AtthaPali Vol.50

7. Sakacintaniyavagga ^1- 63. 1. Sakacintaniyattherapadanavannana pavanam kananam disvatiadikam ayasmato sakacintaniyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto vipassissa bhagavato kale ekasmim kulagehe nibbatto vuddhimanvaya tassa bhagavato ayupariyosane uppanno dharamanam bhagavantam apapunitva parinibbutakale isipabbajjam pabbajitva himavante vasanto vivekam ramaniyam ekam vanam patva tatthevekaya kandaraya pulinacetiyam katva bhagavati sannam katva sadhatukasannanca katva vanapupphehi pujetva namassamano paricari. ^2- So tena punnakammena devamanussesu samsaranto dvisu aggam saggasampattim agganca cakkavattisampattim anubhavitva imasmim buddhuppade ekasmim kulagehe nibbatto vibhavasampanno saddhasampanno satthari pasiditva pabbajitva araha chalabhinno ahosi. [1] So attano pubbakammam saritva somanassajato pubbacaritapadanam pakasento pavanam kananam disvatiadimaha. Tattha pavananti pakarena vanam patthatam vitthinnam gahanabhutanti pavanam. Kananam avakucchitam ananam avahanam satatam sihabyagghayakkharakkhasamaddahatthiassasupannauragehi vihangaganasaddakukkutakokilehi va bahalanti kananam, tam kananasankhatam pavanam manussasaddavirahitatta appasaddam nissaddanti attho. Anavilanti na avilam upaddavarahitanti attho. Isinam anucinnanti buddhapaccekabuddhaarahantakhinasavasankhatanam isinam anucinnam @Footnote: ¹ pali. sakacittaniYu..., evamuparipi. ² Si. parihari. Nisevitanti attho. Ahutinam patiggahanti ahunam vuccati pujasakkaram patiggaham gehasadisanti attho. [2] Thupam katvana velunati ^1- velupesikahi cetiyam katvati attho. Nanapuppham samokirinti campakadihi anekehi pupphehi samokirim pujesinti attho. Sammukha viya sambuddhanti sajivamanassa sambuddhassa sammukha iva nimmitam uppaditam cetiyam aham abhi visesena vandim panamamakasinti attho. Sesam suvinneyyamevati. Sakacintaniyattherapadanavannana nitthita. ---------------

The Pali Atthakatha in Roman Book 50 page 105-106. http://84000.org/tipitaka/atthapali/read_rm.php?B=50&A=2293&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2293&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=63 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2629 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3305 The Pali Tipitaka in Roman Character :- http://84000.org/tipitaka/read/roman_read.php?B=32&A=3305 Contents of The Tipitaka Volume 32 http://84000.org/tipitaka/read/?index_32