AtthaPali Vol.50

66. 4. Parappasadakattherapadanavannana usabham pavaram virantiadikam ayasmato parappasadakattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto siddhatthassa bhagavato kale brahmanakule nibbatto tinnam vedanam paragu itihasapancamanam padako veyyakarano sanighanduketbhanam sakkharappabhedanam lokayatamahapurisalakkhanesu anavayo namena selabrahmanoti pakato siddhattham bhagavantam disva dvattimsamahapurisalakkhanehi asitianubyanjanehi cati sayam sobhamanam disva pasannamanaso anekehi karanehi anekahi upamahi thomanam pakasesi. So tena punnakammena devaloke sakkamaradayo cha kamavacarasampattiyo anubhavitva manussesu cakkavattisampattim anubhavitva imasmim buddhuppade vibhavasampanne ekasmim kulagehe nibbatto vinnutam patto satthari pasiditva pabbajito nacirasseva catupatisambhidachalabhinnappatto mahakhinasavo ahosi. Buddhassa thutiya sattanam sabbesam cittappasadakaranato parappasadakattheroti pakato. [20] Ekadivasam attano pubbakammam saritva somanassajato pubbacaritapadanam pakasento usabham pavaram virantiadimaha. Tattha usabhanti vasabho nisabho visabho asabhoti cattaro jetthapungava. Tattha gavasatajetthako vasabho, Gavasahassajetthako nisabho, gavasatasahassajetthako visabho, gavakotisatasahassajetthako asabhoti ca yassa katthaci thutim karonta brahmanapandita bahussuta attano attano pannavasena thutim karonti, buddhanam pana sabbakarena thutim katum samattho ekopi natthi. Appameyyo hi buddho. Vuttam hetam:- "buddhopi buddhassa bhaneyya vannam kappampi ce annamabhasamano khiyetha kappo ciradighamantare vanno na khiyetha tathagatassa"ti ^1- adikam ayampi brahmano mukharulhavasena ekantapasidanavasena ^2- "asabhan"ti vattabbe "usabhan"tiadimaha. Varitabbo patthetabboti varo. Anekesu kappasata- sahassesu kataviriyatta viro. Mahantam silakkhandhadikam esati gavesatiti mahesi, tam mahesim buddham. Visesena kilesakhandhamaradayo mare jitavati vijitavi, tam vijitavinam sambuddham. Suvannassa vanno iva vanno yassa sambuddhassa so suvannavanno, tam suvannavannam sambuddham disva ko nama satto nappasidatiti. Parappasadakattherapadanavannana nitthita. ----------------

The Pali Atthakatha in Roman Book 50 page 109-110. http://84000.org/tipitaka/atthapali/read_rm.php?B=50&A=2383&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2383&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=66 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2677 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3359 The Pali Tipitaka in Roman Character :- http://84000.org/tipitaka/read/roman_read.php?B=32&A=3359 Contents of The Tipitaka Volume 32 http://84000.org/tipitaka/read/?index_32