ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
previous bookno pageNumbernext pagelast page chage to ROMAN letter  
Atthakatha Book 50 : PALI ROMAN Apa.A.2 (visuddha.2)

page1.

Khuddakanikaya apadanatthakatha (dutiyo bhago) ----------- namo tassa bhagavato arahato sammasambuddhassa. Therapadana 2. Sihasaniyavagga 13. 1. Sihasanadayakattherapadanavannana nibbute lokanathamhitiadikam ayasmato sihasanadayakattherassa apadanam. Ayampi purimabuddhesu katadhikaro tattha tattha bhave vivattupanissayani 1- punnani upacinanto siddhatthassa bhagavato kale vibhavasampanne saddhasampanne ekasmim kule nibbatto, dharamane bhagavati devaloke vasitva nibbute bhagavati uppannatta vinnutam patto bhagavato saririkacetiyam disva "aho me alabha, bhagavato dharamane kale asampatto"ti cintetva cetiye cittam pasadetva somanassajato sabbaratanamayam devatanimmitasadisam dhammasane sihasanam karetva jivamanakabuddhassa viya pujesi. Tassupari gehampi dibbavimanamiva karesi, padatthapanapadapithampi karesi. Evam yavajivam dipadhupapupphagandhadihi anekavidham pujam katva tato cuto devaloke nibbatto chakamasagge aparaparam dibbasampattim anubhavitva manussesu cakkavattisampattim anekakkhattum anubhavitva sankhyatikkantam padesarajjasampattinca @Footnote: 1 cha.Ma. ayam patho na dissati.

--------------------------------------------------------------------------------------------- page2.

Anubhavitva kassapassa bhagavato sasane pabbajitva samanadhammam katva etthantare devamanussesu samsaranto imasmim buddhuppade ekasmim vibhavasampanne kule nibbattitva vinnutam patto satthu dhammadesanam sutva patiladdhasaddho pabbajitva laddhupasampado kammatthanam gahetva ghatento vayamanto nacirasseva arahattam papuni. [1] Evam pattaarahattaphalo attano pubbakammam saritva somanassam uppadetva pubbacaritapadanam pakasento nibbute lokanathamhitiadimaha. Tattha lokassa natho padhanoti lokanatho, lokattayasamiti attho. Lokanathe siddhatthamhi nibbuteti sambandho. Vittharite 1- pavacaneti pavacane pitakattaye vittharite patthate pakateti attho. Bahujannamhi sasaneti sikkhattayasangahite buddhasasane anekasatasahassakotikhinasavasankhatehi bahujanehi nate adhigateti attho. [2-3] Pasannacitto sumanoti tada aham buddhassa dharamanakale asampatto nibbute tasmim devaloka cavitva manussalokam upapanno tassa bhagavato saririkadhatucetiyam disva pasannacitto saddhasampayuttamano sundaramano "aho mamagamanam svagamanan"ti sanjatapasadabahumano "maya nibbanadhigamaya ekam punnam katum vattati"ti cintetva bhagavato cetiyasamipe bhagavantam uddissa hirannasuvannaratanadihi alankaritvava sihasanam akasi. Tatra nisinnassa padatthapanatthaya padapithanca karesi. Sihasanassa atemanatthaya tassupari gharanca karesi. Tena vuttam "sihasanamakasaham .pe. Gharam tattha akasahan"ti. Tena cittappasadenati dharamanassa viya bhagavato sihasanam maya katam, tena cittappasadena. Tusitam upapajjahanti tusitabhavane upapajjinti attho. @Footnote: 1. pali. vittharike.

--------------------------------------------------------------------------------------------- page3.

[4] Ayamena catubbisati tatrupapannassa devabhutassa sato mayham sukatam punnena nibbattitam patubhutam ayamena uccato catubbisayojanam vittharena tiriyato catuddasayojanam tavadeva nibbattikkhaneyeva asi ahositi attho. Sesam suvinneyyameva. [9] Catunnavute 1- ito kappeti ito kappato catunavute kappe yam kammam akarim akasim, tada tato patthaya punnabalena kanci duggatim nabhijanami, na anubhutapubba kaci duggatiti attho. [10] Tesattatimhito 2- kappeti ito kappato tesattatikappe. Indanama tayo janati indanamaka tayo cakkavattirajano ekasmim kappe tisu jatisu indo nama cakkavatti raja ahosinti attho. Dve sattatimhito 3- kappeti ito dvesattatikappe. Sumananamaka tayo jana tikkhattum cakkavattirajano ahesum. [11] Samasattatito kappeti ito kappato anunadhike sattatime kappe varunanamaka varuno cakkavattiti evamnamaka tayo cakkavattirajano cakkaratanasampanna catudipamhi issara ahesunti attho. Sesam suvinneyyamevati. Sihasanadayakattherapadanavannana nitthita. 4- ----------------


             The Pali Atthakatha in Roman Book 50 page 1-3. http://84000.org/tipitaka/atthapali/read_rm.php?B=50&A=1&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=32&i=13              เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1213              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1614              The Pali Tipitaka in Roman Character :- http://84000.org/tipitaka/read/roman_read.php?B=32&A=1614              Contents of The Tipitaka Volume 32 http://84000.org/tipitaka/read/?index_32

previous bookno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com