บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
69. 7. Vatthadayakattherapadanavannana pakkhijato tada asintiadikam ayasmato vatthadayakattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto atthadassissa bhagavato kale supannayoniyam nibbatto gandhamadanapabbatam gacchantam atthadassim bhagavantam disva pasannamanaso supannavannam vijahitva manavakavannam nimminitva mahaggham dibbavattham adaya bhagavantam pujesi. Sopi bhagava patiggahetva anumodanam vatva pakkami. So teneva somanassena vitinametva yavatayukam thatva tato cuto devaloke nibbatto tattha aparaparam samsaranto punnani anubhavitva tato manussesu manussasampattinti sabbattha mahaggham vatthabharanam laddham, tato uppannuppannabhave vatthacchayaya gatagatatthane vasanto imasmim buddhuppade ekasmim kulagehe nibbatto vinnutam patto satthari pasiditva pabbajito nacirasseva chalabhinnappattakhinasavo ahosi, pubbe katapunnanamena vatthadayakattheroti pakato. [45] So attano pubbakammam saritva somanassajato pubbacaritapadanam pakasento pakkhijato tada asintiadimaha. Tattha pakkhijato pakkhandati upalavati sakuno etenati pakkham, pakkhamassa atthiti pakkhi, pakkhiyoniyam jato nibbattoti attho. Supannoti sundaram pannam pattam yassa so supanno, Vataggahasuvannavannajalamanapattamahabharoti attho. Garuladhipoti nage ganhanatthaya garum bharam pasanam gilantiti garula, garulanam adhipo rajati garuladhipo, virajam buddham addasahanti sambandho. Vatthadayakattherapadanavannana nitthita. ------------The Pali Atthakatha in Roman Book 50 page 113-114. http://84000.org/tipitaka/atthapali/read_rm.php?B=50&A=2469&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2469&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=69 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2733 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3425 The Pali Tipitaka in Roman Character :- http://84000.org/tipitaka/read/roman_read.php?B=32&A=3425 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]