บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
85. 3. Nipannanjalikattherapadanavannana rukkhamule nisinnohantiadikam ayasmato nipannanjalikattherassa apadanam. Ayampi purimabuddhesu katadhikaro anekesu bhavesu vivattupanissayani punnani upacinanto tissassa bhagavato kale kulagehe nibbatto vuddhippatto pabbajitva rukkhamulikangam purayamano aranne viharati. Tasmim samaye kharo abadho uppajji, tena pilito 2- paramakarunnappatto ahosi. Tada bhagava tassa karunnena tattha agamasi. Atha so nipannakova utthitum asakkonto sirasi anjalim katva bhagavato panamam akasi. So tato cuto tusitabhavane uppanno tattha sampattim anubhavitva evam cha kamavacarasampattiyo anubhavitva imasmim buddhuppade ekasmim kulagehe nibbatto vuddhippatto satthari pasiditva pabbajito nacirasseva araha ahosi, purakatapunnavasena nipannanjalikattheroti pakato. [16] So aparabhage attano punnasampattiyo oloketva somanassajato pubbacaritapadanam pakasento rukkhamule nisinnohantiadimaha. Tattha ruhati @Footnote: 1 Si.,Ma. agariyam. 2 i.,Ma. rogapilito. Patiruhati uddhamuddham arohatiti rukkho, tassa rukkhassa mule samipeti attho. Byadhito paramena cati 1- paramena adhikena kharena kakkhalena byadhina rogena byadhito, byadhina aham samannagatoti attho. Paramakarunnappattomhiti paramam adhikam karunnam dinabhavam dukkhitabhavam pattomhi aranne kananeti sambandho. [20] Pancevasum mahasikhati sirasi pilandhanatthena sikha vuccati cula. Manihi jotamanam makutam tassa atthiti sikho, cakkavattino ekanamaka panceva cakkavattino asum ahesunti attho. Sesam sabbattha uttanatthamevati. Nipannanjalikattherapadanavannana nitthita. -----------------The Pali Atthakatha in Roman Book 50 page 130-131. http://84000.org/tipitaka/atthapali/read_rm.php?B=50&A=2820&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=2820&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=85 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3025 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3767 The Pali Tipitaka in Roman Character :- http://84000.org/tipitaka/read/roman_read.php?B=32&A=3767 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]