บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Timirapupphiyavagga 1- 83. 1. Timirapupphiyattherapadanavannana candabhaganaditiretiadikam ayasmato timirapupphiyattherassa apadanam. Ka uppatti? ayampi purimabuddhesu katadhikaro tattha tattha bhave vivattupanissayani punnani upacinanto siddhatthassa bhagavato kale ekasmim kulagehe nibbatto vuddhippatto gharavasam santhapetva vasanto kamesu adinavam disva gharavasam pahaya tapasapabbajjam pabbajitva candabhagaya nadiya samipe vasati, vivekakamataya himavantam gantva nisinnam siddhattham disva vanditva tassa gunam pasiditva timirapuppham gahetva pujesi. So tena punnena devesu ca manussesu ca sampattim anubhavanto samsaritva imasmim buddhuppade ekasmim kulagehe nibbatto vuddhimanvaya satthari pasiditva pabbajito nacirasseva araha ahosi. [1] So aparabhage pubbakammam saritva somanassajato pubbacaritapadanam pakasento candabhaganaditiretiadimaha. Tassattho hettha vuttova. Anusotam vajamahanti gangaya asanne vasanabhavena sabbattha rammabhavena gangato hettha sotanusarena aham vajami gacchami tattha tattha vasamiti attho. Nisinnam samanam disvati samitapapatta sositapapatta samanasankhatam sammasambuddham disvati attho. [2] Evam cintesaham tadati ayam bhagava sayam tinno sabbasatte tarayissati samsarato uttareti sayam kayadvaradihi damito ayam bhagava pare dameti. @Footnote: 1 cha.Ma. timiravagga. [3] Sayam assattho assasampatto, kilesaparilahato mutto sabbasatte assaseti, santabhavam apapeti. Sayam santo santakayacitto paresam santakayacittam papeti. Sayam mutto samsarato muccito pare samsarato mocayissati. So ayam bhagava sayam nibbuto kilesaggihi nibbuto paresampi kilesaggihi nibbapessatiti aham tada evam cintesinti attho. [4] Gahetva timirapupphanti sakalam vanantam nilakalaramsihi andhakaram viya kurumanam khayatiti timiram puppham tam gahetva kannikavantam gahetva matthake sisassa upari akase okirim pujesinti attho. Sesam uttanatthamevati. Timirapupphiyattherapadanavannana nitthita. ----------------The Pali Atthakatha in Roman Book 50 page 128-129. http://84000.org/tipitaka/atthapali/read_rm.php?B=50&A=2769&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2769&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=83 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2989 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3726 The Pali Tipitaka in Roman Character :- http://84000.org/tipitaka/read/roman_read.php?B=32&A=3726 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]