ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 5 : PALI ROMAN Di.A. (sumangala.2)

                           5. Janavasabhasutta
                       nadikiyadibyakaranavannana
      [273-275] Evamme sutanti janavasabhasuttam. Tatrayam anuttanapadavannana:-
      parito parito janapadesuti samantajanapadesu paricaraketi buddhadhammasamghanam
paricarake. Upapattisuti nanagatipunnanam upapattisu. Kasikosalesuti kasisu ca
kosalesu ca, kasikaratthe ca kosalaratthe cati attho. Esa nayo sabbattha.
Angamagadhayonakakambojaassakaavantiratthesu pana chasu na byakaroti. Imesam pana solasannam
mahajanapadanam purimesu dasasuyeva byakaroti. Nadikiyati 1- nadikagamavasino.
      Tena cati tena anagamiadibhavena. Sutvati sabbannutananena
paricchinditva byakarontassa bhagavato panhabyakaranam sutva tesam anagamiadisu
nittham gata hutva. Tena anagamiadibhavena attamana ahesum. Atthakathayam pana
tenati te nadikiyati vuttam. Etasmim hi atthe nakaro nipatamattam hoti.
                         Anandaparikathavannana
      [276-277] Bhagavantam kittayamanarupoti aho buddho, aho dhammo,
aho samgho, aho dhammo svakkhatoti evam kittayantova kalamakasi. Bahujano
pasideyyati amhakam pita mata bhata bhagini putto dhita sahayako, tena
amhehi saddhim ekato bhutta, ekato sayita, tassa idancidanca manapam
akarimha, so kira anagami sakadagami sotapanno, aho sadhu aho sutthuti
evam bahujano pasadam apajjeyya.
      [278] Gatinti nanagatim. Abhisamparayanti nanabhisamparayameva.
Addasa khoti kittake jane addasa. Catuvisatisatasahassani.
@Footnote: 1 cha.Ma. natikiyati evamuparipi
      [279] Upasantapatissoti 1- upasantadassano. Bhatirivati ativiya
bhati, ativiya virocati. Indriyananti mamacchatthanam indriyanam. Addasam kho aham
anandati neva dasa, na visati, na satam, sahassam, anunadhikani catuvisatisatahassani
addasanti aha.
                          Janavasabhayakkhavannana
      [280] Disva pana me ettako nama jano mam nissaya dukkha muttoti
balavasomanassam uppajji, cittam pasidi, cittassa pasannatta cittasamutthanam
lohitam pasidi, lohitassa pasannatta manacchatthani indriyani pasidimsuti sabbamidam
vatva atha kho anandati adimaha. Tattha yasma so bimbisaro bhagavato
dhammakatham sutva dasasahassadhikassa janasatasahassassa jetthako hutva sotapanno
jato, tasma janavasabhotissa namam ahosi.
      Ito sattati ito devaloka cavitva satta. Tato sattati tato
manussaloka cavitva satta. Samsarani 2- catuddasati sabbapi catuddasa khandhapatipatiyo.
Nivasamabhijanamiti jativasena nivasam janami. Yattha me vusitam pureti yattha
devesu ca vessavanassa sahabyatam upagatena manussesu ca rajabhutena ito
attabhavato pureyeva maya vusitam. Pure evam vusitattaeva ca idani sotapanno
hutva tisu vatthusu bahupunnam katva tassanubhavena upari nibbattitum samatthopi
digharattam vusitatthane 3- nikkantiya balavataya ettheva nibbatto.
      [281] Asa ca pana me santitthatiti imina aham sotapannoti
na suttappamattova hutva kalam vitinamesim. Sakadagamimaggatthaya pana me
vipassana araddha. Ajjeva ajjeva pativijjhissamiti evam saussaho viharamiti
dasseti. Yadaggeti latthivanuyyane pathamadassane sotapannadivasam sandhaya vadati.
Tadagge aham bhante digharattam avinipato avinipatam sanjanamiti tam divasam adim
katva, aham bhante purima catuddasaattabhavasankhata 4- digharattam avinipato
@Footnote: 1 cha.Ma. upasantapadissoti  2 ka. samsarami  3 vasitatthane  4 cha.Ma. purimam....sankhatam
Latthivanuyyane sotapattimaggavasena adhigatam avinipatadhammam 1- sanjanamiti attho.
Anacchariyanti anu acchariyam. Cintayamanam punappunam acchariyamevetam 2- yam yena 3-
kenacideva karaniyena gacchanto bhagavantam antaramagge addasam, idampi acchariyam
yanca me vessavanassa maharajassa tassam 4- parisayam 4- bhasato bhagavato
ditthasadisameva sammukha sutam. Dve paccayati antaramagge ditthabhavo ca
vessavanassa sammukha sutam arocetukamata ca.
                           Devasabhavannana
      [282] Sannipatitati kasma sannipatita. Te kira catuhi karanehi
sannipatanti. Vassupanayikasangahattham, pavaranasangahattham, dhammassavanattham,
paricchattakakilanubhavanatthanti. Tattha sve vassupanayikati asalhapunnamayam 5-
dvisu devalokesu deva sudhammaya devasabhaya sannipatitva mantenti asukavihare
eko bhikkhu vassupagato, asukavihare dve tayo cattaro panca dasa visati timsa
cattalisa pannasa satam sahassam bhikkhu vassupagata, etthettha thane ayyanam
arakkham susamvihitam karothati. Evam vassupanayikasangaho kato hoti.
      Tadapi eteneva karanena sannipatita. Idam nesam 6- hoti asanasminti
idam tesam catunnam maharajanam asanam hoti. Evantesupi nisinnesu atha paccha
amhakam asanam hoti.
      Yenatthenati yena vassupanayikatthena. Tam attham cintayitva tam attham
mantayitvati tam arannavasino bhikkhusamghassa arakkham 7- cintayitva etthettha
vutthabhikkhusamghassa arakkham samvidahathati catuhi maharajehi saddhim mantetva.
Vuttavacanapi tanti tetimsa devaputta vadanti, maharajano vuttavacana nama.
Tatha tetimsa devaputta paccanusasanti, itare paccanusitthavacana nama.
Padadvayepi pana tanti nipatamattameva. Avipakkantati agata.
@Footnote: 1 cha.Ma.,i. avinipatadhammatam  2 cha.Ma.,i. acchariyamevidam  3 cha.Ma.,i. yena na dissati
@4-4 cha.Ma. sayamparisaya, i. sayam parisayam  5 cha.Ma. asalhipunnamaya,
@    i. asalahipunnamaya   6 cha.Ma.,i. tesam   7 cha.Ma.,i, arakkhattham
      [283] Ularoti vipulo maha. Devanubhavanti ya sa sabbadevatanam
vatthalankaravimanasariranam pabha dvadasa yojanani pharati. Mahapunnanam pana
sarirappabha yojanasatam pharati. Tam devanubhavam atikkamitva.
      Brahmuno hetam pubbanimittanti yatha suriyassa udayato etam
pubbangamam etam pubbanimittam yadidam arunuggam, evameva brahmunopi etam
"pubbanimittan"ti dipeti.
                         Sanankumarakathavannana
      [284] Anabhisambhavaniyoti apattabbo, na tam deva tavatimsa
passantiti attho. Cakkhupathasminti cakkhupasade apathe va. So devanam cakkhussa
apathe sambhavaniyo 1- pattabbo na ahosi, 2- nabhibhavatiti vuttam hoti. Hettha
hetatha hi devata uparuparidevatanam olarikam katva mapitameva attabhavam passitum
sakkonti. Vedapatilabhanti tutthipatilabham. Adhunabhisitto rajjenati sampattiya 3-
abhisitto rajjena. Ayam panattho dutthagamaniabhayavatthuna dipetabbo:-
      so kira dvattimsa damilarajano vijitva anuradhapure pattabhiseko
tutthisomanassena masam niddam na labhi, tato "niddam na labhami bhante"ti
bhikkhusamghassa acikkhi. Tenahi maharaja ajja uposatham adhitthahiti. So ca
uposatham adhitthasi. Samgho gantva "cittayamakam sajjhayatha"ti attha abhidhammikabhikkhu
pesesi. Te gantva "nipajjatu 4- maharaja"ti vatva sajjhayam arabhimsu. Raja
sajjhayam sunantova niddam okkami. Thera rajanam ma pabodhayitthati pakkamimsu.
Raja dutiyadivase suriyuggamaneva pabujjhitva there apassanto "kuhim ayya"ti
pucchi. Tumhakam niddokkamanabhavam natva gatati. Natthi bho mayham ayyakassa
darakanam ajananabhesajjam nama, yava niddabhesajjampi janantiyevati aha.
      Pancasikhoti pancasikhagandhabbasadiso hutva. Pancasikhagandhabbadevaputtassa
kira sabbadevaputta 5- attabhavam mamayanti. Tasma brahmapi tadisamyeva attabhavam
nimminitva paturahosi. Pallankena nisiditi pallankam abhujitva nisidi.
@Footnote: 1 cha.Ma., i. sambhavaniyo  2 cha.Ma., i. hoti  3 cha.Ma., i. sampati
@4 cha.Ma., i. nipajja tvam  5 cha.Ma., i. sabbadevata
      [285] Vissatthoti sumutto apalibuddho. Vinneyyoti atathavinnapano.
Manjuti madhuro mudu. Savaniyoti sotabbayutto kannasukho. Binduti ekaghano.
Avisariti suvisado avippakinno. Gambhiroti nabhimulato patthaya gambhirasamutthito,
na jivhadantaotthatalumattappaharasamutthito. Evam samutthito hi amadhuro ca hoti,
na ca duram saveti. Ninnaditi mahameghagajjitamudingasaddo 1- viya ninnadayutto.
Apicettha pacchimam pacchimam padam purimassa purimassa atthoyevati veditabbam. 2-
Yathaparisanti yattaka parisa, tattakameva vinnapeti. Antoparisayamevassa saddo
samparivattati, na bahiddha vidhavati.
      Ye hi keciti adi bahujanahitaya patipannabhavadassanattham vadati. Saranam gatati
na yatha va tatha va saranam gate sandhaya vadati. Nibbematikagahitasarane pana sandhaya
vadati. Gandhabbakayam paripurentiti gandhabbadevaganam paripurenti. Iti amhakam satthu
loke uppannakalato patthaya cha devalokadisu pittham kottetva puritanali
viya saravananalavanam viya ca nirantara 3- jata marisati 3- aha.
                         Bhavitaiddhipadavannana
      [286] Yava supannattapime 4- tena bhagavatati tena mayham satthara
bhagavata yava supannatta yava sukathita. Iddhipadati ettha ijjhanatthena
iddhi, patitthanatthena padati veditabba. Iddhibahulikatayati 5- iddhipahonakataya.
Iddhivisevitayati 6- iddhivisesabhavaya, 6- punappunam sevanavasena 7-
cinnavasitayati vuttam hoti. Iddhivikubbanatayati iddhivikubbanabhavaya,
nanappakarato katva dassanatthaya. Chandasamadhi padhanasankharasamannagatanti adisu
chandahetuko chandadhiko va samadhi chandasamadhi, kattukamyatachandamadhipatim karitva
patiladdhasamadhissetam adhivacanam. Padhanabhuta sankhara padhanasankhara, catukiccasadhakassa
sammapdhanaviriyassetam adhivacanam. Samannagatanti chandasamadhina ca padhanasankharehi 8- ca
@Footnote: 1 cha.Ma.,i. mahameghamudingasaddo  2 cha.Ma.,i. veditabbo  3-3 cha.Ma.,i. nirantaram
@  jataparisati   4 cha.Ma.,i. supannatta cime  5 cha.Ma.,i. iddhipahutayati
@6-6 cha.Ma.,i. iddhivisavitayati iddhivipajjanabhavaya  7 cha.Ma.,i. asevanavasena
@8 cha.Ma.,i. padhana sankharena
Upetam. Iddhipadanti nipphattipariyayena va ijjhanatthena, ijjhanti etaya
satta iddha vuddha ukkamsagata hontiti imina va pariyayena iddhiti sankhyam
gatanam abhinnacittasampayuttanam chandasamadhipadhanasankharanam adhitthanatthena padabhutam 1-
sesacittacetasikarasinti attho. Vuttam hetam "iddhipadoti yo tathabhutassa
vedanakkhandho .pe. Vinnanakkhandho"ti. 2- Imina nayena sesapadesupi attho
veditabbo. Yatheva hi chandam adhipatim karitva patiladdhasamadhi chandasamadhiti vutto,
evam viriyam, cittam, vimamsam adhipatim karitva patiladdhasamadhi vimamsasamadhiti vuccati.
      Apica upacarajjhanam pado, pathamajjhanam iddhi. Saupacaram pathamajjhanam
pado, dutiyajjhanam iddhiti evam pubbabhage pado, aparabhage iddhiti evamettha
attho veditabbo. Vittharena pana iddhipadakatha visuddhimagge ca vibhangatthakathayam
ca vutta.
      Keci pana "nipphanna iddhi. Anipphanno iddhipado"ti vadanti,
tesam vadamaddanatthaya abhidhamme uttaraculikavaro nama agato:- 3- "cattaro
iddhipada chandiddhipado, viriyiddhipado, cittiddhipado, vimamsiddhipado. Tattha
katamo chandiddhipado. Idha bhikkhu yasmim samaye lokuttaram jhanam bhaveti niyyanikam
apacayagamim ditthigatanam pahanaya pathamaya bhumiya pattiya, vivacceva kamehi
pathamam jhanam upasampajja viharati dukkhapatipadam 4- dandhabhinnam. Yo tasmim samaye
chando chandikata kattukamyata kusalo dhammacchando, ayam vuccati chandiddhipado,
avasesa dhamma chandiddhipadasampayutta"ti. 5- Ime pana lokuttaravaseneva agata.
Tattha ratthapalatthero chandam dhuram katva lokuttaradhammam nibbattesi. Sonatthero
viriyam dhuram katva, sambhutatthero cittam dhuram katva, ayasma mogharaja vimamsam
dhuram katvati.
      Tattha yatha catusu amaccaputtesu thanantaram patthetva rajanam
upanissaya viharantesu eko upatthane chandajato ranno ajjhasayanca
rucinca natva diva ca ratto ca upatthahanto rajanam aradhetva thanantaram
papuni. Yatha so, evam chandadhurena lokuttaradhammanibbattako veditabbo.
@Footnote: 1 cha.Ma. padabhuto  2 abhi. vi. 35/434/261 chandiddhipada  3 cha.Ma. abhato
@4 cha.Ma. dukakhapatipadam  5 abhi. vi. 35/457/269 vimamsiddhipada
      Eko pana "divase divase upatthatum ko sakkoti, uppanne kicce
parakkamena aradhessami"ti kuppite paccante ranna pahito parakkamena
sattumaddanam katva thanantaram papuni. Yatha so, evam viriyadhurena
lokuttaradhammanibbattako veditabbo.
      Eko "divase divase upatthanampi urena sattisarapaticchannampi bharoyeva,
mantavasena 1- aradhessami"ti khettavijjaya 2- kataparicayatta mantasamvidhanena
rajanam aradhetva thanantaram papuni. 3- Yatha so, evam cittadhurena
lokuttaradhammanibbattako veditabbo.
      Aparo "kim imehi upatthanadihi, rajano nama jatisampannassa
thanantaram denti, tadisassa dento mayham dassati"ti jatisampadameva 4- nissaya
thanantaram papuni. Yatha so, evam suparisuddham vimamsam nissaya vimamsadhurena 5-
lokuttaradhammanibbattako veditabbo.
      Anekavihitanti anekavidham. Iddhividhanti iddhikotthasam.
                        Tividhaokasadhigamavannana
      [288] Sukhassadhigamayati jhanasukhassa maggasukhassa balasukhassa ca
adhigamaya. Samsatthoti sampayuttacitto. Ariyadhammanti ariyena bhagavata buddhena
desitam dhammam. Sunatiti satthu sammukha bhikkhubhikkhuniadihi va desiyamana sunati.
Yoniso manasikarotiti upayato pathato karanato aniccanti adivasena manasikaroti.
"yonisomanasikaro nama upayamanasikaro pathamanasikaro, anicce aniccanti
asubhe asubhanti dukkhe dukkhanti anattani anattati saccanulomikena va cittassa
avajjana anvavajjana 6- abhogo samannaharo manasikaro, ayam vuccati
yoniso manasikaro"ti evamvuttayonisomanasikarena 7- kammam arabhatiti attho.
@Footnote: 1 cha.Ma.,i. mantabalena   2 cha.Ma. khattavijjaya   3 cha.Ma. papunati
@4 cha.Ma.,i. jatisampattimeva        5 cha.Ma.,i. vimamsadhurena
@6 cha.Ma.,i. avattana anvavattana  7 cha.Ma.,i. evam vutte yonisomanasikare
Asamsatthoti vatthukamehipi kilesakamehipi asamsattho viharati. Uppajjati sukhanti
uppajjati pathamajjhanasukham. Sukha bhiyyo somanassanti samapattito vutthitassa
jhanasukhapaccaya aparaparam somanassam uppajjati. Pamudati tutthakarato dubbalapiti.
Pamojjanti balavapitisomanassam 1- pathamo okasadhigamoti pathamajjhanam panca
nivaranani vikkhambhetva attano okasam gahetva titthati, tasma "pathamo
okasadhigamo"ti vuttam.
      Olarikati ettha kayavacisankhara tava olarika hontu, cittasankhara
katham olarikati. Appahinatta. Kayasankhara hi catutthajjhanena pahiyanti,
vacisankhara dutiyajjhanena, cittasankhara nirodhasamapattiya. Iti kayavacisankharesu
pahinesupi te titthantiyevati pahine upadaya appahinatta olarika nama
jata. Sukhanti nirodha vutthahantassa uppannam catutthajjhanikaphalasamapattisukham.
Sukha bhiyyo sonamassanti phalasamapattito vutthitassa aparaparam sonamassam,
dutiyo okasadhigamoti catutthajjhanam sukhadukkham vikkhambhetva attano okasam
gahetva titthati, tasma "dutiyo okasadhigamo"ti vuttam. Dutiyatatiyajjhanani
panettha catutthe gahite gahitaneva hontiti visum na vuttaniti.
      Idam kusalanti adisu. Kusalam nama dasa kusalakammapatha. Akusalanti
dasaakusalakammapatha. Savajjadukadayopi etesamyeva vasena veditabba. Sabbanceva
panetam kanhanca sukkanca sappatibhagam cati kanhasukkasappatibhagam. Nibbanameva
cekam 2- appatibhagam. Avijja pahiyatiti vattapaticchadika avijja pahiyati. Vijja
uppajjatiti arahattamaggavijja uppajjati. Sukhanti arahattamaggasukhanceva
phalasukhanca. Sukha bhiyyo somanassanti phalasamapattito vutthitassa aparaparam
somanassam. Tatiyo okasadhigamoti arahattamaggo sabbakilese vikkhambhetva
attano okasam gahetva titthati, tasma "tatiyo okasadhigamo"ti vutto.
Sesa magga pana tasmim gahite antogadhaevati visum na vutta.
@Footnote: 1 cha.Ma., i. balavataram pitisomanassam  2 cha.Ma., i. hetam
      Ime pana tayo okasadhigama atthatimsarammanavasena vittharetva
kathetabba. Katham? sabbani arammanani visuddhimagge vuttanayeneva upacaravasena
ca appanavasena ca vavatthapetva catuvisatiya thanesu pathamajjhanam "pathamo
okasadhigamo"ti kathetabbam. Terasasu thanesu dutiyatatiyajjhanani, pannarasasu
thanesu catutthajjhananca nirodhasamapattim papetva "dutiyo okasadhigamo"ti
kathetabbam. Dasa upacarajjhanani pana maggassa padatthanabhutani tatiyam okasadhigamam
bhajanti. Apica tisu sikkhasu adhisilasikkha pathamam okasadhigamam bhajati, adhicittasikkha
dutiyam, adhipannasikkha tatiyanti evam sikkhavasenapi kathetabbam. Samannaphalepi
culasilato yava pathamajjhana pathamo okasadhigamo, dutiyajjhanato yava
nevasannanasannayatana dutiyo, vipassanato 1- yava arahatta tatiyo
okasadhigamoti evam samannaphalasuttantavasenapi kathetabbo 2- tisu pana pitakesu
vinayapitakam pathamam okasadhigamam bhajati, suttantapitakam dutiyam, abhidhammapitakam tatiyanti
evam pitakavasenapi kathetabbam.
      Pubbe kira mahathera vassupanayikaya imameva suttam patthapenti.
Kimkarana? tini pitakani vibhajitva kathetum labhissamati. Tepitakena hi samodhanetva
Kathentassa dukkathitanti kenaci 3- na sakka vattum. Tepitakam vibhajitva 4- kathitameva
idam suttam sukathitam hotiti.
                         Catusatipatthanavannana
      [289] Kusalassadhigamayati maggakusalassa ceva phalakusalassa ca
adhigamatthaya. Ubhayampi hetam anavajjatthena khematthena va kusalameva. Tattha samma
samadhiyatiti tasmim ajjhattakaye samma samahito ekaggacitto hoti. Bahiddha
parakaye nanadassanam abhinibbattetiti attano kayato parassa kayabhimukham nanam
peseti. Esa nayo sabbattha. Sabbattheva ca satimati padena kayadipariggahika
@Footnote: 1 i. vipassanato  2 cha.Ma., i. kathetabbam
@3 cha.Ma., i. kenaci na dissati  4 cha.Ma., i. bhajapetva
Sati. Loketi 1- padena pariggahitakayadayova cattaro cete satipatthana
lokiyalokuttaramissaka kathitati veditabba.
                       Sattasamadhiparikkharavannana
      [290] Samadhiparikkharati ettha tayo parikkhaRa. "ratho silaparikkharo 2-
jhanakkho cakkaviriyo"ti 3- hi ettha alankaro parikkharo nama. "sattahi
nagaraparikkharehi suparikkhittam 4- hoti"ti 5- ettha parivaro parikkharo nama.
"gilanapacacayajivitaparikkharo"ti 6- ettha sambharo parikkharo nama. Idha pana
parivaraparikkharavasena "satta samadhiparikkhara"ti vuttam. Parikkhatati parivarika. 7-
Ayam vuccati bho ariyo sammasamadhiti ayam sattahi ratanehi parivuto cakkavatti
viya sattahi angehi parivuto "ariyo sammasamadhi"ti vuccati. Saupaniso itipiti
saupanissayo itipi vuccati, saparivaroyevati vuttam hoti. Sammaditthissati
sammaditthiyam thitassa. Sammasankappo pahotiti sammasankappo pavattati. Esa
nayo sabbapadesu. Ayam panattho maggavasenapi phalavasenapi veditabbo. Katham?
maggasammaditthiyam thitassa maggasammasankappo pahoti .pe. Magganane thitassa
maggavimutti pahoti. Tatha phalasammaditthiyam thitassa phalasammasankappo pahoti
.pe. Phalasammanane thitassa phalavimutti pahotiti.
      Svakkhatoti adini visuddhimagge vannitani. Aparutati vivata. Amatassati
nibbanassa. Dvarati pavesanamagga. Aveccappasadenati acalappasadena.
Dhamme vinitati dhammaniyamena 8- niyata. 8- Athayam itara pajati anagamino
sandhayaha, anagamino ca atthiti vuttam hoti. Punnabhagati punnakotthasena
nibbatta. Ottappanti 9- ottappamano. 9- Tena kadaci nama musa
assati musavadabhayena sankhatum na sakkomi, na pana mama sankhatum balam natthiti
dipeti.
@Footnote: 1 cha.Ma. lokoti  2 ka. setaparikkharo  3 sam.maha. 19/4/5 janussonibrahmanasutta
@4 cha.Ma. suparikkhatam  5 an. sattaka. 23/64/107 nagaropamasutta (saya)
@6 di.pati. 11/182/112 pasadikasutta  7 cha.Ma. parivarita
@8-8 cha.Ma. sammaniyyamena niyyata  9-9 Si. ottapanti ottapamano
      [291] Tam kim mannati bhavanti imina kevalam vessavanam pucchati,
na panassa evarupo sattha nahositi va na bhavissatiti va laddhi atthi.
Sabbabuddhananhi abhisamaye viseso natthi.
      [292] Sayam parisayanti 1- attano parisayam. Tayidam brahmacariyanti
tam idam sakalam sikkhattayam brahmacariyam. Sesam uttanameva. Imani pana padani
dhammasangahakattherehi thapitaniti.
                      Janavasabhasuttavannana nitthita.
                          -------------
@Footnote: 1 cha.Ma. sayam parisayam, Si. parisayam



             The Pali Atthakatha in Roman Book 5 page 248-258. http://84000.org/tipitaka/atthapali/read_rm.php?B=5&A=6396&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=5&A=6396&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=10&i=187              เนื้อความพระไตรปิฎกฉบับหลวง :- http://84000.org/tipitaka/read/r.php?B=10&A=4465              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=10&A=4838              The Pali Tipitaka in Roman Character :- http://84000.org/tipitaka/read/roman_read.php?B=10&A=4838              Contents of The Tipitaka Volume 10 http://84000.org/tipitaka/read/?index_10

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]