บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Pindolabharadvajattherapadanavannana padumuttaro nama jinotiadikam ayasmato pindolabharadvajattherassa 2- apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale sihayoniyam nibbattitva pabbatapade guhayam vihasi. Bhagava tassa anuggaham katum gocaraya pakkantakale tassa sayanaguham pavisitva nirodham samapajjitva nisidi. Siho gocaram gahetva nivatto guhadvare thatva bhagavantam disva hatthatuttho jalajathalajapupphehi pujam katva cittam pasadento bhagavato arakkhanatthaya anne valamige apanetum tisu velasu sihanadam nadanto buddhagataya satiya 3- atthasi. Yatha pathamadivase, evam sattaham pujesi. Bhagava "sattahaccayena nirodha vutthahitva vattissati imassa ettako upanissayo"ti tassa passantasseva akasam pakkhanditva viharameva gato. Siho buddhaviyogadukkham adhivasetum asakkonto kalam katva hamsavatinagare mahabhogakule nibbattitva vayappatto nagaravasihi saddhim viharam gantva satthu dhammadesanam sutva pasanno sattaham buddhappamukhassa bhikkhusamghassa mahadanam pavattetva yavajivam punnani katva aparaparam devamanussesu samsaranto amhakam bhagavato kale kosambiyam ranno udenassa purohitassa putto hutva nibbatti, bharadvarotissa namam ahosi. So vayappatto tayo vede uggahetva panca manavakasatani mante vacento mahagghasabhavena ananurupacaratta 4- tehi @Footnote: 1 cha.Ma. samatta. 2 cha.Ma. pindolabharadvajassa. 3 Ma. pitiya. 4 Si., @i....garuppatto. Pariccatto rajagaham gantva bhagavato bhikkhusamghassa ca labhasakkaram disva sasane pabbajitva bhojane amattannu hutva viharati. Satthara upayena mattannutaya patitthapento vipassanam patthapetva nacirasseva chalabhinno ahosi. Chalabhinno pana hutva bhagavato sammukha "yam savakehi pattabbam, tam maya anuppattan"ti, bhikkhusamghe ca "yassa magge va phale va kankha atthi, so mam pucchatu"ti sihanadam nadi. Tena tam bhagava "etadaggam bhikkhave mama savakanam bhikkhunam sihanadikanam yadidam pindolabharadvajo"ti etadagge 1- thapesi. [613] Evam etadaggatthanam patva pubbe katapunnasambharam saritva somanassavasena attano punnakammapadanam vibhavento padumuttarotiadimaha. Tassattho hettha vuttova. Purato himavantassati himalayapabbatato pubbadisabhageti attho. Cittakute vasi tadati yada aham siho migaraja hutva himavantapabbatasamipe vasami, tada padumuttaro nama sattha anekehi ca osadhehi anekehi ca ratanehi cittavicittataya cittakute cittapabbatasikhare vasiti sambandho. [614] Abhitarupo tatthasinti abhitasabhavo nibbhayasabhavo migaraja tattha asim ahosinti attho. Catukkamoti catuhi disahi kamo gantum samattho. Yassa saddam sunitvanati yassa migaranno sihanadam sutva bahujjana 2- bahusatta vikkhambhanti visesena khambhanti bhayanti. [615] Suphullam padumam gayhati bhagavati pasadena supupphitapadumapuppham damsitva. Narasabham naranam asabham uttamam settham sambuddham upagacchim, samipam agaminti attho. Vutthitassa samadhimhati nirodhasamapattito vutthitassa buddhassa tam puppham abhiropayim pujesinti attho. [616] Catuddisam 3- namassitvati catusu disasu namassitva sakam cittam attano cittam pasadetva adarena patitthapetva sihanadam abhitanadam anadim 4- ghosesinti attho. @Footnote: 1 an. ekaka. 20/195/23. 2 pali. bahu jana. 3 pali. catuddisam. 4 pali. nadim. [617] Tato buddhena dinnabyakaranam pakasento padumuttarotiadimaha. Tam uttanatthameva. [618] Vadatam setthoti "mayam buddha, mayam buddha"ti vadantanam annatitthiyanam settho uttamo buddho agatoti sambandho. Tassa agatassa bhagavato tam dhammam sossama sunissamati attho. [619] Tesam hasaparetananti hasehi somanassehi paretanam abhibhutanam samannagatanam tesam devamanussanam. Lokanayakoti lokassa nayako saggamokkhasampapako mama saddam mayham sihanadam pakittesi pakasesi kathesi dighadassi anagatakaladassi mahamuni muninamantare mahanto muni. Sesagatha suvinneyyameva. [622] Namena padumo nama cakkavatti hutva catusatthiya jatiya issariyam issarabhavam rajjam karayissatiti attho. [623] Kappasatasahassamhiti samyatthe bhummavacanam, kappasatasahassanam pariyosaneti attho. [624] Pakasite pavacaneti tena gotamena bhagavata pitakattaye pakasite desiteti attho. Brahmabandhu bhavissatiti tada gotamassa bhagavato kale ayam siho migaraja brahmanakule nibbattissatiti attho. Brahmanna abhinikkhammati brahmanakulato nikkhamitva tassa bhagavato sasane pabbajissatiti sambandho. [625] Padhanapahitattoti viriyakaranattham pesitacitto. Upadhisankhatanam kilesanam abhavena nirupadhi. Kilesadarathanam abhavena upasanto. Sabbasave sakalasave parinnaya pahaya anasavo nikkileso nibbayissati khandhaparinibbanena nibbuto bhavissatiti attho. [626] Vijane pantaseyyamhiti janasambadharahite durarannasenasaneti attho. Valamigasamakuleti kalasihadihi khandamigasangehi akule sankinneti attho. Sesam vuttatthamevati. Pindolabharadvajattherapadanavannana nitthita. 1- ------------The Pali Atthakatha in Roman Book 49 page 363-366. http://84000.org/tipitaka/atthapali/read_rm.php?B=49&A=9079&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=49&A=9079&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=10 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1107 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1485 The Pali Tipitaka in Roman Character :- http://84000.org/tipitaka/read/roman_read.php?B=32&A=1485 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]