AtthaPali Vol.50

54. 2. Sataramsittherapadanavannana ^1- ucciyam ^2- selamaruyhatiadikam ayasmato sataramsittherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale brahmanakule nibbatto vinnutam patto sakkatabyakarane vedattaye ca parangato gharavasam pahaya arannam pavisitva isipabbajjam pabbajitva himavante vasam kappesi. Tasmim samaye padumuttaro bhagava vivekakamataya uccam ekam pabbatam aruyha jalitaggikkhanto viya nisidi. Tam tathanisinnam bhagavantam disva tapaso somanassajato anjalim paggayha anekehi karanehi thomesi, so tena punnakammena tato cuto chasu kamavacaradevesu dibbasampattim anubhavitva tato manussaloke sataramsi nama cakkavatti raja hutva nibbatti. Tampi sampattim anekakkhattum anubhavitva imasmim buddhuppade ekasmim kulagehe nibbatto pubbapunnasambharavasena nanassa paripakkatta sattavassikova pabbajitva arahattam papuni. [8-9] So "aham kena kammena sattavassikova santipadam anuppattosmi"ti saramano pubbakammam nanena paccakkhato disva somanassajato pubbacaritapadanam udanavasena pakasento ucciyam selamaruyhatiadimaha. Tattha ucciyanti uccam selamayam pabbatam aruyha nisidi padumuttaroti sambandho. Pabbatassaviduramhiti bhagavato nisinnassa asannatthaneti attho. Brahmano mantaparaguti mantasankhatassa vedattayassa param pariyosanam kotim gato eko brahmanoti attho, annam viya attanam niddisati ayam mantaparaguti. Upavittham mahaviranti tasmim pabbate nisinnam viravantam jinam, kim visittham? devadevam @Footnote: ¹ pali. sataramsiyattheRa... ² pali. ubbiddham, evamuparipi. Sakalachakamavacarabrahmadevanam atidevam narasabham naranam asabham settham lokanayakam sakalasattalokam nayantam nibbanam papentam aham anjalim dasanakhasamodhananjaliputam sirasi muddhani paggahetvana patitthapetva santhavim sutthum thomesinti sambandho. [12] Abhasathati "yenayam anjali dinno .pe. Araha so bhavissati"ti byakasi. Sesam uttanatthamevati. Sataramsittherapadanavannana nitthita. ------------

The Pali Atthakatha in Roman Book 50 page 94-95. http://84000.org/tipitaka/atthapali/read_rm.php?B=50&A=2066&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2066&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=54 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2440 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3080 The Pali Tipitaka in Roman Character :- http://84000.org/tipitaka/read/roman_read.php?B=32&A=3080 Contents of The Tipitaka Volume 32 http://84000.org/tipitaka/read/?index_32