AtthaPali Vol.50

31. 9. Ekanjalikattherapadanavannana suvannavannantiadikam ayasmato ekanjalikattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto vipassissa bhagavato kale ekasmim kulagehe nibbatto vinnutam patto ratanattaye pasanno pindaya carantam vipassim bhagavantam disva pasannamanaso anjalim paggahetva atthasi. So tena punnakammena devamanussesu samsaranto sabbattha pujaniyo hutva ubhayasampattiyo anubhavitva imasmim buddhuppade vibhavasampanne kule nibbattitva sasane pasiditva pabbajitva vipassanam vaddhetva arahatte patitthasi. Pubbe katapunnavasena ekanjalikattheroti pakato. @Footnote: ¹ pali. sabhojanapasutaham. [180] So attano pubbakammam saritva tam hatthatale amalakam viya disva udanavasena pubbacaritapadanam pakasento suvannavannantiadimaha. Vipassim satthavahagganti vanije kantara vahati taretiti satthavaho. Valakantara corakantara dubbhikkhakantara nirudakakantara yakkhakantara yakkhakantara appabhakkha- kantara ca tareti uttareti patareti nittareti khemantabhumim papetiti attho. Ko so? vanijajetthako. Satthavahasadisatta ayampi bhagava satthavaho. Tatha hi so tividham bodhim patthayante katapunnasambhare satte jatikantara jarakantara byadhikantara maranakantara sokaparidevadukkhadomanassupayasakantara ca sabbasma samsarakantara ca tareti uttareti patareti nittareti nibbanathalam papetiti attho. Satthavaho ca so aggo settho padhano cati satthavahaggo, tam satthavahaggam vipassim sambuddhanti sambandho. Naravaram vinayakanti naranam antare asithilaparakkamoti naraviro, tam. Visesena katapunnasambhare satte neti nibbanapuram papetiti vinayako, tam. [181] Adantadamanam tadinti ragadosamohadikilesasampayuttatta kayavaci- manodvarehi adante satte dametiti adantadamano, tam. Itthanitthesu akampiyatadigunayuttoti tadi, tam. Mahavadim mahamatinti sakasamayaparasamayavadinam antare attana samadhikapuggalavirahitatta mahavadi, mahati pathavisamana merusamana ca mati yassa so mahamati, tam mahavadim mahamatim sambuddhanti imina tulyadhikaranam. Sesam suvinneyyamevati. Ekanjalikattherapadanavannana nitthita. -----------

The Pali Atthakatha in Roman Book 50 page 53-54. http://84000.org/tipitaka/atthapali/read_rm.php?B=50&A=1169&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1169&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=31 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1836 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2382 The Pali Tipitaka in Roman Character :- http://84000.org/tipitaka/read/roman_read.php?B=32&A=2382 Contents of The Tipitaka Volume 32 http://84000.org/tipitaka/read/?index_32