บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5. Upalivagga 43. 1. Bhagineyyupalittherapadanavannana 1- khinasavasahassehitiadikam ayasmato upalittherassa bhagineyyupalittherassa apadanam. Eso hi thero purimabuddhesu katadhikaro tasmim tasmim bhave punnani upacinanto padumuttarassa bhagavato kale ekasmim kule nibbatto viddhimanvaya gharavase adinavam disva geham pahaya isipabbajjam pabbajitva pancabhinna- atthasamapattilabhi hutva himavante vasam kappesi. Tasmim samaye padumuttaro bhagava vivekakamo himavantam pavisi. Tapaso bhagavantam punnacandamiva virocamanam duratova disva pasannamanaso ajinacammam amse katva anjalim paggayha vanditva thitakova dasanakhasamodhananjalim sirasi patitthapetva anekahi upamahi anekehi thutivacanehi bhagavantam thomesi. Tam sutva bhagava "ayam tapaso anagate gotamassa nama bhagavato sasane pabbajitva vinaye tikhinapannanam aggo bhavissati"ti byakaranamadasi. So yavatayukam thatva aparihinajjhano brahmaloke nibbatti. Tato cuto devamanussesu samsaranto sampattiyo anubhavitva imasmim buddhuppade kapilavatthunagare upalittherassa bhagineyyo hutva nibbatti. So kamena vuddhippatto matulassa upalittherassa santike pabbajitva kammatthanam gahetva vipassanam vaddhetva nacirasseva araha ahosi. So attano acariyassa samipe vasitatta vinayapanhe tikhinanano ahosi. Atha bhagava "etadaggam bhikkhave mama savakanam bhikkhunam vinayapanhe tikhinapannanam bhikkhunam yadidam bhagineyyupali"ti tam etadaggatthane thapesi. [1] So evam etadaggatthanam patva attano pubbakammam saritva somanassajato pubbacaritapadanam pakasento khinasavasahassehitiadimaha. Tattha a samantato @Footnote: 1 pali. upalittheRa... Yava bhavagga savanti pavattantiti asava. Kamasavadayo cattaro asava, te khina sosita visosita viddhamsita yehi teti khinasava, teyeva sahassa khinasavasahassa, tehi khinasavasahassehi. Pareto parivuto lokanayako lokassa nibbanapapanako vivekam anuyutto patisallitum ekibhavitum gacchateti sambandho. [2] Ajinena nivatthohanti aham ajinamigacammena paticchanno, ajinacammavasanoti attho. Tidandaparidharakoti kundikatthapanatthaya tidandam gahetva dharentoti attho. Bhikkhusamghena paribyulham parivaritam lokanayakam addasanti sambandho. Sesam pakatamevati. Bhagineyyupalittherapadanavannana nitthita. -----------The Pali Atthakatha in Roman Book 50 page 79-80. http://84000.org/tipitaka/atthapali/read_rm.php?B=50&A=1749&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=1749&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=43 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2123 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=2706 The Pali Tipitaka in Roman Character :- http://84000.org/tipitaka/read/roman_read.php?B=32&A=2706 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]