บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
17. 5. Pilindavacchattherapadanavannana nibbute lokanathamhitiadikam ayasmato pilindavacchattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare mahabhogakule nibbatto hettha vuttanayena satthu santike dhammam sunanto sattharam ekam bhikkhum devatanam Piyamanapabhavena aggatthane thapentam disva tam thanantaram patthetva yavajivam kusalam katva tato cuto devamanussesu samsaranto sumedhassa bhagavato kale kulagehe nibbatto. Parinibbute bhagavati tassa thupam pujetva samghassa mahadanam pavattetva tato cavitva devamanussesu ubhayasampattiyo anubhavitva anuppanne buddhe cakkavatti raja hutva mahajanam pancasilesu patitthapetva saggaparayanam akasi. So anuppanneyeva amhakam bhagavati savatthiyam brahmanakule nibbatti, pilindotissa namam akamsu. Vacchoti gottam. So aparabhage pilindavacchoti pannayittha. Samsare pana 1- samvegabahulataya paribbajakapabbajjam pabbajitva culagandharam nama vijjam sadhetva taya vijjaya akasacari paracittavidu ca hutva rajagahe labhaggayasaggapatto pativasati. Atha amhakam bhagava abhisambuddho hutva anukkamena rajagaham upagato. Tato patthaya buddhanubhavena tassa sa vijja na sampajjati, attano kiccam na sadheti. So cintesi "sutam kho panetam acariyapacariyanam bhasamananam `yattha mahagandharavijja dharati, tattha culagandharavijja na sampajjati'ti samanassa pana gotamassa agatakalato patthaya nayam mama vijja sampajjati, nissamsayam samano gotamo mahagandharavijjam janati, yannunaham tam payirupasitva tassa santike tam vijjam pariyapuneyyan"ti so bhagavantam upasankamitva etadavoca "aham mahasamana tava santike ekam vijjam pariyapunitukamo, okasam me karohi"ti. "tena hi mama santike pabbajahi"ti aha. So "vijjaya parikammam pabbajja"ti mannamano pabbaji. Tassa bhagava dhammam kathetva caritanukulam kammatthanam adasi. So upanissayasampannataya nacirasseva vipassanam patthapetva arahattam papuni. @Footnote: 1 Si.,i. samsaranena. [55] Ya pana purimajatiyam tassovade thatva sagge nibbatta devata, ta katannutam nissaya tasmim sanjatabahumana sayam patam theram payirupasitva gacchanti. Tasma nam bhagava devatanam ativiya piyamanapabhavena aggabhave thapesi "etadaggam bhikkhave mama savakanam bhikkhunam devatanam piyamanapanam yadidam pilindavaccho"ti. 1- Evam so pattaaggatthano attano pubbakammam anussaritva pitisomanassavasena pubbacaritapadanam pakasento nibbute lokanathamhiti- adimaha. Tattha kamaruparupalokassa natho padhanoti lokanatho. Medha vuccanti sabbannutannanaanavaranananadayo, sundara, pasattha va medha yassa so sumedho, aggo ca so puggalo cati aggapuggalo, tasmim sumedhe lokanayake aggapuggale khandhaparinibbanena nibbute satiti sambandho. Pasannacitto sumanoti saddhaya pasaditacitto somanassena sundaramano aham tassa sumedhassa bhagavato thupapujam cetiyapujam akasinti attho. [56] Ye ca khinasava tatthati tasmim samagame ye ca khinasava pahinakilesa chalabhinna chahi abhinnahi samannagata mahiddhika mahantehi iddhihi samannagata santi, te sabbe khinasave aham tattha samanetva sutthu adarena anetva samghabhattam sakalasamghassa databbabhattam akasim tesam bhojesinti attho. [57] Upatthako tada ahuti mama samghabhattadanakale sumedhassa bhagavato namena sumedho nama upatthakasavako ahu ahositi attho. So savako mayham pujasakkaram anumodittha anumodito anisamsam kathesiti attho. @Footnote: 1 an. ekaka. 20/215/24. [58] Tena cittappasadenati tena thupapujakaranavasena uppannena cittappasadena devaloke dibbavimanam upapajjim upagato asmiti attho, tattha nibbattomhiti vuttam hoti. Chalasitisahassaniti tasmim vimane cha asitisahassani devaccharayo me mayham cittam ramimsu ramapesunti sambandho. [59] Mameva anuvattantiti ta accharayo sabbakamehi dibbehi rupadivatthukamehi upatthahantiyo mamam eva anuvattanti mama vacanam anukaronti sada niccakalanti attho. Sesam suvinneyyamevati. Pilindavacchattherapadanavannana nitthita. -------------The Pali Atthakatha in Roman Book 50 page 14-17. http://84000.org/tipitaka/atthapali/read_rm.php?B=50&A=305&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=305&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=17 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1320 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1745 The Pali Tipitaka in Roman Character :- http://84000.org/tipitaka/read/roman_read.php?B=32&A=1745 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]