananato ca sihoti vuccati, evam tathagato lokadhammanam sahanato parappavadanam hananato sihoti vuccati. Evam vuttassa sihassa nadam sihanadam. Tattha yatha siho sihabalena samannagato sabbattha visarado vigatalomahamso sihanadam nadati, evam tathagatasihopi tathagatabalehi samannagato atthasu parisasu visarado vigatalomahamso "iti rupan"tiadina ^2- nayena nanavidhadesanavilasasampannam sihanadam nadati. Tena vuttam "parisasu sihanadam nadati"ti. Brahmacakkam pavattetiti ettha brahmanti settham uttamam visuddham. Cakkasaddo panayam:- sampattiyam lakkhane ca rathange iriyapathe dane ratanadhammura cakkadisu ca dissati dhammacakke idha mato tampi dvedha vibhavaye. "cattarimani bhikkhave cakkani, yehi samannagatanam devamanussanan"tiadisu ^3- hi ayam sampattiyam dissati. "hettha padatalesu cakkani jatani honti"ti ^4- ettha lakkhane. "cakkamva vahato padan"ti ^5- ettha rathange. "catucakkam navadvaran"ti ^6- ettha @Footnote: ¹ 1/146/105 ² sam.kha. 17/78/69 ³ an.catukka. 21/31/37 @ ⁵ khu.dha. 25/1/15 ⁶ sam.sa. 15/29/18 Iriyapathe. "dadam bhunja ma ^1- ca pamado, cakkam vattaya kosaladhipa"ti ^2- ettha dane. "dibbam cakkaratanam paturahosi"ti ^3- ettha ratanacakke. "maya pavattitam cakkan"ti ^4- ettha dhammacakke. "icchahatassa posassa, cakkam bhamati matthake"ti ^5- ettha uracakke. "khurapariyantena cepi cakkena"ti ^6- ettha pahanacakke. "asanivicakkan"ti ^7- ettha asanimanadale. Idha panayam dhammacakke mato. Tam panetam dhammacakkam duvidham hoti pativedhanananca desananananca. Tattha pannapabhavitam attano ariyaphalavaham pativedhananam, karunapabhavitam savakanam ariyaphalavaham desanananam. Tattha pativedhananam uppajjamanam uppannanti duvidham. Tam hi abhinikkhamanato yava arahattamagga uppajjamanam nama, phalakkhane uppannam nama. Tusitabhavanato va yava bodhipallanke arahattamagga uppajjamanam nama, phalakkhane uppannam nama. Dipankaradasabalato va patthaya yava arahattamagga uppajjamanam nama, phalakkhane uppannam nama. Desanananampi pavattamanam pavattanti duvidham. Tam hi yava annatakondannassa therassa arahattamagga pavattamanam nama, phalakkhane pavattam nama. Tattha pativedhananam lokuttaram, desanananam lokiyam. Ubhayampi panetam annehi asadharanam, buddhanamyeva orasananam. Tena vuttam "brahmacakkam pavatteti"ti. Kammasamadanananti samadiyitva katanam kusalakusalakammanam, kammameva va kammasamadanam. Thanaso hetusoti paccayato ceva hetuto ca. Tattha gatiupadhikalapayoga vipakassa thanam. Kammam hetu. (2) Sabbatthagamininti sabbagatigamininca agatigamininca. Patipadanti maggam. Yathabhutam pajanatiti bahusupi manussesu ekameva panam ghatentesu imassa cetana nirayagamini @Footnote: ¹ ka. ca ma ca ² khu.ja. 27/149/181 ³ di.maha. 10/243/150 ⁴ khu.su. 25/563/448 @⁵ khu.ja. 27/104/26 ⁶ di.Si. 9/166/52 ⁷ di.pa. 11/61, sam.ni. 16/162/219 Bhavissati, imassa tiracchanayonigaminiti imina nayena ekavatthusmimpi kusalakusalacetana sankhatanam patipattinam aviparitato sabhavam janati. (3) Anekadhatunti cakkhudhatuadihi, kamadhatuadihi va dhatuhi bahudhatum ^1-. Nanadhatunti tasamyeva dhatunam vilakkhanatta nanappakaradhatum. Lokanti khandhayatanadhatulokam. Yathabhutam pajanatiti tasam tasam dhatunam aviparitato sabhavam pativijjhati. (4) Nanadhimuttakatanti hinapanitadiadhimuttihi nanadhimuttikabhavam. (5) Parasattananti padhanasattanam. Parapuggalananti tato paresam hinasattanam. Ekatthameva va etam padadvayam veneyyavasena bhagavata dvedha vuttam. Idhapi bhagavata vuttanayeneva vuttam. Indriyaparopariyattanti saddhadinam indriyanam parabhavanca aparabhavanca, vuddhinca hanincati attho. (6) Jhanavimokkhasamadhisamapattinanti pathamadinam catunnam jhananam, "rupi rupani passati"tiadinam ^2- atthannam vimokkhanam, savitakkasavicaradinam tinnam samadhinam. Pathamajjhanasamapattiadinanca navannam anupubbasamapattinam. Sankilesanti hanabhagiyadhammam. Vodananti visesabhagiyadhammam. Vutthananti yena karanena jhanadihi vutthahanti, tam karanam. Tam pana "vodanampi vutthanam, tamha tamha samadhimha vutthanampi vutthanan"ti evam vuttam pagunajjhananceva bhavangaphalasamapattiyo ca. Hetthimam hetthimam hi pagunajjhanam uparimassa uparimassa padatthanam hoti, tasma "vodanampi vutthanan"ti vuttam. Bhavangena pana sabbajjhanehi vutthanam hoti, nirodhasamapattito phalasamapattiya vutthanam hoti. Tam sandhaya "tamha tamha samadhimha vutthanampi vutthanan"ti vuttam ^3-. (7) @Footnote: ¹ i. bahudhatu ² khu.pati. 31/209/250 ³ abhi.vi. 35/828/419 Pubbenivasadibbacakkhuasavakkhayananani hettha pakasitaneva. (8,9,10) Tattha asavanam khayati arahattamaggena sabbakilesanam khaya. Anasavanti asavavirahitam. Cetovimuttim pannavimuttinti ettha cetovacanena arahattaphalasampayutto samadhi, pannavacanena tamsampayutta ca panna vutta. Tattha ca samadhi ragato vimuttatta cetovimutti, panna avijjaya vimuttatta pannavimuttiti veditabba. Vuttam hetam bhagavata "yo hissa bhikkhave samadhi, tadassa samadhindriyam. Ya hissa bhikkhave panna, tadassa pannindriyam. ^1- Iti kho bhikkhave ragaviraga cetovimutti avijjaviraga pannavimutti"ti. ^2- Apicettha samathabalam cetovimutti, vipassanabalam pannavimuttiti veditabbam. Dittheva dhammeti imasmimyeva attabhave. Sayam abhinna sacchikatvati adhikaya pannaya attanayeva paccakkham katva, aparappaccayena natvati attho. Upasampajjati adhigantva nipphadetva va. Imesam pana dasannam dasabalanananam vittharo abhidhamme vuttanayena veditabbo. Tattha paravadikatha hoti:- dasabalananam nama patiyekkam nanam natthi, sabbannutannanassevayam pabhedoti. Na tam tatha datthabbam. Annameva hi dasabalananam, annam sabbannutannanam. Dasabalananam hi sakasakakiccameva janati, sabbannutannanam tampi, tato avasesampi janati. Dasabalananesu hi pathamam karanakaranameva janati, dutiyam kammantaravipakantarameva, tatiyam kammaparicchedameva, catuttham dhatunanattakaranameva, pancamam sattanam ajjhasayadhimuttimeva, chattham indriyanam tikkhamudubhavameva, sattamam jhanadihi saddhim tesam sankilesadimeva, atthamam pubbenivutthakhandhasantatimeva, navamam sattanam cutipatisandhimeva, dasamam saccaparicchedameva. Sabbannutannanam pana etehi janitabbanca, tato uttarinca pajanati. Etesam pana kiccam na sabbam @Footnote: ¹ sam.maha. 19/520/198 ² khu.pati. 31/5/314 Karoti. Tam hi jhanam hutva appetum na sakkoti, iddhi hutva vikubbitum na sakkoti, maggo hutva kilese khepetum na saktoti. Apica paravadi evam pucchitabbo "dasabalananam nametam savitakkasavicaram avitakkavicaramattam avitakkavicaram kamavacaram rupavacaram arupavacaram lokiyam lokuttaran"ti. Jananto "patipatiya satta jhanani savitakkasavicarani"ti vakkhati. "tato parani dve avitakkaavicarani"ti vakkhati. "asavakkhayananam siya savitakkasavicaram, siya avitakkavicaramattam, siya avitakkaavicaran"ti vakkhati. Tatha "patipatiya satta kamavacarani, tato parani dve rupavacarani, tato avasane ekam lokuttaran"ti vakkhati. "sabbannutannanam pana savitakkasavicarameva kamavacarameva lokiyameva"ti vakkhati. Evamettha apubbatthanuvannanam natva idani yasma tathagato pathamamyeva thanatthanananena veneyyasattanam asavakkhayadhigamassa ceva anadhigamassa ca thanatthanabhutam kilesavaranabhavam passati lokiyasammaditthitthanadassanato niyatamicchaditthitthanabhavadassanato ca. Atha nesam kammavipakananena vipakavaranabhavam passati tihetukapatisandhidassanato. Sabbatthagaminipatipadananena kammavaranabhavam passati anantarikakammabhavadassanato. Evam anavarananam anekadhatunanadhatu- nanena anukuladhammadesanattham cariyavisesam passati dhatuvemattadassanato. Atha nesam nanadhimuttikatananena adhimuttim passati payogam anadiyitvapi adhimuttivasena dhammadesanattham. Athevam ditthadhimuttinam yathasatti yathabalam dhammam desetum indriya- paropariyattananena indriyaparopariyattam passati saddhadinam tikkhamudubhavadassanato. Evam parinnatindriyaparopariyattapi panete sace dure honti, atha jhanadinanena jhanadisu vasibhutatta iddhivisesena khippam upagacchati. Upagantva ca nesam pubbenivasanussatinanena pubbajativibhavanam dibbacakkhanubhavato ^1- pattabbena @Footnote: ¹ Si. dibbacakkhunanabhavato Cetopariyananena sampati cittavisesam passanto asavakkhayanananubhavena asavakkhaya- gaminiya patipadaya vigatasammohatta asavakkhayaya dhammam deseti. Tasma imina anukkamena imani dasa balani vuttaniti veditabbaniti. [45] Idani sabbabalani lakkhanato niddisitukamo kenatthena saddhabalantiadina nayena puccham katva assaddhiye akampiyatthenatiadina nayena vissajjanam akasi. Tattha hiriyatitiadi puggaladhitthana desana. Bhavanabaladisu adhitthanabalapariyantesu "tattha"ti ca, "tena"ti ca, "tan"ti ca nekkhammadikameva sandhaya vuttanti veditabbam. Tena cittam ekagganti tena samadhina cittam ekaggam hotiti vuttam hoti. Tattha jateti tattha samathe sampayogavasena jate, tasmim va vipassanarammanam hutva jate. Tattha sikkhatiti tattha sekhabale sekho sikkhatiti sekhabalanti attho. Tattha sikkhitattati tattha asekhabale asekhassa sikkhitatta asekhabalam. Tena asava khinati tena lokiyalokuttarena nanena asava khinati tam nanam khinasavabalam. Lokiyenapi hi nanena asava khina nama vipassanaya abhave lokuttaramaggabhavato. Evam khinasavassa balanti khinasavabalam. Tam ^1- tassa ijjhatiti iddhibalanti tassa iddhimato ijjhatiti iddhiyeva balam iddhibalam. Appameyyatthenati yasma savaka thanatthanadini ekadesena jananti, sabbakarena pajananamyeva sandhaya "yathabhutam pajanati"ti ^2- vuttam. Kincapi tisu vijjasu "yathabhutam pajanati"ti na vuttam, annattha pana vuttatta tasupi vuttameva hoti. Annatthati sesesu sattasu nanabalesu ca abhidhamme ^3- ca dasasupi balesu. Indriya- paropariyattananam pana sabbathapi savakehi asadharanameva. Tasma dasapi balani savakehi asadharananiti. Adhimattatthena atuliyatthena appameyyani, tasmayeva ca "appameyyatthena tathagatabalan"ti vuttanti. Balakathavannana nitthita. @Footnote: ¹ cha.Ma. ayam patho na dissati ² khu.pati. 31/44/388 ³ abhi.vi. 35/760/384

The Pali Atthakatha in Roman Book 48 page 265-276. http://84000.org/tipitaka/atthapali/read_rm.php?B=48&A=5990&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=5990&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=621 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=9299 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=10801 The Pali Tipitaka in Roman Character :- http://84000.org/tipitaka/read/roman_read.php?B=31&A=10801 Contents of The Tipitaka Volume 31 http://84000.org/tipitaka/read/?index_31